تظبيط اللنترا 2012

**Hussein_Ramdan** · 18-07-2011 11:50 AM

ازيكو ياشباب انا عايز اظبط عربيتى اللنترا 2012
هى لونها احمر او نبيتى
الصراحة انا اول حاجة جت فى دماغى انى انكل الشبكة زاى ما هى موجودة فى امريكا
عايز اعرف هل دة ينفع وازاى وفين
واية تانى ممكن اعملو يدى شكل حلو للعربية

**Screenplays** · 18-07-2011 12:13 PM

بص انا شايف ان شكلها الفبريكه جميل جدا و مفيش داعي لاي اضافات بس ممكن تجنط لو الجنوط حديد

**memo823000** · 18-07-2011 12:32 PM

انت طبعا اصبر عليها شويه وهينزلها حاجات وهم اكيد
يعنى شاشه دفيدى اصلى
تعملها فرش جلد اصلى + ارضيه جلد للعربيه والشنطه
الشبكه النيكل الاصلى وهتلاقيها فى الحرفيين
واكيد هتلاقى الجنوط ال 17 الاصلى بتعتها فى الحرفيين برده
والاريال الاصلى اللى شبه بتاع ال بى ام

بس لازم تصبر شويه لان لسه العربيه جديده فمشهتلاقى لها اى حاجه او هتلاقى حاجات اى كلام

وشويه وهتلاقى السباب الروش اللى جابها هيدور على جنوط ال 18 للفيولستر 215/40/18 وهيركبها على الالنترا الجديده لانها تيجى عليها من غير اى اضرار
لان المقاسات متدرجه كاتى
195/65/15
205/55/16
215/45/17
215/40/18

يعنى اللى معاه 15 فى الالنترا 2012 زى المقاس اللى فوق ينفع يركب ال 16 او 17 او 18 زى المقاس اللى فوق برده
والمقاسات دى برده تركب على السيراتو السيدان والكوبيه
بس طبعا العفشه هتبقى نشفه موت على ما اعتقد بس انت عارف الشباب مشبيهمه الكلام ده المهم الشكل والثبات
وكمان العربيه ماشاء الله جميلة ومشمحتاجه اى حاجه خالص غير الفرش الجلد المحترم للكراسى والارضيه والشنطه عشان تحافظ على كراسى الفبريكه

وفى ملحوظه لحظتها انا شوفت النترا لسه جديده نبيتى جنوط + فرامل ديسكات قدام وورا + واتوماتيك
لاكن من غير فتحة سقف ولا حساسات خلفيه بس بصراحه الفرامل الديسكات مع الجنوط شكلها وهم الوهم ياترى دى خليجى ولا ايه

والعربيه عدت من قدام البيت عندى وفيه قدامنا مطب محفور مكان غاز وكل العربيات بلا استثناء من غالى لرخيص لازم ترزع وتتهبد
ودى كان راكب ماشاء الله العربيه بتسحب وعدت على المطب من غير اى صوت والعربيه ولا تسمعلها اى صوت زى النسمه ماشاء الله هيا عفشتها على هوى ولا ايه

ربنا يبركلك فيها ويحميك من عيون الناس ( لازم تدبحلها حاجه ياستاذ حسين)