يا استاذى الفاضل لا تنظيم سرى ولا حاجة لكن الخوف من تحور الموضوع الى حوار عقيدى وقد حدث بالفعل وحضرتك اللى بدأت بسؤالك وبتعليقك بعد كده لما الأخ جاوبك وقلتلهانا حاسس انك تقصد وما تقصدش والدنيا كانت هتدخل فى منحنى اخر غير الهدف المفروض انه برىء اللى بدء بيه التوبيك ..
يا فندم حضرتك شايفة انه عادى دى وجهة نظرك وتحترم لكن انا برضو بقول وجهةنظرى كمسيحى والموضوع يمسنى شوية .. يعنى شايف انه مش عادى ان يتطرق الموضوع لوجود محاكمات للكهنة والأساقفة وكأنهم مجرمين حرب .. او مناقشة طريقة اختيار البطريرك !! وبعدين الكلام به اخطاء بالجملة ان لم يكن كلها خطأ وفى النهاية بنقول خبر منقول وانا بصفتى مسيحى بقول المعلومات اللى بتتنقل دى غلط وده واجب علىّ لا اكثر
وطالما هو الموضوع متاح ومش سر وسهل الحصول عليه انا مش عارف ليه حضرتك مصمم على نقل الأخبار المتعلقة بالموضوع ده بالذات ؟ والمشكلة ان فحوى كلام الناس اللى بتعترض كلها افتراءات .. والمصدر المنقول منه واضح انه مصدر هدفه التربح مثله مثل الجرائد الصفراءوالتى تعتمد على المواضيع الساخنة .. يبقى ليه احنا نعيد نشر هذه الأخبارفى المنتدى .. ؟؟
انا من فترة متابع الموضوع وشايف اراء السادة الأفاضل اللى اتكلموا وكلهم ناس راقية ومحترمة ولكن انا اندهشت من ان الموضوع بقى مسلسل .. برضو مش عارف ليه ؟
ولما قولت احنا بنناقش حدث تم على ارض مصر احترمت كلامك لكن لو جيت للحق .. هى وقفةاحتجاجية مسيحية خالصة .. وبداخل الكاتدرائية يعنى فى مكان مسيحى مقفول .. والموضوع يخص الأحوال الشخصية واكرراحوال شخصية .. يعنى الموضوع خااااااص بالأخوةالمسيحيين
وكوننا كلنا مواطنين مصريين شركاء فى الوطن ده لا يمنع ان لكل طرف عقيدة خاصة به لها احترامها وخصوصيتها .. ما نخلطش الأمور .. يعنى هل من حقى اعرف اسرار جارى لانه شريكى فى الوطن او فى العمارة !! الموضوع محتاج فصل شوية
يا استاذى انشر اللى انت عاوزه انا مش معترض لكن بس بتناقش معاك فى : لماذاتعيد النشر ؟ .. وما هو يستحق اعادة النشر فى المنتدى .. وهل الموضوع المنشور يتحمل ان يتبادل فيه الأعضاء النقاش لأننا فى منتدى قائم اصلاً على تبادل الآراء .. واخيرا صحة ما تتفضل وتعيد نشره على اعضاء المنتدى المحترمين .. تقبل احترامى