تصريح الانبا بولا معناه ان حتى الكنيسة المصرية ترفض الدولة العلمانية المدنية وتعتبرها تقنين للانحراف
تصريح الانبا بولا معناه ان حتى الكنيسة المصرية ترفض الدولة العلمانية المدنية وتعتبرها تقنين للانحراف
لا حولا ولا قوة الا بالله
لا توجد قوة على الأرض تجعل البابا شنودة والأباء الاساقفة يخالفوا تعاليم الأنجيل والمسيحية وبمجرد ما بقوا رهبان فهم يتركوا العالم ولا يوجد ما يبكوا علية حتى اجسادهم الارضية فى اية فى الانجيل
«وَلاَ تَخَافُوا مِنَ الَّذِينَ يَقْتُلُونَ الْجَسَدَ وَلكِنَّ النَّفْسَ لاَ يَقْدِرُونَ أَنْ يَقْتُلُوهَا، بَلْ خَافُوا بِالْحَرِيِّ مِنَ الَّذِي يَقْدِرُ أَنْ يُهْلِكَ النَّفْسَ وَالْجَسَدَ كِلَيْهِمَا فِي جَهَنَّمَ».
و اغلبية المسيحين تؤيد البابا شنودة
هو فى ايه ؟! ، الموضوع عادي يعني ،ايه اللى جاب الفتنة يعني ؟! ، وبعدين هو اتقلب الأخوة الفلانيين والأخوة العلانيين ، ايه ياجدعان ، يعني لو دة هو صاحبك كل ما تكلمه هتقعد تقوله الأخوة اللى مش عارف ايه ، الناس عاوزة تتجوز مالهم هما بقي بالفتنه ؟! ، اكثر حاجة بتدايق لما اسمع شوية الكلام بتاع الأخبار دة زي شركاء الوطن و عنصري الأمة والأخوة العلانيين والأخوة الفلانيين ،يعني لو مفيش حاجة يحس ان في حاجة دي نقطة
تاني حاجة
هو يعني المسحيين اللى بيتظاهروا دول كفرة يا جدعان ، انا شايف الأعضاء اللى هنا متعصبين لرأيهم شوية بصراحة وبقوا رجال دين وبيفسروا لنا كمان ، ما اللى بيتظاهروا دول لو عاوزين طريق حرام كانوا راحوا له من غير مظاهرات ومن غير حاجة ولا وجعوا دماغهم ، أكيد هما ناس محترمة و فى مشاكل عندهم خلاتهم يتظاهروا ، ومش معني اننا شايف ان لهم مطالب منطقية ، يبقي انا بفتي ، ومش عاوز حد يقولي وانت تفهم ايه فى قوانين الإنجيل علشان تفتي ، قول الكلمتين دول للناس المسحيين اللى لهم مشاكل وقولي ردعوا عليك وقالوا ايه و ايه هو حلهم من وجهة نظرك ؟! ،
وفرضاً ان فى واحد زني ومراته طلقته وبعدين اعترف بذنبه وتاب وعاوز يتجوز يبقي اللى هتتجوزه دي زانية ، طيب الست اللى عاوزة تتجوزه دي ذنبها ايه وتبقي زانية ليه ؟! ، وهو ربنا كتب على الشخص اللى أخطأ دة انه يتعاقب طول حياته وميتجوزش يا إما يترهبن يا إما ينحرف ، أكيد فى حل للموضوع دة ، ربنا ميرضاش بالظلم دة ؟!
المشاركه المدرجه دى كانت ليا كتبتها فى اول الموضوع وبصراحه بعد متابعتى للموضوع والاحداث اللى تم اضافتها بواسطه هشام صاحب الموضوع ومتابعه النقاشات اللى دارت بين جميع المشاركين فى الموضوع احب اقول رأى صغير,احنا بصفه عامه كمسيحيين مش متعودين ان احداث كنيستنا تبقى مجال للنقاش او الجدال على الملئ وده بسبب اننا اقليه (ممكن بعض الاخوه سواء مسيحيين او مسلمين يخلتفوا معايا فى الرأى ويشوفوا انى غلط ولكن انا بعبر عن وجه نظرى ليس الا) وانا مكنتش شايف انه غلط ان اى حادث عارض حدث بالفعل يتم سرده على الملئ بطريقه واعيه ومحترمه لا تحمل اى تهكم او تدخل زياده عن اللزوم ولكن بصراحه انا دلوقتى ليا رأى تانى اتمنى من الكل تقبله,لا اعتقد يا هشام ان الاستمرار فى سرد مثل هذه الاحداث (الغير مؤكده المصدر) هيكون له اى فائده غير الدخول فى مجادلات ومهاترات مش هتقدم ولا هتأخر ولا هتغير حاجه خصوصا ان الحدث الوحيد اللى حصل كان المظاهره الاولى المزعوم انها كانت ضد الانبا بولا وهو طلع اتكلم وفسر ملاباسات الاحداث فى كذا محطه تليفزيونيه مسيحيه وغير مسيحيه ومنهم على سبيل المثال قناه الحياه مع مصطفى بكرى اما بخصوص باقى الاحداث اللى بتقوم بسردها فى الموضوع فأسمحلى اقول انها متعدتش كونها كلام على سايت او حبر على ورق جرائد ولا يوجد مصدر قوى يؤكد صحه حدوث كل تلك الاخبار من مظاهرات لأخبار احزاب الخ الخ,انا لا اقصد اقلل من مجهودك فى محاوله مشاركه الاعضاء لأخر الاخبار لأن نايل موتورز بالنسبه لأعضاء كثيرين موقع شامل بيلم اخبار كثيره فى مختلف المجالات مش بس اخبار السيارات ولكن ما اقصده انه طلما على مدار شهر من تاريخ فتح الموضوع محصلش اى حدث مؤكد فلا داعى للأستمرار فى سرد احداث من الممكن ان توجد بعض الاحتقان بين الاعضاء فى المنتدى.
تقبلوا تحياتى جميعا
أنا لم اسرد خبر و لكنى نقلت الخبر
هو فية حد يقدر يروح لجريدة و يقولها ما تنشريش الموضوع دة علشان الناس مش متعودة على كدةطبعا لآ و لكن ممكن مقاضاة تلك الجريدة لو حدث تشهير بشخصية عامة و تم اثبات ذلك
معلش الغرض الحقيقى لطلب عدم النشر زى ما أنت ذكرت بالظبط مش عايزين الناس تعرف أى معلومة عما يدور من أحداث دة السبب الرئيسى و دة الى فهمتة من كلامك المكتوب فى المشاركة
و بعدين يا جماعة ما المنتدى مليان اخبار متنوعة و بيحصل شد و جب فى بعض الاوقات بين الاعضاء بس محدش طلب عدم فتح الموضوع الفلانى مثلا بعينة
أنت مش شايف أنة طلب غريب نسبيا
و لو لقيت مشاركة مش كويسة أعمل بيها تقرير مشاركة سيئة فورا علشان نحافظ على النظام بين الاعضاء دة لو حدث تجاوز
واضح انك مفهمتش كلامى بالطريقه اللى عايز اوصلها ياهشام,انا فاهم وعارف انك لم تسرد لكنك نقلت وتعليقى على النقطه دى ان معظم اللى انت نقلته متعداش اكتر من انه كلام وبس,الموضوع كان فى الاول خالص عباره عن مجرد موضوع مفتوح للنقاش حول حدث حدث بالفعل وهو المظاهره اللى قام بها بعض الاشخاص واللى طلع اتكلم عنها الانبا بولا,ولكن بعد كدا كل الاحداث اللى انت نقلتها مفتكرش انها تعدت كونها كلام اتكتب على سايت او فى جريده من الاف الجرائد اللى بتفتقر للمصداقيه وتبتعد كل البعد عن الواقع وهو ده اللى انا بقصده وده اللى انا حاولت اوصله فى مشاركتى السابقه
اللى عايز اقوله ان معظم الاخبار اللى قمت بنقلها محصلش منها حاجه على مدار شهر من تاريخ اول مشاركه فى الموضوع لذلك طلبت الطلب ده وسواء تفهمت الرأى ده او لا فكدا كدا اللى اتكتب اتكتب واللى حصل حصل مش هيغير حاجه ولكن الاستمرار فى نقل احداث من هذه النوعيه مش هيكون له فائده لانها لا تمت للواقع بأى صله وعليك التأكد من مصداقيه الخبر اكتر من كدا قبل نقلهاقتباس:
انا مكنتش شايف انه غلط ان اى حادث عارض حدث بالفعل يتم سرده على الملئ بطريقه واعيه ومحترمه لا تحمل اى تهكم او تدخل زياده عن اللزوم ولكن الان لا اعتقد يا هشام ان الاستمرار فى سرد مثل هذه الاحداث (الغير مؤكده المصدر) هيكون له اى فائده....
تحياتى
خبر مؤكد اهوة يا باشا
....................... منقول .......................
البابا يعود غدا.. وطالبو الزواج الثانى يجددون احتجاجاتهم الخميس المقبل
الأربعاء، 7 سبتمبر 2011 - 13:15
يصل قداسة البابا شنوده الثالث بابا الإسكندرية والكرازة المرقسية الى مطار القاهرة صباح غد الخميس بعد رحلة علاجية ورعوية استغرقت أسبوعين، ويواجه البابا عقب عودته عدد من الملفات الهامة التى مازالت دون حل ومنها النظر فى عمل المجلس الاكليريكى منذ يوليو الماضى وملف احتجاجات طالبو الطلاق وتصريح الزواج الثانى والتى مازالت معلقة.
وتزامنا مع عودة البابا يجدد طالبو الطلاق والزواج الثانى من الأقباط احتجاجاتهم الخميس المقبل 15 سبتمبر أمام وزارة العدل للمطالبة بحل مشكلاتهم المتعلقة التى يطالبون الدولة بسن مشروع قانون يسمح بالزواج المدنى بعد غلق أبواب الكنيسة أمامهم.
وقال أيمن جورج منسق الوقفة إن هذه الوقفة هى الثانية حيث قمنا بتنظيم الوقفة الأولى فى السابع من تموز الماضى لعرض مطالبنا والتى تتمثل فى إعادة العمل بلائحة 38 دون طلب أى شهادة أو إجراء يتم اعتماده من الكنيسة، وإعطاء الحق للمطلقين بإبرام زواجهم الثانى على يد الموثق المختص دون الرجوع للكنيسة للحصول على تصريح زواج ثان مؤكدين أنهم سيتقدمون بطلب جماعى لتغيير ملتهم والانتقال من الطائفة الأرثوذكسية إلى غيرها، وسوف يتم إعلان الكنيسة على يد محضر بالاستقالة من الطائفة الأرثوذكسية.
الدولة المدنية العلمانية عزيزي ليست ضد الدين كما يحاول بعض المتاجرين به أن يخدعوا العامة باللعب على عواطفهم الدينية .
العلمانية هي فصل الدين عن الدولة و ادارتها لان أغلب مؤسسات الدولة يجب ان تدار بطريقة علمية لادينية فيما عدا شئون الاوقاف و الاحوال الشحصية .
العلمانية معناها : صباح الخير يا جاري أنت في حالك و أنا في حالي .
يعني غير مسموح لرجال الدين بالتدخل في شئون الزراعة و الصناعة و السياحة و التجارة و الاقتصاد و التعليم لان كل هذه ( المؤسسات ) لا يفقه رجال الدين فيها شئ و عند ظهور الانبياء من كل الاديان لم تكن هذه القطاعات بنفس صورتها الحالية .
و أيضا في الدولة العلمانية يحظر على رجال الدولة التدخل في شئون الدين بمعنى تعيين رجال الدين في مناصب معينة لخدمة اغراضهم أو محاولة ايجاد شرعية دينية لقرارتهم السياسية .
في الدولة العلمانية يسير الاثنان : السياسة و الاديان مع بعضهما البعض دون تداخل و تشابك و هو لمصلحة الاثنان .
يعني ببساطة شديدة في الدولة العلمانية لا تستطيع الدولة أجبار البابا شنودة مثلا على اعطاء تصريح زواج ثاني بالمخالفة لعقيدته و شئون دينه و في نفس الوقت لا يستطيع البابا شنودة منع الدولة من تزويج المسيحيين المطلقين زواج مدنيا بعقد موثق ( من الدولة ) .
يجب ان يوجد النوعان من الزواج ( الديني و المدني ) و كل واحد يختار من يناسبه دون ضغط من الدولة على الكنيسة و العكس صحيح .
عبد المسيح