أقباط يعتدون على الأنبا بولا رئيس المجلس الإكليركى

**heshamzaky** · 06-08-2011 11:53 PM

........ منقول .......
"الأمة القبطية الجديدة" تطالب البابا بتعديل لائحة انتخاب البطريرك
السبت، 6 أغسطس 2011 - 22:05
طالبت جماعة "الأمة القبطية الجديدة" وهى جماعة شبابية، من قداسة البابا شنودة الثالث بابا الإسكندرية وبطريرك الكرازة المرقسية بسرعة تعديل لائحة انتخاب البابا القديمة التى تخدم أشخاص معينين وقالوا إن الجماعة الجديدة تهدف لحماية الكنيسة القبطية من هؤلاء الذين يحاولون وقف مسيرتها.

وأكدوا أن الكنيسة تضم شخصيات لا بد من محاكمتها سريعا من بينهم عدد من الأساقفة و الكهنة داخل و خارج مصر وأن الجماعة ستعلن عن أسمائهم قريبا بيانات رسمية.

وقال الدكتور أنطون نظير أحد أعضاء الجماعة الجديدة، إننا مجموعة حماة الكنيسة القبطية الجديدة داخل وخارج مصر، وتضم الحركة نخبة كبيرة من الشباب القبطى والمثقفين والمفكرين الأقباط وجاءت فكرتنا بعد ثورة 25 يناير لنخرج بعدها للنور وسيتم اختيار من يمثلها فى القريب وستعقد مؤتمر للإعلان الرسمى للجماعة.

وأضاف أننا نطالب من قداسة البابا شنودة الثالث التدخل لوقف لائحة انتخاب البطريرك القديمة والتى وصفها بـ "المثيرة" وضرورة حذف مادة القرعة الهيكلية من لائحة انتخاب البطريرك طبقا للكتاب المقدس.

وأشار إلى أن القرعة الهيكلية لم تُستخدم إلا منذ عام 1959 عند اختيار البابا كيرلس السادس فى عهد الرئيس الراحل جمال عبد الناصر لأسباب سياسية فى ذلك الوقت، وتم اختيار كمال رمزى وكان من كبار الأقباط فى ذلك الوقت صاحب اقتراح عمل القرعة الهيكلية، مضيفا إننا نطالب بتعديل هذه اللائحة القديمة ودعت الجماعة القبطية لتائيد فكرة مجلس أعلى للكنيسة القبطية الأرثوذكسية برئاسة البابا البطريرك ومعاونين له فى كل المجالات بحيث لا ينفرد أى أسقف باتخاذ قرار منفرد، كما نعد مذكرة ستقدم رسميا للبابا شنودة بتعديل هذه اللائحة.

وأكد أننا نعد مذكرة تكشف أخطاء خطيرة لعدد من الأساقفة والكهنة داخل وخارج مصر، والمطالبة بمحاكمتهم.

ورفض أحد الأساقفة مطالب الجماعة قائلا "من هم هذه الجماعة وبأى حق تتحدث مجموعة لا تتعدى أصابع اليد الواحدة باسم جموع الأقباط ويطالبون ويحذرون الكنيسة القبطية العريقة، مؤكدا أنهم مجموعة يحاولون الظهور أمام الإعلام".

**best2010** · 07-08-2011 04:32 AM

استاذ هشام .. الخبر اللى حضرتك ناقله ده فيه اخطاء بالجملة بداية من العنوان لا يسع الوقت ولا المجال لشرحها وتصويبها .. ولكن انا شايف ان الموضوع ابتدى يدخل شويتين ثلاثة فى الشأن الداخلى للكنيسة وما يهمش الكثير من الأعضاء اعادة نشرة .. وكمان واضح ان المصدر اللى منقول منه ضعيف ومشوش ..
الموضوع كان فى البداية عن مظاهرة مصرية بداخل الكاتدرائية ولكن ان الموضوع ياخد شكل مسلسل تركى من 100 حلقة ويدخل رويدا رويدا فى خصوصيات الكنيسة شىء مش مقبول ومش مستبعد الموضوع يدخل فى مناقشات ساخنة وغير بناءة تضر اكثر مما تفيد ..
تقبل احترامى

**abou_ruqi** · 07-08-2011 05:56 AM

انت ليه عاوز توصلنا احساس ان الكنيسة تنظيم سري داخل المجتمع المصري ؟
وبعد كده نتكلم عن المواطنة طب ازاي؟

وبعدين انت الحق غلبك وكتب مظاهرة مصرية داخل الكاتدرائية ومقولتش مظاهرة مسيحية ، وده لان الامر يخص قطاع عريض من المصريين
واعتقد ده يخلينا نهتم بيها زيهها زي اي وقفة احتجاجية حصلت في مصر
يا استاذ بيست انتوا مش دولة اعلنت استقلالها عن الدولة ، انتوا مواطنين مصريين !

ولو كلامي ضايقك اعتبرني ما قولتش حاجة وتقبل تحياتي
وكل عام وانتم بخير

**nevozaky** · 07-08-2011 11:45 AM

المشاركة الأصلية كتبت بواسطة best2010

استاذ هشام .. الخبر اللى حضرتك ناقله ده فيه اخطاء بالجملة بداية من العنوان لا يسع الوقت ولا المجال لشرحها وتصويبها .. ولكن انا شايف ان الموضوع ابتدى يدخل شويتين ثلاثة فى الشأن الداخلى للكنيسة وما يهمش الكثير من الأعضاء اعادة نشرة .. وكمان واضح ان المصدر اللى منقول منه ضعيف ومشوش ..
الموضوع كان فى البداية عن مظاهرة مصرية بداخل الكاتدرائية ولكن ان الموضوع ياخد شكل مسلسل تركى من 100 حلقة ويدخل رويدا رويدا فى خصوصيات الكنيسة شىء مش مقبول ومش مستبعد الموضوع يدخل فى مناقشات ساخنة وغير بناءة تضر اكثر مما تفيد ..
تقبل احترامى

اسمح لى اساْل حضرتك اقولك حاجة .
انا شايفة انه خبر عادى وليس به اى تدخل فى عقيدتكم .ولا اى من الشئون الداخليةلكم بدليل انه خبر واتنشر عادى .
زى ما بيحصل عندنا عادى. مجرد مطالبة بتغيير احد الانظمة الخاصة بكم داخل الكنيسة .واعتقد ان الخبر لم يتطرق الى اى امر من امور الدين .
زى ما قلت قبل كده كلنا مصريين ومن حقنا نشر الاخبار مادام لم نتطرق بها الى عقيدتكم .او نسىْ بها اليكم .
كلنا مصريين ونعيش فى الاقليم المصرى .
تقبل تحياتى

**heshamzaky** · 07-08-2011 02:27 PM

المشاركة الأصلية كتبت بواسطة best2010

استاذ هشام .. الخبر اللى حضرتك ناقله ده فيه اخطاء بالجملة بداية من العنوان لا يسع الوقت ولا المجال لشرحها وتصويبها .. ولكن انا شايف ان الموضوع ابتدى يدخل شويتين ثلاثة فى الشأن الداخلى للكنيسة وما يهمش الكثير من الأعضاء اعادة نشرة .. وكمان واضح ان المصدر اللى منقول منه ضعيف ومشوش ..
الموضوع كان فى البداية عن مظاهرة مصرية بداخل الكاتدرائية ولكن ان الموضوع ياخد شكل مسلسل تركى من 100 حلقة ويدخل رويدا رويدا فى خصوصيات الكنيسة شىء مش مقبول ومش مستبعد الموضوع يدخل فى مناقشات ساخنة وغير بناءة تضر اكثر مما تفيد ..
تقبل احترامى

يا باشا لا مسلسل تركى و لا هندى
أى حد يفتح أى موقع أو جريدة أليكترونية حا يشوف الاخبار المكتوبة دى كلها يعنى دى مش سر و لا من أسرار الكنيسة و ليس من حق أى أحد الاطلاع عليها دى منشورة يعنى أى مخلوق يقدر يقرأها و يشوفها
و ما تناس مصر دولة ماشية على الشريعة الاسلامية و الاخوة المسيحيون جزء من نسيج الوطن بس الجزء دة مش تبع نفسة و لا لة قانون لوحدة الا داخل دور العبادة ((( الكنائس يعنى )))
غير كدة أى حد يقدر يتسأل و يعرف ما يحدث طالما لا يمس صلب العقيدة
تقبل تحياتى

**heshamzaky** · 07-08-2011 02:31 PM

المشاركة الأصلية كتبت بواسطة abou_ruqi

انت ليه عاوز توصلنا احساس ان الكنيسة تنظيم سري داخل المجتمع المصري ؟
وبعد كده نتكلم عن المواطنة طب ازاي؟

وبعدين انت الحق غلبك وكتب مظاهرة مصرية داخل الكاتدرائية ومقولتش مظاهرة مسيحية ، وده لان الامر يخص قطاع عريض من المصريين
واعتقد ده يخلينا نهتم بيها زيهها زي اي وقفة احتجاجية حصلت في مصر
يا استاذ بيست انتوا مش دولة اعلنت استقلالها عن الدولة ، انتوا مواطنين مصريين !

+++++++++++++ 111111111111111
بالظبط كدة الوقفات الاحتجاجية دى بتحصل فى مصر و الاخوة المسيحين مش مستقلين بذاتهم علشان أى حد يقول دى أمور خاصة بينا أنا كنت لمحت كدة مشاركة بهذا المعنى بس لآ
أمور المسيحين الخاصى هى ما يتعلق بصلب عقيدتة و لكن أى وقفة أحتجاجية فى الشارع المصرى لازم نعرف دى لية و علشان أية
و بعدين الصحافة بتنشر الكلام دة كلة حا يقول حد للصافة بلاش تنشرى الكلام دة لا أظن

**Mik_t4** · 07-08-2011 03:05 PM

يا جماعة
هسالكم سوال واحد
لو حد طلع يخترعلكم اختراعات جديدة في الاسلام وافتكاسات مكانتش موجودة من 1500 سنة
هتفرحو لما حد مش مسلم يعد يروج للاشكال دي ويعمل بلبلة؟
لما واحد يجي يقول احنا مش عاجبنا اننا نتجوز 4 بس وعايز اتجوز 100 ويفسر كلمة مثلا زي او ما ملكت ايمانكم ويقول الي اقدر عليهم اتجوزهم
هل دا هيفرحكم؟ وهيبق الموضوع عادي اي حد يتكلم فية وكدا؟؟؟
القرعة االهيكلية دي الي مش عجباهم موجودة من زمان جدا
ومش هتتغير ابدا لانها اساس من اساسيات المسيحية
هل يقدر حد مشس عاجبة حاجة في الاسلام انة يطالب انها تتشال او تتعدل؟؟؟
انت او هو حد فيكم يقدر؟

**heshamzaky** · 07-08-2011 03:32 PM

الصفحة مش راضية تتفتح

**Mik_t4** · 07-08-2011 04:23 PM

حلوة الااااااف دي
هو حضرتك عديتهم امتي
علفكرة حتي لو ملايين مش هنغير حرف في كنيستنا
وهما لو مش عاجبهم هم حرين يسيبونا
زي ما حضرتك بردو ناس كتير مسلمين بيحاولو يغيرة حاجات ومبتتنفزش حاجة
ببساطة لان الدين مش بيتجزء ولا فية تعديل هو نازل كدا واحنا الكنيسة المصرية ماشية علي التعاليم المسيحية من يومها الاول ودا سر قوتنا وعدم تفككنا كا كنيسة قبطية