انا الموضوع ده عادى عندى من زمان ، اللى زاد و غطة بأة انى كنت فى الساحل الشمالى من كام يوم و قاعد فى شاليه فى الارضى ( وده له علاقة بالموضوع ( الارضى مش الشاليه ) ) و باطلع رغيف عيش من التوستر لقيت نفسى باتكهرب جامد ، قولت يمكن المعدن بتاع الحامل المعدنى فرحت ماسك الرغيف بحرص و حرصت على انى ملمسش المعدن اطلاقا و برضه اتكهربت و كهرباء جامدة خلتنى واقف قدام الرغيف و خايف امسكه ،طلبت من مراتى تعمل الموضوع ده ، قالت عليا مجنون ، و هى محصلهاش حاجة ، جيت امسك الرغيف تانى اتكهربت ، طلبت من مراتى تطلعلى رغيف العيش على الرخام ( كبرت فى دماغى و حاكله يعنى حاكله ) و بعدين جيت امس الرغيف بمنتهى الحرص - يعنى بكل خوف من الاخر - و الحمدالله لم يحدث شىء
صباح الجنان - هو ايه اللى بيحصل ايه موضوع الكهرباء ده و ايه النظام ، هو كدة يبقى الواحد لسع و لا ده موضوع تانى ؟؟؟
المفضلات