كليو ولا لانوس ولا كورسا

**ashrafsaif** · 20-07-2011 01:23 AM

شكرا crayvor... انت ساعدتني كتير بمشاركتك..

**Moh_Hassanin** · 20-07-2011 04:20 AM

في رأي اللانوس .... عربيه عمليه جدا
1-موتور كويس
2-تكييف حلو اوي
3-قطع غيار ببلاش
4-ناعمه
5-بور
6-اعاده البيع سهل و مش هتخسر كتيير
7-عيوبها قليله
8-واسعه

وده طبعا يرجع لحاله العربيه في نوع تختاره

**albasha** · 21-07-2011 04:18 PM

كليو ومتخافشي من قطع الغيار والميكانيكيه والكلام ده كله ياراجل دي 128 العربيات الرينو قطع غيار وميكانيكيه في كل مكان
وشوف أنت ساكن فين وأدخل قسم الرينو وشوف أقرب ميكانيكي ليك وأقرب مكان لبيع قطع الغيار وهتستريح معاها جداً بشرط تكون حالة العربيه كويسه

**benmatar** · 21-07-2011 09:41 PM

السلام عليكم
طبعا من واقع تجربة أنصح بالرينو الكليو أولا وذلك للأسباب التالية:
1- طبعا الأوروبي أفضل من الكوري بمراحل من حيث معدلات الأمان والاتزان وكفاءة المحرك
2- موتور الكليو 16 صباب سواء 1200 أو 1400 واللانوس 12 صباب وهذا يؤدي إلى توفير وقود للكليو ومعدل سحب وتسارع أعلى
3- اتزان الكليو متجرب واتزان اللانوس متجرب والفارق كبير ولصالح الكليو
4- تقفيل الكليو تركي (الغالب تركي والقليل فرنساوي) أما اللانوس مصري والقديم منها كوري وطبعا التركي أعلى وأدق
5- صالون الكليو أفضل
6- ارتفاع الكليو أعلى من اللانوس وعفشة الكليو أقوى بمراحل
7- تكييف الكليو لمو مظبوط هيكون تمام والباور اكتر تحمل وأقل أعطال
8- قطع غيار الكليو أغلى من اللانوس بس أكثر تحمل وعمرها الافتراضي أطول، اللانوس قطع غيارها منتشرة ورخيصة فعلا بس مستهلكة دوما ودائما فالتكلفة قريبة جدا
9- إذا تم شراء كليو بحالة جيدة ومتابعة صيانتها عند متخصص رينو وأكرر متخصص رينو شاطر إنسى الأعطال وده عن تجربة
10- عملية اعادة بيع اللانوس أفضل من الرينو الكليو وصيانتها عند أي حد.
أما الكورسا طبعا أوروبي ألماني محترمة بس قطع غيار مرتفعة بفارق ملحوظ وصيانة معقدة مع قلة الفنيين المتخصصين وفئتها ليست فارهة مقارنة بالكليو.
وبالتوفيق مع ملاحظة إن أسعار الكليو لو موديل 2002- 2003 ( الشكل الجديد لن تتعدى 40 بأي حال وأنا متأكد من الكلام ده)