بجد أحييك وبشدة على المقال الأكثر من رائع ده وعلى نصايحك الغالية دي :) .. ربنا يجعله في ميزان حسناتك ويااااارب ياارب يااااارب كل الناس اللي تقراه تستجيب ونبدأ بأنفسنا وتكون دي اول خطوة للإصلاح اللي الكل بينشده يااااااااارب
رقم العضوية : 1907
تاريخ التسجيل : 26Aug2007
المشاركات : 626
النوع : ذكر
الاقامة : Haram
السيارة: هوندا سيفيك 2008
السيارة[2]: لانسر 2007 سابقا
دراجة بخارية: لا يوجد
الحالة :
لو ماشي علي 60 .. علي 80 .. علي 100 .. علي 820 .. لازم يطلعلك حد متعرفش منين و ياخد من جنبك غرزة بمنتهي قلة الذوق و قلة الأدب و الغشومية يا بنتهي بوقوع قلب حضرتك في رجليك يا اما بحادثة تموتوا فيها انتوا الأتنين و ناس تانية ملهاش ذنب
الدائري و المحور ( ايام ما كان ماشي .. ايااااام) و طريق الواحات تحس ان انت في السيرك .. تريلات علي سوبر جيت علي نقل علي ميكروباصات علي ملاكي كله بياخد غرز تبص ادامك محدش ماشي في خط مستقيم كله من اليمين عالشمال و من الشمال عاليمين
ملف في وسط البلد عادي .. واحد مكسل يمشي وراك كام متر يقوم جاي من جنبك و كاسر عليك في الملف مطلعك
عالرصيف او عالأقل موقفك و موقف الطريق وراك
تبقي مدي اشارة .. و الناس عااااااادي جدا ولا أكنك عامل اي حاجة .. بالعكس تزنقك أكتر
حتة جنبك يادوب تقضي دبوس .. و واحد مصمم يحشر نفسه فيها بالعربية .. و يخبطلك المرايا و يقولك معلش .. و هو ماشي يخبطها تاني !!
كل واحد شايف ان مهمته في الحياة انه يتخطي العربية اللي قدامه سواء ماشية بسرعة او بالراحة .. او واحد بيحاول يسلك نفسه في الزحمة ( قال يعني هو النبيه اللي في الشارع كله) يقوم يكلكع الدنيا زيادة
تبقي الإشارة واقفة و الشارع متنيل علي عينه .. تلاقي واحد كلكس عمال يزمرلك !! خير يا عم الحج ؟ يقولك خش ادامك فاضي .. تبص قدامك تلاقي ربع متر كنت سايبه للناس تعدي منه
ايه الحل دلوقت ؟ اهي دي مشكلة شعبية خالصة .. مش قصدي شعبية يعني جماهيرية .. لأ قصدي ان ملهاش اي علاقة بالحكومة .. الناس اخلاقها في السواقة واطــــــــــــــــية .. و كل واحد عايز يعدي و خلاص و تولع الناس .. و كل واحد فاكر نفسه خلاص شوماخر عالطريق و مش هيعمل حادثة .. مايكل شوماخر نفسه مبيسوقش في المدينة كدة .. لأن السواقة دي مكانها الملاهي او حلبة سباق .. مفيش حلقة سباق في مصر مش مشكلتي انا مش وزير ديزني لاند بس الطريق طريقي زي ماهو طريقك و من حقي امشي مستريح
اعرف ناس كتير جالها اكتئاب من الطريق خصوصا الساكنين في اكتوبر او بيدرسوا هناك او اي حد بيعدي من وسط البلد الصبح كل يوم .. اعرف ناس ماتت في حوادث و كانوا صحابي و بنخرج مع بعض مفيش كام شهر ..اعرف ناس بقت بتكره تسوق و بتتعصب و بتجنن و ما بتصدق تروح و تنام عشان تترحم من عذاب الطريق .. و ناس تقوقعت علي نفسها و مبتخرجش برة منطقتها لأن مش عايزين يركبوا العربية !
و طالما احنا قاعدين في البلد .. يبقي لازم يبقي عندنا "ثقافة الحلول" حتي لو حاجة حاسين ان ميئوس منها .. ببساطة الموضوع يتلخص في حاجات صغيرة و تبدو بسيطة جدا بس ناقص تتنفذ!
كل واحد بيسوق كدة و قرا الكلام ده .. يستحسن يبطل لأنها مش شطارة انه يوصل بدري 5 دقايق .. و نظام (هييه بعرف اخد غرز يالا نشد) .. ممكن في يوم ميوصلش خالص بسبب السواقة دي .. او اقلها العربية تبقي خردة
حاول علي قد ما تقدر تسوق في خط مستقيم و تستخدم الإشارات قبل الانعطاف بفترة (المفروض ان ده العادي!)
ماشي بالراحة امشي عاليمين ..ماشي عادي امشي في الحارة اللي في النص النص .. بسرعة عالشمال (سهلة دي) و ده المفروض العادي برده
امشي في الحارة بتاعة اللفة لوهتلف متجيليش من اخر اليمين و عايز تلف من لفة في الشمال .. او طالع من لفة في اليمين الاقيك ادامي في اخر حارة شمال!! خليك محترم و امشي في حارة اللفة عشان متكسرش علي حد
مش في كل الأحيان الحل بيبقي انك تعدي .. ساعات بيبقي الحل الصح انك تسيب غيرك يعدي في الطريق يسلك
متبالغش في السرعة .. الناس اللي بتمشي 160 و 170
الأهم .. ازاي تتعامل مع البني ادمين دول؟ .. اي حد جاي من وراك مش هامه حد و بيقلبلك "وسع" و شايفه في المرايا متقمص نيد فور سبيد ..لو قلب نور أو ادا كلكس لو حتي قلع ملط في العربية .. متعبروووووش .. ده طريق الناس كلها مش طريق جنابه و المفروض كله يوسعله عشان جلالته يطير براحته .. احبسه وراك (طالما انت ماشي في سرعة مناسبة للطريق) لأن الأهم الناس كلها تمشي مش واحد يعدي و يلبس الناس في بعض
و لو عداك قلبله نور لحد ما تعميه و فهمه انه غلطان عشان طول ما محدش بيقول للناس دي حاجة عمر ما حد هيبطل .. و لوجت فرصة في اشارة ولا حاجة تكلمه كلمه .. لو علي طريق سريع قلبله نور بس و متحاولش تكلمه لو تتقلبوا انتوا الأتنين
متنسوش ان الحوادث دي خصوصا حوادث الغرز و السرعة بتحصل بشكل يومي .. يعني ممكن في اي يوم يضيع منك شخص غالي عليك جدا .. او ممكن انت بنفسك تقتل شخص عزيز علي ناس كتير بسبب السواقة دي
مش هينفع نوقف عسكري في كل شارع .. كل واحد هيبقي
اللجنة
مـــــن حـــــقــــك تعترض علي تهور غيرك (بالذوق) لأنه طريقك زي ماهو طريقه
من انهاردة مفيش لجنة .. كلنا اللجنة !!
منقــــــــــــــــــــــ ـــــــــــــــــول===================
يرجى الحفاظ على المصداقية وحق كاتب الموضوع فيه
وكتابة ان الموضوع منقول
مشرف القسم
وشكرا
رقم العضوية : 3221
تاريخ التسجيل : 16Nov2007
المشاركات : 96
النوع : انثى
الاقامة : Cairo
السيارة: Not Yet
السيارة[2]: Terios II
الحالة :
بجد أحييك وبشدة على المقال الأكثر من رائع ده وعلى نصايحك الغالية دي :) .. ربنا يجعله في ميزان حسناتك ويااااارب ياارب يااااارب كل الناس اللي تقراه تستجيب ونبدأ بأنفسنا وتكون دي اول خطوة للإصلاح اللي الكل بينشده يااااااااارب
رقم العضوية : 2452
تاريخ التسجيل : 04Oct2007
المشاركات : 8,022
النوع : ذكر
الاقامة : ج ع ع .... للآسف الشديد
السيارة: Proton Gen2 ...2007
السيارة[2]: Proton Gen2 ...2007
دراجة بخارية: لا يوجد
الحالة :
أحنا شعب فوضوي بضمير .... و برضه قليل الأﻷدب بضمير
و الناس مش طايقة تمشي ورا بعض
و كأن كل واحد متأخر و رايح يقابل رئيس الجمهورية أو وراه صفقة بعشرة مليون جنيه و لو مرحش بدري هايخسر
مصر بقيت شئ مقرف بجد و الحياة بقيت مقرفة في مصر و المصريين أكثر قرفاً لأنهم حولوا مصر الجنة الجميلة إلى مكان لا يُطاق
حاجة بقيت تقرف
و نصائح حضرتك ممتازة و لكن لا أرى لها أي شئ ايجابي
لأن الشعب المصري لازم يتحكم بالحديد علشان يمشي مظبوط
إنما يمشي مظبوط من نفسه
أنسى
و هنا يأتي دور الحكومة المتمثل في الشرطة المرورية
[img2]http://i59.tinypic.com/2vxpukz.jpg[/img2]
رقم العضوية : 571
تاريخ التسجيل : 09May2007
المشاركات : 2,355
النوع : ذكر
الاقامة : Egypt
السيارة: Fiat 131 Supermirafiori
السيارة[2]: Proton Waja - 05 M/T
دراجة بخارية: -
الحالة :
الف تحيه وشكر على اثارتك للموضوع دة .
انا مش سكان المحافظه المخروبة 6 زفت اكتوبر .
الحقيقه احنا حاليا بصدد اننا نمشى من 6 اكتوبر بسبب طريق الموت طريق الزفت طريق الندامة المحور ..... وحتى البديل .............. الطريق الدائرى اسوأ من المحور .
انا كنت عملت موضوع قبل كدة من فتره طويل عن الحوادث الى بتحصل على الطرق وبالاخص المحور ................. كل يوم ناس بتموت عليه ... حرام ............... لغايه ما وصلى احساس انى حيجيلى يوم واموت بسبب حدثه على الطريق ده .
عماتا السواقة فى اى مكان فى مصر بقت خطر" محدق " وخطر على الصحة النفسيه !!!!
انا شخص هادى جدا ومسالم لاقصى اقصى الحدود ...... لما بسوق العربية بتحول لانسان عصبى ..... متوتر ...... و فى بعض الاوقات همجى ومتخلف وقليل الادب . كل دة بسبب السواقه ................... انا تعبان فعلا وبقيت بأقلل نزولاتى جدا جدا جداعلاشان اتفادى السواقه ... لان للاسف بتعصب وعصبيتى بتطلع فى العربية المسكينه الى ملهاش ذنب فى حاجة الى انى سايقها وبطلع غلى فيها بدل ما اموت من الضغط العصبى .
بكون ماشى بسرعه اكثر من مناسبة للطريق 100 و 120 كحد اقصى والقى واحد عمال يدينى فى فلاشات زينون """ اغلبهم بيكونو سايقين لانسر """ مش عارف اية العلاقه . علاشان اوسعلة ... ويبصلى بشئ من الاحتقار بعد ما اعديه ؟؟؟
تعبت مش عارف اعيش ......... انا بحب النظام و بحب الهدوء وبحب الاتزام و بحب دايما اكون مبتسم ..................دة طبعى ......... او اقدر اقول دة كان طبعى
هل من حل ؟
عاوز تفائل ؟ لو بيتباع كبسول او نقط قولولى فين انا جبت اخرى
رقم العضوية : 2780
تاريخ التسجيل : 24Oct2007
المشاركات : 4,837
النوع : ذكر
الاقامة : beneath the sky
السيارة: Renault Clio 2007
السيارة[2]: Daihatsu Sirion XL 2008
الحالة :
هو الكلام ده انا اللي كتبته في الجروب اللي عملتها علي فيس بوك اسمها .. انا اللجنة
اللينك في التوقيع بتاعي
شكرا ليك
Leadership is based on inspiration, not domination
رقم العضوية : 1432
تاريخ التسجيل : 14Jul2007
المشاركات : 1,444
النوع : ذكر
الاقامة : Egypt
السيارة: none
السيارة[2]: Renault Fuence
دراجة بخارية: none
الحالة :
موضوع جيد جداً ومحترم وينم عن إنك حابب البلد بس حزين للي وصلت إليه
أنا والله باحاول أكون محترم وإني أسوق بسلام وأوصل حالة السلام دية للناس اللي قدامي كمان، بس طبعاً وآه من كلمة بس، الكلام ده مابينفعش في 99% من الحالات في مصر وفي النهايه الناس بتبصلي على إني خايب في السواقه مثلاً عشان سبت حد يعدي مني، ولا إني بارد عشان سايب نص متر قدامي، ولا إني ماشي أتفسح عشان سايب مسافة 10 متر وأنا ماشي عشان ما أعملش حادثه لو اللي قدامي وقف مره واحده.
عشان كده عربيتي بتفضل مركونه بالعشر أيام لحد ما البطاريه تنام والنزول من بيتي بالعربيه بقى هم كبير بدل ما يكون متعه.
ربنا يرحمنا برحمته
ملحوظه: موضوعك إتظلم عشان نزل في يوم ما البنزين غلي، لو نزل في يوم تاني كنت هاتلاقي عدد ردود كبير.
محمد سعيد
"No act of kindness is ever wasted"
رقم العضوية : 303
تاريخ التسجيل : 28Apr2007
المشاركات : 2,812
النوع : ذكر
الاقامة : Cairo
السيارة: لا يوجد
السيارة[2]: Deawoo Lanos
الحالة :
انا الموضوع ده هيجننى حاسس ان الاشارات بقا مالهاش لازمة
مافيش حل انى انزل اوقف العربيات بنفسى
طب انا مره واقف على يمين الطريق ومدى انتظار
وفجأ الاقى فيسبه طايره راحت واخدة المراية الشمال عكس الاتجاه بقا وشها للشارع
قولت الحمدلله انها ما اتكسرتش وهو طبعا طااااار
انا بضايق من الناس الغبية ديه جـــــــدا
بقيت لما الاقى حد يعمل كده ازنق عليه وماخليهوش يفلفص
ولو عدا من جمبى ماخليهوش يدخل قدامى
تبقا ماشى وفيه يوتيرن جمبك داخل الطريق اللى انت ماشى فيه وتلاقى اللى
طالع منه مره واحدة وزانق نفسه قدام بوز العربية علشان يلف
من قدامك بيبقا هاين عليا انزل فيه ضرب مش قــــــادر يستنى ثوانى يبص على الطريق
انا خلاص هيجيــــلى انهيار عصبى
Omar
[img2]http://www8.0zz0.com/thumbs/2009/10/06/18/187809311.jpg[/img2]
رقم العضوية : 5719
تاريخ التسجيل : 14Feb2008
المشاركات : 3,044
النوع : ذكر
الاقامة : Cairo
السيارة: accident Accent 2011
السيارة[2]: Opel Corsa 2007
الحالة :
بجد والله بشوف حركات غبيه من دى كتير اوى اوى اوى
وبجد بتخلى الواحد يتنرفز
فعلا احنا شعب مينفعش معانا غير العصايه
بجد لو كلنا احترمنا نفسنا ومشينا زى مالعالم كله بيسوق وماشى واحترامنا الاشاره والحاره بتاعتنا والله لو ميت مليون عربيه هنمشى وهنوصل برضه لكن اللى بنعمله ده هتقضى 1/3 عمرك فى الشارع وابقى قابلنى لو اتطورت او اتقدمت
[shr71=http://www.dieselstation.com/pics/Hyundai%20Accent%202009-car-pictures.jpg]Hyndai Accent 2011[/shr71]
رقم العضوية : 153
تاريخ التسجيل : 24Apr2007
المشاركات : 3,306
النوع : ذكر
الاقامة : cairo
السيارة: .....
السيارة[2]: sirion
دراجة بخارية: ...
الحالة :
roadmaster
الكلام ده منقول من جروب على الفيس بوك
و المفروض اللى كاتبه dehumanizer
إن لم تستح ..... فأصنع ما شئت
رقم العضوية : 72
تاريخ التسجيل : 21Apr2007
المشاركات : 5,092
النوع : ذكر
الاقامة : البحرين
السيارة: سوزوكي ماروتي، مصر
السيارة[2]: تويوتا ياريس، البحرين
دراجة بخارية: لا يوجد
الحالة :
فكرتنى بصديق عزيز كان بيقول ان سائقى مصر كلهم مرضى بمرض نفسى اسمه الأوفرتيكمانيا overtakemania ،يعنى جنون التخطى، كل واحد يبقى هيتجنن عايز يعدى من اللى قدامه وبس واول ما يعدى يصاب بالسكتة القلبية ويتنح ويقل السكة على اللى كان قدامه وبقى وراه، المهم انه يعدى وخلاص
سبعاوى
_______________________________________________
المفضلات