تجربة قيادة سريعة لبورش كاريرا فور إس Carrera 4S

السلام عليكم يا شباب .. جايبلكم النهاردة على السريع كد تقرير و تجربة قيادة فريدة من نوعها و هى للنجمة الألمانية بورشا متمثلة فى إحدى أقوى موديلات العظيمة 911 و هى كاريرا فور إس

Carrera 4S

و قد قادتنى الظروف السعيدة ان تكون السيارة تحت تصرفى لمدة نصف يوم و قلت لازم اعمل حسابكم معايا فى التجربة الفريدة من نوعها
و أبدأ بالمواصفات الفنية للسيارة

بورش كاريرا فور إس موديل 2009
موتور خلفى 6 سلندرات متتالية
سعة المحرك 3800 سى سى
القوة الحصانية 385 حصان ألمانى
دفع رباعى مستمر
مع جير بوكس ثنائى القابض PDK و مزود بإمكانية تيبترونك
سرعة قصوى محددة إلكترونيا 300 كيلومتر فى الساعة
سبويلر متكيف مع السرعة
كراسى رياضية حاضنة للسائق و الراكب الامامى بدرجات مختلفة كهربائيا
إكزوست سيستم رياضى
جنوط 19 بوصة تيربو

طبعا بدأت التجربة فى الصباح الباكر و طبعا كنت خايف من العربية لأنى لسة مش عارف أداءها عامل ازاى و مش متعود عليها
الانطباع الاولى عن الشكل الخارجى .. تصميم رياضى بحت معمول علشان يخدم الايرو دياناميكس بشياكة متوحشة و أرداف عريضة توحى بالثقة و الثبات الخزعبلى
الانطباع الاول عن الشكل الداخلى .. طبعا منتهى الشياكة و الاناقة و جودة الخامات و الجلد الاحمر المثير بتطعيمات السموك سلفر و اللون الاسود و الابيض الداخلى .. منتهى الفخامة

و اتوكلت على الله و ركبت العربية و ظبطت الكراسى و المرايات و الذى منه .. و شغلت و إذا بصوت الوحش يزأر بقوة و مما زاد الاثارة و قوة الصوت نظام سحب العادم الرياضى المزودة به السيارة و اللى بيحسسك انك فعلا راكب صاروخ لما تضغط على دواسة البنزين و انت على وضع المور

اتوكلت على الله و طلعت بالعربية و حسيت انها متضايقة منى جدا لأنى ماشى على سرعة قليلة و مش مرتاحة و صوت الموتور عمال يعلى و يوطى طلعت على الشارع الرئيسى و

قلت مابدهاش بقى يلة .... و دوست بنزين على الاخر حسيت انى لزقت فى الكرسى و العربية ركبها عشرميت عفريت و الار بى ام جاب اخره و فى غضون ثوانى تعد على اصابع

اليد الواحدة لقيت عداد السرعة 120 .... يا نهار ابيض ايه ده طبعا ماصدقتش القوة دى لأنى فعلا اول مرة احس بيها فا هديت شوية وقلت اشوف نظام الغرز معاها ايه :)
و كانت اول غرزة وب صراحة كرهتنى فى الغرز ليه بقى ... لأنى ماحسيتش انى اتحركت من مكانى اصلا لا العربية مالت ولا اتحدفت ولا اى حاجة كل اللى حصل انى كنت فى الحارة اليمين بقيت فى الحارة اللى فى النص من غير اى تعب ولا مجهود و بعدين ظهرت عربية شرطة للأسف و لقيته بيوقف عربية موستنج .. قلت اهدى يا واد كدة و ابعد عن الشر و غنيله .... و قد كان ... و فضلت ماشى هادى شوية و كمان الزحمة زادت ... فا بقيت اشوف بقى الغرز الخفيفة و انعامل معاها و كالعادة نفس القوة و الرشاقة

و للأسف مافيش حد سخن معايا ولا شد خااالص .. و كل ما ادوس الاقى الناس بتوسع لى ... ايه يا جماعة دا هو نص يوم .. حد يسخن معايا ... مفيييش

المهم بصراحة ماحاولتش اجيب بيها سرعات عالية لأنى بردة خايف منها بصراحة و مش متعود اللهم الا مرة شديت شدة كدة كان الطريق فاضى و جابت برده 140 فى حوالى 6 ثوانى مع صوت صاروخى فظيع و مرعب


و ان شاء الله احتمال اخدها تانى قريبا و فى المرة اللى جاية بإذن الله يكون معايا اخويا و صاحبى العزيز شريف منسى لأنى افتقدته جدا فى تجربة النهاردة اللى كان يهمنى جدا اعرف انطباعاته عنها و يقارنها بعربيته البورش كايين إس أخت الكاريرا الكبيرة

المزايا و العيوب من وجهة نظرى المتواضعة ..

المزايا ...

تسارع اقل ما يصفه انه (جحيييييييم)
شياكة و فخامة غير طبيعية و خامات و تقفيل فوق الدرجة الاولى بشوية و طبعا برستيييج عاااااااالى
ثبات وهمى بالرغم من انى مازودتش عن 140 و ثبات العربيات دى يقاس بعد 250 ولا حاجة
ساوند سيستم (بوز) و يكفى الاسم
صوت صاروخى مجلجل :)
طبعا اوبشنز بقى للصبح فتحة سقف - كراسى تدفئة وتبريد - ليدات - تحكم دركسيون - سنسر - ميموري - بلوتوث - نافيجيشن -زنون - سي دي - دي في دي و حاجات تانية مالحقتش اشوفها ....

العيوب...

القعدة فى العربية غير مريحة و خصوصا من عند الرجلين (رجليا مزنوقة شوية ) و انا متعود على الرحرحة
فعلا العربية تخوف و ليس من السهل التعود عليها و تحتاج لسائق محترف
طبعا ناشفة و حاسس بالطريق و ده طبعا راجع للجنوط ال 19 و الكاوتش الرفيع جدا و يا سلام بقى لو شغلت التعليق الرياضى عييش يا برنس


و سامحونى على سرعة و كروتة التقرير و ان شاء الله اللى جى يكون مفصل أكتر

و اسيبكم مع الصور ...


http://img27.imageshack.us/img27/2458/57251077.jpg

http://img854.imageshack.us/img854/3841/37175119.jpg


http://img43.imageshack.us/img43/484/99489495.jpg



http://img830.imageshack.us/img830/7959/66639935.jpg


http://img803.imageshack.us/img803/1306/p1807111500.jpg



http://img231.imageshack.us/img231/1...0711150001.jpg



http://img824.imageshack.us/img824/7137/p1807111501.jpg



http://img543.imageshack.us/img543/8...0711150102.jpg

شكرا يا باشا على التقرير .. معتقدش انى هسوق العربية دى فى يوم من الأيام عشان أشوف الحاجات اللى حضرتك بتقولها دى .. و بعدين أنا سايب شوية حاجات كده أجربها فى الجنة ان شاء الله .. مش لازم أشوف كل حاجة فى الدنيا :-)

اقتباس:

---

المشاركة الأصلية كتبت بواسطة m_kamal

القوة الحصانية 385 حصان ألمانى

http://img543.imageshack.us/img543/8...0711150102.jpg

---

على فكرة أفضل حاجة الحصان العربى الأصيل.

السلام عليكم و رحمة الله و بركاته

ما شاء الله, عربية رائعة فعلا, هى دى العربيات و لا بلاش, مش الروبابيكيا اللى احنا راكبينها !!!!!!!!!!

بسم الله ما شاء الله
بورش من افضل السيارات عالميا
بجيب بيها 300 مستريح في نيد فور سبيد
ههههههههههههههههه
طبعا امنيتي اني اجربها واعتقد لو ركبتها مش هتنازل غير اني اقفل عدادها تحت اي ظرف من الظروف
ان كنت بالفيرنا بجيب 180 و 200 يبقا بالكاريرا مش هقفل ال 300 :d
ربنا يوعدنا يا رب ويحفظها لصاحبها يا رب

انا اشتريت بورش قبل كده سنة 2005 وكانت موديل 98 وبعتها للاسف بعد 3 شهور لان الصيانة كانت غالية شوية وكان سبب شرائى انى احقق حلم من احلامى انى امتلك بورش

السيارة رياضية طبعا من الطراز الاول بس مشكلتها فى القاعدة والراحة يعنى تتعبك وتصدعك بسبب صوت الموتور لو هاتستخدمها استخدام يومى

المهم لو عايز تعرف قوة البورش حاول تجرب 911 توين تربو دى بقى حاجة تانية الكاريرا جنبها تعتبر بطيئة انا جربتها مرة ولن انسى يعنى ايه بدوسة بنزين من 0 الى 280 بدون توقف ولا نتشة فتيس وتسارع ثابت حاجة خياااااااااااااال

ربنا يوعدنا ويوعدكم بيها

ليه بس حرقة الدم دى ع الصبح

والواحد مبسوط م الفيرنا ههههههههههه

الحمد لله حلوة حلوة الفيرنا

اقتباس:

---

المشاركة الأصلية كتبت بواسطة kareemz

شكرا يا باشا على التقرير .. معتقدش انى هسوق العربية دى فى يوم من الأيام عشان أشوف الحاجات اللى حضرتك بتقولها دى .. و بعدين أنا سايب شوية حاجات كده أجربها فى الجنة ان شاء الله .. مش لازم أشوف كل حاجة فى الدنيا :-)



على فكرة أفضل حاجة الحصان العربى الأصيل.

---

ربنا يكرمك يا باشا و يرزقك باللى احسن منها فى الدنيا و اللى احسن و احسن فى الجنة يا رب

انا كمان يا باشا مكنتش اتخيل خالص انى اسوق الحاجات دى بس نصيبنا بقى :)

و بالنسبة للحصان العربى الاصيل يا باشا مشكلته انه ماينفعش يركب جوة المواتير ... هههههههه

صباحك زى الفل

اقتباس:

---

المشاركة الأصلية كتبت بواسطة maserati

السلام عليكم و رحمة الله و بركاته

ما شاء الله, عربية رائعة فعلا, هى دى العربيات و لا بلاش, مش الروبابيكيا اللى احنا راكبينها !!!!!!!!!!

---

و عليكم السلام و رحمة الله و بركاته ...

عربيات أوهام يا باشا فعلا .. دنيا تانية خاااالص عربيات للأداء الرياضى البحت فقط

اقتباس:

---

المشاركة الأصلية كتبت بواسطة ashraf_ibrahim

بسم الله ما شاء الله
بورش من افضل السيارات عالميا
بجيب بيها 300 مستريح في نيد فور سبيد
ههههههههههههههههه
طبعا امنيتي اني اجربها واعتقد لو ركبتها مش هتنازل غير اني اقفل عدادها تحت اي ظرف من الظروف
ان كنت بالفيرنا بجيب 180 و 200 يبقا بالكاريرا مش هقفل ال 300 :d
ربنا يوعدنا يا رب ويحفظها لصاحبها يا رب

---

يا باشا و هى بتجيب 300 مستريح فى الشوارع العادية كمان و صاحبها بيحكيلى لما كان بيجرب اول مرة يوصل 300 كان قلبه هيقف اثناء التسارع من صفر إلى 300 ... من قوة السحبة و الصوت الخزعبلى :)

و انا لو هو كان راكب معايا كنت لن اتوانى انى اجيب اخر الاداء
بس المشكلة انها كانت امانة فا كنت بحافظ عليها على قد ما اقدر ...

و ربنا يوعدك و يوعدنا يا باشا باللى احسن منها

اقتباس:

---

المشاركة الأصلية كتبت بواسطة raouf

انا اشتريت بورش قبل كده سنة 2005 وكانت موديل 98 وبعتها للاسف بعد 3 شهور لان الصيانة كانت غالية شوية وكان سبب شرائى انى احقق حلم من احلامى انى امتلك بورش

السيارة رياضية طبعا من الطراز الاول بس مشكلتها فى القاعدة والراحة يعنى تتعبك وتصدعك بسبب صوت الموتور لو هاتستخدمها استخدام يومى

المهم لو عايز تعرف قوة البورش حاول تجرب 911 توين تربو دى بقى حاجة تانية الكاريرا جنبها تعتبر بطيئة انا جربتها مرة ولن انسى يعنى ايه بدوسة بنزين من 0 الى 280 بدون توقف ولا نتشة فتيس وتسارع ثابت حاجة خياااااااااااااال

ربنا يوعدنا ويوعدكم بيها

---

يا باشا هى دى مشكلة البورش الاساسية ... مصاريف التشغيل و الصيانة اللى للأسف مش اى د بيقدر عليها

و فعلا هى قعدتها مش مريحة قوى و خصوصا على المدى الطويل و دى طبيعة العربيات الرياضية
و صوت الموتور فعلا صعب قوى عشان صوت نظام العادم الرياضى اما من غيره فا ممكن يبقى صوت الموتور محتمل

و بالنسبة للتيربو يا باشا اول سؤال سألته لنفسى بعد ما سقتها ... لما كاريرا فور إس عاملة كدة و هى 385 حصان .. اما لتيربو ام 500 حصان تبقى عاملة ازاى ... و لا التيربو اس ام 550 حصان تبقى عاملة ازاى ولا الجى تى تو أر إس أم 620حصان تبقى عاملة ازاى .... يا لهووووووىىىىىىىىىىىى جحييييييييم

و صدقنى يا باشا لو جربت الكاريرا فور اس 2009 مع الجير الدبل كلتش البى دى كيه هتعجبك جدااااااا لأنه فارق جدا فى التسارع

و ربنا يوعدنا جميعا يا رب باللى احسن منها

اقتباس:

---

المشاركة الأصلية كتبت بواسطة eslam_nagy

ليه بس حرقة الدم دى ع الصبح

والواحد مبسوط م الفيرنا ههههههههههه

الحمد لله حلوة حلوة الفيرنا

---

يا باشا ربنا يبارك لك فيها و يديك خيرها و يكفيك شرها ...

لا بورش ولا فيرنا ... اهم حاجة الصحة ... ربنا يديمها عليك و علينا يا رب

و اهى تجارب و صدقنى بعد ما سقت العربية اللى كنت هموت و اسوقها حسيت فعلا انها ماتنفعنيش ... اداء رياضى بحتتتتتتتت

انا عاوز عربية تنفع تمشى فى الشوارع العادية يا عم :)

ما شاء الله انا لسه صاحى من النوم
وسامع بورش وبوليس بيوقف موستنج فكرته حلم والله :))))

ربنا يباركلك ويكفيك شر طريقك

اقتباس:

---

المشاركة الأصلية كتبت بواسطة dr_no

ما شاء الله انا لسه صاحى من النوم
وسامع بورش وبوليس بيوقف موستنج فكرته حلم والله :))))

ربنا يباركلك ويكفيك شر طريقك

---

صباح الخير الاول يا باشا :)

هو الحلم ده كان امبارح و انا اللى لسة فايق منه النهاردة :)

و ربنا يكرمك يا باشا و يوعدك يا رب باللى احسن منها

طيب انا راضى ذمتك ايه بقى العربيه اللى تاخد بيها غرزة تطلع من حارة تدخل فى حارة تانيه بسهوله كدا فين الاثارة والمتعة لما تاخد الغرزة كدا العربيه تتحدف منك يمين وتلمها تتحدف شمال مع عومة بسيطة فى وش العربيه وماسكة فرامل متمسكش اصلا هوا دا الكلام ههههههههههههه تجربه جميلة جدا وعربيه رياضية حكاية بس المرة اللى جايه هنستنى فيديو

اقتباس:

---

المشاركة الأصلية كتبت بواسطة hosammoner

طيب انا راضى ذمتك ايه بقى العربيه اللى تاخد بيها غرزة تطلع من حارة تدخل فى حارة تانيه بسهوله كدا فين الاثارة والمتعة لما تاخد الغرزة كدا العربيه تتحدف منك يمين وتلمها تتحدف شمال مع عومة بسيطة فى وش العربيه وماسكة فرامل متمسكش اصلا هوا دا الكلام ههههههههههههه تجربه جميلة جدا وعربيه رياضية حكاية بس المرة اللى جايه هنستنى فيديو

---

ههههه ما هو ده اللى انا كاتبه يا باشا :) كرهتنى فى الغرز مافيهاش اثارة كدة ولا متعة ولا تلبس فى الرصيف ولا اى حاجة ....هههههههههههه ..

بس هو اكيد ده حصل لأن الغرزة كانت على 120 بس .. لو الغرزة دى كانت على سرعة معقولة 270 ولا حاجة .. متهيألى كان هيبقى فيها إثارة أكتر :)

و بإذن الله المرة الجاية يا باشا هحاول اصورها فيديو ... تحت امرك يا جميل

يالى الهول !!!

سؤال رفيع كده على الماشي دي لو مشيت في شوارع المحروسة تفتكر البلاعة الهرمية الشكل تتاخد في وسط العربية ولا الحل هيكون ايه
:)))

اقتباس:

---

المشاركة الأصلية كتبت بواسطة ralliart

يالى الهول !!!

---

يا لهوىىىىىىىىىىىىىىىىىىىىىى ىىىىىى :)

اقتباس:

---

المشاركة الأصلية كتبت بواسطة medododo

سؤال رفيع كده على الماشي دي لو مشيت في شوارع المحروسة تفتكر البلاعة الهرمية الشكل تتاخد في وسط العربية ولا الحل هيكون ايه
:)))

---

ههههه لا يا باشا انصحك لو صادفت بلاعة هرمية و ده مش هيحصل كتير يعنى .. بتاع عشرين مرة كل يوم .. انصحك تلف و ترجع تانى فورا ... دى بتاخد المطبات الصغيرة بالعافية اصلا ... اما لو جازفت و خدتها فى وسط العربية يبقى زى التعليق اللى فات .. يا لهوىىىىىىىىىىىىىىىىىىى :)

و ربنا يستر علينا جميعا

تسلم أيدك وعقبالنا لما نشوف الكلام دة فى مصر

اقتباس:

---

المشاركة الأصلية كتبت بواسطة ahmedbasto

تسلم أيدك وعقبالنا لما نشوف الكلام دة فى مصر

---

تسلم يا باشا ... و ربنا يكرمك يا رب باللى احسن منها

اقتباس:

---

المشاركة الأصلية كتبت بواسطة m_kamal

يا باشا ربنا يبارك لك فيها و يديك خيرها و يكفيك شرها ...

لا بورش ولا فيرنا ... اهم حاجة الصحة ... ربنا يديمها عليك و علينا يا رب

و اهى تجارب و صدقنى بعد ما سقت العربية اللى كنت هموت و اسوقها حسيت فعلا انها ماتنفعنيش ... اداء رياضى بحتتتتتتتت

انا عاوز عربية تنفع تمشى فى الشوارع العادية يا عم :)

---

اه والله اهم حاجة الصحة :213-1107231241[1]:

الحمد لله :E_braces[1]:

الحمد لله يا باشا على نعمه التى لا تعد ولا تحصى

أستاااااااااااااااذ............ .تقرير هايل

اقتباس:

---

المشاركة الأصلية كتبت بواسطة ahmed a.maksoud

أستاااااااااااااااذ............ .تقرير هايل

---

تسلم يا باشا .. ربنا يخليك :)

اية يا عمنا الجراة دية!!!!
جالك قلب تعد فيها عادى كدة؟!!

العربية دى تتفرج عليها بس و مش كتير كمان احسن تخلص!!!

اقتباس:

---

المشاركة الأصلية كتبت بواسطة pioneerahmed

اية يا عمنا الجراة دية!!!!
جالك قلب تعد فيها عادى كدة؟!!

العربية دى تتفرج عليها بس و مش كتير كمان احسن تخلص!!!

---

ههههههههه الحمد لله يا باشا سبت فيها شوية :) ماخلصتهاش كلها :)