الموضوع: معايا 120 الف و عاوز اجيب حاجه 4*4

اسمع ان الباجيروا حلوه بس معنديش معلومات عن الاسعار والموديلات للاسف

جيب شروكي من لاخر
او دايهاتسون تيريوس
والاتنين استعمال

حد سمع عن الرينو داستر

الداستر عربيه محترمه اتفرج عليها وهتدعيلى

السلام عليكم

السؤال الى انا اتسألتو من اول ما فكرت اجيب سيارة دفع رباعى
انت عاوز تستخدم العربية فى ايه ؟؟؟؟
ناوى تطلع صحراء و طرق وعرة و شغل الصحراء ؟
ولا عاوز عربية عالة و تستحمل مطبات الشولرع و خلاص ؟
ولا عاوز الاتنين مع بعض ؟

لو عاوز عربية صحراء نمرة 1 بلا منازع ... الاند كروزر .. واعتقد بالسعر ده ممكن تلاقى ( تعلبة ) الى هى عربية السفارى الموجودة فى شرم الشيخ و الغردقة ( 70 سيرز ).. عربية شكلها مش حلو و مش مريحة فى الركوب العادى ... بس اكتر من ممتازة فى الصحراء و المدقات .. العضو الفاضل مينا عنده عربية و ممكن يكلمك كتير عنها .. انا لو كان معايا فلوس كنت اشتريها و انا مغمض

عاوز عربية مدن قوية ... فهناك اختيارات كتيرة .. الفيتارا و التيريوس عربيات كويسة جدا على اختلاف موديلاتهم .. عندك كمان موديلات الشيروكى الحديثة شوية 2003 هو اكتر ...

عاوز الاتنين مع بعض ... همممم .. ممكن تعلى شوية فى السعر و تجيب لاند كروزر 80 سيرز ..او شيفروليه يوكن
ده رايى المتواضع جدا ... انا لسة جديد فى موضوع الدفع الرباعى ده و لسة بتعلم

علفكرة في عربية مميزة جدا جدا جدا شكل السيدان وهي 4x4 الي هي السوبارو عموما وطبعا في منها اشكال عالية عن الارض

السلام عليكم
طبعا 120 تجيب لحضرتك حاجات كتير مع مراعاة الحالة الجيدة طبعا وطبيعة استخدامك وكلامي ده لو حضرتك بتدخل صحرا وبتسافر وطرق وعرة وغيره هتشتري مستعمل وده اللي بانصح بيه إلى حد كبير لأن الزيرو مش هيكون أفضل أبدا من اللي هقولك عليه، لأن أي صيني إنساه ولو كتبو عليه4X4 ألف مرة والداستر مش 4X4 ولا الدايهاتسو ولا الحاجات البلاستيك دي، لو 4X4 ممكن باجيرو موديلات 1999 حتى 2002 حسب الحالة، وممكن تويوتا لاند كروزر منتصف التسعينات، أخويا معاه تويوتا super surf (4 runner) 1994 مقولكش عن الكفاءة الحقيقية لمواتير وفتيس الغرز والامكانيات بتاعت التويوتا في الصحراء والطرق شديدة الوعورة وعن تجربة فعلية ليها ولغيرها من الموديلات، مواتير ديزل سي سي عالي أكثر من 2600 وطالع لغاية 4600 والستهلاك متتخضش منه لأن الديزل رخيص ومش هتشغل الغرز طول الوقت وكمان معظمها فتيس أوتوماتيك وغرز ومثبت سرعة وجميع جميع الكماليات والرفاهيات اللي مش موجودة في حاجات زيرو بنفس المبلغ ومعظمها فابريقة (مانصحش ب 4X4 راشة). ومعدلات الأمان للعربيات دي عالية بس مش بتاعت سباقات وسرعات على الأسفلت. طبعا تويوتا رائدة الصحراء حتى التويوتا الهاي لوكس 4X4 كفائتها غلبت الدودج الرام مثلا عن تجربة واللي مانصحكش بالرام ولا الدورانجو والمواتير البنزين الأمريكاني بلاش منها وبالذات في الصحراء والتراب والرمل، وانصح حضرتك بالابتعاد عن أشباه 4X4 وهي لا تمت لها بصلة وضعيفة بس شكل على الفاضي، وممكن نيسان باترول أواخر التسعينات ممتازة بمعنى الكلمة بس قطع غيارها على فكرة أعلى من التويوتا والباجيرو وكفاية تكييف الحاجات الصحراوي دي أقوى من تكييف البيت بجد لو مظبوطة، بالنسبة لصيانات العربيات دي وقطع غيارها متشيلش هم أخدمك فيها وأوديك لأساتذة فيها ومتروحش لأي حد عشان متتكلفش كثير وتحافظ عليها، أما لوحضرتك عاوز حاجة عالية بس ومفيش طرق وعرة ولا مدقات أوصحراء بلاش تجيب الحاجات دي وخليك في الفيتارا أو الشيروكي رغم إنها مكلفة شوية أو التويوتا RAV4 وبالتوفيق