الموضوع: خاص: الحكومة تعلن رفع أسعار البنزين والسولار في مصر

المشاركة الأصلية كتبت بواسطة tutankhamoun

مصلحة أي مواطن ........... هو ازدهار الأقتصاد الوطني
و معلش لما حضرتك أو غيرك يعند و يوقل مش مشتري المصري
طيب ما هي المشكلة هاتزيد و فلوسك بدل ما تروح لأخ لك في الوطن هاتروح لعامل أجنبي يستفيد بيها
و العامل المصري ميستفدش حاجة
لازم نفكر بإيجابية شوية يا رجالة

استاذ امون ..........
للاسف الاوضاع الى احنا بنعيشها تقتل اى انتماء .

* انا من انهاردة مقاطع لشراء كل الجرائد الحكوميه " مش حشترى جرايد تانى ابداً .
* مش حتكلم فى التلفون الارضى نهاائى وتحت اى ظرف من الظروف ... ساويرس اولى من المصرية للاتصالات الحراميه الى كل مره يغلو الاشتراك .
* مش حسيب بقشيش . مش حدى فلوس لاى حد فى اشاره والكلام الفارغ ده .

*لما اجى احط بنزين ......... حفول العربية كل مره على الاخر مش ححط 10 لتر والكلام ده ... علاشان الهالك الى بينزل من مسدس البنزين استفيد بيه ......... وعلاشان ادفع الربع جنيه بتاع عامل البنزينه مره واحده كل فتره .... مش كل يوم .

*ححاول بقدر الامكان الاقتصاد فى استهلاك الكهرباء .... مش حسيب نور مفتوح .

* حدور على بنزين 80 فى كل حته فى مصر واحطه فى ال131 و حستهلك فيه على قد ما اقدر . مع انى مكونتش بحطة قبل كده بس علاشان مستهلكش بنزين " الاغنياء على حد تعبيرهم " .

*مقاطعة تامه للقنوات المحليه ... الى بتقدم اسفاف وكلام مغلوط . خلينا على ال BBC , DW-TV
"""" لما الناس كلها ماتتفرجش على التلفزيون محدش حينزل اعلانه فى التلفزيون """" .

*مقاطعه المياه المعبئه ..... حجيب فلتر .... " صندوق مياه نسله ذاد 4 جنيه فى يوم واحد " ..... الميه اساسا فى 6 اكتوبر طعمها مقرف وكلها رمل .

* مقاطعه اى سلعه تمنها غلى بدون داعى

* مقاطعه كل محلات البقاله " الى غلو كل حاجة ربع جنيه "... حشترى كل حاجتنا من هاير 1 وكارفور وخير زمان ....

*مقاطعه والاحجام عن شراء كل الاجهزه المصريه رديئه الجوده ... حشتريها لو جودتها عالميه وبنفس السعر المنتج الاجنبى مش اغلى .... لكن اشترى سلعة مصرى وليها بديل اجنبى رخيص واجود ... مستحيل .

*مقاطعه اللحمه البلدى ...وكل الجزارين ...... مالها اللحمه البرازيلى ... على الاقل مش لحمه حمير وكلاب وقطط . " وان كنت اساسا مش باكل لحمه " بس حفرض على اهلى الموضوع ده .

*مقاطعه الفراخ المصرى المجمده .... واستبدالها بالفراخ البرازيلى .

*من انهارده .... فى حقى وحقك ......... عاوزنى اشترى منتجك خليك على الجوده العالميه . وبسعر المنتجات المستورده مش اغلى .

عاوزنى اشترى من محلك ... استغنى عن جشعك .. وماتركبش الموجه .

عاوزنى اتعامل معاك ...... تعاملى بكل أحترام ..وماتستكردنيش .


كل الكلام دة انا حقوله لاهلى واصحابى ......... حكون ايجابى ......... مش حكون سلبى ........ مش حسيب حد يضحك عليا تانى .

المشاركة الأصلية كتبت بواسطة hazem_khidr

ايجابيه ايه يا استاذ توت
بجد انا اول مره في حياتي ابقي مش طايق نفسي و مش طايق البلد بالطريقه دي
و انا مع مهاب اه حجيب اجنبي و حنفع الاجنبي و العامل الاجنبي
م انا بنفع المصري و باخد فوق دماغي
لا بعد كده انا و بعدي الطوفان

بالظبط يا حازم ......... خلاص طهقنا بجد .............. الواحد كان على اخره اساسا ..... مش فاهم ليه الاذلال ده كل يوم عن التانى الواحد بينزل لتحت مش حتى بيثبت مكانه ..........