الموضوع: خاص: الحكومة تعلن رفع أسعار البنزين والسولار في مصر

المشاركة الأصلية كتبت بواسطة loodabds

انا قررت ابيع السيفيك و اجيب أونو الجميلة و احطلها 80 زي زمان

لم يعد هناك بنزين 80 اصلا خلاص كل سنة و انت طيب

حسبنا الله ونعم الوكيل ..

البنزين 95 بــ 275 الزياده 1 جنيه
انا من ساعة ممون 40 لتر بــ 110 جنيه بل من 70 جنيه
حسبنا الله ونعم الوكيل .
ياترى الباسات الجديده اوتوماتك Fsi ممكن تستعمل 92 بدل من 95 ؟

يا جماعة حرام عليكم دي الحكومة بتفكر فيكم
يعني لية تخرج بالعربية كل يوم الحكومة شايفة انك تاخد بعضك انت و المدام في خروجة ع السريع كل اخر شهر.
ها وفرتم و لا لاء.

بس هي المشكلة ان ال معهوش يفول التنك ب 100 جنية ها تدفعهم مواصلات برضو بعد ما السواقين يظبطونا بالتعريفة الجديدة التي لن تقل عن خمسين قرش فوق التعريفة القديمة و الحسابة بتحسب.

تعرفو ان من النهاردة ال كسبان ال معاه عربية و احسبوها و قولولي و في الميت انت بتشتري راحتك و اداميتك ف عربيتك ما هي خربانة خربانة.

انا هجيب كاوتشه و اجرى وراها بعصايا......
يا رب انت عالم انا عايز اقول ايه....هو كمان 5 سنين البلد ده هتكون عامله ازاى؟؟؟

يا جماعة لو سمحتكم بلاش نفرط في الحد الادني من حقنا:

الرجاء ثم الرجاء الامتناع من اليوم عن:

- اعطاء عامل البنزينة 50 قرش و لا جنية و لا حتي عشره صاغ لانو مش حقو.
- الامتناع عن اعطاء حرامية الارصفة و الشوارع (الشغلانة الذهبية للعصر) اي فلوس لان دول بلطجية .

تعالو نبدأ بنفسنا من المنتدي دا و نقول لاصحابنا و قرايبنا و زي ما عودنا الناس دي ع الغلط ها نعودهم ع الصح و دا نداء.

شوفو ها توفرو كام ف الشهر من عدم دفع خمشين قرش ف البنزينة و لا 2 جنية ف كل ركنة عربية ف خرابة.

ماهو حرام نتسرق من فوق و من تحت.

و حسبي الله و نعم الوكيل