عرض للطباعة
لما الواحد يجي يقدم علي وظيفة جديدة ....والناس المحترمين بتوع الهيومان ريسورس في الشركة الجديدة يسألوة عن مرتبة في الشركة القديمة....:eek:
ياريت حد يعرفنا لازمة السؤال دة اية....؟
وهل يفضل الاجابة علية ولا الاعتذار بلباقة...؟
وياريت برضة نعرف مدي تأثير السؤال علي المرتب الجديد.....؟
قول المرتب اللي بتاخده في الشركه القديمه
مع الاشاره للمرتب اللي انت عايزه من الشركه الجديده
مثال انا باخد الف جنيه من الشركه بتاعتي و جالي شغل في شرق التفريعه حكتب الالف جنيه اللي باخدها و حكتب الخمس تلاف اللي عايز اخدهم من الشركه الجديده
الميزانيه التقديريه لاي وظيفه بيكون محطوط لها حد ادني و حد اعلي من قبل الاعلان عن المنصب
و الموضوع دلوقتي اصبح اكثر تشويقا لان الموضه دلوقتي بقت في مصر الناس بتاعت الموارد البشريه بعد ما راحت علي المحاسبين و بتوع التسويق و التكنولوجيا فدخلوا حاجات جديده علي الموضوع زي ان السيره الشخصيه بتاعتك يشوفها دكتور نفسي و امتحانات القدرات و كده يعني
مش عارف انا طولت ليه بس لو منك اكتب المرتب الحالي و اكتب اللي انت عايزه و لو فيه اختلاف بالزياده ما تخفش امال انت حتسيب شركتك و تروح لهم ليه
هاني باشا..
الف شكر ليك وربنا يسهل ان شاء الله ...انا هاعمل زي مابتقول ...والله المستعان..
اسئلة اي انترفيو مش للارهاب في اسئلة لتقييم الشخص زي مثلا كلمني عن نفسك ؟ايه اكبر عيب فيك؟؟الخ وفيه اسئلة لتقدير مدى تناسبك مع الوظيفة المعروضة .تعمل ايه في الموقف الفلاني؟.الخ اما السؤال ده بالذات فمعناه انك لاقيت القبول بصفة مبدئية اللي باقي بس يا حلو انت بتطلب مننا ايه؟؟يعني حتى لو قلت انك كنت بتاخد 200 جنيه هو محدد مرتب كده كده في دماغه .....السؤال ده خاص بيك انت لوحدك و نصيحة لازم تكون صادق مع نفسك قبل ما تجاوبه لليييييه؟علشان ممكن تقبل وبعدين تكتشف ان المرتب مش مناسب ليك ......و في نفس الوقت ..و متستغربش اللي جاي المبلغ اللي بتقوله بيعبر عن خبرتك .و انت تقيل في الشغل و لا لا اللي هيشتغل بالف غير اللي هيقول 3000
قول الحقيقة و ربنا معاك
السؤال دة الغرض منه الاجابة على سؤالين :
- ما هو متوسط السعر السائد للوظائف فى السوق ؟
- ما هو تقديريك لخبراتك ؟
وعلى فكرة مش شرط انك كلما ذكرت رقم صغير يبقى الاختيار فى صالحك ..
إجابة السؤال: انا باخد (.......) ، بخلاف المكافأت والميزات ، والميزات هى (مثلا) تأمين طبى حتى (....) جنيه سنويا ، وانتقالات ..رحلات مخفضة ....إنتقالات مجانية ....دورات تعليمية مجانية ....وهكذا. طبعا الواحد يقول الحقائق فقط .
فعلا hrبقو بيسألوا حاجات غريبه