إلى ايمن مومو و خبراء الميجان، مشكلة فتيس الميجان2 "تشيك جيربوكس"

**Savorisky** · 19-07-2011 06:30 PM

يا استاذ ايمن و يا خبراء الميجان جميعاً يارب تساعدونى فى المشكلة دى، بعد نص ساعة على 120 او اكتر بتحصل مشكلة الهبدة و رسالة Check Gearbox منغير رساله Over Heating رحت لميكانيكي كويس فى اسكندرية اسمه احمد موسى كشف بالكمبيوتر لقى Presser Regulator Error و غيرلى بريشر الموزع بتاع الفتيس "السولونويد" بواحد جديد، الغريب ان المشكلة حصلت تانى بس بقت اسرع و بتحصل بعد اقل من 10 دقائق، رجعت له غيرلى الموزع كله بواحد استعمال بس بحالة الزيرو، العربية كلها اتلخبطت و بقت بتهبد فى اوقات غريبة و بدون مقدمات، مع العلم انى لسه مغير "شنابر ديل الفتيس"، المهم رجعتله فا رجعلى كل حاجة زى ما كانت و بقيت ماشى و معايا مشكلة تشيك جيربوكس و راضي بيها وخلاص، وخصوصا انها مش بتحصل غير عالطرق السريعة فقط

هل فى حل للمشكلة دى؟ يارب حد يساعدنى بحل واضح، و شكراً

**abasse** · 19-07-2011 07:57 PM

والله على أد معلوماتى وأنا عندى نفس المشكلة بس بتحصل على 160 بعد ربع ساعة كدة لازم أنزل كل شوية ل 120 وأطلع تانى

المشكلة ياما فى السولونيد ياما فى الحساس نفسه ياما (وده الى قالى عليها دفيرة الهيدروليك ) على العموم يلزمك ميكانيى فاهم أوى

**ecybrarian** · 20-07-2011 11:53 AM

حصلت مع واحد اعرفه بس كانت المشكلة في دورة تبريد الفتيس

**تامر.محمد** · 20-07-2011 12:05 PM

المشكلة دي في الميجان2 كلها ولا موديلات معينة او في بعض العربيات بس ؟

**ramy_gamal** · 20-07-2011 12:29 PM

حصلت مع استاذ احمد عبد المقصودواعتقد غير زيت الجيربوكس بس موش متاكد هو ممكن يفيدك اكتر

**Savorisky** · 20-07-2011 09:57 PM

والله يا جماعة ايمن مومو ده 100 100 و حروحله فى خلال اليومين اللى جايين و ان شاء الله حيصلحلى المشكلة و ححكيلكم على اخر الاخبار

**abasse** · 21-07-2011 01:25 AM

المشاركة الأصلية كتبت بواسطة Savorisky

والله يا جماعة ايمن مومو ده 100 100 و حروحله فى خلال اليومين اللى جايين و ان شاء الله حيصلحلى المشكلة و ححكيلكم على اخر الاخبار

وعد

**shawkylotfy** · 21-07-2011 03:28 AM

هو حضرتك عملت طقم الشنابر بتاع الفتيس بكام اصل انا من اسكندرية وعندى مشكلة ان الفتيس لما بقف واجى اشيل رجلى من على الفرامل العربية مترضاش تمشى اروح جى دايس سنة بنزين تروح طلعة مرة واحدة مع هبدة جامدة .... روحت ل احمد موسى وقلى طقم شنابر .. انا كنت قريت ان حضرتك كان عندك نفس المشكلة ياريت تقولى عملت اية وهل المشكلة اتحلت وهل احمد موسى كوبس فى النقطة دية ولا اية .... ممكن حضرتك تبعتلى رقم تليفونك واتصل بيك استفسر منك على المشكلة دية ... انا عربيتى بردة 2005 ... وكان اللة فى عوننا

**EGYANGEL** · 21-07-2011 05:01 PM

ده حاجه اسمها سلونيتت فالف وده المسؤول عن ضغط زيت الفتيس ويوصالها فى مكانها الصحيح الحساس ده فى منه 2 الاصلح انو يغير الاتنين مع بعض وليه كذا اسم بلف الفيتيس او سلو نيت فالف ) وانشاء الله خير انا الى عارفنى واحد اسمه مصطفى ده بتاع محل قطع غيار فى صقر قريش والمحل اسمه المصطفى وده رقمه :: 0122784231

-

الموضوع: إلى ايمن مومو و خبراء الميجان، مشكلة فتيس الميجان2 "تشيك جيربوكس"

LinkBack

أدوات الموضوع

عرض

-

-

-

-

المواضيع المتشابهه

_""""""""الاسطورة لكزس gs الكوبيه تنتظركم في عام 2013 """"""""_

فيديو تغيير زيت فتيس الفيرنا ( الاوتوماتك ) "" لغير المحترفيين "" (تعديلات هامة )

الميجان وولاد الناس"""""""""؟

الحقنى يا استاذ سبعاوى """"""""""""""""""""""""""""""""""""""

يا جماعه محتاج مساعده سريعه لضيق الوقت """"""""""""""

الكلمات الدلالية لهذا الموضوع

المفضلات

المفضلات

ضوابط المشاركة