الموضوع: حاجة غريبة البنزين رخص تاني

المشاركة الأصلية كتبت بواسطة Hossam_Hassan

مونت من شل المقطم بالسعر العادى و قالوا رفعنا الأسعار و رجعوا قالولنا استنوا، فى كمان حاجة غريبة، و انا مروح فى ش العروبة فى كمية عساكر مرور و ظباط مرور بالعبيط من اول المطار لحد نفق العروبة مع شوية حراسات عادية من اللى بيبقوا موجودين فى التشريفة، بس عمرى ما شفت كمية عساكر و ضباط مرور بالشكل ده.

يا جماعة أنا لسة حاطيت من موبيل اللي في العروبة والسعر زي ماهوا ، هما مش عارفين إذا كانت الاسعار حتغلا ولا لأ ؟؟
كان في تشريفه، عشان أنا كنت واقف مستنيه يعدي عشان أعرف أروح بيتي

كده بيلاعبونا و هيغلى هيغلى
هنعد نتكلم و نشتم و نتفش شوية و بعد ما نبعبع بكلام فى الهوا هيغلى زى ما هما عايزين
التجربة اثبتت ان كل الشاعات فى البلد دى مصدرها الحكومة اللى بتلاعبنا ملاعبة القط للفار
بس الفران لو اتلموا ووقفوا فى وش القط ها يتلم وعرف مقامه
فاكرين الفيلم بتاع العجل اللى الاسود هبشوا فيه و الجاموس لم نفسه و رجع خلص ضناه من أسنان الاسد
امتى ها نرتقى لمستوى الجاموس عشان عيالنا اللى حقهم فى الحياه بيتسرق من قبل ما عنيهم تفتح

قال عبد الله السناوي رئيس تحرير صحيفة العربي الناصري ان قرار رفع اسعار البنزين والسولار سيكون له تأثيرات خطيرة على المجتمع.
وتوقع أن يعقب زيادة البنزين زيادة في كل السلع الاساسية وغير الاساسية ايضا بما لا يقل عن 50%.

المشاركة الأصلية كتبت بواسطة sharky

البنزين فعلا يا جماعة غلى لمدة ساعتين فى العديد من المحطات و بعد كده جالهم قرار غنهم ماينفذوش الأسعار الجديدة دلوقتى و يبعوا بالاسعار القديمة و يستنوا لحد ما يجلهم قرارات جديدة .
الكلام دا من مدير محطة موبيل إللى فى شيراتون و مونت بعد كده بالاسعار القديمة و قالى إحتمال كبير يزوده فى الأيام الجاية و المرجح يوم الخميس بالليل و فيه واحد تانى أعرفه سأل فى محطة بنزين قالولوا رجعوا فى كلامهم و قالوا حياخدوا موافقة كجلس الشعب الاول و بعد كده ينزلوا الاسعار الجديدة .

تخيلوا بقى إن فيه ناس مونت بالاسعار الجديدة و ناس مونت بالأسعار القديمة
أه يا بلد

+1

انا بنت خالتى مونت بالسعر الجديد, يعنى قمة فى الاستهبال

هما لازم الحركات النص كم

يعنى يزودوه بالليل, علشان مفيش حركة كتير

الناس تصحى الصبح, تلاقى الزيادة و الامر الواقع, رد الفعل بيبقى اقل من اللى حصل النهارده اكيد