عملته قبل كدة في جريت داون بس مش كل الكلاب تعرف تعمل معاة كدة
عرض للطباعة
ال اسباب المطروحة الكلب نجس مش عارف اصلي بيمنع الملايكة من دخول العمارة سالت شيخ الجامع الي قدامنا قالي مدام مش في بيتوة مش مهم عادي طيب الكلب بي هوهو يا جدعان اقسم ب رب العزة الكلب انا مبسمعلوة صوت غير لما اجي اطلع ليه اكل و فرحان بيا و ب الاكل يتنطط و يهوهو و سانيه بالكتير و يسكت اول م اقولوة اسكت يا روي و اطب طب علية خلاص انتهي طيب دة كلاب الشارع عندنا بتهوهو ليل و نهار طيب الباقي انت جبت كلب اه يا جدعان جبت كلب الي يقولك هجيب وز زو بط و الي يقول خرفان لغايه العيد و الي عايز يطلع بقرة و الي عايز يجيب جموسة صغيرة و اليعايز يجيب معزة ل عيالة بس دي القصة كلة
يا افرام الناس من الاول قالت لك ان مش عايزين كلاب واعترضت وانت راجع تقول محدش قال اي كلمة طيب اصدق اول مشاركة ليك ولا اصدق المشاركة دي ؟
وخلو السطوح مش معناه ان كل واحد يعمل اللى عايزه فيه ويربي فيه كلاب
وبعدين ايه الفرق بين الكلب بالنسبة لك والفراخ والبط بالنسبة لهم كل واحد فيكم شايف ان الحيوان اللى هو جايبه امور وجميل ومش بياذي حد ومفيد
وكمان ماشي بكلب متوحش في الشارع من غير سلسلة ولا طوق ؟؟؟؟؟؟
وكمان صاحب الموتوسيكل هو الغلطان لان كان معاه قطة؟؟؟؟؟؟
فيه حاجة اسمها مسئولية حارس الحيوان وانت مسئول تماما عن اي فعل عمله ومرة تانية انا لو مكان اي واحد منهم هضرب الكلب بالنار واسحبك على القسم اعملك محضر تعدي واحبسك واخد تعويض وكله قانوني
ويعني محدش يقدر يجبرك تحط الكلب بتاعك في شقتك بس انت تقدر تجبر الناس بانك تحط الكلب على السطوح ؟؟؟؟؟؟
وقدام باب شقتك مش حتة خاصة بيك دي جزء من السلم يعني بردو منفعة عامة ولو جاري حط كلب فيها هقوله يشيله لو محصلش بردو هاضربهوله بالنار
واضح يا افرام ان فيه عندك مشكلة في الخلط بين الحقوق والواجبات ومفترض ان اي حاجة انت عايزها او شايف انها صح تبقي حق ليك
اسئل محامي الاول قبل ما تورط نفسك واهلك في مشاكل انتم في غني عنها
ونقلبها مزرعة كلاب
ايه الهنا دي
هي الناس هاتعيش في بيت ولا في مزرعة كلاب
بحييك يادكتور محمد على كلامك حضرتك قولت اللى عايز اقوله للاسف فى اراء كتير بتتكلم من منطلق العند وهاخود حقى بدراعى ولو كل واحد بيفكر بالطريقة دى يبقى هنعيش فى غابة ليه ميبقاش فى تسامح وتكبير دماغ فى الأمور الصغيرة والتافهة ياعنى لو حد عنده اطفال او حتى بيخاف من الكلاب او مراته بتخاف منهم هيسمح ان جاره يربى كلب فى سطح العمارة ليه ما حدش بيحط نفسه مكان التانى ليه ما يكونش تعاملتنا على أساس تعامل مع الناس كما تحب ان يعاملوك
بص يا عم ايفرام اقولك ع حاجة بقي من الاخر
عزلوا من العمارة ديه هههههه
و كمان سؤال فعلا عايز اسأله
هم قالوا من الاول مش عايزين كلب و انت جبت و لا ايه اللي حصل
و اقولك برده من الاخر جيب يا عم كلب و حطه في البلكونة محدش بقي هيقدر يقولك حاجة في بيتكم
معلش هنقول الجيران والعشرة و الكلمتين دول مع ان دلوقتي ان الناس بقت اخلاقها سيئة
بالرغم ان فيه ناس كويسة جدا لكن السئ بقي اكتر
مع ان اي عمارة دلوقتي بقوا بيتمنوا يكون فيه كلب منظر يبقي قدام العمارة
بس معلش خليك انت يا عم احسن و كبر دماغك
عشان محدش فيهم يتلككلك و بعد كده انت بقي اللي تتلككلهم و هم اللي يطلعوا غلطانين
لا لو قدام باب شقتي ا دكتور مع احترامي ليك لو حد حب يتعرض ليه او يضربة بالنار يبقي هو الي هينضرب بالنار لان قدام باب شقتي مش منفعة عمة دي حتة تبع شقتي و محسوبة فية و مكتوبة في العقد يعني التعدي عليه يعتبر تعدي عليا لما ياخد رصاصة في رجلية يبقي دفاع عن النفس او بلاش رصاصة لما اجيبلوة كلب يقطعوة برضوة هيكون دفاع عن النفس بلاش كل دة انا صحابي كتير لما حد يجيبوة و يضربة هو الي هيخسر و خلية يسبت عليا اي شيء و يسلملي علي القنون لاكن انا ب الاحترام ممكن امشي الكلب بس مش خوف عشان الهمج الي في العمارة يا دكتور بس مش اكتر و احتمان ل نفسي و عشان المشاكل و عشالن في ناس محترمة في عمارتي انا بقدرة و علي فكرة الي قال ازعاج دة كان في الاول بيقول نجاسة و لما قولتله شيخ الجامع قال قايل طيب بيضايقني وريني بقي شيخ الجامع هيقول ايه
ال اقتبسات مش عارف في ايه معلش في مشاركات اتعادت
في ناس يا ايفرام معندهاش للاسف النوع ده من الرحمة في قلوبها.......انا عندي قطط وعارف طبعا العبارة متاكل نفسك احسن بص طالما انا مش مقصر مع ربي ولا مع الفقراء وبطلع زكاة مالي يبقي اعمل بفلوسي اللي بدي طالما مش حرام بس هو عندنا في الاسلام لا يجوز تربية الكلب للزينة وكده بس يجوز للمنفعة كالصيد ورعي الغنم وحرث الزرع و الحراسة وطالما انت جايبه كحراسة ليك ولحفظك واهل بيتك فعندنا في علماء اجازوا تربيته للحراسة والناس فالعمارة اعتقد بيطبقوا حديث النبي علي نفسهم مع ان الكلب مش بتاعهم
والحديث هو عَنْ أَبِي هُرَيْرَةَ رضي الله عنه عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( مَنْ اقْتَنَى كَلْبًا لَيْسَ بِكَلْبِ صَيْدٍ وَلا مَاشِيَةٍ وَلا أَرْضٍ فَإِنَّهُ يَنْقُصُ مِنْ أَجْرِهِ قِيرَاطَانِ كُلَّ يَوْمٍ )
والقيراط قد جبل احد حسنات تنقص كل يوم فطبعا بتفسيرهم الضيق ان هتنقص حسنات منهم هم بس وممكن طبعا يافرعون ايش فرعنك ملقتش حد يلمني,,,,بس السطح هما ده اللي مديهم الحجة علي اساس انو بتاع الكل (والموضوع مش كلب في ناس بتقرف من القطط كمان مع ان الدراسات اثبتت ان لسان القط انظف من لسان البني آدم) ان يعملوا كده وياريت تدربه ياكل منك او من حد من اهلك عشان لو فكروا يسموا الكلب وربنا يستر