انا مش فاهم الناس اللى دخلت الموضوع وايدت اخونا افرام بيفكروا ازاي او مش عارف انا بفكر ازاي
اولا السطوح والمدخل والمنور والاسانسير كل دي منافع مشتركة لكل السكان مش من حقك ولا من حق اي ساكن يستغلها في غير ما اعدت له
ثانيا السطوح لم يعد لتربية الكلاب والفراخ والفطط
3- حضرتك اللى بدات وجبت كلب وربيته وبعد ما طلب منك اكتر من ساكن انك تخرجه ورفضت بعضهم استغل الفرصة وربي بط ولا فراخ في المنور وده مش عاجبك
طيب ما الناس عملت نفس اللى انت عملته
ليه لما انت عملت التصرف كان حلو وجميل والكلب امور ولما هما عملوا نفس التصرف اصبحوا ناس بيئة بيئة بيييييييييئة
4- افتخارك بالكلب وما فعله بصاحب السيارة والموتوسيكل يظهر سبب تربيتك للكلب وللاسف هدف غير مقبول واقسم بالله لو الكلب ده عمل معايا كدة لاضربه بالنار واحبسك واخد منك تعويض
5- عايز تربي كلب ربيه في شقتك وتقفل عليه بابك وميخرجش منه مش تعمل ارهاب للناس وتقول انا حر
6- الرخصة اللى انت واخدها دي للكلب انه سليم ومطعم يعني لو الشرطة وجدته في الشارع متضربهوش بالنار مش رخصة انك تربيه على سطح العمارة اللى هو اصلا منفعة عامة وتقول براحتي
المفضلات