اللي فرق الناس و شق الصف الغزالي حرب بالوثيقة اللي عملها مش حد تاني لأننا كنا وصلنا لمرحلة كويسة من الاتفاق على هدف واحد وهو الثورة أولا و قولنا هنسيب على جنب الدستور أولاً و الانتخابات أولا لأن الثورة نفسها بتضيع والناس نزلت الجمعة اللي فاتت على هذا الاساس لكن اللي حصل إن برضو الميدان في ناس بتستدرج الناس و بعدين تظهر غير ما تعلن فظهر في الميدان شعارات الدستور أولا و ظهر بعد كدا الغزالي حرب بالوثيقة بتاعته اللي مش عارف مين اللي إداله الحق يعملها
هو الواقع مش الغزالي , هو المجلس اللي فتح الطريق للوثائق اللي زي دي , و قبلها بالمناسبة كانت وثيقة البسطويسي , و اتهزأ عليها من الليبراليين و اليساريين نفسهم , لكن مرة الغزالي حرب مختلفة , لأنها كانت بدعوة من المجلس
و بصراحة , انا رحت الميدان بمعدل يوم و يوم في الاسبوع اللي بتقول عليه و ما شفتش الدستور اولا دي فين !!!
و تاني اللي ادا للغزالي حرب الحق , المجــــــــــــــلس
المطالب معلنة يا باشمهندس حضرتك بس دور هتلاقيها
اهي
اقتباس:
أولًا: يرفض الموقعون على هذا البيان مجددًا وضع وثيقة مبادئ حاكمة وفوق دستورية، وذلك لما تتضمنه من فرض إرادة ووصاية على إرادة الشعب المصري.
(كلام جميل)
ثانيًا: يستنكر الموقعون على هذا البيان ما أعلن عنه من حركة المحافظين والتشكيل الوزاري القادم، وتضمن الحكومة لليبراليين واليساريين وفلول الحزب الوطني واستبعاد غيرهم من فئات الشعب المصري.
(هو لامؤاخذة مش الاخوان قالوا لأ ؟؟؟؟؟؟؟؟؟؟؟؟)
ثالثًا: يطالب الموقعون على هذا البيان بإنجاز مطالب الجماهير من المحاكمات العادلة وسرعة إنهاء التحقيقات مع قتلة الثوار ورموز الفساد في النظام البائد.
(جميل)
رابعًا: يدعو الموقعون على هذا البيان الدولة والمجلس العسكري الحاكم إلى تعديل الأوضاع المعكوسة، وتقدير الاتجاهات الإسلامية والوطنية كافة بما يتناسب مع حجمها ودورها في الشارع المصري.
(يعني ايه بقى ؟)
خامسًا: يعتبر الموقعون على هذا البيان عدم إجابة مطالبهم العادلة سببًا كافيًا في دعوة جموع المصريين إلى «مليونية حقيقية» ومفتوحة يوم الجمعة الموافق 29/7/2011م بميدان التحرير، وذلك للدفاع عن الشرعية والهوية، ومكتسبات الثورة المصرية.
(هايعتصموا يعني ؟ خير و بركة , و الله يا ريت)
نسأل الله تبارك وتعالى أن يحمي بلادنا وشعبنا من كل سوء وأن يدفع عنا كل مكروه إنه جواد كريم بر رءوف رحيم، والحمد لله رب العالمين. الجهات الموقعة على البيان: «الهيئة الشرعية للحقوق والإصلاح»، «الدعوة السلفية»، «الإخوان المسلمون»، «الجماعة الإسلامية»، «جبهة الإرادة الشعبية».
و ليه طلع بيها التيارات الاسلامية بس ؟ (سؤال استنكاري)
هل مش من حق أي حد يعبر عن رأيه و اللي متوافق معاه ينزل و يتضامن معاه و اللي مختلف براحته محدش بيحجر عليه هو كمان لما بيعبر عن رأيه
ما قلتش حاجة , بس كانت فين الحاجات دي قبل موضوع الوثيقة الدستورية , اللي انا اصلا معارضه ؟ انت عارف ؟ لو كانوا بيتحركوا في كل المواضيع و اعترضوا على دي , كان تمام , انما نزلوا يوم 8 برو عتب , و دلوقت اللي حركهم الموضوع ده
تصدق بالله ؟ واحد صاحبي (غير مسيس , لا ليبرالي ولا اخوان ولا علماني ولا اي حاجة لكنه بينزل التحرير بانتظام لحد دلوقت) , قريبه سلفي بيقول له هاننزل نوريكم القوة , هو مين ضد مين ؟