الموضوع: 56 الف يجيبو بومه اوتوماتيك ولا لأ؟

ممكن كمان اوبترا

المشاركة الأصلية كتبت بواسطة haitham10

هات كريستاله ياباشا وتوكل علي الله
طالما مش فارقه معاك انها والارض واحد
وصالونها يعتبر كوبيه وضيق جدا وقريب لارضية العربيه
عفشه حديد عشان تخس وكفايه راحه
سفاحه بنزين جوه البلد وعالسريع لو عملت 200 تبقي معجزة
باورها تقيل
وعربيه من 12 13 سنة في شوارعنا
وميزتها الوحيدة ثابته .. وقطع غيارها منتشره وحنينة نوعا ما
ومتجبش ابدا مكنة المكواة لمكنة الكريستاله
والشكل دة اذواق اكيد

انا في رأيي لو انت حابب البومة وميال ليها فعلا
يبقي زق نفسك فوق ال60 وهتجيب واحدة نضيفه ان شاء الله وكل مايزيد الف هتبقي انضف كحالة واحدث كموديل

الاخ هيثم المحترم معلش انا ممكن اكون فاهم غلط هوة حضرتك بتتكلم عن الكريستالة اللى فيها العيوب دى انا لا اعتقد انك تقصد الكريستالة هية عيبها الوحيد ان هية قريبة من الارض فعلا وموضوع المطبات لكن استهلاك بنزين فوق الممتاز والصالون مش ضيق خالص انا بيركب معايا 3 مستريح وبكون مرجع الكرسى للخلف شوية صغيرة وموضوع الباور ده صعب نحكم فيه لان كل واحد قوة ايده مش زى الاخرين انا شايف انها سهلة وعلى فكرة المكنة بتاعتها محترمة جدا جدا 1300 والله انا كنت جايب بيها فوق 170 وخفت اكمل ممكن بس مع التكييف بتكون اقل حاجة بسيطة مش بتموت يعنى زى ماكنت بسمع وبالنسبة للشكل ده موضوع اذواق انا بحس ان الكريستالة اطول حاجة بسيطة عن البومة والمكوه ممكن يكون مجرد احساس وده ذوقى الشخصى لا افرضه على حد مطلقا وكمان والله انا بنقل تجربتى فقط لا اعارض كلامك ابدا بل بالعكس احترمه بشدة بس انا عايز اقول لحضرتك حاجة مهمة جدا اكتشفتها فى نفسى قبل باقى الاعضاء المحترمين كل شخص يملك اى عربية مهما كانت نوعها بيحس ان هية احسن عربية فى الدنيا ومفيش زيها وممكن اكون خاطئ فى التقدير لكنى لا اسطيع ان احكم على شئ انا لم اجرب غيره يعنى مثل بسيط البومة مفيهاش كلام عربية بمعنى الكلمة حتى لو كان عيبها الفرامل وعدم الثبات لكن مع التعديل البسيط ممكن تاخد اللى انت عايزه منها لكنى فضلت انى اركب الكريستالة لانى شايفها احسن من وجهة نظرى الشخصية وارجو تقبل مرورى تحياتى

مصطفي باشا انا مقدرش ارد عليك انا قصدت كلامي كله عن تجربه وقصدت الاوتوماتيك بالاخص في استهلاك البنزين
وقلت رأيي بما يرضي الله لان الواحد بياخد كلام اخوة هنا مبيجربوش عربيات تانية كتير فبالنسبالهم الي راكبينها افضل واحسن عربيه اتخلقت
ممكن تكون اخدت كلامي بشكل حاد لكن انا قلت اني بحب العربيه دي لكن كل واحد له ظروف تناسبه او لا تناسبه وهي في فئتها كسعر لغايه 50 الف مفيش اختيار غيرها بصراحه

المشاركة الأصلية كتبت بواسطة badmood

مفيش اختلاف ان شاء الله
الكريستاله عربيه محترمه والبومه عربيه محترمه الفرق ان الكريستاله قبل البومه فلازم ان البومه تكون افضل في حاجات لكن ميمنعش ان الكريستاله كويسه

انا هرجع تاني واكون محدد اكتر علشان الاخوه يردو عليا في الحاجات دي:

انا ميزانيتي 65 الف وعايز بومه اوتوماتيك الاقي بالتمن ده حاجه نضيفه؟
الاجابه:
== هتلاقي نضيف وممكن يبقي بره وجوه .. وهتبقي 1300 غالبا
البومه سهله في الصيانه واي حد بيفهم فيها ؟ خصوصا الاوتوملتيك
الاجابه: اكيد طبعا ودى اكبر ميزة فيها
التكييف بتاعها عموما كويس ولا غالبا بيقابل مشاكل؟
الاجابه:
== العربيه كمجمل قليلة المشاكل طالما حالتها كويسة وبتتابعها وتكييفها كويس

لو عايز اركبلها سبويلر بنفس اللون طبعا - هركب لوحده ويبقي متين ولا لازم باب الشنطه الخلفيه يتغير بواحد تاني فيه سبويلر؟
الاجابه: ==
السبويلر والعتب والزيادات دي ممكن تشتريها جاهزة من الحرفيين او التوفيقيه

لو لقيت عربيه واتبقي معايا مبلغ بسيط - تكاليف تغيير الزيوت والفلاتر كام تقريبا؟
الاجابه:
==
دة علي حسب مكان الصيانة ومصنعيته وانا مقصدش التوكيل لان اسعاره موجودة في القسم في موضوع خاص بيه
عموما مينفعش تشتري عربيه مستعمله ومتخليش معاك مبلغ احتياطي فحدود الف - الفين عشان لو في حاجه في العفشه او الكهربا حتي لو كانت تافهه
وعموما طقم الكاتينة والسيور والفلاتر اعتقد مش هيزيدوا عن الف
---------------------------------------------------------------
نيجي بقي لتقييم العام للبومه بسياره اخري من اختيار الاعضاء
65 الف يجيبو عربيه كويسه ماركه تانيه اوتوماتيك غير البومه؟
يعني لو هشتري عربيه اوتوماتيك بالمبلغ ده ترشحولي ايه
1- بومه
2-ماتريكس
3-اي نوع تالت
-------------------------------------------------------
انا حاليا مستقر بنسبة 90 % علي البومه بس لما شفت مره العان ماتريكس احترت شويه

عموما نصيحه ورأي شخصي عن تجارب لو غاوي جري وسواقتك كلها شد وسحب ورجلك تقيله شوية .. ال1300 هتبقي اختيار صعب ليك مع الاوتوماتيك في اي عربية والتكييف هيأثر علي السحب طبعا

اما لو سواقتك هاديه وعاديه ومش غاوي الكلام الي قلته مش هتحس بفرق وياريت لو ليك تجارب سابقه تقولها

ولو لاقيت بومة 2005 1600 هاتها بس الاهم الحاله طبعا

بالتوفيق