في السوبر ماركت

**authority973** · 20-07-2011 05:20 PM

المشاركة الأصلية كتبت بواسطة تامر.محمد

هممممممممممممممم ده ابنك و انت بتصرف عليه من جيبك , مش كده ؟
و عايش في (بيتك) واكل شارب نايم و اساسياته كلها متوفرة , مش كده برده ؟
و كل اللي بيطلبه كله كماليات و دلع و شيكولاتة و ايس كريم , صح ؟

لو كل ده صح , يبقى خلاص اتصرف كما يمليك ضميرك و عقلك
غير كده , يبقى فيه كلام تاني

انت شايف ان الشعب المصرى اكل شارب نايم واساسيته كلها متوفرة!!! وان يجيب اللى قتل ابوه واخوه وابنه ده يبقى دلع, اكيد انت مش قصدك كده, ولا ايه؟.

**fepsceasar** · 20-07-2011 05:20 PM

بلاش النظرة الابوية لمن يتولى السلطة
adult to adult
not
adulto to child

**fepsceasar** · 20-07-2011 05:23 PM

المشاركة الأصلية كتبت بواسطة authority973

طاب تخيل نفسك فى نفس السوبرماركت,
بس المره دى معاك جوز امك, اللى يادوب بيأكلك اللقمة بالعافية وكمان فى اخواتك يمكن مش لاقيين ياكلو مع ان ابوك كان ملياردير ومعاه فلوس كتير بس المشكلة ان جوز امك هو الواصى عليك ولو مقعتدش تزنلو كل يوم وتفكره ان الفلوس دى فلوس ابوك وفلوسك اصلا وده حقك, مكانش اداك الجنيه عشان تروح تجيب بيه كيس شيبسى تاكله انت واخواتك كلهم, ولو ماكنتش زننيت واتحايلت ماكنتش طلت حتى بق مياه
ومش بس كده دا جوز امك عارف مين اللى قتل ابوك بس المشكلة ان اللى قتل ابوك كان صاحب جوز امك عشان كده سايبه قاعد بيصييف ولاونه بكلمه واحدة بس يقدر يبلغ عنه ويريحك انت واخواتك كلهم,

يا ترى لحد امتى هيفضل جوز امك واصى عليك ومين عارف ايه اللى هيحصل لحد ماتكبر ويبقى عندك 21 سنة وتبقى مسؤل عن نفسك, يا ترى اللى قتل ابوك هيبقى موجود عشان تنتقم منه ولا هيبقى مات معزز مكرم ولا كأنه عمل حاجه ولا هيبقى هرب ولا ايه ولا ايه, انتى عارف حتى لو انا بطيبتى و سذاجتى سامحت اللى قتل ابويا وسامحت جوز امى,عمرى ما هقدر اعيش وانا شايف اخواتى بيبصولى كل يوم بنظرة انى فرط فى حقهم وحق ابويا, يا ترى لحد امتى جوز امى هيفضل واصى عليا!!.[/b][/b]

حلوة حلوة
وبعدين مصاصة ايه وايس كريم ايه قول كلام غير ده

**تامر.محمد** · 20-07-2011 05:30 PM

المشاركة الأصلية كتبت بواسطة authority973

انت شايف ان الشعب المصرى اكل شارب نايم واساسيته كلها متوفرة!!! وان يجيب اللى قتل ابوه واخوه وابنه ده يبقى دلع, اكيد انت مش قصدك كده, ولا ايه؟.

ولا اساسيات كل الناس متوفرة , ولا الشعب حد بيأكله من جيبه ولا حد وصي عليه , ولا طلبات الناس مصاصة و ايس كريم, معايا ولا ؟

**nevozaky** · 20-07-2011 06:08 PM

المشاركة الأصلية كتبت بواسطة aif

انا فهمت كدة بالظبط
واعتقد ان معظم المشاركات هي اسقاطات على حالة البلد
زي كدة مثلا

انا فاهمة حضرتك
.واخدت بالى ان بعض الزملاء اللى اخد باله بيتكلم بالاسقاطات
.بس انا حبيت الفت النظر علشان الموضوع ما يخرجش على اللى عايز يقوله الباشمهندس احمد

**ahmed2y** · 20-07-2011 09:18 PM

المشاركة الأصلية كتبت بواسطة م.احمد زكريا

أول الشهر ولسة قابض مرتبك
ونازل تشتري حاجة الشهر

تخيل انك ماشي مع ابنك في كارفور

وابنك لسة طفل صغير 3 - 4 سنين كده ..... ولد شقي كله نشاط بيروح هناك ويرجع جري ... عنده طاقة

وطول ما انت ماشي :-

إبنك: بابا عايز شيكولاتة

أنت: عنيا يا حبيبي وتحط في الباسكيت

تتمشى شوية ومركز في حاجات الشهر من المؤن الضرورية للبيت ... تلاقي ابنك فجأه

بابا أنا هايز ايس كريم
انت : اوي اوي أتفضل ..... وتحط في الباسكت

وبتكمل تسوقك في الماركت وعمال تحسبها يمين وشمال عشان تكفي بيتك بدخلك المتوسط المعيشك يا دوب

وابنك فجأه : بابا أنا عايز عصير

هنا انت لقيت الموضوع هايخرم منك رحت قلتله : حاضر بس اصبر لما نجيب الرز وبعدين نرجع للعصير

وبعد شوية ابنك يفكرك : انت نسيت العصير ولا ايه

تروح واخده لحته بعيدة وتجيب حاجة اهم للبيت يمكن ينسى وتنجح انك تنسيه العصير

بس فجأه يشوف قسم الالعاب وينادي بأعلى صوته : بابا انا عايز عربية

إيه الزنقة ديه ... تقوله يا حبيبي مش وقته ... يقولك لا ماليش دعوة
يا حبيبي طيب المرة الجاية ... يعيط ويقولك لا عايزها
يا حبيبي طيب نخلص شراء الحاجات وبعدين لما يتبقى فلوس نشتريها
يعيط وينام على الارض ويرفص ..... عايز العربية

هنا تفير من نبرتك وتكشر في وشه وتزعق فيه ..... قوم يا ولد بلاش دلع مع صيغة تهديد والصباع إياه

يقوم الولد مقموص وماشي معاك ويعيطله شوية .... ومع الف ينسى اللعبه

تكمل لف وتشتري حاجاتك وتقف عند الكاشير وتدفع كل المعاك عشان تأمن بيتك خلال الشهر بكل الضروريات التي لا تستقيم الحياه بدونها

وفجأه ابنك الغلس .... بابا بابا انا عايز المصاصة ديه ... تبتسم ابتسامة خفيفة وتشتريهاله بكل حب وحنان

وتنتهي رحلة التسوق وهو مبسوط وانت سيطرت على الوضع على قد ما قدرت

ووفرت حاجيات بيتك

يا رب المشتريات تكفي الشهر

يا ترى مصر هاتخرج من السوبر ماركت ولا هانلف كتير عشان المصاصات واللبان

قبل ما اوصل للثلث الاخير حسيت ان الموضوغ فية اسقاط سياسيى

**ahmed2y** · 20-07-2011 09:51 PM

المشاركة الأصلية كتبت بواسطة abou_ruqi

المصيبة بقه لما تعرف ان الواد ده متدرب على الزن في ا مريكا و هي اللي بتموله !!!!

يا باشا

الواد بيزن عاوز يحاكم النظام الفاسد

الواد بيزن عاوز يحاكم قتلة الشهداء

الواد بيزن عاوز تحركات سريعة وجادة

الواد يمكن بيزودها شوية وانا عن نفسى بقول انة مزودها بس بيطلع عندة حق فى الاخر

واتفق معك ان امريكا عدو لدود للعرب والمسلميين ولكن احنا الى بنعمل العفريت ونخاف منة احنا الى بنقولة خوفنا

قصة بسيطة كدة بمناسبة امريكا الى بنخوف بيها نفسنا

الدكتور احمد زويل كل سنة تقريبا بيعمل لقاء سنوى بيكون فى دار الاوبرا وبيلقى كلمة واخر المستجدات وما الى ذلك وفى اخر الندوة بياخد اسئلة مكتوبة من الشباب الحاضر ويجاوب عاليها فتح سوال لقاة سوال عن الصراع العربى الاسرائيلى ومحاذة امريكا لاسرائيل اظن لقى اكتر من سوال ومكرر بنفس السوال

حسيت الراجل زى ما يكون انفجر ورد وقال بالنسبة للسوال دة يعنى مالوش لزمة احنا ماسكيين الصراع العربى الاسرائيلى وانحياز امريكا لاسرائيل احنا السبب احنا الشعوب ضعيفة والضعيف محدش بيبصلة ولا بعملة حساب لازم نكون اقوياء عشان الناس تبصلنا وتعملنا حساب وبلاش الكلام المستهلك والشعارات ويا ريت محدش يبعت السوال دة تانى وخالينا نتكلم فى حاجة مفيدة

وحاجة تانية كمان ايران بتقول لا لامريكا وكوريا واقفة زى العقلة فى الزور لامريكا وتركيا فضحة اسرائيل اول باول مقالوش لية امريكا بتمول حركات ثورية عندنا

وهل الناس كانت محتاجة تمويل خارجى من امريكا عشان تثور على حسنى ونظامة والفساد الى كنا عايشين فية

وجهة نظرى الخاصة

**م.احمد زكريا** · 20-07-2011 09:54 PM

اولا تحياتي لكل من شارك بالموضوع ووضع رأيه .... فكلنا اخوة لنا هدف واحد بطرق مختلفة

المشاركة الأصلية كتبت بواسطة wesam_salom

ما هو المفروض من الاول
نحدد ايه الضروريات
وايه الاولويات
وطريقه الشراء
يعنى الطريقه لعبور السوبر ماركت
علشان محدش يمسك فى حاجه صغيره ويسيب حاجه اهم
وميجيش 2 من الولاد واحد يقول المصاصه اولا والتانى يقول الايس كريم اولا
لازم حد يقول لهم الرز والخضار اولا
ناكل وبعدين نحلى
نختار نوع الاكل ونختار الطباخ مش نتخانق على الكماليات
والمفروض يبقى هدفنا واحد مش كلنا نتهم بعض باننا مش عارفين الطريق
كلنا ايد واحده

طبعا كلامك صح 100 % بس لاحظ انه طفل صغير لسة مش مدرك يعني ايه اولويات
البيجي على هواه بيطلبة من غير تفكير

المشاركة الأصلية كتبت بواسطة nevozaky

يا جماعة الباشمندس احمد مش بيتكلم فى ان دى مشكلته فعلا .
افهمه مغذى ما يريد ان يقوله .
القياس على ما يريد ان يقول .هوه بيتكلم على مصر .
وعلى شباب واولاد مصر .ومطالب المصريين .
وعلى اللى بيحصل فى البلد اليومين دول .اقراْوا ما بين السطور

[COLOR="rgb(139, 0, 0)"]تحياتي يا فندم[/COLOR]

المشاركة الأصلية كتبت بواسطة otefa

أيوه
عندك حق والله يا حج أحمد عايز تلعبهم ماتش كورة حلو يفرغو فيه طاقتهم يفتحولهم المدارس تاني عام دراسي مبكر بدل ماهم قارفين أهاليهم
شوية لعبة شوية مصاصة
عيال سو سو بصحيح
وقفوات كمان
هههههه

[COLOR="rgb(139, 0, 0)"]بس الدوري خلص والأجازه جات وفضيوا ومش لاقيين حاجه تشغلهم .... اهم بيقضوا وقت في السوب رماركت[/COLOR]

المشاركة الأصلية كتبت بواسطة abou_ruqi

المصيبة بقه لما تعرف ان الواد ده متدرب على الزن في ا مريكا و هي اللي بتموله !!!!

[COLOR="rgb(139, 0, 0)"]أطفال يا باشا لا لحقوا يتدربوا ولا يتنيلوا .... والاطفال في السن ده عديمي الخبرة ( خشم يعني )[/COLOR]

المشاركة الأصلية كتبت بواسطة zalpany2000

احترم رأيك... واحيي اسلوب سردك

بس اسمحلي اختلف معاك ... لان ما يطلب مش تفاهات و مصاصة وعصير ... المطلوب حاجات اعمق بكتير من المصاصة والعصير اللي عمالين يلهونا بيها يا فندم ... حقك تكون زهقت من الانتظار والملل ... بس اللي ما زهقوش مش تافهين ولا زنانيين ... ومش عايز افتي واقول ان اللي بيعملوه دلوقتي فرض كفاية عننا كلنا ... بس لو مش هانقدر نساندهم ... علي الاقل ما نبقاش ضدهم

تحياتي

[COLOR="rgb(139, 0, 0)"]فرض كفاية كبيرة قوي.... بس برضه احنا وصلنا اننا مش محددين هما عايزين ايه بالظبط .... زي مانسي العصير وافتكر اللعبة لما شافها [/COLOR]

المشاركة الأصلية كتبت بواسطة authority973

انت شايف ان الشعب المصرى اكل شارب نايم واساسيته كلها متوفرة!!! وان يجيب اللى قتل ابوه واخوه وابنه ده يبقى دلع, اكيد انت مش قصدك كده, ولا ايه؟.

[COLOR="rgb(139, 0, 0)"]لاحظ انا بأتكلم على اساسيات المرحلة ..... يا سيدي جاي حكومة منتخبة من الشعب .... والشعب هايختار رئيس
يعني حومة ورئيس وبرلمان بإختيار الشعب ... وعشان هي ثورة الشعب ... يبقى ما سبق رئيس الثورة وحكومة الثورة وبرلمان الثور .... الهايحاكموا اعداء الثورة بلا خوف او خجل او جميل .... فاهمني يا باشا [/COLOR]

المشاركة الأصلية كتبت بواسطة elrasy

احنا لية عندنا اصرار ان المجلس هوة بابا و حسنى هوة بابا ومينفعش نطلب منة ومينفعش نحاسبة!!!!!!!

المسئول اللى مش قادر على احتياجات مواطنية يغور , مصر مليانة كفاءات ,,

وبعدين هوة لولا الضغط كان فى محاكمات علنية او تغيير وزارى ,, للاسف المجلس كييف ضغط نعمل اية

[COLOR="rgb(139, 0, 0)"]اولا كلكم راع وكلكم مسئول عن رعيته ... من اول الاب إلى حاكم البلاد .... كلهم سواء وعليهم مسئولياتهم
ومصر كلها كفاءات .... بقيت اشك فيها .... مصر محتاجه كفاءات
ما هو الولد ضغك على ابوه لحد ما زعقله وقلب وشه ... الخوف لو كان الولد تمادى كان ضربه على ايده وقله كخ ... بعدها يضرب بالـ....... [/COLOR]

-

الموضوع: في السوبر ماركت

LinkBack

أدوات الموضوع

عرض

-

-

-

-

-

المواضيع المتشابهه

مشكلة في اندرويد ماركت :(

عاوز سوبر ماركت او كافية للايجار

للبيع مستلزمات تجهيز سوبر ماركت

>>> مترو ماركت يحترق <<<

الكلمات الدلالية لهذا الموضوع

المفضلات

المفضلات

ضوابط المشاركة