تحويل السيفيك 2009 من lxi إلى vti

السلام عليكم. أنا بادور على سيفيك 2009 vti وكل فين وفيم لما بالاقي واحدة ومبتعجبنيش. يا حالتها مش كويسة يا عاملة كم كبير يا صاحبها تنك يا معرض وطالب رقم مبالغ فيه...إلخ. المهم بما إن المعروض منها للبيع مستعمل مش كتير. فكرت أشوفلي واحدة lxi وأضيف عليها الحاجات المهمة في الـ vti زي تحكم الكاسيت من الطارة, الجنوط, فوانيس الشبورة...الخ.

كنت عاوز رأيكم, هل ده يعتبر تفكير سليم؟ ولا كده الموضوع حيكلفني كتير وأحسنلي أصبر واشوفلي حتة vti. وهل لما أركب إضافة بتركب بشكل نضيف زي الـ vti ولا التركيب المصري حيبقى مش في ضبطة اللي راكب في المصنع. وايه الحاجات اللي في ال vti وممكن تتضاف للـ lxi وايه اللي ما ينفعش تتضاف؟ (زي فتحة السقف)

شكرا لمساعدتكم ويارب أنضم للعصابة قريبا.

الموضوع هيكلفك كتير عشان تركب جميع الاضافات بتاعه الـ VTi وفي حاجات فعلاً مش هتركب بسهولة زى فتحة السقف و الـ VSA

رأى انك تصبر لحد لما تلقى واحدة VTi نظيفة وسعرها معقول

في كماليات مينفعش تركب

زي المالتي بيبقى متبرمج مع الكاسيت

و فتحة السقف

و امكانيات كتيرة انسى تعرف تجيبها و لو جبتها مش حتعرف تركبها

لوم مش فارقه معاك يبقى هات و خلاص

لكن لو الاوبشن فارق معاك يبقى استنى

انا لما حبيت اجيب عربية مستعمل قعدت 6 اشهر بدور على النت و المعارف و المعارض - و للعلم النت باقى كله تجار و مشموم
شوف معارفك احسن و لو تعرف ميكانيكية و كهربائية سيارات حيساعدوا جامد و بياخدوا عمولة بسيطة ( 200 - 800 جنيه )

و الله يا باشا انا فكرت نفس التفكير ده من فتره بس تعالى نحسبها سوا كده واحده واحده فى الفروق اللى ظاهره

1- عندك طاره مالتى
2- فتيس ستيب ترونيك و بادل شيفت
3- طقم جنوط و بالتالى كاوتش
4- فتحه السقف و ده ننساها لانك هتغير كده السقف
5-فوج لايت
6- زينون
7- فى اس ايه و طبعا ممكن ننساه و لو انى مش عارف التوكيل يركبه و لا لا
8- فرش جلد و ممكن الاستغناء عنه

كده ده الفروق اللى بينه عشان تحول لفى تى اى

طيب لو فكرنا هنلاقى الحاجات ده بكام ؟

و كمان لو 2009 lxi هتكون بكام حاله شاذه زي مانا و انت بندور ؟

و جمع المبلغين على بعض و شوف ساعتها الفرق كام و لصالح مين ؟

اعتقد انها هتقف اغلى من السيفيك ال vti بمراحل و برده الخبراء يدلونا

اقتباس:

---

المشاركة الأصلية كتبت بواسطة Mahmode

السلام عليكم. أنا بادور على سيفيك 2009 vti وكل فين وفيم لما بالاقي واحدة ومبتعجبنيش. يا حالتها مش كويسة يا عاملة كم كبير يا صاحبها تنك يا معرض وطالب رقم مبالغ فيه...إلخ. المهم بما إن المعروض منها للبيع مستعمل مش كتير. فكرت أشوفلي واحدة lxi وأضيف عليها الحاجات المهمة في الـ vti زي تحكم الكاسيت من الطارة, الجنوط, فوانيس الشبورة...الخ.

كنت عاوز رأيكم, هل ده يعتبر تفكير سليم؟ ولا كده الموضوع حيكلفني كتير وأحسنلي أصبر واشوفلي حتة vti. وهل لما أركب إضافة بتركب بشكل نضيف زي الـ vti ولا التركيب المصري حيبقى مش في ضبطة اللي راكب في المصنع. وايه الحاجات اللي في ال vti وممكن تتضاف للـ lxi وايه اللي ما ينفعش تتضاف؟ (زي فتحة السقف)

شكرا لمساعدتكم ويارب أنضم للعصابة قريبا.

---

من راي الشخصي مينفعش اهم ميزه في vti محدش بيكلم عنها كتير الفرش الجلد وتقفيل الابواب تحفه بجد وشكل الكراسي الجلد اصبر شويه وهتلاقي واحده

اقتباس:

---

و الله يا باشا انا فكرت نفس التفكير ده من فتره بس تعالى نحسبها سوا كده واحده واحده فى الفروق اللى ظاهره

1- عندك طاره مالتى
2- فتيس ستيب ترونيك و بادل شيفت
3- طقم جنوط و بالتالى كاوتش
4- فتحه السقف و ده ننساها لانك هتغير كده السقف
5-فوج لايت
6- زينون
7- فى اس ايه و طبعا ممكن ننساه و لو انى مش عارف التوكيل يركبه و لا لا
8- فرش جلد و ممكن الاستغناء عنه

كده ده الفروق اللى بينه عشان تحول لفى تى اى

طيب لو فكرنا هنلاقى الحاجات ده بكام ؟

و كمان لو 2009 lxi هتكون بكام حاله شاذه زي مانا و انت بندور ؟

و جمع المبلغين على بعض و شوف ساعتها الفرق كام و لصالح مين ؟

اعتقد انها هتقف اغلى من السيفيك ال vti بمراحل و برده الخبراء يدلونا

---

والله أنا باقول الإقتراح ده من زهقي عشان ليا شهرين بادور. وبرضه أصل فعليا اللي يفرق معايا الجنوط وتحكم الكسيت في الطارة والزينون وفوانيس الشبورة. ودول كلهم يركبو وأظن مش غاليين أوي.

طبعا أنا نفسي في فتحة سقف بس دي مستحيل تركب. بالنسبة للـبادل شيفت أنا شيفه مالوش لزمة للقيادة العملية وبرضه الـVSA والـair bags ما يفرقوش معايا لأن الأعمار بيد الله وأنا طول عمري ماحبش أدفع فلوس في ضمان. ولا النواكل تفرق برضه. أعتقد أنا قلت كل الكماليات كده.

اقتباس:

---

من راي الشخصي مينفعش اهم ميزه في vti محدش بيكلم عنها كتير الفرش الجلد وتقفيل الابواب تحفه بجد وشكل الكراسي الجلد اصبر شويه وهتلاقي واحده

---

كل الـvti اللي شفتهم لحد دلوقتي ولا واحدة فيهم فرش جلد. أغلب الناس بيشتري اللي فرش قماش عشان تقريبا فرق 8000 جنية!!! وعموما لو عاوز فرش جلد ممكن يتعمل عند سروجي نضيف زي جينز كار.

هو غير dual شفت الفتيس فيه كمان نقله sport ده معتقدش موجود في العربيه العاديه ده بيعلي RPM ويخلي استجابه العربيه للسحب ودوسه البنزين أكتر بكتير
كمان عندك شاشه ديجيتال في التكييف مخرج كرم للشكمان USB وعلى فكره أنا كنت بدور زيك من سنه وربنا كرمني بوحده جبتها من على contact

اقتباس:

---

وعلى فكره أنا كنت بدور زيك من سنه وربنا كرمني بوحده جبتها من على contact

---

ممكن تقوللي كانت موديل كام وماشية قد إيه واشريها بكام؟

هيا كانت موديل 2009 ماشيه 30000km وخلصت على 144

اقتباس:

---

هيا كانت موديل 2009 ماشيه 30000km وخلصت على 144

---

حلو جدا. ما بتفكرش تبيع :)

اولا عشان تركب الزينون الاصلى لازم تغير الفوانيس بالكامل عشان ان شوفت ناس مركبه الزينون العادى بصراحه نوره مش ها ييجي بنفس الجوده و على فكره سعر الفانوسين 6000 جنيه ومش عارف اذا كان فيه حاجه تانيه محتاجه تركب ولا لأ

انما اهم ميزه بصراحه نقل الفتيس من الطاره وده بيخلى موضوع تسقيط النقلات ييجى بسرعه وسلاسه مقارنه بالكيك داون وخصوصا ان ايدك على الطاره وفى وضع D النقله بتثبت شويه وما بتنقلش للاعلى لما بتخف رجلك ولما سواقتك ترجع طبيعيه العربيه ترجع للنقل الاوتو لوحدها

وفيه حاجه عايز اطرحها لملاك الجيل الثامن lxi
معروف ان الفتيس 5 نقلات ويوجد امكانية التنقل يدويا من 1 الى 3 مش كده؟
طب افرض انك ماشى في طريق يميل للصعود وبسرعه من 70 ال120 الدائري مثلا
لو انت فى وضع D ها تبقى مضطر تعمل كيك داون طول ماانت ماشي عشان العربيه بتنقل غصب عنك للخامس اللي عزمه قليل على السرعات البطيئه وما تقدرش تثبت على D3 على السرعات العاليه يعنى باختصار محتاج تثبت على النقله الرابعه اللى تستوعب التغير المستمر في السرعه

بالنسبه لل VTI يتم وضع عصا ناقل الحركه على S التى تعادل D3 فى LXI وعند الوصول لسرعة 70 يتم رفع النقله الى 4 عن طريق الضغط على + ويتم التحكم فى النقلات يدويا يعنى ما فيش كيك داون

انا شايف لو انت مش فارق معاك فتحة السقف هات العاديه وزود فيها الكماليات اللى انت عايزها
انا عربيتى Lxi وفيها فرش جلد احلى من الاصلى ولو عايز اقولك منين ابقى ابعتلى على الخاص,,,
انا مركب الفوج الاصلى بالدراع الاصلى ومركب المالتى الاصلى ومركب العتب الاصلى اللى عليه كلمة سيفيك والنواكل اللى على الباب من التوكيل وديل الشكمان النيكل وجنوط احلى من الاصلى وارخص طبعا ده غير الdvd بالكاميرا الخلفيه وده مش موجود فى الفئه العاليه اساسا
الفرق بين عربيتى والvti هو فتحة السقف والفتيس اللى فى الطاره بس تزيد شاشه وكاميرا خلفيه وبلوتوث وتلفزيون gps
الحاجه الوحيده اللى مضيقانى هى فتحة السقف ولسه بفكر اجيب الاصلى بفرش السقف بس خايف اعملها

اقتباس:

---

المشاركة الأصلية كتبت بواسطة refaat78

انا شايف لو انت مش فارق معاك فتحة السقف هات العاديه وزود فيها الكماليات اللى انت عايزها
انا عربيتى lxi وفيها فرش جلد احلى من الاصلى ولو عايز اقولك منين ابقى ابعتلى على الخاص,,,
انا مركب الفوج الاصلى بالدراع الاصلى ومركب المالتى الاصلى ومركب العتب الاصلى اللى عليه كلمة سيفيك والنواكل اللى على الباب من التوكيل وديل الشكمان النيكل وجنوط احلى من الاصلى وارخص طبعا ده غير الdvd بالكاميرا الخلفيه وده مش موجود فى الفئه العاليه اساسا
الفرق بين عربيتى والvti هو فتحة السقف والفتيس اللى فى الطاره بس تزيد شاشه وكاميرا خلفيه وبلوتوث وتلفزيون gps
الحاجه الوحيده اللى مضيقانى هى فتحة السقف ولسه بفكر اجيب الاصلى بفرش السقف بس خايف اعملها

---

طب ركبت الحاجات دي كلها إزاي؟؟؟

فى كمان حجات محدش قلها وجمدة جدااااا
- زى تكيف أوتو + شاشة ودة فارق جدا فى درجة حرارة الصالون وتوزيع الهوا
- ترمومتر لدرجة الحرارة فى شاشة ال k.m
- كمية أستهلاك البنزين فى شاشة ال k.m
- فرش الشنطة من الداخل وفرش الكبوت
- الاشارة فى المريات
- ال vsa ودة مهم جداااا مش عارف الناس بتقلل منة لية دى ميزة متقلش اهمية عن ال abs
بجد ال vti فارقة جامد عن ال lxi ... اللى ناس كتير أوى متعرفوش أن ال vti التركى الاستراد فيها كمليات أكتر من بتاعت التوكيل بكتيييييير لأكن قليلة جدا فى مصر أو ممكن تجبه زيروا أقل من التوكيل 15000

السلام عليكم,,,
حاجة كمان هاتحتاج تغيرها وصعبة برضه وهي (ضفيرة الكهرباء) ودي قبل أي تغيير لأن واقف عليها حاجات كتير ,,, و نصيحة بلاش تلعب في ضفيرة العربية الأصلية خاااالص علشان العربية ماتزعلش منك.

اقتباس:

---

المشاركة الأصلية كتبت بواسطة hany63

اولا عشان تركب الزينون الاصلى لازم تغير الفوانيس بالكامل عشان ان شوفت ناس مركبه الزينون العادى بصراحه نوره مش ها ييجي بنفس الجوده و على فكره سعر الفانوسين 6000 جنيه ومش عارف اذا كان فيه حاجه تانيه محتاجه تركب ولا لأ

انما اهم ميزه بصراحه نقل الفتيس من الطاره وده بيخلى موضوع تسقيط النقلات ييجى بسرعه وسلاسه مقارنه بالكيك داون وخصوصا ان ايدك على الطاره وفى وضع D النقله بتثبت شويه وما بتنقلش للاعلى لما بتخف رجلك ولما سواقتك ترجع طبيعيه العربيه ترجع للنقل الاوتو لوحدها

وفيه حاجه عايز اطرحها لملاك الجيل الثامن lxi
معروف ان الفتيس 5 نقلات ويوجد امكانية التنقل يدويا من 1 الى 3 مش كده؟
طب افرض انك ماشى في طريق يميل للصعود وبسرعه من 70 ال120 الدائري مثلا
لو انت فى وضع D ها تبقى مضطر تعمل كيك داون طول ماانت ماشي عشان العربيه بتنقل غصب عنك للخامس اللي عزمه قليل على السرعات البطيئه وما تقدرش تثبت على D3 على السرعات العاليه يعنى باختصار محتاج تثبت على النقله الرابعه اللى تستوعب التغير المستمر في السرعه

بالنسبه لل VTI يتم وضع عصا ناقل الحركه على S التى تعادل D3 فى LXI وعند الوصول لسرعة 70 يتم رفع النقله الى 4 عن طريق الضغط على + ويتم التحكم فى النقلات يدويا يعنى ما فيش كيك داون

---

شوف يا باشا, الLXi على مطلع مابتحتاجش إنك تعمل كيك داون بنفسك ,,, قصدي إن العربية وهي على ال D ومن غير ما تدوس زيادة على دواسة البنزين بتنزل غيار أوتوماتيك لو فهمت إن العزم الخارج من الغيار الحالي غير كافي وإنت طالع المطلع.

طب لو حبيت العربيه تفضل على الرابع مهما شيلت رجلك بتعمل ايه؟
واحشنى كتير ياستاذ احمد