فكرة كانت جتلي لإجبار الناس علي ترك مسافات في الطرق السريعة

كتير من الناس بتفتكر انه دلع انك تسيب مسافة بينك و بين اللي قدامك و انت سايق في طريق سريع

بس ممكن اللي قدام ده يقف في أي وقت بضرورة او من غير ضرورة هو و مزاجه .. و الألعن ان ممكن فوانيس الفرامل عنده مش شغالة

فا فكرت في جهاز يكون بيشتغل علي السرعات بعد 60 .. يتثبت في الاكصدام الخلفي فوق النمر في كل عربية
يكون زي الباركنج سينسور كدة .. بيقيس المسافة بينك و بين اقرب جسم من الخلف .. و يتم تحديد مسافة قانونية يتم العمل بها
و اذا تم خرق المسافة دي .. الجهاز ياخد صورة فوتوغرافية للجسم اللي خلفه و هتكون الصورة دي فيها نمر العربية اللي وراك

و يكون من حقك تتقدم بشكوي ضده لتعريض حياتك للخطر

و الجهاز ده يشتغل بعد سرعة 60 لأن في الاماكن الزحمة صعب يبقي فيه مسافة كبيرة بينك و بين اللي قدامك
و الجهاز ده هيبخدم في الحد من الغرز و العمل بإشارات "وسع" و اجبارك بأنك توسع عن طريق انه يلزق نفسه فيك فا يرعبك .. يعني ممكن يضيف شوية نظام الي السيرك المصري (الشارع المصري)

طبعا دي فكرة خزعبلية و مستحيل تطبق في مصر .. بس يعني هي كانت جتلي كدة فا حبيت اكتبها

فكرة جميلة وبسيطة وعملية وكل حاجة حلوة والله :)،

بس تنفع في دولة تانية يكون ماعندهاش جملة "انت عارف انت بتكلم مين؟"!!

فكرة ممكن تتنفز و لكنها مش عملية دة كدة ممكن واحد كل شوية يفضل يفرمل و الى وراة يقرب منة و يقوم متاخد مخالفة

ممكن الجهاز يتوصل بالدايرة بتاعة فوانيس الفرامل بحيث لو اشتغلت ميشتغلش

فكر رائع ما شاء الله لكن الفكرة تحتاج مكان وظروف خاصة ، ما رأيك فى الفوانيس الزينون الجديدة التى تضئ بالخلف مع نور الفرامل وتعمى من خلفك ؟

الفكرة الافضل
انك تجيب زرار في التابلوة اول ما تشغلة ينور نور الفرامل والانتظار اللي وراك هايفتكرك قربت تقف يتخط ويفرمل ويسيب مسافة
انا لو حد لزق فيا من ورا ومضايقني بضرب انتظار بيخاف ويبعد

فكرتك ممتازة يا باشا ......... بجد فكرة رائعة
و لكنها غير عملية في مصر
عارف ليه
علشان مفيش اللي ينفذها
-----------------------------------------

الحل الأمثل
تركيب مدفع ذو فوهتين .... أمامي و خلفي
و اللي يعمل غرزة من قدامك
تُطلق صاروخ عليه ياخدوه في ستين داهية
و اللي يبقى لاصق وراك .... برضه تُطلق صاروخ عليه و برضه يروح في ستين داهية

و بكدا

سيتحول 95 % من سائقي مصر إلى الأماكن اللي فيها الداهية

نيهههههههههههههههه

--------------------------------------
و محدش يزعل مني لو حس إني بهزر
لأن ده مش هزر ............................ ده أنا مفقوع و هاتطق

اقتباس:

---

المشاركة الأصلية كتبت بواسطة karim_monir

الفكرة الافضل
انك تجيب زرار في التابلوة اول ما تشغلة ينور نور الفرامل والانتظار اللي وراك هايفتكرك قربت تقف يتخط ويفرمل ويسيب مسافة
انا لو حد لزق فيا من ورا ومضايقني بضرب انتظار بيخاف ويبعد

---

ههههههه :) كنت بعمل كده فى الكورسا...

نور الضباب كنت بدوس على الزرار بطفى و أولع فى أكنى بدوس فرامل !!! هههههههه

اقتباس:

---

المشاركة الأصلية كتبت بواسطة tutankhamoun

الحل الأمثل
تركيب مدفع ذو فوهتين .... أمامي و خلفي
و اللي يعمل غرزة من قدامك
تُطلق صاروخ عليه ياخدوه في ستين داهية
و اللي يبقى لاصق وراك .... برضه تُطلق صاروخ عليه و برضه يروح في ستين داهية

و بكدا

سيتحول 95 % من سائقي مصر إلى الأماكن اللي فيها الداهية

نيهههههههههههههههه

---

ههههههههههههههههههههههههه هههههههههههه

مش عارف أنا بضحك إزاى رغم القرف اللى احنا فيه بس فكرتك عجبتنى قوى

فكرة جامده :)

بس مستحيل تتنفذ!

أنا نفسى فى العربية الـ BM بتاعت جيمس يوند اللى كانت تقريباً فى Tomorrow never die ! حبت الأشكال الغربية اللى كان بنزلها على الطريق يفرتك عجل العربية اللى وراه ! واللى يلزق و يستغبى أديلوه شويه :)

طب انا عندى تعديل للفكره
هنحط حساسات الركن قدام و ورا و لما تبقى المسافة بين العربية و العربية اللى قدامك او وراك اقل من مسافة معينه و لتكن 2متر تحت 60كم\ساعة و 10 متر فوق 60كم\ساعة او نخليها تتغير بالتدريج كل ما تزيد السرعة تزيد المسافة
هيحصل ايه لو حد اخترق المسافة دى ؟ ==> انذار العربية يشتغل
و المرور يفرض وجود المنظومة دى فى كل العربيات
ايه رايكو فى الفكرة دى ؟

فكرة جامده والنتيجة بالصورة
http://www.postimage.org/Pq1CCH1i.jpg

اقتباس:

---

المشاركة الأصلية كتبت بواسطة osama

فكرة جامده والنتيجة بالصورة

---

أنا بتكلم جد مش بهزر

اقتباس:

---

المشاركة الأصلية كتبت بواسطة ams

أنا بتكلم جد مش بهزر

---

يا باشا الأستاذ أسامة مالوش في الجد خالص
وماوراهوش غير الهزار

هو كان فيه فكرة مشابهة ... ان السنسور لكل عربية يبقى قدام وورا .... قدام ريسيفر وورا ترانسميتر

الميكانيزم بتاعتها ان العربية اللى قدامى الترانسميتر بتاعها بيرسل نبضات متواصلة يستقبله الريسيفر عندى ويعمل حسبته كام متر يتساب بين العربيات حسب السرعة والوزن والعوامل الاخرى وهنا برضه فى فكرتين لو المسافة اقرب من اللازم فكرة تقول انه ينورلك انذار فى التابلوه وانت تتصرف وفكره تانية انه يجبر العربية على تخفيض السرعة (شبه فكرة مثبت السرعه)

اقتباس:

---

المشاركة الأصلية كتبت بواسطة emadkamel

هو كان فيه فكرة مشابهة ... ان السنسور لكل عربية يبقى قدام وورا .... قدام ريسيفر وورا ترانسميتر

الميكانيزم بتاعتها ان العربية اللى قدامى الترانسميتر بتاعها بيرسل نبضات متواصلة يستقبله الريسيفر عندى ويعمل حسبته كام متر يتساب بين العربيات حسب السرعة والوزن والعوامل الاخرى وهنا برضه فى فكرتين لو المسافة اقرب من اللازم فكرة تقول انه ينورلك انذار فى التابلوه وانت تتصرف وفكره تانية انه يجبر العربية على تخفيض السرعة (شبه فكرة مثبت السرعه)

---

اعتقد ان حساس الركن يرسل و يستقبل معا لذا فهو اكثر فائده للانذار عند الاقتراب من اى شىء غير السيارات
-الانذار فى التابلوه لا اعتقد انها شىء رادع
-تقليل سرعة السيارة آليا فى حد ذاته شىء رائع لكن اولا : لو حدث خلل ما سيحدث ما لا تحمد عقباه , ثانيا : قد تحتاج فى بعض الاحيان ان تكسر القواعد فى الظروف الطارئة مما لا يمكنك منه هذا النظام .

ارى ان الفكرة التى ذكرتها انفا اكثر ردعا انها نفس فكرة جهاز طرد الفئران اذا اردت تعريض نفسك و الاخرين للخطر ستصاب بالصداع قبل ان تتم مهمتك الجليلة و تصبح مفيده ايضا فى حالة الاشارات و التكدس حيث انه لا بد من ترك مسافة بينك و بين من امامك و الا سيعمل انذارك و انذار السيارة التى امامك و سيرى الناس انك المخطىء و ستسمع سمفونية تدهش باخ و تذهب بعقل موتسارت الى الجنون من الشتائم كما ان بهذه الفكرة لن يحدث ما نسميه "الترييح" اى ان السيارة تتراجع فى غقلة من قائدها لتستقر بعد ان صدمت سيارتك .

و اخيرا اشكرك على هذا التفاعل فمن الجميل ان نفكر سويا لايجاد حل متكامل , و ان شاء الله نستطيع تنفيذه .

انت راجل نيتك سليمه وفرة حلوة

انا شايف احسن حاجه انك تركب رشاش (تروح ترخصه طبعا)
وتعمل ليه مكان تحت الشنطه
يتفتح اتوماتيك من داخل السيارة
اضافه الي شاشه للتوجيه(الزخيرة تكون مسامير معينه كدة)

وتستخدم تلك الشاشه في التنشين علي عجل لسيارة اللي وراك
وبعدين
طاخ طاخ طاخ
ههههههههه هو الجهاز اللي بتقول عليه تمنه كام مع العلم انه مش مجرد حساس للمسافه دة لازم يبقي في كاميرا متقدمه شويه تلقط لوحديها وطبعا بتركيز عالي يعني مش كاميرة موبيل
وبعدين يبقي في زاكرة معينه قول 5 ميجا علشان تخزين الصور وبعدين ممكن نحتاج وصله يو اسبي في العربيه(اذا مكانش فيها)
وبعدين الجهاز دة لازم يبقي متقدم شويتين علشان هيقيس السرعه ()60 علشان يبدا يشتغل(وطبعا الحكومه ناصحه وبعدين هتلاقي الجهاز شغال علي طول وات اللي تتاخد مخالفه علشان ماشي علي سرعه 120 مثلا او علي أعلي من السرعه القصوي في مصر...


وطبعا انا باكد كلامك انها فكرة خزعباليه
وكلام TaoTao انها مستحيل تتطبق في مصر
وكلام fahd_628 ان الواحد ممكن يفرمل علشان يصور اللي وراة

جامدة جدا الفكرة ده
بس مين بقى اللى هايفرد طوله ويعبر صاحب البلاغ
سلامات يا بلد
وتحيا مصر واحنا مش مهم

فكرة حلوة فعلا..

اقتباس:

---

المشاركة الأصلية كتبت بواسطة TaoTao

فكرة جميلة وبسيطة وعملية وكل حاجة حلوة والله :)،

بس تنفع في دولة تانية يكون ماعندهاش جملة "انت عارف انت بتكلم مين؟"!!

---

:iagree:

اقتباس:

---

المشاركة الأصلية كتبت بواسطة tutankhamoun

فكرتك ممتازة يا باشا ......... بجد فكرة رائعة
و لكنها غير عملية في مصر
عارف ليه
علشان مفيش اللي ينفذها
-----------------------------------------

الحل الأمثل
تركيب مدفع ذو فوهتين .... أمامي و خلفي
و اللي يعمل غرزة من قدامك
تُطلق صاروخ عليه ياخدوه في ستين داهية
و اللي يبقى لاصق وراك .... برضه تُطلق صاروخ عليه و برضه يروح في ستين داهية

و بكدا

سيتحول 95 % من سائقي مصر إلى الأماكن اللي فيها الداهية

نيهههههههههههههههه

--------------------------------------
و محدش يزعل مني لو حس إني بهزر
لأن ده مش هزر ............................ ده أنا مفقوع و هاتطق

---

:laugh6: ماهو زي ما بيقولوا شر البلية ما يضحك

رشاش ورخصة وتنشيين ايا ياجماعة الكلام دة حزام ناسف ولخص انت لسة هاتنشل

حد فيكو فكر ان لو الجهاز ده بتاع التصوير و التبليغ عن المخالفة طبقناه فعلا الواحد مش هيلاحق على البلاغات الى هايعملها بسبب الميكروباص و البيجو على الطريق ؟؟؟ ده غير اتوبيسات السياحة و السوبر جيت
ده الواحد هايحتاج هارد دسك يسجل عليه كل صور العربيات دى :laugh6:!!!

[quote=tutankhamoun;253402]فكرتك ممتازة يا باشا ......... بجد فكرة رائعة
و لكنها غير عملية في مصر
عارف ليه
علشان مفيش اللي ينفذها
-----------------------------------------

الحل الأمثل
تركيب مدفع ذو فوهتين .... أمامي و خلفي
و اللي يعمل غرزة من قدامك
تُطلق صاروخ عليه ياخدوه في ستين داهية
و اللي يبقى لاصق وراك .... برضه تُطلق صاروخ عليه و برضه يروح في ستين داهية

و بكدا

سيتحول 95 % من سائقي مصر إلى الأماكن اللي فيها الداهية

نيهههههههههههههههه

--------------------------------------
ههههههههههههههههههه والله انت راجل زي العسل

والله هى فكرة جميلة

بس الجهاز ده فعلياً موجود ولا لأ

و لو الجهاز ده موجود يبقي مش هايلاحق علي العربيات اللي بتقرب منك و بتعمل غرز و مهرجانات و ان شاء الله هايتحرق او يطق من جنابه بعد يوم واحد من تركيبه

f3lan ya lancer lsa kont ha2olha ....tb hanlahe2 3la msaha lel swar mnen????

طيب ايه رأيك لو ان الجهاز ده يكون عبارة عن سنسور يركب في الاكصدام الامامي للسيارة و عندما يقترب السائق من السيارة التي - عند سرعة أعلي من ال 60 كم/ساعة مثلا - أمامه عند مسافة محددة مسبقا يصدر الجهاز اشارات صوتية و ضوئية تنبه السائق ان المسافة البينية بينه و بين السيارة التي أمامه غير امنة , و اذا لم يلتزم السائق بهذا التحذير يصدر الجهاز اشارة كهربائية الي منظم السرعة بالموتور لتقليل عدد اللفات لتنخفض بذلك سرعة السيارة رغم انف سائقها

اقتباس:

---

المشاركة الأصلية كتبت بواسطة SE_coralsea

طيب ايه رأيك لو ان الجهاز ده يكون عبارة عن سنسور يركب في الاكصدام الامامي للسيارة و عندما يقترب السائق من السيارة التي - عند سرعة أعلي من ال 60 كم/ساعة مثلا - أمامه عند مسافة محددة مسبقا يصدر الجهاز اشارات صوتية و ضوئية تنبه السائق ان المسافة البينية بينه و بين السيارة التي أمامه غير امنة , و اذا لم يلتزم السائق بهذا التحذير يصدر الجهاز اشارة كهربائية الي منظم السرعة بالموتور لتقليل عدد اللفات لتنخفض بذلك سرعة السيارة رغم انف سائقها

---

كلام جميل .

بس يبقي في اللي قدامك كاميرا ورا عشان تصور برضه .. اصل انا بحب الأذية عشان الناس تلم نفسها :beatdeadhorse5:

الي الاخ موتوريزر :

علي فكرة موضوع السنسور الامامي لتحديد المسافة البينية بين السيارة و السيارة التي امامها او خلفها موجود فعلا و شفته في دبي , و بيعطي تحذير صوتي مثل تحذير تخطي السرعة , لكن اقتراحي هو امكانية ان يتحكم هذا الجهاز في سرعة السيارة اذا لم يستجب قائدها للتحذير , و هذا ما سوف اطرحه علي مجموعة من مهندسي الاليكترونيات الذين أعرفهم و سوف أطرح عليهم فكرة الكاميرا الخلفية ايضا و اذا اقتنعوا بالفكرة سوف اطلب منك الحضور معي لمناقشتهم بها

اقتباس:

---

المشاركة الأصلية كتبت بواسطة SE_coralsea

الي الاخ موتوريزر :

علي فكرة موضوع السنسور الامامي لتحديد المسافة البينية بين السيارة و السيارة التي امامها او خلفها موجود فعلا و شفته في دبي , و بيعطي تحذير صوتي مثل تحذير تخطي السرعة , لكن اقتراحي هو امكانية ان يتحكم هذا الجهاز في سرعة السيارة اذا لم يستجب قائدها للتحذير , و هذا ما سوف اطرحه علي مجموعة من مهندسي الاليكترونيات الذين أعرفهم و سوف أطرح عليهم فكرة الكاميرا الخلفية ايضا و اذا اقتنعوا بالفكرة سوف اطلب منك الحضور معي لمناقشتهم بها

---

يا ريت فعلا الفكرة دي تتنفذ و بشكر حضرتك
لو الموضوع مشي حضرتك بلغني و انا أجي علي طول

اقتباس:

---

المشاركة الأصلية كتبت بواسطة MoToRiZeR

كلام جميل .

بس يبقي في اللي قدامك كاميرا ورا عشان تصور برضه .. اصل انا بحب الأذية عشان الناس تلم نفسها :beatdeadhorse5:

---

لو غاوى اذية بجد ركب باك فاير فى الشكمان وابقى قابلنى لو حد تجرا ومشى وراك اصلا
كله هيفكر ان العربيه هتنفجر ويبعد عنك

اقتباس:

---

المشاركة الأصلية كتبت بواسطة SE_coralsea

الي الاخ موتوريزر :

علي فكرة موضوع السنسور الامامي لتحديد المسافة البينية بين السيارة و السيارة التي امامها او خلفها موجود فعلا و شفته في دبي , و بيعطي تحذير صوتي مثل تحذير تخطي السرعة , لكن اقتراحي هو امكانية ان يتحكم هذا الجهاز في سرعة السيارة اذا لم يستجب قائدها للتحذير , و هذا ما سوف اطرحه علي مجموعة من مهندسي الاليكترونيات الذين أعرفهم و سوف أطرح عليهم فكرة الكاميرا الخلفية ايضا و اذا اقتنعوا بالفكرة سوف اطلب منك الحضور معي لمناقشتهم بها

---

يا باشا الكلام ده كله نازل فى عربيات كتير (مش بينزل فى مصر طبعا)
زى مرسيدس وبى ام وستروين وماركات كتير جدا
لما بتلاقى ان المسافه اللى قدامك مع السرعه بتاعتك مش مناسبه بتدى تحزير وكمان بتقوم بتبطئ سرعه العربيه

فكرة حلوة ..لكنها فعلا خزعبلة بالنسبة للسيرك المصرى ..

شكرا :)

فكرة جميلة وحلوة ولكن تحتاج إلى نظام كامل جديد يحتوى على شعب ذو فكر جديد ونظام جديد لكل شئ في الشوارع حتى يتم تطبيق هذا النظام

انا فعلا اتكلمت مع صديق لي مهندس اليكترونيات منذ قليل و شرحت له الفكرة و اكد لي ان هذا الجهاز موجود بالفعل و يقوم بالاتي:
- الجهاز عبارة عن سنسور يقيس المسافة البينية بين سيارتك و السيارات التي امامك و خلفك و يصدر اشارة تحذيرية للسائق و ذلك عند مسافة محددة مسبقا بواسطة السائق نفسه
- اذا استمر السائق في تجاهل انذار الجهاز له بقرب المسافة البينية بينه و بين السيارة التي امامه يبدأ في تخفيض سرعة السيارة اوتوماتيكيا حتي لو استمر السائق في الضغط علي دواسة البنزين

و لكن المشكلة تكمن في انه يجب تغيير السوفت وير الموجود بكارتة الكومبيوتر و بالتاكيد ذلك يجب الرجوع فيه الي التوكيل و لكن هناك العديد من السيارات التي تعمل بهذا النظام في دولة الامارات و الدول الاوربية

فما رأي السادة الاعضاء الان في هذا الكلام ؟ هل هو صالح للتطبيق عندنا في مصر ؟ بدون تهكم و بموضوعية من فضلكم

المشكله مش فى الشعب بس المشكله فى اللى بينظموا المرور نفسهم يعنى مثلا ليه مفيش التزام بالحارات ؟ علشان هما بيعتقدوا انهم ممكن يعدوا عدد اكبر من العربيات فى نفس الوقت وجرب كده عند اشاره ولا حاجه وتكون سايب مسافه بينك وبين اللى قدامك ممكن تتسحب رخصتك فيها ولو ماشى بالراحه جوه البلد برضه هتلاقى كله عمال يزعق واولهم بتوع المرور لانهم بيعتقدوا انك كده بتعطل المرور فبالتالى انت بتاخد على انك متسيبش مسافه بينك وبين اللى قدامك

اقتباس:

---

المشاركة الأصلية كتبت بواسطة MoToRiZeR

فا فكرت في جهاز يكون بيشتغل علي السرعات بعد 60 .. يتثبت في الاكصدام الخلفي فوق النمر في كل عربية
طبعا دي فكرة خزعبلية و مستحيل تطبق في مصر .. بس يعني هي كانت جتلي كدة فا حبيت اكتبها

---

الفكرة دي احنا مش بتكلم انها موجودة ولا مش موجودة

احنا بتكلم علي مدي امكانيه تطبيقها في مصر من الاساس

وانا نفسي تطبق حتي علي المسافات القصيرة

وخصوصا في المدن كمان

دي الصور اللي توت حاطتها مشردة مصر

بس انا عاوز توت مرة واحدة يحط صور من 6 اكتوبر جنب الصور بتاعه الاجانب
هههههههههههههه
يعني يوم واحد بس يرفع معنوياتنا شويه

......................................
ويا اخي في تكنولوجيا متطورة مليون مرة عن الموضوع دة

انك بتسمع سفارة من (خارج) العربيه(الاطارات بتطلع الصوت دة) اذا كنت ماشي علي الخط الابيض اللي علي الاسفلت(المفروض طبعا اننا بنمشي في وسط الحارة)
مش الملوخيه اللي بنشوفها
نص العربيه في حارة ونصها التاني في الحارة اللي بعد بعد اللي بعديها
ههههههههههههههههههههههههه
(يعني العجل ___ذات نفسه ___فيه سنسور و انذار كمان)ههههههههه

الالمان دول هيجنونا...............

ودي مش حتتحط في قسم الاشتغالات

اللي متابع السيارت في الاهرام

اكيد قراء الكلام دة وهما كانوا يجربوا عربيه اوبل في المانيا

والعربيه اسمها اوبل زافيرا من النوع فان

عدد الجمعه 17 اكتوبر صفحه 18 (جبت ليكم الجرنان اهوة مخصوص)
علشان مفيش حد يقولي ......علي قسم الاشغالات عدل....

مافيش غير اقتراح من اتنين يا اما يتعمل فى العربيه من ورا رشاشات زى بتاعة المساحات و ترش دهان اسود على ازاز العربيه اللى ورا

او يتعمل حاجه فى كرسى السواق لما يقرب او يلزق فى اللى قدامه يديله صدمة كهرباء

ده اللى ينفع فى مصر