الموضوع: استهلاك الطبيعي للبنزين في لانسر بومه

عربية والدى كانت فيات موديل 1979موتور 1800 سي سي وكانت بتودينا اسكندرية (200 كم تقريباً) ب 20 لتر

عربيتي لانسر 2008 بومة 1600 سي سي تعمل 200 كم تقريباً بال20 لتر برضه :(

من 213 الى 230 بين وسط البلد والزراعي موديل 2008 sport

أنا عربيتى 1600 مانوال

بسوق بطريقه بتخليها تعمل 150 كم لكل 20 لتر و ساعات بأسوق بطريقة معينة (هادية) بتوصل معايا لـ230 كم لكل 20 لتر وكل ده داخل المدينة


إذن العامل الأكبر المؤثر فى الموضوع ده هو اسلوب القيادة وده بتختلف من شخص لآخر ............ وعليه فا صعب جدا الناس هتقول أرقام متشابه و الحكم على استهلاك العربية فى بلدنا بالذات صعب جدا بسبب الزحمه واختلاف الظروف بشكل كبير بين مشوار و التانى و لذلك و بعد وجع دماغ اشتريت دماغى و بطلت احسبلها أو افكر فى هذا الموضوع

بس انا وصلت لحاجه احب أقولها للإفاده وهى ان الإستهلاك أفضل بالبنزين الـ90 عن الـ 92 ؟!

المشاركة الأصلية كتبت بواسطة morieno

راجع الارقام كدا
او اتأكد الصفيحه اللى حضرتك بتستخدمها كام لتر بالظبط عشان واضح انها صفيحه فيها بركه حبتين

السلام عليكم
هو ممكن يقصد التفويل العربية مش الصفيحة 20 لتر
على العموم انا بعمل 210 فى الصفيحة بدون تكييف وحوالى 190 بتكييف بس فى جميع الاحوال طوالى او داخل البلد
العربية 1300 اتوماتيك

السلام عليكم يا أحلي شباب
أولا كل عام و انتم بخير بمناسبه قرب حلول شهر رمضان الكريم ،
ثانيا
استهلاك الوقود له علاقه مباشره بطريقه سواقتك و بنوع البنزين اللي بتستعمله مع ثبات المحطه اللي انت متعود
تمون منها علشان تعرف تقيس بالظبط لأن مع الأسف مش كل المحطات زي بعضها ( مش حاقول غش البنزين و لو انه بيحصل لكن حاقول قلله و ان لم يكن عدم صيانه فلاتر تانكات المحطات نفسها و ده بيفرق مع البنزين ) .
لما تكون سواقتك معقوله و ال rpm بالكتير بينقل الغيار علي 2500 او 3000 لفه مع التسخين صباحا علي الاقل لمده دقيقتين و مش عاوز اقول 4-5 دقايق علشان الناس ما تزعلش مني لأن العربيه لما تمشي و هي بارده ده بيزود استهلاك البنزين شويه ( عن تجربتي الشخصيه ) يبقي العربيه في الحاله دي ممكن تعمل معاك في حدود 200-230 كم / صفيحه جوه البلد مع التكييف و الوقوف لمدد طويله في الاشارات و في الطوالي ممكن توصل معاك ل 280-300 كم/صفيحه لو سايق 100 كم /ساعه و مثبت رجلك و لفات الموتور ثابته لأنها عند الزياده و النقصان ده بيخللي الرشاشات تشتغل علي كذا نقطه انما عند الثبات في المسافات الطويله بتبقي كميه البنزين ثابته .
لكن لما سواقتك قرص و حرق و تعلي ال RPM علشان العربيه تسحب اكتر فطبعا ده ليه تمنه بمعني ان استهلاك البنزين لازم يزيد و تلاقي العربيه بتعملها 180-200 كم في المدينه .
المعدلات اللي فوق انا باعملها بعربيتي بومه سبورت موديل 2005 و باستعمل بوجيهات ngk بلاتينوم و علي فكره ما بتفرقش الفرق الضخم بينها و بين البوجيه العادي، انا بس كل الموضوع علشان ما افكش و اربط في البلوك كتير لآن عمرها طويل شويه ( 60000 كم ) .

آسف علي الأطاله و تقبلوا مروري و كل عام و انت بخير مره تانيه .
شريف

انا سوبر اكشن ٢٠٠٧ بتعمل معايا في الصفيحه جوه البلد ٢٠٠ كم عشان الاشارات و غيره

و الطريق السريع بتعمل معايا في الصفيحه ٢٧٥ كم بتبقي سرعتي -١٢٠ ٠ ١٤٠

بالتكييف طبعا