استهلاك البنزين هيجنني ومش عارف ده الطبيعي ولا فيه حاجه غلط ؟

**Elsebily** · 05-07-2012 04:32 AM

بداية انا معايا صني 2010 اكس صالون المشكلة اني حاسس اني سحب البنزين مش طبيعي خالص انا اي نعم اسمع اني الصني بتستهلك بنزين عالي حبتين بس مش متوقع انه يكون للدرجادي المهم اني كنت مفول التانك والمفروض اني تانك الصني 50 لتر المهم اني اما فولت صفرت العدادات عشان اشوف استهلاك البنزين وبعدين لقيت اني مؤشر البنزين بقي في النص والعربيه مشيت 145 كيلو مع العلم اني مشاويري جوه البلد والزحمه مش سفر يعني وبردو من غير تكييف وبصراحه الموضوع ده حاسس انه زايد عن حده لاني الاستهلاك كده مش طبيعي خالص مع اني اسمع اصحابي بيتكلمو علي انهم بيعملو 240 و 200 في الصفيحه جوه البلد ده غير اني ليسه مغير البوجيهات في التوكيل وبردو كان اتعملها فحص والمهندس قالي اني كل حاجه تمام فمش عارف بقي العيب ممكن يكون من ايه ولا هو ده الاستهلاك الطبيعي للعربيه؟؟؟؟؟؟؟؟؟؟؟؟؟؟

**Eng_Mostafa_89** · 05-07-2012 05:49 AM

روح فول تانى وشوف كدة هي استهلكت كام لتر فعلا

**zangry** · 05-07-2012 06:07 AM

كتيييير دي بتعمل اكتر من كده بكتير

ده استهلاك جيب

**storm2020** · 05-07-2012 06:15 AM

هى غول بنزين اه .. لكن ده مش طبيعى فعلا ..
الاول جرب تحاول تفول تانى وتشوفها اخدت كام؟ يمكن عداد البنزين مخرف او العوامه فيها مشكله..
لو طلع الاستهلاك حقيقى اطلع على فرع تانى للصيانه وافحصها ..
وان شاء الله خير

**mk3** · 05-07-2012 10:58 AM

خد بالك تفول زور
مش تفويل عادى
وتتابع مع عدادا العربيه لان ساعات عداد الرحلات بيبقى مهيس
ولمعولماتك السواقه فى الزحمه بتستهلك اكتر من السفر !!

**waelfarid** · 05-07-2012 11:15 AM

التكييف بيستهلك بنزين كتير في الحر ده وطريقة سواقتك

**Land_Cruiser** · 05-07-2012 11:26 AM

فى الاول حاول تكرر التجربه علشان تتأكد ان المعدلات دى مضبوطه و بعدين خللى بالك المؤشر بتاع البنزين بيخدع شويه يعنى لما بيبقى فى المنتصف تماما بيكون الاستهلاك حوالى ١٥ لتر مش ٢٥ لتر . انا مش عارف ايه الحكمه فى كده بصراحه او ليه ال reserve بتاعها بيبقى حوالى ١٥ لتر بس هى كده و بعدين فى حاجه بسيطه ممكن تعرف بيها اذا كان فيها حاجه مش مضبوطه و لا لأ و ده عن طريق ملاحظه السحب مثا فلو طبيعى و العربيه بتجرى عادى يبقى ده استهلاكها العادى

**sas5** · 05-07-2012 11:34 AM

السلام عليكم ورحمه الله
انا كان معى صنى 2007 وكانت نفس مشكله استهلاك البنزين طوال الصيف الصفيحه العشرين لتر تعمل 145 - 155 كم لذلك بعتها

وبالنسبه لتانك البنزين انا اشك بل متاكد ان تانك الصنى لن يزيد عن 40 لتر

**ahmed.zahra** · 05-07-2012 11:46 AM

فعلا لما مؤشر الصني بيبقى عند النصف بتبقى استهلكت 15 لتر فقط مش 25. و انا الجمعى اللي فاتت رحت بيها بورسعيد و انا مفول قبل ما اطلع من القاهرة مباشرة و المسافة حوالي 170 كيلو على شوية لفلفة جوة البلد المؤشر وصل للنصف فولت و انا طالع من بورسعيد خدت 15 لتر فقط. اتطمن و ماتخافش كده الاستهلاك عندك عاديييييييييييييييييييييي ييييييييييييي

**Youssef.Awad** · 05-07-2012 12:47 PM

انا معايا اخت عربيتك 2010 مانيوال ex بحساس اكسجين وده تقرير كنت عامله من فترة عن استهلاك البنزين ودلالات مؤشر عداد البنزين .. هايعجبك
http://www.nilemotors.net/Nile/265021-a.html

الموضوع: استهلاك البنزين هيجنني ومش عارف ده الطبيعي ولا فيه حاجه غلط ؟

LinkBack

أدوات الموضوع

عرض

استهلاك البنزين هيجنني ومش عارف ده الطبيعي ولا فيه حاجه غلط ؟ - انشر الموضوع فى :

-

-

-

المواضيع المتشابهه

مش عارف اعمل ايه في استهلاك البنزين

هل ده استهلاك بنزين الفلوينس الطبيعي ؟

استهلاك البنزين هيجنني

استهلاك الغاز الطبيعي

صوت تزييق هيجنني ! مش عارف جاي منين ولا التوكيل !!

الكلمات الدلالية لهذا الموضوع

المفضلات

المفضلات

ضوابط المشاركة