سيراتو افضل و اشيك وشكل اجدد
ويكفى ان الصنى تقفيل مصرى , وش ابعد عنها ارجوك
اى عربية ممكن يبقى فيها مشاكل بس مشاكل عن مشاكل تفرق كتير
عرض للطباعة
سيراتو افضل و اشيك وشكل اجدد
ويكفى ان الصنى تقفيل مصرى , وش ابعد عنها ارجوك
اى عربية ممكن يبقى فيها مشاكل بس مشاكل عن مشاكل تفرق كتير
بأمانه استاذذذذذذذذذذذذذاقتباس:
لكن و علي الرغم من أن السيراتو سريعة و ده ميختلفش عليه أتنين لكن مع السرعة تبقي مشكلة الثبات لأن عفشة السيراتو نفس تصميم عفشة الصني تقريبا تعليق أمامي مستقل و خلفي قنطرة ( زي معظم العربيات في الفئة دي ) و ده زي الفل و السيراتو ثابتة فعلا لغاية سرعات عالية لكن عشان مساعدين العربية قصيرة نسبيا ( عكس الصني ) عشان تدي ثبات زي عربيات السباق تبقي مشكلتك مع مطبات الهواء اللي غالبا ممكن تفقد العربية السيراتو جزء من ثباتها لأنك لو أخدت مطب الهوا بسرعة عالية العربية بتنضغط لتحت و بعدين رد الفعل أنها ترتفع و هنا المشكلة أن شوط المساعد قصير فعجلة العربية احتمال ترتفع عن الطريق و هنا ربنا يستر لو طريق مستقيم عادي ممكن متحسش بالقصة دي لكن لو داخل علي ملف أو عاوز تعمل مناورة بالعربية فهنا يتوقف الموضوع علي أحتراف السائق لأن العجلة اللي أرتفعت عن الطريق طبعا فقدت تماسكها يبقي أكيد العربية حتعوم منك ( حسب السرعة ) و ده اللي بيسموه عجلة القيادة أختلت في يد السائق
و كل ده مش موجود في المازدا 3 القديمة و الجديدة ولا الجيتا طبعا ولا السيفيك لأن كل دول تعليق مستقل للأربع عجلات فمش محتاج يقصر المساعد ولا ينشف العفشة لأن تماسك العربيات دي من تصميم العفشة نفسها !
انت فاهم عربيات كويس اوى
مين اللي قال لحضرتك إن الصني (التقفيل المصري) فيها عيوب .. أنا العربية معايا ومظهرش فيها أي عيوب .. ومع أكثر من زميل لي وما حدش اشتكى نهائيا .. العربية اعتمادية أكثر من السيراتو ومعمرة .. وجراية .. وثابتة .. وعفشة هايلة .. والسيراتو على حد علمي قطع غيارها ناااااااااار .. مش معنى كده ان الصني قطع غيارها مش غالية بس ياباني يا باشا معمرة اكثر .. ومتوافرة في السوق أكثر من السيراتو .. وتقبل مروري
من هواياتى انى طول ما انا ماشى على اى طريق عينى بتراقب كل عربية قدامى ورايا جنبى
ومن ملاحظاتى عن جودة التقفيل الكورى الرهيبة واللى هايجننى ان العربية من دول تبقى لسه باكياسها وصاحبها فرحان بيها ومسافر وفاتح بقى والاقيلكم الشكمان مدلدل من نص العربية :8954[1]: وبيلعب فى المطبات ولا شكمان الريجاتا مو84
بس العجيب بقى وسبحان الله عمرى ما لقيت صنى ان شالله تكون B11 مو83 شكمانها بيعمل الحركة دى :E_braces[1]:
ده مثال بسيط على جودة التقفيل وتثبيت الاجزاء فى سيراتو كوريا وصنى مصر :Copy of makeup:
اللى تلاقيه بيهاجم الكورى حاجة من الاتنين يأما عاوز يقول ان عربيته احسن عربية يأما ان بيحط اساسه على موديل السيارة القديم يأما يقول دى كورى.
اللى بيقول انى عربيته احسن عربية 1- بعض الناس اللى معاها الصنى انا هقول بعض عيوبها تكنولوجيا ماتور من 7 سنين ادى الى ارتفاع استهلاك البنزين و صوت المحرك العالى , تقفيل مصرى تظهر فى الازاز و الكهرباء و الابواب , شكل كلاسكى لا يتناسب مع اشكال سيارات العصر , ضيق الكنبة الخلفية و قصر قاعدة العجلات مما يبعد طوال القامة عن اقتناء السيارة , برغم من طول السيارة ولكن لا تعتبر سيارة منافسة لمثيلتها من الطول مثل اوبترا و النترا الشكل القديم و سيراتو , توافر عفشة ناشفة بها يؤدى الى عدم راحة الركاب فى الخلف , . مميزتها سيارة مقابل المال , وجود بعض وسائل الأمان , التوكيل . 2- بريسونا و GEN2 تقفيل سئ يوجد فى الmultifunction و الازاز الكهرباء و بعض مظاهر التقفيل , بور ثقيل مما يؤدى الا عدم راحة السائق , صوت المحرك العالى , استهلاك بنزين عالى جدا , عدم توافر قطع الغيار , صعوبة بيع السيارة بعد فترة من الزمان , وجود نفس مشكلة الصنى ضيق الكنبة الخلفية , توكيل سئ السمعة . مميزتها سيارة مقابل المال , ثبات عالى , توافر وسائل الامان , صاج عريض , كماليات زائدة.
نيجى بقا للناس اللى بتحط اساسها على اساس الموديلات السابقة 1- اكسنتRB و اكسنت الشكل القديم يقولون: ثبات قليل , نسبة تنطيط بالخلف , فرامل سيئة , ضيقة من الخلف , صاج خفيف . لا احب ارد : ثبات زائد بشكل ملحوظ و بكثير , اختفت نسبة التنطيط , بل زادة قوة الفرامل رغم عدم توافر الABS , زاد طول وعرض و قاعدة العجلات ادى الى اتساع الكنبة الخلفية و الحقيبة الخلفية للسيارة و ازدياد بعض الكماليات و الاساسيات مثل زيادة قوة المحرك الى 124 حصانا و 157 نيوتن و انخفاض استهلاك البنزين بسبب نظام الeco , وجود اشرات بالمريات الجانبية , وجود كمبيوتر رحلات , وجود باور كهرباء , وجد تسجيل cd كبير الحجم مزود بusb و aux .
نيجى برده لناس اللى تقول ده كورى هقول حاجة بسيطة هو حضرتكوا عاوزيين الصغير يفضل صغير والكبير يفضل كبير . شركة و قدرت تتفوق لا ازاى دى تحصل لا لازم نقولها لا خليك و تبطى ويفضلى مكانك و نقولها انت نسيتى نفسك عاوزة تنافسى اوبل و تويوتا و نيسان انت اتعبطى . شركة قدرت تعمل حاجة كويسة و نظيفة خلاص جزاها الله خير. لازم بقا تنافس عشان تأكل عيش و نسيبها فى حلها . انا اسف انى طولت بس لازم اكلم بحق . و كل عام و انتم
هههههههههههههههههههههه ...... يعني هي مشاركة واحده وشغال كوبي بيست؟؟؟؟؟؟
انا قريت المشاركة ديه من شهر مثلا ولا حاجة .... وفي مواضيع مالهاش علاقة بهيونداي اصلا.
بس معلش هو ايه اللي ثباتها بقي ملحوظ وقوة فراملها زادت بالغم من عدم وجود abs وخلافه.
الماتور 124 حصان...القدرة الفعلية بتاعتهم هتلاقيهم 110 حصان ولا حاجة .. ومازال كوري
والكنبة اصغر واضيق من الصني خاصة ... و اللي مش مصدق ياخد ارفع 3 من صحابه وبقعدهم في الصني وزيهم ويقعدهم في الRB ....... انا قعدت في الفورميلا ... اتحشرت في الكنبة اللي ورا
وعامة هاتشتري هيونداي .... اعمل حسابك انك دافع مثلا بتاع 10 -20 الف جنيه زياده لغبور حبيب الملايين من تمن عربية وسائل الامان فيها كماليات وابشنز.
تقبل مروري.