تجربتي في قيادة القشقاي اليوم و رأي جديد

طبعا زي كل الناس مكنتش عارف أستني عشان أجرب العربية القشقاي اللي كنت واخد قرار أني علي نهاية السنة أجيبها بدل الصني الأتوماتيك علي الرغم من كون القشقاي مانيوال لكن كنت أصلا مستنيها تنزل مصر و بنام بالليل أحلم بيها و منزل لها كل صورها و كليباتها من النت
و رحت اليوم الخميس بالليل داندي مول مع صديقي الأنتيم و أنا بعددله في مزايا العربية و شوقته لقيادتها هو كمان ( عربيته مازدا 3 ) و لقيت أن الموزع اللي ماسك اليوم هو ناشيونال يونيون و دول حبايبنا عشان واخدين منهم في خلال 3 سنوات حوالي 7 عربيات صني و هما ناس زي الفل و أستقبلونا بمنتهي الود و أدونا هدية كمان
طبعا أنا كنت بفرك و كتبنا الأبليكيشن بسرعة و رحنا علي العربية

أنطباعاتي الإيجابية عن العربية
- شكل تحفة قطعة فنية و حجم ممتاز مناسب جدا لبلدنا مش ضخم لكن ملموم و صالون واسع معقول و شنطة كبيرة كفاية و كماليات جميلة أكيد كلنا حفظناها خلاص
- و إن كان يعيب العربية أنها نزلت بدون قضبان التحميل اللي علي السقف و اللي تفرق في شكل العربية كتير
- كمبيوتر العربية اللي مع العدادات تحفة ( زي بتاع الجيتا بتاعة أخويا ) و بيديك معلومات كاملة عن العربية
- تكييف الهواء ممتاز ممتاز و فعال
- كراسي مريحة جدا و تقفيلها بخامات ذات جودة عالية
- وضعية القيادة ممتازة جدا و الجلوس في الكنبة الخلفية مريح
- ثبات العربية علي الطريق واضح و يعطي ثقة في النفس

صديقي أبتدي القيادة و جلست أنا بالخلف أخد بالي من التفاصيل و بداية الأحباط
- الموتور صوته عالي من بداية حركة العربية و مسموع بوضوح في الصالون مع غلق الزجاج و تشغيل التكييف طبعا
- سحب العربية محدود و بطئ بشكل واضح و لما تابعت دوران الموتور لقيته علي التالت و العداد علي 4500 و العربية مش جايبة 100 كم !
- أبتدينا نجرب كل النقلات و جدنا أن العربية صوت الموتور عالي دايما لأنك طول الوقت دايس بنزين عشان العربية تجيب سرعات عادية و النقلة الخامسة مش أوفر درايف دي نقلة أساسية عشان تجيب سرعة يعني مش حتريح الموتور علي الطريق الطوالي أحنا جبنا 100 كم علي الخامس علي دورات 3000 !! و كمان مش بنوصلها بسهولة
- طبعا الموضوع بتاع الأداء ده أحبطني جدا خاصة مع صوت ونة واضحة داخل العربية كل ما تبتدي تاخد سرعة مش عارف ده صوت الكاوتش مع الطريق ولا أيه
- المهم صديقي وصل بها 150 كم داخل أكتوبر ثباتها معقول جدا لكن دورات الموتور عليت برضه جدا يعني علي الخامس و الدورات قربت علي 6000

- بدلت مع صديقي و أبتديت أنا اسوق العربية و ما كان إلا زاد الأحباط
الفتيس بيعض بوضوح علي النقلات الأولي و العربية مافيهاش سحب تحت رجلي تماما و طول الوقت دايس بنزين عشان العربية تمشي و طبعا الموتور طول ماهو عالي العربية حتسف بنزين و دي مشكلتي أصلا في الصني
و هنا ملاحظة أني أصلا كنت فاكر الصني بطيئة ( مقارنة بالمازدا 3 مثلا ) لكن الصني الأتوماتيك تعدي القشقاي مستريح و كمان الدايو النوبيرا المانيوال 2001 بتاعة والدي أدائها أعلي بكتييييير من القشقاي و أعلي أصلا من الصني الأتوماتيك بتاعتي
- طبعا كل القصص دي و مندوب نيسان بيحاول يوضح لنا أن ده أسلوب قيادة و أن الناس جربت العربية و أعجبت بأدائها لكن لما جبت التالت و بالعافية جبت 90 كم أبتدي يقول أصل الطريق ده مطلع شوية و بعد كده أبتدي يوضح أن العربية معملش صيانة الألف و الموتور ماتفتحش لسة علي الرغم أن عداد العربية حوالي 1500 كم
- و كانت الطامة الكبري زي ما بيقولو أما جيت أخد يو تيرن علي الطريق الصحراوي و حبيت أسحب جامد بالعربية و ما أسعفتنيش و هاتك يا كلاكسات من اللي جايين من ورايا
- و كان فيه زميل في المنتدي بيقول أنه علي التاني جاب 100 كم !! يا ريت يقول علي دورات موتور كام و أخدت العربية وقت أد أيه عشان توصلها

- طبعا أنا أصلا تفكيري مش في الجري لكن أكيد فيه حد أدني من الأداء مطلوب في أي عربية عشان تسعفك و ده كان مضايقني أساسا في الصني عشان الأتوماتيك أحيانا مش بيسعفك لما تيجي تعدي عربية تانية

- و أسوأ شعور حسيت بيه لما ركبت عربيتي الصني عشان أروح و هو الشعور بالهدوء و الراحة و أداء عربيتي المتواضع فجأة أصبح مقبول جدا و ده عكس اللي المفروض أشعر به بعد قيادتي عربية المفروض أنها وحش ب160 ألف جنيه !!!!!!!

هي كام سي سي؟؟؟

معلش يمكن فعلا العربية فيها حاجة
حاول تشوف حد معاة العربية وتجرببها منة
او تروحلهم تاني يكونو ظبطوها

خليك بالك وزن العربيه وعلوها عن الارض ممكن مايديهاش الاداء الامثل بماتور 1600
وبعدين هى لسه بتلين يعنى صوت الماتور حيخف مع الوقت
بس انا شايف ان كماليتها وسعرها حيخلوها منافسه جدا

برغم انى مجربتش السيارة لكن بالفعل غلطة الناس دى انها طلعت سيارة فى التليين للتست درايف، فعلا العربية فى التليين بيكون صوتها عالى وسحبها قليل واداءها بوجه عام لسه خارج الحالة المثالية وده عن تجربة مع 5 عربيات زيرو، حتى العقشة بتيبقى وحشة والعربية لسة جديدة، بالنسبة ل 100 كم/س مع 3000 آر بى أم للعربية المانيوال على الخامس فهو رفم معتاد مش قليل ومش سوبر ، لكنه لا يعيب السيارة فى شئ ومعناه ببساطة ان عدد اللفات على الخامس هيكون 6000 لفة قصاد سرعة 2000 فى حالة الوصول لها(هذا غير ممكن والعربية بتلين طبعا) وبرضه ده رقم معقول، بالنسبة ل 4500 على التالت قصاد 90 معناها ان العربية هتبقى 3000 على التالت على 60 و 6000 على التالت على 120 وبرضه دى ارقام معتادة، والملاخظ انها ارقام تميل الىاتجاه العزم العالى عن اتجاه السرعة القصوى العالية، وهذا معتاد فى سيارات ال إم بى فى ومعتاد ايضا فى سيارات المواصفات الأوروبية، لذلك انا مش قادر اشاركك الاحباط اوى وشايف ان كل الحكاية انك بتقارن سيارتك(سيدان، تصميم يأسلوب يابانى، متلينة) بسيارة إم بى فى، تصميم اوروبى، ملينتش ...بس كدة

(بالمناسبة ، متقارنش ارقام الأر بى ام قصاد السرعة فى سيارتك الأوتوماتيكية بسيارة مانيوال، دايما فى الاوتوماتيك بتكون أعلى بحوالى من 20-25% لتعويص الفاقد فى النورك كونفيرتر)

تحياتى

مع احترامي ليك يا غالي بس الصراحة في مبالغة في كلامك الى الان 3 جربوها على المنتدى والثلاثة اجمعو على هدوء الموتور ولكن الاداء صحيح مش قوي لكن انا حاسس انك مكنتش مركز

وانت عربيتك متلينة ولما تركب من عربية متعود عليها لعربية تانية على طول كيد حستتغرب حجات كتير :)

وادي تجربة الشباب وناس ما شاء الله عليها يعني مش هاممها العربية تتباع ولا لا المهم عندها تفيد الناس :)

QUOTE=ahmed.tv;3873656376]

تقيمى بالنسبة للعربية كسائق :

1- عزل الصوت فيها ممتاز جدا .. متسمعش اى صوت نملة بره العربية ...العربية اول ما تفتح الباب وتقعد فيها وتقفل .. تحس انك فى دنيا وعالم اخر.

2- علو العربية والبرستيج الجميل اللى حاسس فيها وانت فيها سواء من فتحة البانوراما او ارتفاع العربية من على الارض .. وده طبعا مفيد جدااا لشوارعنا.

3- ثبات العربية وهى ماشية بسم الله ماشاء الله ماسكة نفسها جدا .. مع الغرز والجرى ..

4- العفشة بتعها عافشة محترمة جدا .. ناشفة بس مش النشفان المتعب زى اى عربية اخرى مركبة جنط 17 .. لان الجنط اللى راكب فيها جنط 17 .. بس اللو بروفيل بتعها عالى .. فمش حتحس باى وجع زى اى عربية اخر بجنط 17

.. وتم التاكيد ومشيت فيها فى مطبات ورزعتها كمان

5- التكييف حدث ولا حرج .. تكيف رائع وقوى .. وانت فات الباب وواقف تلج جدا .. وانت ماشى بيها ولا اكنك مشغله ... وجربته مع سحب العربية .. ولا ليه اى تاثير يذكر

6- الباور بتاع العربية ناعم .. ومش النعومية اللى تخض ابدا وتعمل قلق .. ومع السرعات بيتقل وبيفصل .. ومشيت بيها لغاية 130

7- التقفيل .. خامات العربية فى الطابلوه جيد جدااا والفرش انجليزى انجليزى على حق ومريح فى قعدته وانت سايق..تقفيل العربية كوجه عام ممتاز جدا.

8- انوار الاضاء فى الطابلوه فى منتهى الشياكة .. ومريحة للعين جدا .. وعلى نمط الطراز الاوروبى

9- كل حاجة فى منتناول يد السائق وقريبه منه .. سواء المالتى فنكشن او تعديل المرايا نفس مكان الصنى والتيدا .. او الزارير الكهرباء

10- اماكن التخزين والاكواب متعددة وقريب من السائق

11- بخصوص الفتيس .. فتيس المانيول يحببك فى سواقة المانيول .. حاراته قصيرة والتعامل مع النقلات من غيار الاول الى التانى قوى جدا فى الطلعات وبيعطيك شعور رياضى .. وبتسمع نقلات الغيار .. وبعد الغيار التانى مش بتسمعه .. والغيارات بتتقل من التالت الى الرابع .. مش مش تقل قوى يعنى.

12- الدبرياج حسيت انى سايق اتوماتيك ولا اكن فى دبرياج .. خفيف جدااااااا ولا حتحس بيه خالص

13- صوت الماتور اول ما تدور منخفض ولا شلت ايدك بعد ما دورت .. وقعدت ترغى وانت واقف ممكن تنسى انك دورته وكمان مع النقلات والحرق مسموع ولكن مش بازعاج .. بقوة رياضية .. ومش مسموع اوى بردوا

14- سحب العربية بتشد معاك .. بس فى حاجة .. وهى ..ان الاستجابة متاخرة لثوانى بسيطة مش عارف حسيت ان سحبها مش حقول ولا متكتف ولا بتجرى اوى .. يمكن عشان لسه الماتور متقرصش عليه ولسه العربية عاملة 900 كيلو .. بس بتجرى العربية وبتوصول الى السرعات المطلوبة .. يمكن كمان عشان العربية عالية والواحد مش متعود

تقيمى كراكب خلفى فى العربية

حسين وهو سايق كان بيفترى عليها بردوا .. وكنت قاعد

درجة التقييم فى النهاية
* التقفيل 9/10
* العفشة 9/10
* الثبات 9/10
* الماتور والسحب 7.5/10
* الفتيس استجاته للنقلات 9/10

[/QUOTE]


الاخ حسين

QUOTE=SonaSteel;3873656382]
اولا تقييمي كراكب وليس سائق : :2003126104835_wrc:
1-اماكن الركاب مستريحة جدا وواسعه ... وخاصة الكنبة الخلفية.
2-جلوس في الكنبة الخلفية شبه بانوراما وخاصة مع السقف الجمييل جدا وفوق الرائع البانوراما ... تحس بالتدريج في القعدة
يعني يمكن انا كاشف الطريق اكتر من السواق::)))
فعلا فعلا السقف البانوراما ده اختررررررررراع ... وخاصة ان كنا بنعمل التيست وقت المغربية وكان المنظر لا يوصف ولا أروع.
3- وحدات الاضاءة متوزعه في العربية كلها وخصوصا للركاب الخلفيين وان كانت ليست بحجم وحده الاضاة للسائق
4- المساحة الرأسية والفرق الصافي بين رأس الراكب الخلفي كبير ..اي لا يوجد سماحية بتخبط الركاب الخلفيين عند الركوب او الخروج من السيارة .
5- التكييف اول ما اشتغل حسيت بيه ورا ... وديه ميزة مش في كل العربيات انك تستني حبة لغاية ما التكييف يوصلك.

ثانيا : تقييمي كسائق للوحش ده: :driving:
1- اول حاجة لاحظتها ... العربية عالية جدا جدا .. واعتقد ديه ميزة لشوارعنا بس مش عارف لكبار السن ايه ظروفها.
2-قعدة السائق مرتاحه جدا ... ولوا انها مانيوال كان زماني نمت وانا سايق :))
3-الكراسي ... ولا اروع تقفيل فوق الممتاز .. طرية جدا ومش بتحرر وقعدتها مستريحة وان كانت مسافة الاختبار قليلة ليس بالسفر الطويل ... الله اعلم علي السفر ايه ظروفها برده.
4- الرؤية جميـــــــــلة ورائعة .... العربية بالحجم ده وكاشف كل سم في العربية وخاصة مع الزجاج الامامي العريض والمرايات الجانبية الضخمة http://www.nilemotors.net/Nile/image...941%5B1%5D.gif
5- انوار التابلوه جميلة جدا ومتناسقة مع الوان الداخلية للعربية ... مفيهاش لون يعصب العين.
6- الماتور ... صوته يكاد لا يكون مسموع او حتي ممكن تحس بيه انها دايرة وصوته واطي علي السرعات العالية ولكن مسموع..... بس انا حسيت ان الماتور مش زي ما كنت متوقع ... استجابته متأخرة او بياخد ار بي ام عالي علشان يوصل لسرعة قليلة ... ممكن يكون علشان لسه العربية عاملة 900كم .. ولسه ملينتش او اتعملها صيانة .. بس لو مفرقتش كتير
يبقي اعتقد انها بقي عائلية اكتر من شاب عايز يجري ويحرق ويغرز بيها. :3gears:
7- الفتيس : حاراته قصيرة وديه ميزة في المانيوال ... ومش بتحس بنقلاته والعربية معاه ناعة جدا .... بس لما تيجي تغيير من الثالت للتاني بالذات ... الفتيس بيبقي تقيل جدا وفعلا محتاج قوة علشان ياخد التاني بالذات.
8- الدبرياج: لكنه مش موجود ... ناعم بطريقة ينرفز ههههه ... ويمكن كنت ماشي متضايق علشان كده :)))
8-البااااااااور .... مش ممكن.. خفيف بشكل لا يصدق علي السرعات البطيئة ... وعلي السرعات العالية محستش بالخفة ديه في الباور.
8-الثبات جميل جدا جدا ... كنت بغرز بيها ومحسيتش ان العربية بتميل يمين او شمال او حد من الركاب اتضايق من الحركات الكتيرة (كغرز وحرق)
9- عفشتها .... اعتقد انها ناشفة الي حد ما .. وليست الناعمة جدا اللي متحسسش الراكب بالطريق.
10- كل حاجة سهل الوصول اليها بالنسبة للسائق.
11- التكييف طبعا مفيش كلام عليها ... اول ما بتشغله بتحس بيه فورا .. يعني مش تاخر ثانية ولا حاجة.
12- جلسة السواق: .. جميلة بلاشك وفعلا المخدع مع الباب وقرب الفتيس للمخدع .. ميحسسكش انك ممكن تبذل مجهود كبير وخاصة في الزحمة .... يعني ممكن تغير بسهولة جدا وخاصة ان حارات الفتيس قصيرة بشكل ملحوظ.
وزياده عليها طبعا الطارة المالتي فانكشين
فيعتبر كده اللي عايز عربية مانيوال بمواصفاات اوتو ........مفيش قدامه غير القشقاي http://www.nilemotors.net/Nile/image...1_8%5B1%5D.gif[/QUOTE]

واعتقد مش حنختلف على الاخين العزيزين علينا في رايهم

روح جرب تاني واتاكد وده لملصلحتك عشان متقعش في حيرة تاني وربنا يكرمك بالافضل :)

والجماعة الاوروبيين مش هبل عشان يشترو عربية فيها الكلام اللي انت قلتو ^_^

طبعا مدام فيه ديموقراطية الرأى والرأى الآخر يبقى لازم نسمع لكل الآراء - بس أنا برجح يكون موضوع التليين ده مأثر على أداء العربية لأن من غير المعقول ان نيسان تغامر بسمعتها بأنها تنزل عربية زى دى متجبش عالغيار التالت أكتر من 45 أو حتى 50 - يمكن برضة يكون فى حاجة مش متظبطة فى العربية دى بالتحديد خصوصا ان فية ناس بتركبها كتير عشان تختبرها وده رجله تقيلة والتانى رجله خفيفة والتالت بيخدها يفحت موتورها وهكذا - عموما فى الأساس السيارة اللى فى التليين لازم تعامل معاملة خاصة جدا وفيه اشتراطات ومحاذير لازم تراعى خلال الاستخدام فى فترة التليين علشان طريقة استخدامك للسيارة خلال تلك الفترة هية اللى بتحدد أداء العربية بعد التليين وعلى مدى فترة عمر الموتور - أنا فعلا مقتنع بالسيارة جدا ومقتنع كمان ان لازم السيارة اللى بيتم الاختبار عليها تكون متلينة بالفعل ومعمول لها الصيانات الدرورية وعلى سنجة عشرة لأن ده هيكون فى صالح النيسان نفسها أكتر من المستهلكين أنفسهم

الحمد لله أنا جربت العربية و مقتنع تماما بتجربتي لها و متأكد برضه من تقييمي لها و مع أحترامي لأراء أي زميل أخر طبعا و أنا كنت قرأت تجارب الزملاء للعربية قبل ما أروح أصلا لأن أساسا ده اللي عرفني أن فيه تست درايف و رايح أستمتع بالمزايا اللي قرأتها

بس اللي متأكد منه برضه أن أداء العربية مش طبيعي و لو أنا معرفتي محدودة أو ببالغ مكنش المسئولين عن المبيعات فضلوا يبررو لنا ضعف أداء العربية لدرجة أن واحد فيهم أشار لأحتمال وجود مشكلة في العربية موضوع الأختبار بالذات
و للأسف أن لو فيه مشكلة في العربية يبقي غلطة نيسان أنها تتطلع عربية معيوبة للأختبار و لو حتي العربية ملينتش ده برضه مش منطقي أن نيسان تطلع عربية مشكوك في تأديتها و تخلي الناس تاخد الأنطباع الأول و الأخير عنها كده

و الحمد لله أنا مش بقارنها باداء الصني بتاعتي بس أن بستعمل بصفة دورية دايو نوبيرا مانيوال , فولكس جيتا , تويوتا ياريس مانيوال , مازدا 3

علي العموم ده رأيي و وضعته بكل أمانة و اللي يقوللي أجرب العربية تاني أقوله أنا روح أنت جربها و تأكد من مدي صحة كلامي من عدمه بنفسك مش بتجارب شخص أخر و لما تركب العربية أنسي الكماليات و السقف البانوراما الرائع و متركزش في شكل العدادات التحفة لأن دي مش موضوع أختلاف زي ما وضحت في تجربتي ركز في أداء العربية لأنك بمرور الوقت العربية بيروح جمالها اللي كان شدك ليها و بيفضلك ادائها

و أنا أساسا متضايق بسبب أداء العربية لأني كنت ناوي أجيبها . مش راكب ماركة تانية و بتتريق علي القشقاي عشان أثبت لحد أن عربيتي أحسن

اقتباس:

---

المشاركة الأصلية كتبت بواسطة hossam_zaky

الحمد لله أنا جربت العربية و مقتنع تماما بتجربتي لها و متأكد برضه من تقييمي لها و مع أحترامي لأراء أي زميل أخر طبعا و أنا كنت قرأت تجارب الزملاء للعربية قبل ما أروح أصلا لأن أساسا ده اللي عرفني أن فيه تست درايف و رايح أستمتع بالمزايا اللي قرأتها

بس اللي متأكد منه برضه أن أداء العربية مش طبيعي و لو أنا معرفتي محدودة أو ببالغ مكنش المسئولين عن المبيعات فضلوا يبررو لنا ضعف أداء العربية لدرجة أن واحد فيهم أشار لأحتمال وجود مشكلة في العربية موضوع الأختبار بالذات
و للأسف أن لو فيه مشكلة في العربية يبقي غلطة نيسان أنها تتطلع عربية معيوبة للأختبار و لو حتي العربية ملينتش ده برضه مش منطقي أن نيسان تطلع عربية مشكوك في تأديتها و تخلي الناس تاخد الأنطباع الأول و الأخير عنها كده

و الحمد لله أنا مش بقارنها باداء الصني بتاعتي بس أن بستعمل بصفة دورية دايو نوبيرا مانيوال , فولكس جيتا , تويوتا ياريس مانيوال , مازدا 3

علي العموم ده رأيي و وضعته بكل أمانة و اللي يقوللي أجرب العربية تاني أقوله أنا روح أنت جربها و تأكد من مدي صحة كلامي من عدمه بنفسك مش بتجارب شخص أخر و لما تركب العربية أنسي الكماليات و السقف البانوراما الرائع و متركزش في شكل العدادات التحفة لأن دي مش موضوع أختلاف زي ما وضحت في تجربتي ركز في أداء العربية لأنك بمرور الوقت العربية بيروح جمالها اللي كان شدك ليها و بيفضلك ادائها

و أنا أساسا متضايق بسبب أداء العربية لأني كنت ناوي أجيبها . مش راكب ماركة تانية و بتتريق علي القشقاي عشان أثبت لحد أن عربيتي أحسن

---

من حيث الموتور اتفق معاك 50 في المية وحتعرف قريبا السبب باذن الله لاني مش حجادلك في حاجة انا مجربتهاش بس ضعف الموتور ده اقدر اقولك انو في السيارة اللي انت جربتها بس

لكن انا بتكلم على ما تبقى من كلام تقولي العزل مش عارف اي ازاي يعني واخدة في العزل تقييم ممتاز على توب جير والناس اللي جربتها بتقول انه ممتاز ممكن تكون نسيت الشباك مفتوح

واخر شيء احب انبهك ان العنوان مش مزبوط لمووضوع تقييم لازم كلنا نحترمو لكن العنوان ممكن يخلي حد ميدخلش المووضوع ويقول دي عربية سيئة وخلاص بدون ما يفهم فاتمنى تغييره

واخيرا الاختلاف في الراي لا يفسد الود قضية و نصيحة جربها مع واحد شاريها او اصبر لبيان سبب الموتور بعدين خد قرارك

مع احترامي لجميع الاراء
إزاي ماتور تيدا يركب في وحش ذي ده وعايزين منه أداء
وحاجة كمان العربية دي بتنزل بره 2000 سي سي
وده الصح والمناسب جدا لحجمها بس ولو كانوا شافوها تنفع 1600 كانوا عملوها
طبعا موضوع الجمرك عندنا بيعمل العجب بيحاولو بس يعمللولنا حاجة كده نعدي منها من الضريبة العالية بغض النظر عن الاداء

أتفق معاك في جزئية تغيير العنوان لأن برضه ده رأيي الشخصي و لو ممكن السيد مشرف القسم يغيره أو يضم موضوعي لتجربة قيادة القشقاي يكون مشكور بس أن معرفش أبلغه إزاي

أما بالنسبة لموضوع عزل العربية ففعلا أنا متابع تقييمات العربية و عندي أكتر من 25 كليب تجارب قيادة للقشقاي من مواقع مشهورة و مقارانات لها بعربيات تانية كلها أشادت بعزل العربية

لكن ياريت حضرتك تروح تجرب بنفسك و تقولي صوت الونة اللي في العربية من أيه لأن مندوب نيسان معرفش يفسرها و كمان صوت موتور العربية المسموع بوضوح يمكن أنا ببالغ و يمكن لما حضرتك تجرب يكون لك رأي مختلف

اقتباس:

---

المشاركة الأصلية كتبت بواسطة medododo

مع احترامي لجميع الاراء
إزاي ماتور تيدا يركب في وحش ذي ده وعايزين منه أداء
وحاجة كمان العربية دي بتنزل بره 2000 سي سي
وده الصح والمناسب جدا لحجمها بس ولو كانوا شافوها تنفع 1600 كانوا عملوها
طبعا موضوع الجمرك عندنا بيعمل العجب بيحاولو بس يعمللولنا حاجة كده نعدي منها من الضريبة العالية بغض النظر عن الاداء

---

على فكرة هية برة بتنزل 2000 سى سى لأنها فالغالب بتبقة فتيس أوتوماتيك - وطبعا الفتيس الأوتوماتيك زى ما كلنا عارفين انه بيتقل العربية لأن وزنة تقريبا ضعف المانيوال - فطبعا لو نزل الأوتو على موتور 1600 هتسحف عالأرض مش هتمشى - وعلى فكرة لو العربية بتتجمع فى مصر كنت ممكن أقولك همة بيعملوا تركيبة كده زى دى وخلاص والنتيجة طبعا ضعف سحب العربية لاكن كون العربية مصممة ومصنعة بالكامل فى اليابان ومجمعة فى انجلترا فأعتقد ان الجماعة اليابانيين مش هيغامروا بعربية بالمواصفات دى لو مش هتنال اعجاب المستهلكين

اقتباس:

---

المشاركة الأصلية كتبت بواسطة hossam_zaky

أتفق معاك في جزئية تغيير العنوان لأن برضه ده رأيي الشخصي و لو ممكن السيد مشرف القسم يغيره أو يضم موضوعي لتجربة قيادة القشقاي يكون مشكور بس أن معرفش أبلغه إزاي

أما بالنسبة لموضوع عزل العربية ففعلا أنا متابع تقييمات العربية و عندي أكتر من 25 كليب تجارب قيادة للقشقاي من مواقع مشهورة و مقارانات لها بعربيات تانية كلها أشادت بعزل العربية

لكن ياريت حضرتك تروح تجرب بنفسك و تقولي صوت الونة اللي في العربية من أيه لأن مندوب نيسان معرفش يفسرها و كمان صوت موتور العربية المسموع بوضوح يمكن أنا ببالغ و يمكن لما حضرتك تجرب يكون لك رأي مختلف

---

الجواب ببساطة مش دي العربية اللي حتنزل السوق دي فار تجارب :E_braces[1]:

ومش مزبوط فيها حاجات كتير وبيقولك كمان ان خامات الباب مش زي الخامات اللي موجودة اساسا

المهم اطمن خير باذن الله

اقتباس:

---

المشاركة الأصلية كتبت بواسطة medododo

مع احترامي لجميع الاراء
إزاي ماتور تيدا يركب في وحش ذي ده وعايزين منه أداء
وحاجة كمان العربية دي بتنزل بره 2000 سي سي
وده الصح والمناسب جدا لحجمها بس ولو كانوا شافوها تنفع 1600 كانوا عملوها
طبعا موضوع الجمرك عندنا بيعمل العجب بيحاولو بس يعمللولنا حاجة كده نعدي منها من الضريبة العالية بغض النظر عن الاداء

---

لا مش ازاي العربية دي اغلب مبيعاتها من 1600 و 1500 ديزل و اوروبا بيحبو الديزل وماشية معاهم زي الفل
بص العربية دي وزنها 1390 كيلو جرام

وزن الاوكتافيا مثلا 1250 لو قعدت معاك 3 يبقى كم 1500 مثلا والعربية بتمشي كويس

فمتقلقش لان لي ناس في اوروبا والجماعة الاوربيين عاوزين عربية توفر بنزين وتمشي بيهم كويس مش يوفر بنزين ويقف في السكة

اقتباس:

---

المشاركة الأصلية كتبت بواسطة yassal

على فكرة هية برة بتنزل 2000 سى سى لأنها فالغالب بتبقة فتيس أوتوماتيك - وطبعا الفتيس الأوتوماتيك زى ما كلنا عارفين انه بيتقل العربية لأن وزنة تقريبا ضعف المانيوال - فطبعا لو نزل الأوتو على موتور 1600 هتسحف عالأرض مش هتمشى - وعلى فكرة لو العربية بتتجمع فى مصر كنت ممكن أقولك همة بيعملوا تركيبة كده زى دى وخلاص والنتيجة طبعا ضعف سحب العربية لاكن كون العربية مصممة ومصنعة بالكامل فى اليابان ومجمعة فى انجلترا فأعتقد ان الجماعة اليابانيين مش هيغامروا بعربية بالمواصفات دى لو مش هتنال اعجاب المستهلكين

---

برة في الخليج قصدك لان في الامارات مفيش منها الا 2000 والجماعة الهنود نمل عليها هههههههههههههه

لكن في اوروبا ال 1600 بنزين و 1500 ديزل واخدين جزء كبير جدا من مبيعاتها البنزين هناك غالي جدا اغلى من مصر ده في تركيا واحد قالي انو اجر عربية وندم انو اجرها من البنزين قالي ياريتني خدت تاكس هههههههههه

اقتباس:

---

المشاركة الأصلية كتبت بواسطة darkmagician

برة في الخليج قصدك لان في الامارات مفيش منها الا 2000 والجماعة الهنود نمل عليها هههههههههههههه

لكن في اوروبا ال 1600 بنزين و 1500 ديزل واخدين جزء كبير جدا من مبيعاتها البنزين هناك غالي جدا اغلى من مصر ده في تركيا واحد قالي انو اجر عربية وندم انو اجرها من البنزين قالي ياريتني خدت تاكس هههههههههه

---

فعلا مفيش عربية قاشقاى ماشية فالخليج الا لما تلاقى اللى راكبها واحد هندى :8954[1]:- لو مؤاخذة لو كان فى بينا هنود :))) - بس عموما لو فى أوروبا زى مابتقول كل المواتير 1.6 أو 1.5 والعربية متباع منها أكتر من مليون - فده أكبر دليل على ان العربية دى بموتورها ال 1600 سي سي تعتبر محترمة جدااااااااا

اقتباس:

---

المشاركة الأصلية كتبت بواسطة yassal

فعلا مفيش عربية قاشقاى ماشية فالخليج الا لما تلاقى اللى راكبها واحد هندى :8954[1]:- لو مؤاخذة لو كان فى بينا هنود :))) - بس عموما لو فى أوروبا زى مابتقول كل المواتير 1.6 أو 1.5 والعربية متباع منها أكتر من مليون - فده أكبر دليل على ان العربية دى بموتورها ال 1600 سي سي تعتبر محترمة جدااااااااا

---

انا مقلتش كل اللي متباع 1600 في اوروبا بس الاغلبية العظمى مش اقل من النصف متباع 1600 لالمانيا وفرنسا
واعتقد في كمان بس مش عارف اساميهم لان حتى لو دخلت الموقع الرئيسي حيقول نظرا للطلب العالي مش حنقدر ناخد اوردرات تانية

يا رجالة
مع الشكر لكل من تابع الموضوع و علق عليه سواء موافق أو معارض
أتمني أن كل الناس يروحو يجربو العربية بنفسهم و بكده يقدر كل واحد يقولنا أنطباعه الشخصي سواء العربية حلوة أو وحشة و منكتفيش برأي حد جربها
موضوع تجربة العربية في داندي مول مدخل الطريق الصحراوي مجاني مش صعب كل المطلوب يكون معاك رخصة قيادة و مش شرط تكون مالك لعربية أصلا و مفيش زحمة و مش مضطر تروح مرة تحجز ولا حاجة أنت تروح و بتجرب العربية في وقتها و مفيش زحام عليها يمكن فيه شوية زحمة في مدخل الصحراوي بس عادي عشان الأجازة
انا من مدينة نصر و رحت مخصوص عشان أجربها
دي فرصة مش بتتكرر كل يوم لتجربة العربية و ياريت محدش يكتفي برأيي أو برأي حد تاني و لما العدد يزيد يبتدي الأنطباع عن العربية يظهر
ماهو مش معقول تكون العربية متوفرة لنا لتجربتها و نكتفي بأراء غيرنا

اقتباس:

---

المشاركة الأصلية كتبت بواسطة hossam_zaky

يا رجالة
مع الشكر لكل من تابع الموضوع و علق عليه سواء موافق أو معارض
أتمني أن كل الناس يروحو يجربو العربية بنفسهم و بكده يقدر كل واحد يقولنا أنطباعه الشخصي سواء العربية حلوة أو وحشة و منكتفيش برأي حد جربها
موضوع تجربة العربية في داندي مول مدخل الطريق الصحراوي مجاني مش صعب كل المطلوب يكون معاك رخصة قيادة و مش شرط تكون مالك لعربية أصلا و مفيش زحمة و مش مضطر تروح مرة تحجز ولا حاجة أنت تروح و بتجرب العربية في وقتها و مفيش زحام عليها يمكن فيه شوية زحمة في مدخل الصحراوي بس عادي عشان الأجازة
انا من مدينة نصر و رحت مخصوص عشان أجربها
دي فرصة مش بتتكرر كل يوم لتجربة العربية و ياريت محدش يكتفي برأيي أو برأي حد تاني و لما العدد يزيد يبتدي الأنطباع عن العربية يظهر
ماهو مش معقول تكون العربية متوفرة لنا لتجربتها و نكتفي بأراء غيرنا

---

ومع الشكر ليك وتعبك يا غالي بس المشكلة الاذكياء نزلو عربية تدي انطباع سيء عنها لان بجد فيها مشكلة فاللي حيروح يجربها مش حيعجبو الموتور هههههههههههههههههههههه

مين اللى قال اللى فى اوربا 2000 علشان اتوماتك

ياعالم اللى مش عارف ياريت يتاكد قبل الكلام

اوربا معظمها ان لم يكن كلها مانيوال و ديزل
حكاية الاتوماتك تدى منتشرة فى امريكا

فازاى عربية وزن الشيروكى اللى كانت بتنزل 2500 و 4100 سى سى ينزلوها بمتور التيدا 1600
دانا لما حبيت اجيب شيروكى قالولى بلاش 2500 علشان المتور ضعيف على وزن العربية ( 1550 كيلو ) وبيفوت بسرعة
دا حتى الجيب الليبرتى بعد منزلوها 2003 بمتورين ( 2500 و التانى 3700 ) وقفوا فى نفس السنة انتاج ال2500 لضعف المتور على وزن العربية
بلاش حد يقولى فرق تكنولجى فى المواتير لان المتور ال2500 ( اللى هو ضعيف ) كان بيدى 136 حصان غير طبعا العزم كد بتاع التيدا مرة ونص ( معلومة صغيرة التطور فى المتور ممكن يزود الهورس بور بسهولة بس العزم صعب صعب صعب لان لية علاقة بحجم ووزن المتور )

مع كدة الناس فى نيسان معزورة هو عايز ينزلك عربية كويسة ( ان لم تكن رائعة ) بسعر كويس بس قدامة حائط صد ( 1600 )

اقتباس:

---

المشاركة الأصلية كتبت بواسطة sharpen

مين اللى قال اللى فى اوربا 2000 علشان اتوماتك

ياعالم اللى مش عارف ياريت يتاكد قبل الكلام

اوربا معظمها ان لم يكن كلها مانيوال و ديزل
حكاية الاتوماتك تدى منتشرة فى امريكا

فازاى عربية وزن الشيروكى اللى كانت بتنزل 2500 و 4100 سى سى ينزلوها بمتور التيدا 1600
دانا لما حبيت اجيب شيروكى قالولى بلاش 2500 علشان المتور ضعيف على وزن العربية ( 1550 كيلو ) وبيفوت بسرعة
دا حتى الجيب الليبرتى بعد منزلوها 2003 بمتورين ( 2500 و التانى 3700 ) وقفوا فى نفس السنة انتاج ال2500 لضعف المتور على وزن العربية
بلاش حد يقولى فرق تكنولجى فى المواتير لان المتور ال2500 ( اللى هو ضعيف ) كان بيدى 136 حصان غير طبعا العزم كد بتاع التيدا مرة ونص ( معلومة صغيرة التطور فى المتور ممكن يزود الهورس بور بسهولة بس العزم صعب صعب صعب لان لية علاقة بحجم ووزن المتور )

مع كدة الناس فى نيسان معزورة هو عايز ينزلك عربية كويسة ( ان لم تكن رائعة ) بسعر كويس بس قدامة حائط صد ( 1600 )

---

انت يعتبر سالت وجاوبت على نفسك حوضحلك دلوقتي انت قلت عربية نزلت وفيها مشكلة وفي نفس السنة وقفو انتاجها
طيب ما القشقاي بقالها من 2007 بتنزل في اوروبا كانو وقفوها لو فيها مشكلة
انا عندي عربية سبارك 1000 سي سي موتورها اكبر من كورولا 1600 سي سي في الحجم الجماعة اليابانيين ودي حاجة معروفة وكل شركات العالم حتتجن من ده بيعملو موتور صغير جدا وباداء موتور ضخم انا شفت عربية فورتشنر 4000 سي سي موتورها اصغر من عربية كروز ولو دورت كده على صور للمواتير حتشوف الكلام ده

تاني نقطة انت قلت وزن الشيروكي نفس القشقاي طبعا عارفين ان الجديد اخف من القديم وزن شيروكي 2010 حوالي 1800 كيلو والقشقاي 1390 تقريبا

وزن الشيروكي اللي بتقول عنها اكيد اكبر بكتير

الشيروكي سيارة بهدلة ورمل وطرق وعرة في المقام الاول

القشقاي سيارة مدينة و تعتبر هاتشباك مرتفعة عن الارض

وزن الكيا كارينز 1450 كيلو ومحققة نجاح في سوقنا

ويارب اكون فدتك

اولا انا بتكلم على وزن الشيركى xj ودى وزنها 1550 كيلو مش على الليبرتى
تانى حاجة من غير زعل الكارينز برضة مبتنزلش 1600 فى اى بقعة على الخريطة غير عندنا واصبر عليها كام سنة تانى واتفرج على مواتيرها واى حد عندة كارينز عارف ان سحبها مش اد كدة بس مادى الغرض وعربية واسعة وجميلة ورخيصة ... العربية دى لو نزلت زى ماهى برة هتلاقى اول فئة ب 300 الف
اما حكاية موتور الجيب بتاع بهدلة مقلناش حاجة بس مش زى 3 من بتاع قشقاى وهما نفس الوزن تقريبا
وعلى فكرة انا من عشاق نيسان فى مصر وعربيتى الجاية-لو كان لينا عمر- يا صنى يا تيدا
ياما القشقاى لو نزلت زى برة

اقتباس:

---

المشاركة الأصلية كتبت بواسطة darkmagician

لكن في اوروبا ال 1600 بنزين و 1500 ديزل واخدين جزء كبير جدا من مبيعاتها البنزين هناك غالي جدا اغلى من مصر ده في تركيا واحد قالي انو اجر عربية وندم انو اجرها من البنزين قالي ياريتني خدت تاكس هههههههههه

---

فعلاااااااااااااا تركيا اغلى بلد اوروبى بيتباع فيها البنزين اللتر ب2.5 دولار يعنى خراب بيوت ولو خدت تاكسى المشوار بيكلف فوق ال30-40 دولار يعنى مفيش مقارنة وهناك امتلاك عربية مكلف جدااااااااااااااا
وموضوع الديزل ده منتشر اكتر فى انجلترا عشان الضرايب والبيئة لأن مواتير الديزل اقل ضررا بالبيئة عن البنزين

على فكرة صعب الحكم على عربية اتهانت - من نظرى - من اللى بيجربوها لأنهم بيعملوا فيها اللى لا يمكن ابدااااااااااا يعملوه بعربياتهم
وكمان لازم نحط فى الاعتبار ارتفاعها عن الارض ب20 سم ومقاومة الهوا وتشغيل التكييف اللى بيأثر على السحب والتسارع وعوامل كتير طبعا منها الوزن والحجم وعمل الصيانة وغيرها
انتظروا رأيى فى القاشقاى قريبا باذن الله

شكرا للمشرف علي القسم للأهتمام و تغيير العنوان عشان برضه مظلمش العربية
و برضه ياريت اللي مهتم بالموضوع ينزل يجرب العربية بنفسه و طبعا شكرا للأهتمام و التداخل بالأراء بس حيكون أفضل لو الردود من واقع التجربة الفعلية

نيسان قاشقاى = رينو داتشيا داستر = ميتسوبيشى asx مشروع مشترك بين نيسان-رينو وميتسوبيشى اليابانية
http://www.youtube.com/watch?v=CDfYl76jMGo

اقتباس:

---

المشاركة الأصلية كتبت بواسطة y2y1500

نيسان قاشقاى = رينو داتشيا داستر = ميتسوبيشى asx مشروع مشترك بين نيسان-رينو وميتسوبيشى اليابانية
http://www.youtube.com/watch?v=CDfYl76jMGo

---

مع احترامي الشديد
المعلومه دي خاطئه
التلات عربيات ملهومش دعوه ببعض
الداستر مبنيه علي اساس اللوجان
و القاشقاي علي اساس التيدا
و ال asx علي اساس اللانسر
و اكبر دليل ان ميتشوبيشي في اتفاقيه مع مجموعه بيجو-سيتروين بالفعل و اللي بيسوقوا عربيات ميتسوبيشي تحت اسمهم في بعض الاسواق فمش هتسيبهم و تروح تتعاون مع منافستهم رينو
و الفيديو اللي حضرتك جايبه دي مقارنه سريعه بين التلاته

يااخوانا سؤال معلشى وياريت اللى يعرف يجاوبنى الله يخليكم

اللعربيات اللى بيعملوا بيها التست درايف دية بيودوها فين بعد كده يعنى بتتباع ولا نظامها ايه

شكرا علي التقرير
ونتابع ونشوف الموتور والسحب

اقتباس:

---

المشاركة الأصلية كتبت بواسطة moustafa_saad

يااخوانا سؤال معلشى وياريت اللى يعرف يجاوبنى الله يخليكم

اللعربيات اللى بيعملوا بيها التست درايف دية بيودوها فين بعد كده يعنى بتتباع ولا نظامها ايه

---

علي حد علمي بتستعمل للدعايه والصيانات المتحركه فقط

انا شايف برده ان العربية لازم تعمل صيانة فوريه وعيب اوي لما مودرن يبقي جنب مكان التيست درايف و العربية ميكونش ليها اهتمام بالشكل ده ... دي المفروض دعاية يا جماعة للعربية

اقتباس:

---

المشاركة الأصلية كتبت بواسطة sharpen

اولا انا بتكلم على وزن الشيركى xj ودى وزنها 1550 كيلو مش على الليبرتى
تانى حاجة من غير زعل الكارينز برضة مبتنزلش 1600 فى اى بقعة على الخريطة غير عندنا واصبر عليها كام سنة تانى واتفرج على مواتيرها واى حد عندة كارينز عارف ان سحبها مش اد كدة بس مادى الغرض وعربية واسعة وجميلة ورخيصة ... العربية دى لو نزلت زى ماهى برة هتلاقى اول فئة ب 300 الف
اما حكاية موتور الجيب بتاع بهدلة مقلناش حاجة بس مش زى 3 من بتاع قشقاى وهما نفس الوزن تقريبا
وعلى فكرة انا من عشاق نيسان فى مصر وعربيتى الجاية-لو كان لينا عمر- يا صنى يا تيدا
ياما القشقاى لو نزلت زى برة

---

اانا مبحبش اتناقش عشان كده :grinder:

انت خدت من كلامي اللي يفيدك انك تكمل مجادلة ومخدتش من كلامي اللي ينهي المجادلة لاني جاوبت عليك

يعني من كلامك انت معترف ان نيسان شركة كويسة تمام طب بقالهم من 2007 بيصنعو قشقاي 1600 سي سي
طب حققو مبيعات فوق ال مليون يبقى معقولة حد عندو مشكلة رهيبة في السحب وسكت ولاحظ في ناس في ال 4 سنين دول ممكن يعملو 200 الف كيلو
ومعقولة شركة نيسان تكمل في الموضوع كده وهي عارفة ان حيطلعها كم مصيبة بعد كده

انا لي ناس في اوروبا ومجربين العربية وعارف انا بقولك اي الكارينز بقا زي الفل 1600 سي سي لكن مشكلتها في البنزين و منزلينها اوتوماتيك وده مخلي سحبها مش قوي بس ماشي حالو نيسان مرضتش تنزل اوتوماتيك عشان الكلام اللي شايفينو اهو والناس اقعدت تقول يا سبلام لو اوتوماتيك ومفيش فايدة

واحب انصح نصيحة لله شوف الاول التقييمات واراء الناس في بعض المنتديات الاجنبية وبعدين قول رايك متقلش رايك بناء على نظريات
وربك كريم

اقتباس:

---

المشاركة الأصلية كتبت بواسطة Peaceman

انا شايف برده ان العربية لازم تعمل صيانة فوريه وعيب اوي لما مودرن يبقي جنب مكان التيست درايف و العربية ميكونش ليها اهتمام بالشكل ده ... دي المفروض دعاية يا جماعة للعربية

---

:plusone2::plusone2::plusone2::plusone2::plusone2:

اقتباس:

---

المشاركة الأصلية كتبت بواسطة sharpen

اولا انا بتكلم على وزن الشيركى xj ودى وزنها 1550 كيلو مش على الليبرتى
تانى حاجة من غير زعل الكارينز برضة مبتنزلش 1600 فى اى بقعة على الخريطة غير عندنا واصبر عليها كام سنة تانى واتفرج على مواتيرها واى حد عندة كارينز عارف ان سحبها مش اد كدة بس مادى الغرض وعربية واسعة وجميلة ورخيصة ... العربية دى لو نزلت زى ماهى برة هتلاقى اول فئة ب 300 الف
اما حكاية موتور الجيب بتاع بهدلة مقلناش حاجة بس مش زى 3 من بتاع قشقاى وهما نفس الوزن تقريبا
وعلى فكرة انا من عشاق نيسان فى مصر وعربيتى الجاية-لو كان لينا عمر- يا صنى يا تيدا
ياما القشقاى لو نزلت زى برة

---

اصححلك معلومة الكارينز بتنزل 1600 في امريكا الجنوبية والدنمارك وروسيا وحتى سعرها في الباراجواي نفس سعرها في مصر واغلى كمان سنة بسيطة