الموضوع: عملت حادثه باللانوس علي الدائري

الحمد لله و انا رايح التجمع الخامس و عند ابراج سما عملت حادثه .....واحد بكورولا كان بيجري عاليميين و بياخد غرزه و الغرزه قفلت ادامه ...دخل في العربيه الي جنبي اللي كانت سوزوكي sx4 و السوزوكي دخلت في الباب اللي ورا يمين عندي ..... العربيه لفت بيا علي الطريق و راحت جايه عربيه نص نقل واخده الجنب الشمال كله و هوا بيحاول يتفاداني عشان دا اصلا كان داخل في وش العربيه بتاعتي و هي بتلف علي الطريق,, و طبعا العربيه راحت ختمتها بأنها دخلت ب وشها كله في سور الدائري و العتب في الجنبين راح و القايم اليميين تعييشوا انتوا

المهم رحت للسمكري بتاعي و العربيه اتغير فيها الاتي:

1) عدد 3 ابواب (2 شمال) و (1 يمين خلفي)

2) اكصضام و رفرف شمال امامي

3) أكصدام خلفي ( مشعارف و الله ايه الي كسره هوا و الفوانيس اللي ورا مع ان العربيه ما اتخبتتش من ورا اصلا بس أشطه)

4) 2 فانوس امامي و 2 فانوس خلفي ماركة ديبو ( ايه رأيكم فيها الماركه دي ؟؟ عشان انا الي كان فيها الفوانيس الاصلي بتاعت الزيرو ) و زعلان عليهم

5) جنب شمال كامل امامي ( ركبة مساعد + مساعد + بطاحه + سوسته + طنبوره + 2 تيل فرامل في الجنبين نالمره )

6) كارتيرات 4 جداد و دلايات

7) ايريال كهربا جديد و مرايا كهربا و واحده شمال عاديه و اكر ابواب

8) وش مفاتيح تكييف ( الوايرات باظت و مش بتغير الهوا و التكييف اصلا الفريون اتسرب و مش بيصقع اصلا )

9) الاندفاع بتاع الهوا زفت حتي لو موخع ضعيف جداااا و دا من بعد الحادثه بسسسسسس

المهم السمكري عاوز 3000 جنيه اجرة ايده برش كامل للعربيه (((( ايه رأيكو في السعر دا ؟؟)))))


و هل كدا العربيه بالسلامه لو حبيت ابيعها بعد كدا هتبقى معيوبه ؟؟؟؟ ( انا مارضيتش اسمكر حاجه اصلا و غيرت كلو بجديد رغم ان في حاجات كان ممكن يحاولو فيها )

و رش السقف ايه رايكوا ؟؟؟ انا بحاول علي اد ما اقدر ارجع العربيه لحالة الزيرو و مش عاوز يبقي في فرق في اللون

العربيه و هي مخبوطه سواق تاكسي شافها بالصدفه في المعادي و عرض يشتريها ب 10,000 انا كنت هتشلللللللللل .......قالي حتيلو صلحتها مش هتجيب حاجه برضه

هل فعلا العربيه مااااتت كدا خلاص و لا ايه ؟؟؟؟ دا انا كنت تقريبا عايش في الكاركير و مهتم بيها و بحط زيت كاسترول 15 و زيت فرامل كاسترول و ميا حمرا للردياتير و تقريبا كنت اللانوس الوحيد اللي حاطط نيتروجين في العجل و جايب كاوتش سرعات و السيفس قبل معادها..... هل كل الكلام دا خلاص مالوش لازمه عشان واحد كان بيجري و غرزه قفلت ادامه ؟؟؟؟؟؟؟؟؟؟

الحمد لله على سلامتك أولا و أخيرا و اللانوس حاجتها رخيصة و ان شاء الله تتلم