ممكن سؤال بالنسبه للأبيزا 94

**shahin1985** · 22-07-2011 12:48 PM

السلام عليكم

انا مش عارف والله انا نفسي الاقي حد بتاع قطع غيار ابيزا 94 انا كنت نزلت الحرفيين و معرفتش اعمل حاجه فلو فيه حد كويس وحد مجربه على قطع الغيار جديد او استيراد
انا ساكن في فيصل مفيش حد يعرف مكان قريب مني
والف شكر

**Flamingo** · 23-07-2011 08:14 PM

اهلا بيك
ممكن تجرب واحد محترم جدا اسمة مهندس علاء وعنده محل اسمة كريزى بيتل ودة فى التعاون الشارع اللى بعد بى تك على طول وانت رايح المريوطية وفي كمان استيراد وكمان عندة ميكانيكية وعفشجية اساتذة وهو على محور اللبينى بعد المريوطية اسمة احمد الكنج
وبالتوفيق

**tawfeek** · 24-07-2011 04:37 PM

فى واحد بس بعيد عنك عند كوبرى التجنيد فى جسر السويس اسمة الصفوة و فى اتنين فى شارع دمشق

**shahin1985** · 24-07-2011 10:07 PM

شكرا لردود الأعضاء الف شكر ليكم وهشوف كده وان شاء الله الاقي الحاجه بس ممكن استفسار صغير كمان
ممكن اعرف لو عاوز اغير الصالون بالكامل يكلف كام والاقي عند مين والف شكرا

**egman** · 25-07-2011 11:03 AM

ألصالون تغييره هيكون فى الحرفيين هتجيب طقم كامل وتحطه مكان الى موجود وعلى فكرة انا كنت سمعت ان ممكن طقم يتاع جولف يركب بس جولف كام مش فاكر لكن عموما الموضوع متوافر جدا فى الحرفيين انزل بس شارع المرسيدس متفرع من جمال عبد انلاصر واسال على محمد الخواجة وفى محل تانى هنا اسمه حسن طيره والشارع الى فيه حسن طيره ده كل حاجات بتاعت الايبيزا والجولف .

**matrix012** · 25-07-2011 01:21 PM

المشاركة الأصلية كتبت بواسطة tawfeek

فى واحد بس بعيد عنك عند كوبرى التجنيد فى جسر السويس اسمة الصفوة و فى اتنين فى شارع دمشق

يا باشا هوا اسم المحل الصفا مش الصفوه وده بتاع سيد عبده الى بعد كبرى التجنيد بشويه

**SYD** · 25-07-2011 03:12 PM

عندك اتنين علي المريوطية
عارف شارع النفق
الشارع اسمه متولي الشعراوي

في واحد اسمه احمد فتحي والمحل بتاعه اسمه ملك الجولف

وفي واحد تاني قبله عند جورج تقولا بتاع البي ام دبليو ودة اسمه ايمن جمعة والمحل بتاعه اسمه "مش متذكر الأسم والله" بس اعتقد كان اسمه البركة

الأتينن كويسين

بس ايمن حاجتة مضمونة اكتر
ميزة احمد فتحي ان عنده صنايعي توب اسمه محمد رمضان وعنده كهربائي

ميزة ايمن ان اسعاره اهدي شوية وبيديك ضمان وقوله انا جايلك من طرف المهندس محمد بتاع الابيزا الزيتي

انا ساكن جمبهم علي طوول لو احتجت اي حاجة كلمني وانا تحت امرك

والله المستعان
،
،