سؤال هام بالنسبه لل128

**ahmedbatista123** · 10-06-2009 09:00 PM

عربيتى 128 موديل 1986 عايز اعرف احطلها زيت ايه وما هو الفرق بين زيت شل الاحمر والابيض وكل واحد منهم يتغير بعد اد ايه وانهى الافضل
وسؤال تانى لو سمحتم هو سير التقسيمه يتغير بعد اد ايه او بعد كام الف كيلو

**tananybasha** · 10-06-2009 10:59 PM

1. زيت شل الأحمر نوعين
- متعدد الدرجات 20W50 و ده بيقعد 3000 كم على اقصى تقدير
- احادى الدرجة w50 و ده 1000 كم و زيت تقيل قوى لو الموتور مفيهوش حاجة
2. زيت شل الأبيض ده الفورميلا على ما اعتقد و ده زيت تقيل جداً و يهلك المكنة و بيغشوا بيه بتوع العربيات لما تيجى تتباع و موتورها خشن يحطوه عشان المكنه تنعم و ده 1000 كم
3. الكاتينة من 15000 بحد اقصى 20000 كم لو جايبها ايطالى اصلى
و الكلام ده من الذاكره ايام ما اخويا كان معاه واحده 128

**aYaBooY** · 14-06-2009 04:17 PM

موضوع الزيت مش هاعرف افيدك علشان انا كنت بحطلها ارخص زيت يقابلني و كان الاماراتية وقتها افضلهم المفروض يتغير على 3000 و انا كنت بسيبة 9000
موضوع سير الكتينة او التقسيمة و ده المفروض يتغير كل 13000او 15000و نوع من المخاطرة انك تسيبة اكتر من كدة و المفروض انك تغير معاه اويل سيهات الطنابير الي معاه كل مرة او مرة و مرة
طبعا السير الايطالي ممتاز بس ابقي قابلني لو لقيتة او لو لقيته ايطالي بجد معظم الي في السوق يا اما مصري متفبرك او صيني او لو محظوظ يطلع تركي
طبعا الكلام ده من الزاكرة برده من ايام المرحومة