الموضوع: اللوجان المغربى لوزارة الداخلية المصرية

المشاركة الأصلية كتبت بواسطة ringoo

هى الناس ليه بتتكلم عن اتفاقية اغادير على انها بتخدم المغرب فقط
طيب ما هى بتخدم مصر كمان ومصر بتصدر للمغرب اتوبيسات مرسيدس على سبيل المثال .. ايه المشكلة دلوقتى
دة تبادل منفعة وفتح اسواق جديدة ومفيد جدا للبلد

كلام مضبوط جدا يا رينجو وبعدين الاستاذ رائد اللي بيقول قوانيان بلد انا اتفق معاك في حاجه فعلا ان غياب الرقابة النهائية علي الوكلاء هو اللي وصلنا للحالة ديه لو في حكومة بتردعه بقانون كان هيضبط نفسه شوية
ثانيا انت بتقول ان الجمارك والضريبة والدولار هل تعلم سيادتك ان المفروض العربية المجمعه محليا يكون 40% منها انتج محلي 40 % مش المفروض مثلا ان ده يخلي العربية تفرق عن نظيرتها في السعر علي الاقل 30 % من سعرها
ثالثا : بتقولي ليه الفيرنا ؟؟ روح اي مقر للغبور وشوف انهم بيفتخرو ازاي انه عامل خطوط تجميع وتصنيع وان الفيرنا امل مصر للدخول القرن الواحد العشرين والعربية تفتقد لابسط شروط السلامة وبعدين انت ليه فعلا مش عارف تصدرها بره وتستغل الاتفاقية زي ما رينجو قال وانت يا سيدي عندك ناس بتقول ان خبرة في مجال السيارات تخطت 50 سنة طاب هل من المعقول 50 سنة ومش عارف مثلا يوصل انه يصنع مكونات العربية الاساسية يا اخي والله ده عار عليه وعشان الواحد يكون بيتكلم صح ان لا اخص غبور لوحده كلهم زي بعض بما فيهم توكيل رينو ومنصور وابو الفتوح وامثالهم تاجر مش همه مصلحة البلد نهائي همه مكسب ومكسب بطريقة غلط هتخليه ان شاء الله بعد فترة هيخسر كل حاجه

المشاركة الأصلية كتبت بواسطة ringoo

يا نهار مش زى بعضه :b4_556: .... طب افرضوا حصلت ثورة تانية .. ساعتها كل عربيات اللوجان حتتكسر
ما هو مافيش غير عربيات الداخلية اللى بتتكسر فى الثورات ... وتيجى بلليل بقى تحلم بكوابيس
قال ايه يا خويا طالع ابص من البلكونة الاقى الناس عمالين يمطوحوا فى لوجى حبيبتى يمين وشمال علشان تتقلب وهى تقاوم .. يمين وشمال وهى تقاوم (قال ايه فى ثورة) وفى الاخر يجى واحد عامل فيها ابراهيم الابيض ومعاه قنبلة ملوتوف وهووووب تقوم مولعة ... ساعتها تقرر انك تنتحر وتنط من البلكونة على الناس اللى بيعملوا كدة فى لوجى وقبل ما تقع عليهم .. هوووووب
تقوم واخدلك خبطة محترمة فى نفوك من المدعوئة الكومودينو .. وكل يوم كدة ... يا ساتر ايه الكابوس المرعب دة
...........................
بس على فكرة بجد المشروعات دى بتكون كويسة لانتشار العربية .. وبينى وبينكوا الاتفاقيات دى انضف مليون مرة من مشروع التاكسى دة اللى انا مش بالعوا .. بجد العربية مش محتاجة اى دعاية من هذا النوع هى عاملة دعاية لنفسها
وربنا يقدم ما فيه الخير لينا كلنا

عموووووووووور ....حبيب قلبي .... إيه السيناريو اللذيذ ده ... واحشني جدا.

هو أنا بس مش فاهم حاجه.. و ياريت أكون غلط..
هى مش ده عربيات حكومة...؟؟؟ يعنى ملك لوزارة الداخلية مش الأفراد... صح؟؟؟ ليه بنتكلم ان فيه جمارك أصلا...
الطبيعى ف أى بلد ان عربيات الشرطة عربيات نضيفة..... يعنى بسعر قليل حتكون عربيات نضيفه...
و أنا مش شايف ان فيه حاجة أسمها أدفع جمارك على عربيات شرطة .. و لا أنا يمكن أكون غلطان؟

تانى حاجه يا جماعة أظن ان مصر محتاجه عربيات صغيرة .. لحجم الشوارع .. مش سوناتا خالص.. أو ما شابهها..
عايزين حجم مينى كوبر و مواتير صغيرة تربو عفية عشان الشوارع الصغيرة.... ؟ و العربات الكبيرة عشان المطاردات تبقى .. 4x4