الى مالكى اللوجان المغربى

**ahmadalsattar** · 09-10-2009 05:33 PM

اخبار عزل الصوت بداخل السياره ايه
و خصوصا على السرعات العاليه 100 كم فاعلى

**mohamed1979** · 09-10-2009 06:43 PM

الصوت بيبقى مسموع عند 110 الى 120 و بعدين الموتور صوته يهدى و يبقى مش مسموع بس احسن من عربيات تانيه كتير اول ما تعدى ال 100 تسمع صوت الموتور و هو بيقول ارحمننننننننننننننننننننن نىىىىىىىىىىىىىىىى

**ahmadalsattar** · 09-10-2009 07:32 PM

المشاركة الأصلية كتبت بواسطة mohamed1979

الصوت بيبقى مسموع عند 110 الى 120 و بعدين الموتور صوته يهدى و يبقى مش مسموع بس احسن من عربيات تانيه كتير اول ما تعدى ال 100 تسمع صوت الموتور و هو بيقول ارحمننننننننننننننننننننن نىىىىىىىىىىىىىىىى

ممكن اعرف انت تقصد عربيات ايه الكتيير على سبيل المثال
انا باسال على السرعات اللى اقل من 100 كم مثلا انا على الغيار الخامس و rpm 2000 او 3000 يبقى ايه اخبار الصوت . كده تقريبا العربيه على سرعة 80 كم ؟

**mohamed1979** · 10-10-2009 08:05 AM

المشاركة الأصلية كتبت بواسطة ahmadalsattar

ممكن اعرف انت تقصد عربيات ايه الكتيير على سبيل المثال
انا باسال على السرعات اللى اقل من 100 كم مثلا انا على الغيار الخامس و rpm 2000 او 3000 يبقى ايه اخبار الصوت . كده تقريبا العربيه على سرعة 80 كم ؟

مسموع بصوره بسيطه

**mostafabakry** · 10-10-2009 09:36 AM

الصوت مش مسموع حتي 3000 ار بي ام و لو انت عالنقلة الخامسة يبقي مش هتسمع الصوت لغاية 100 -110
بعد ال3000 ار بي ام يبتدي يعلي الصوت لغاية 3500 يوصل زروته و الصوت بيبقي مسموع لكن لو انت مشغل الكاسيت الصوت بيبقي مش واضح قوي
بعد ما بتعدي ال 3500 ار بي ام و تدخل علي 4000 يبتدي الصوت ينعم من تاني و الصوت يخف شوية و طبعا بتبقي السرعة حوالي 140
هو بس انا فاكر اني ركبت كورولا 2009 و لاحظت ان صوت موتورها مسموع عند ال 3000 ار بي ام و لا يفرق حاجة عن اللوجان بس دي كانت مرة واحدة وانا كنت متعمد اشوف الصوت بتاع الكورولا و اقارنه مع اللوجان
لكن عموما موضوع الصوت دا بيبقي فارق مع ناس و ناس لأ
يعني انا كنت شفت نفس الملاحظة دي في منتديات رومانية و تشيكية و ناس كانت بتتكلم عن عزل الصوت في اللوجان و شفت ناس قالت ان الموضوع طبيعي و مش مزعج و ناس تانيه قالت انها بتتضايق من اي صوت داخل صالون العربية
و شفت كمان ناس بتعالج المشكلة عن طريق زيادة عزل العربية
يعني واحد كان بيقول انه استخدم عزل عربية اودي و ركبه في اللوجان و النتايج مزهلة
واحد تاني عامل تقرير مصور عن زيادة العزل في كل اجزاء العربية من ارضية و سقف و ابواب و صدر و بيقول ان النتايج رائعة و انا بإذن الله هرفع التقرير دا في اقرب فرصة هو بس محتاج ترجمة مش اكتر و كمان في شوية فيديوهات عن زيادة العزل في اللوجان ظريفة جدا و بتشرح الخطوات صوت و صوره
اذن الموضوع ان كان بيمثل مشكلة عن بعض الناس فهو له حل و مش مكلف ان شاء الله و خلال الفترة اللي جاية و علي ما العربية انتشرت هتلاقي ناس كتير بتعمل شغل في العربية

**MoHaMed HaMeD** · 10-10-2009 01:35 PM

متابع ومنتظر باهتامم

**mrizk_3002** · 10-10-2009 04:47 PM

و العربيه في التلين يعني لسه معدتش الـ 2500 كم بيبقس صوت العربيه مسموع قوي لو انت عديت الـ3000 اربي ام و ده طبيعي لان الكمبيوتر الخاص باللوجان بطريقه او بأخري بيحافظ علي المتور.

بعد متعدي التلين يعني تبقي عامل 2500 - 3000 كم كده اداء العربية كله بيختلف جدا ًً و الصوت فجأه بيتحسن جداً حتي انك مش هاتسمع صوت المتور من صوت الاسفلت. و الصوت نفسه بيهدي بعد الـ4000 اربي ام جداً.

فعشان كده هاتلاقي ناس بتقولك صوت العربيه عالي و ناس بتقولك الصوت واطي و ده كله لان في ناس لسه في التلين و ناس عدت التلين.

و عموماً صوت المتور ممتاز زيها زي الكرولا و السيفيك و المازدا 3

و ده عن تجربه...