هناك مظاهرة حاشدة متجة الى مدينة نصر الى مقر المجلس العسكرى ..نريد شهود عيان على ما يحدث و تحركات الجيش فى مواجهتها ..
أنباء عن إصدار المجلس العسكرى أوامر بغلق كل مداخل مدينه نصر وعمل كردون فى العباسيه والمسيره تصل قرابة الخمسة الأف
عرض للطباعة
هناك مظاهرة حاشدة متجة الى مدينة نصر الى مقر المجلس العسكرى ..نريد شهود عيان على ما يحدث و تحركات الجيش فى مواجهتها ..
أنباء عن إصدار المجلس العسكرى أوامر بغلق كل مداخل مدينه نصر وعمل كردون فى العباسيه والمسيره تصل قرابة الخمسة الأف
متابعة معاك :)
قريت نفس الأخبار عن المسيرات للمجلس ووزارة الدفاع بعد سقوط مصابين بالاسكندرية فى مصادمات مع الشرطة العسكرية
(نطالب ثوار شرق القاهرة من مناطق المطرية -عين شمس - الحدايق الأميرية - الزيتون الحلمية عين شمس - النزهة -عزبة الهجانه وكل مناطق الشرق سرعة الأنضمام للمظاهرة المتجهه للمجلس العسكري أمام وزارة الدفاع
سرعة التوجه وعلي كل ثائر ان ينضم حتي تحقيق الحقوق كامله )
عمر عفيفي
الشرطة العسكرية دول مش بيتحركو لوحدهم بيكون معاهم وحدات من الجيش او من الحرس الجمهورى ..
و معندهمش تفاهم ومش بيحدفو طوب و ضرب زى الامن المركزى ...
حيكون فى ضرب نار حى ,,و حيسقط قتلى كثيرين ..كل هذا لحماية مبارك و عصابتة
يترى محاكمة مبارك تسوى قتل كام مصرى حتى يدرك المجلس العسكرى ان دماء المصريين اغلى من كل هذة العصابة التى يحميها هذا المجلس
اول مره اسمع الأخبار دى
هاتصل و اتأكد
يعني هما شايفين ان الحل هوه الصدام مع الجيش
قابل يعم
عايزين البلد تولع وتروح في داهيه
اية مصادر ؟؟؟؟؟؟؟
الناس ليه بتنثاق الى الخراب ومساعدة اليد الخارجية فى عمل فتنة بين الجيش والشعب علشان البلد تخرب فيها ايه لو نصبر شوية لما البلد تشم نفسها وتقف على رجليها والمحكمات شغالة انامعاكم انها ماشية زى السلحفات ولكن مفيش حد من النظام القديم هيطلع براءة فياريت نصبر علشان عواقب الفتنة احنا مش قدها
للاسف الخبر صحيح والسيناريو ده متوقع لان المجلس العسكري شايف ان الشعب مش قد المقام وبيتحامي لمبارك
نشوف بقي الشعب ولا المجلس العسكري
الحقيقة يا استاذ هشام ..موضوع البرائة وارد جدا فى ظل حال التعتيم الحاصلة على مبارك و عائلة و المقربين منة و تسويف محكمات قتلة المتظاهرين
و فيما يخص الفتنة ..احب اطمنك تماما انة لن يحدث فتنة لانة المصريين الان لديهم وعى الكافى و الكل الشرفاء يخافون على بلدهم ..
المشكلة فيما من يملك القوة المسلحة و يتخيلة انة يمكن ان يقهر الارادة الشعبية باستخدامها او التهديد بذلك
أيه رأيكم فى الأخبار دى
مسيرة تتكون من أكثر خمسة الاف متظاهر تتوجه الان الى المجلس العسكرى والقوات المسلحة تغلق جميع الطرق المؤدية الى هناك
متظاهرو التحرير يتوجهون للمجلس العسكرى اعتراضاً على أحداث السويس
خرجت مسيرة حاشدة من آلاف المتظاهرين مساء اليوم متجهة إلى مقر المجلس العسكرى للتنديد بأحداث العنف والاعتقالات التى شهدتها مدينة السويس أمام مديرية الأمن.
وأحبطت قوات أمن السويس مساء اليوم محاولة اقتحام مبنى مديرية الأمن، ومنعت قيام مجموعة من المتظاهرين من اقتحام مبنى جهاز الأمن الوطنى بعد قيام المتظاهرين بإلقاء الحجارة وعدد من الزجاجات الحارقة "مولوتوف" فى اتجاه مبنى الأمن الوطنى والقوات التى تحميه.
وقامت القوات بتأمين المبنى وحمايته وتم القبض على أربعة عشر شخصاً ممن حاولوا اقتحامه.
يذكر أن مبنى جهاز الأمن الوطنى ملاصق لمجمع محاكم السويس ومديرية أمن السويس.
وده رد أهالى السويس
أكد على الجنيدى، المتحدث الرسمى باسم أهالى شهداء ومصابى ثورة يناير بالسويس، لـ"اليوم السابع"، أن جميع أهالى الشهداء ومواطنى السويس الشرفاء يتبرأون من قيام بعض الخارجين على القانون، بإلقاء زجاجات المولوتوف والحجارة على القوات التى تقوم بتأمين مبنى مجمع المحاكم وجهاز الأمن الوطنى، فضلاً عن إلقاء بعض الزجاجات الفارغة والمولوتوف على جهاز الأمن الوطنى.
وأكد الجنيدى أن هذا الفعل يخرج عن سلمية المظاهرات، مؤكدا أن نوعية هذه الأفعال لن تخرج من أهالى الشهداء، مقدما اعتذاراً لقوات الجيش من أى تصرف يخرج دون وعى من قلة مندسة.
يذكر أنه تظاهر ما يقرب من 50 فرداً بجوار مبنى جهاز الأمن الوطنى مساء، الجمعة، بعد أن تم إلقاء القبض على فردى أمن تابعين لجهاز الأمن الوطنى داخل التظاهرات التى أقيمت بالقرب من مديرية أمن السويس، حيث قام بعض الخارجين على القانون بإلقاء زجاجات المولوتوف تجاه القوات التى تؤمن المبنى، وإشعال النيران فى أحد إطارات السيارات، وإلقاء حجارة باتجاه المبنى وعلى قوات التأمين.
وده رد أسكندريه
رصد | خاص | الاسكندرية | تقرير بشأن الاحداث التي تمت بالاسكندرية اليوم #RNN
مراسلوا رصد : تحرك اليوم المئات من المتظاهرين بالاسكندريه فى مسيره سليمه عقب صلاه الجمعه من القائد ابراهيم الى المنطقه الشماليه العسكريه بسيدى جابر و عند وصول المتظاهرين إلى المنطقه الشماليه انضم إليهم شباب مجهولين يظن أنهم بلطجية فقاموا بقطع الطريق امام المنطق...ه الشماليه العسكريه الأمر الذي استفز اهالى المنطقه والماره حيث تجمع الاهالى وحدثت بعض المناوشات و تبادل القاء الحجاره ما ادى الى تكسير العديد من السيارات المتواجده هناك واصابه العديد مما اضطر الأهالي للاستغاثة بقوات الجيش فتدخلت الشرطه العسكريه للسيطره على الموقف وقامت بأعتقال بعض مثيرى الشغب
هذا وقد صرح نشطاء من الذين دعوا للمظاهرة أن أهالي المنطقة لم يضربوهم و أن من ضربوهم كانوا بلطجية يحملون السيوف
وده ردى أنا
تصبحوا على خير
يا جماعة في وقفة احتجاجية دلوقتي في العباسية
افتحوا قناة الجزيرة مباشر مصر
انا كنت رايح من مدينة نصر الى حدائق القبة الساعة 10 تقريبا لقيت المدرعات قافلة الطريق بعد منزل كوبرى الفنجرى قبل الفنية العسكرية ومانعين المرور
اتجهنا يمين اجبارى من جنب دار المشاه ورجعت صلاح سالم علشان ادخل من ناحية العباسية لقيتهم قافلين مدخل الميدان اللى تحت الكوبرى ... كملت لغاية كوبرى الفردوس عشان اخش من احمد سعيد لقيته زحمة
لفيت ورجعت أوتوستراد-رابعة-عباس العقاد وماكانش فيه أى مظاهرات
ولسه داخل البيت من ربع ساعة
التظاهر و الاعتصام حق للشعب طالما بشكل سلمي
لا داعي لان يخرج الموضوع عن حجمه الحقيقي حتي الان
ولعها ولعها شعللها شعللها
قولولي انهم بيهزروا
قولولي انهم بيهرجوا
قولولي انها دعابة
اقتباس:
التظاهر و الاعتصام حق للشعب طالما بشكل سلمي
لا داعي لان يخرج الموضوع عن حجمه الحقيقي حتي الان
يا ريس حضرتك مش معانا و لا ايه هههههه
ده الناس عمالة في السويس و اسكندرية بيضربوا ازاز و طوب و كل ما تطولها ايديهم
و مش عارف كمان ايه اللي بيحصل عندنا في مدينة نصر غير ان فعلا كل المداخل اتقفلت
و البداية ان الناس في السويس حاولوا يدخلوا مديرية الامن بالعافية و لما الشرطة العسكرية منعتهم و قبضت ع 14 كله زاط فيها
هي شكلها كده مش هتخلص و هنفضل كده
و شكلنا هنقول هتوحشينا يا مصر
زغرطي يا ام ممدوح البلد بتروح
زغرطي يا ام عمار البلد بتنهار
عليه العوض ومنه العوض فيكى يا مصر ويا مصريين
خلاص الراجل غار فى داهية واتنحى هو والشلة الواطية بتاعته وابقو قابلونى لو اقل واحد فيهم اتحاكم دول عندهم استعداد يخلصو على نص الشعب ده نظام عالمى كبير مش مسألة مجلس عسكرى والكلام الهايف ده
ده نظام ماسونى ماشى على العالم اجمع
وياريت نهدى شوية عشان الجيش صبره بدأ ينفذ ولو نفذا هتبقى مجازر بالجملة وساعتها مش هينفع الندم ولا تقولى سوريا ولا ليبيا ولا العراق
وهبقى مبسوط لو حصل كده فى بتوع التحرير بالذات
ده رأى ومش عايز اى غلط لو هتنقد انقد بأسلوب كويس
لسة راجع من برة من شوية كنت فى مصر جديدة قريب من روكسى و بيتى فى مدينة نصر .
الدنيا مقلوبة فى العباسية دلوقتى و قفلو المداخل و شارع جسر السويس زحمة موت تقريبا قفلو الاتجاة الى ناحية العباسية . الحمد لله روحت لآنى حافظ مصر الجديدة و نزلت من عند محكمة مصر الجديدة الى الماظة دى فاضية جدا .
المسيرة تحركت من التحرير الى غمرة وصولا للعباسية و الجيش نزل مدرعات و قفل الكوبرى الى ينزل الى شارع صلاح سالم ,
عديت على شارع طومان باى أمام قسم الزيتون حوالى 15 ظابط واقفين خارج القسم و عربيات كتير شرطة واقفة اكيد خايفين ليحصل أى أنفلات أمنى زى المرات السابقة
أنا بجد قرفت من الناس اللي عامللي فيها ثوار وفاكرين نفسهم هيمشوا البلد على مزاجهم ..... مجلس عسكري ايه اللي رايحله ...العالم دي لو انضربوا بالنار هكون أول واحد يأيد المجلس العسكري فكده
عاوزين مبارك يتحاكم ...هيتحاكم والله العظيم ان شاء الله هيتحاكم بس كل شئ في وقته ... متسربعين على ايه....اذا كان ليبيا اللي ريسهم طربهم بالطيارات بيقلوله دلوقتي سيب السلطه ومش حنلاحقك قضائيا
وبعدين الاخ اللي بيقول انهم رايحين للمجلس العسكري بس ... ليه مين اللي قال لمعاليك ان المجلس العسكري بس هو اللي متعاطف مع مبارك متنساش ان مبارك طول ال30 السنه وهو مبيحطش في الجيش غير اللي لهم ولاء ليه بس .... هتفتح فتحه الله أعلم هتخلص على ايه
الرحمه من عندك يارب واهدينا للطريق الصواب
الواحد مابقاش عارف مين مع مين ضد مين ؟؟؟
لسه الامل فى ربنا ثم الجيش
""اللهم ولى امورنا خيارنا ولا تولى امورنا شرارنا""
......... منقول ........
قوات الجيش تمنع المتظاهرين من الوصول إلى المجلس العسكرى
السبت، 23 يوليو 2011 - 00:10
قامت قوات الجيش والشرطة العسكرية بالتصدى للمسيرة المتجهة إلى المجلس العسكرى، وذلك من خلال منعهم من المرور من أمام مسجد النور بالعباسية، وقامت قوات الجيش بإطلاق الأعيرة النارية فى الهواء لتفرقة المتظاهرين.
يأتى ذلك بعد خروج مسيرة حاشدة من آلاف المتظاهرين مساء اليوم، متجهة إلى مقر المجلس العسكرى للتنديد بأحداث العنف والاعتقالات التى شهدتها مدينة السويس.
وكانت قوات أمن السويس مساء اليوم قد أحبطت محاولة اقتحام مبنى مديرية الأمن، ومنعت قيام مجموعة من المتظاهرين من اقتحام مبنى جهاز الأمن الوطنى بعد قيام المتظاهرين بإلقاء الحجارة وعدد من الزجاجات الحارقة "مولوتوف" فى اتجاه مبنى الأمن الوطنى والقوات التى تحميه وألقت القبض على 14 من مثيرى الشغب.
......... منقول ....
متظاهرو التحرير يعلنون مجلساً رئاسياً مدنياً للإشراف على الحكومة
الجمعة، 22 يوليو 2011 - 22:46
أعلن ثوار ميدان التحرير، من أعلى المنصة القريبة من الجامعة الأمريكية، أن القوى السياسية وجميع الائتلافات والحركات وشباب المستقلين المتواجدين بميدان التحرير، ترشيح مجلس رئاسى مدنى، ورشحوا عدداً كبيراً من القوى السياسية من الشخصيات العامة، وأجمعت عليها التيارات السياسية المتواجدة بالميدان، ومن أبرز هذه الأسماء الدكتور محمد البرادعى والدكتور محمد سليم العوا وحمدين صباحى والدكتور هشام البسطويسى والشيخ حازم أبو إسماعيل والشيخ محمد حسان والشيخ صفوت حجازى والدكتور عبد الحليم قنديل والداعية عمرو خالد والأستاذ فهمى هويدى.
من جهة أخرى، أكد المتظاهرون أن دور المجلس الرئاسى الذى اتفقت عليه جميع القوى بميدان التحرير، ينحصر عمله فى تطهير الفساد، وتنفيذ مطالب الثورة، والإشراف على الحكومة، مشيرين أن مده هذا المجلس 6 أشهر، وهى كافية لصياغة دستور جديد، وإجراء انتخابات مجلسى الشعب والرئاسة، وأن قرار المجلس الرئاسى له قوة القانون وتسقط فورا انتخابات مجلس الشعب ما لم يصدق عليها المجلس الرئاسى.
وأضافوا أنه لابد أن يعود المجلس العسكرى إلى مباشرة مهامه العسكرية فقط، طبقا لما نص عليه القانون والدستور، ويمتنع عن التدخل فى الشئون السياسية.
......... منقول ...........
نفى تعامل القوات المسلحة بالعنف ضد المتظاهرين..
بيان للمجلس العسكرى: 6 إبريل تسعى للفتنة بين الجيش والشعب
السبت، 23 يوليو 2011 - 00:48
أصدر المجلس الأعلى للقوات المسلحة، بياناً حول الأحداث التى شهدتها البلاد أمس، الجمعة، إيماناً منه بالتواصل مع الشعب المصرى العظيم وشباب الثورة، وبالإشارة إلى الخطوات التى تحققت خلال الأيام الأخيرة والتى تهدف إلى تحقيق المطالب المشروعة لثورة 25 يناير، إلا أن تحقيق هذه الخطوات الإيجابية قد تعارضت مع المصالح الشخصية لبعض الحركات السياسية ذات الأجندات الخاصة والتى بدأت فى التحريض على لزرع الفتنة بين الشعب والقوات المسلحة.
وأضاف المجلس فى بيانه الـ69، أنه لا صحة مطلقاً لما تردد عن قيام القوات المسلحة باستخدام العنف ضد المتظاهرين فى الإسماعيلية أو السويس أو فى أى مدينة أخرى، وأن حركة "6 إبريل" تسعى إلى إحداث وقيعة بين الجيش والشعب، وذلك من فترة، إلا أنها فشلت بسبب الخطوات التى اتخذت أخيراً.
ودعا البيان، كافة فئات الشعب إلى الحذر وعدم الانقياد وراء هذا المخطط المشبوه الذى يسعى لتقويض استقرار مصر، والعمل على التصدى له بكل قوة
مش عارف اقول ايه يا جماعه
انا لسه راجع من بره حالا
و اى نعم لم امر من جانب مديرية الامن او مقر امن الدوله
بس السويس والعه بمعنى الكلمه
اكثر من 99% من اهالى السويس على الكورنيش
و صادفت اكثر من 12 زفه كل واحده فيهم لا تقل عن 7 عربيات و 12 موتوسيكل
و كان فى مؤتمر لحزب الوسط و يحضره رئيس الحزب و النائب و امين الصندوق
و لم اسمع بتاتا بالى حصل و بيكتب
انا لا اخون حد
و لا اقول ان الناس مش دمغاها و لكنى انقل صورة كنت اعيشها اليوم
يا رجالة صلو على النبى الموضوع مش طالب يقلب بمشاحنة بين الاعضاء الى هما أحباب و زمايل و النقاش عبر الكى بورد مش بيحل و لا بيغر الوضع الى البلد فية يبقى لية تزعلو من بعض كدة .
الدنيا مقلوبة فى الشارع فى العباسية على فكرة
هدوا التون شويه يارجاله
......... منقول ...........
متظاهرو التحرير يقررون العودة مرة أخرى إلى الميدان
السبت، 23 يوليو 2011 - 02:10
دعا متظاهرو التحرير عقب تجمهر أعداد كبيرة منهم أمام مسجد النور بالعباسية، إلى الرجوع مرة أخرى إلى ميدان التحرير وعدم الاحتكاك مع الجيش والشرطة العسكرية أو أهالى العباسية، يأتى ذلك بعد خروج مسيرة من التحرير للمجلس العسكرى للتنديد باعتقال المعتصمين بالسويس من قبل الشرطة العسكرية.
ومن جانب آخر، حدثت احتكاكات ومشادات كلامية بين المتظاهرين وأهالى العباسية بسب مسيرتهم للمجلس العسكرى.
---------------
السادة الكرام
تم حذف المشاركات المخالفة، ونرجوا أن لا تدفعونا لتوقيع العقوبات، يرجى الالتزام بأصول النقد البناء بدون تشهير أو تجريح.
الاشراف العام.
يعني عيد الشرطة بما إنه يخص الشرطة عملنا فيه ثورة وبوظنا للشرطة عيدهم ... وعيد ثورة 23 يوليو بما إنه يخص الجيش هنعمل فيه برضو ثورة ونولع في الجيش ولا إيه ... ؟؟
كدا الواحد يخاف على أمه من عيد الأم مثلا ... ؟؟؟؟؟:E_braces[1]: