الموضوع: الطاسات

ازيكم يا شباب
النهردة كان يوم اجازة طبعا
وانا قاعد من اول اليوم زهقان ومخنوق وعايز اخرج مش لاقي حد يخرج معايا
كل ماتصل بحد يطلع مشغول وعنده مشوار
المهم فين وفين لما لقيت حد يخرج معايا
خرجنا ولفينا وكله تمام واكلنا وشربنا عصير والحياة زي الفل
ووانا مروح بطلع حاجة من على الموبايل معرفش ايه حصل العربية حكت في الرصيف اللي على شمالي جامد شوية والطاسة اللي قدام اتفرتكت وطارت في الهوا
طبعا حمدت ربنا وشغلت فليشر وهديت وركنت على جنب ونزلت اطمن ان العربية مفيهاش حاجة والحمد لله كله تمام مفيش اي مشاكل خالص
قلت يمكن فيه مشاكل في ظبط الزوايا والترصيص جريت وجربت العربية وكله تمام الحمد لله
ربنا سترها وعداها على خير الحمد لله
المهم يا شباب
الطاسة بتاعة الفيرنا بتتركب قبل ما تربط العجل اصلا عشان هي بتتربط بمسامير الجنط اساسا
فدلوقتي انا عندي عجلة بدون طاسة
هل اقدر اجبلها طاسة واحدة؟!
ومنين يا ترى وبكام ؟!
شاكر جدا ليكم وربنا ما يوقعكم في مشكلة زي بتاعتي دي