عايز اعرف رأيكم في اللي بيقوله عمر عفيفي دلوقتي

**wael17** · 23-07-2011 06:49 AM

انا عمري ما دخلت علي علي صفحة العقيد عمر عفيفي و عمري ما اهتميت بالكلام اللي بيقوله لانه شايف انه في تحريض و تهييج للشارع ده غير ادعاءه انه قائد الثورة المصرية
بس عارف ان في ناس كتير في المنتدي معجبه بيه و بتقول عليه البطل و القائد عمر عفيفي
بالصدفة شفت تعليق لعمر عفيفي بخصوص محاولة الزحف و الاشتباك بالجيش في العباسية و قلت ادخل صفحته اشوف بيقود المظاهرات ازاي و بصراحة ماكنتش مصدق اللي شفته
هو الراجل ده طبيعي؟ و هل في ناس و جماعات في مصر بتتحرك فعلا بناء علي اوامره؟

عايز اعرف رأيكم ايه في الكلام ده اللي كتبه خلال الساعتين اللي فاتوا
---------------------------------------------------------------------

-علي المتظاهرين الصمود فهناك الألاف قادمة من شرق القاهرة في اتجاه الوزارة ومجموعات متوجهه لمنزل طنطاوي ومجموعات متجهه للمخابرات العامه وأطالب طنطاوي بمغادرة مصر فورا-علي مجموعات تطويق شرق سلوك الطرق الجانبية وتجنب الطرق الواسعه وشارع رابه العدويه والشوارع الرئيسية لحين الوصول وأحكام السيطره علي ط والقبض علي كل المتواجدين

-مجموعات تطويق شرق الطرق الجانبية حتي الوصول وتوخي الطرق الواسعه لعدم قدرة الدبابات والمدرعات علي المناورة في الطرق الجانبية

-عايزه صاحي عشان نرجع فلوس الناس

-مطلوب القبض فقط وعاوزه صاحي
-السرعه قبل وصول الامدادات للقبض علي الخائن العميل
-علي كل قادة المتظاهرين بشرق القاهرة سرعة الأتصال 2
والتوجه من مناطق الشرق بمظاهرات لا تقل عن 2000 في كل مظاهرة في اتجاه مقر المجلس في كوبري القبه
المظاهرات لا تتجمع بل تأتي من عدة أتجاهات لأن ليس لديهم قوات كفاية لتوقيف المظاهرات من عدة أتجاهات ولخف الضغط علي المظاهره في العباسية والسير من خلف شريط المترو ولحين الوصول
والله معكم ومع الحق

-طنطاوي يترك منزله ويختبئ لدي أقاربه خلف مستشفي المعادي ويستعين بقناصه أفارقة وبلدياته من السودان بعد أن فقد الثقه في حراسته وهو حاليا في المعادي ويتم رصده للقبض عليه ولو معاه ألف حرس

-علي محموعات البساتين وعزبة الوالده وطره وكوتسيكا ومناطق حلوان والمعصرع الأستعداد للقبض علي طنطاوي بمنطقة المعادي حيث يختبئ ويستخدم سيارات هيئة دبلوماسية حاليا وليست سيارات القوات المسلحه للتمويه وحرسه حاليا لا يتجاوز 25 حارس من ألأفارقه وسنقوم بمحاصرته والكتره تغلب الحراسه
-تأكد لنا حاليا بالفعل من مصدر موثوق منه خبر أطلاق النار داخل مبني وزارة الدفاع وغير معلوم مصدره ومن المستهدف ولكن تأكد خبر ضرب النار بالقرب أو داخل مقر المجلس العسكري وسنوافيكم بأي جديد وليس لدينا أي تفاصيل أكثر من ذلك حاليا
-ردا علي البيان 70 فأنا أؤكد ان 6 ابريل ليس لها علاقه بالمسيرة ولن أرد علي البيان غير بكامه واحده حمرا يا مشين العار لو كنت لسه سليم يا أغبي قشئد عسكري عرفته مصر وأنت تهرب مذعور وحجيبك حجيبك
-ردا علي ألاف الأتصالات التليفونية ليس لدينا اي معلومات مؤكده عن أصابة طنطاوي من عدمه في أطلاق النار الذي حدث داخل مبني وزارة الدفاع منذ ساعات بالقرب أو داخل مقر المجلس الأعلي لأن المصدر لم يكن بداخل الوزارة وأنما قريب جدا منها وقبل ان ننشر الخبر تأكد لنا من مصدر أخر قريب ايضا من وزارة الدفاع
ولو وصلتنا اي معلومات مؤكده سنقوم بنشرها فورا

----------------------------------------------------------------------------------

**askanas** · 23-07-2011 06:55 AM

الراجل بصراحة من قبل الثورة وهوا بيقول حاجات بتحصل بالنص بس هوا اسلوبة كوميدي

**wael17** · 23-07-2011 07:05 AM

المشاركة الأصلية كتبت بواسطة askanas

الراجل بصراحة من قبل الثورة وهوا بيقول حاجات بتحصل بالنص بس هوا اسلوبة كوميدي

انا مش شايف اي كوميديا في كلامه

و لاحظ بعض التحريض المستتر الخبيث في كلامه زي
طنطاوي يترك منزله ويختبئ لدي أقاربه خلف مستشفي المعادي ويستعين بقناصه أفارقة وبلدياته من السودان

كلام زي ده واضح جدا ان هدفه التشجيع علي الاصطدام بعناصر الجيش التي تقف في وجه المتظاهرين باعتبار انهم افارقه و سودانيين

**eng.m7md.ali** · 23-07-2011 07:08 AM

هو بيألش كتير ويجود في الكلام
بس بصراحة حقيقي

**askanas** · 23-07-2011 07:15 AM

المشاركة الأصلية كتبت بواسطة wael17

انا مش شايف اي كوميديا في كلامه

و لاحظ بعض التحريض المستتر الخبيث في كلامه زي
طنطاوي يترك منزله ويختبئ لدي أقاربه خلف مستشفي المعادي ويستعين بقناصه أفارقة وبلدياته من السودان

كلام زي ده واضح جدا ان هدفه التشجيع علي الاصطدام بعناصر الجيش التي تقف في وجه المتظاهرين باعتبار انهم افارقه و سودانيين

انزل في الصفحة وشوف الحاجات اللي قال عليها قبل كده تلاقيها حصلت بالنص
الراجل ده فاهم اوي و يبان من الفيديوهات بتاعتوا

بخصوص المشير تقريبا الجزء ده فيه حبة مبالغة و بيتفرج علي افلام اكشن كتير

و مع ذلك احنا لسة فينا الداء إياه اللي هو مينفعش نقول علي حد وحش و ان رئيس الحكومة ده معصوم من الخطأ

الراجل من حقه يوجه نقد للمشير وانا من حقي كده المشير ده مش نبي و لو اتشال هنجيب غيرو ايه المشكلة

البلد مش هتقف علي شخص . و مع ذلك انا مش شايف ان المجلس العسكري عنده نوايا خبيثة

للأنه مجلس مكون مش رأيي شخص بعينه و الناس دي مننا

**SkyBird** · 23-07-2011 07:24 AM

حاسس انه بيهيس المرة دي وياريت اكون غلطان
عموما المجلس العسكري رد عليه بالبيان 70
وانا شايفه اخطر بيان لان المجلس العسكري بدا يقسم الشعب الى متظاهرين وشعب يحجز بين المتظاهرين والجيش
الخطوة الجاية هو طلب مساندة الشعب للقضاء على المتظاهرين
على العموم الصورة كل ما توضح يوم بعد يوم
والله الموفق والمستعان

**wael17** · 23-07-2011 07:25 AM

المشاركة الأصلية كتبت بواسطة askanas

الراجل من حقه يوجه نقد للمشير وانا من حقي كده المشير ده مش نبي و لو اتشال هنجيب غيرو ايه المشكلة

يا سيدي الفاضل ايه علاقة النقد بانه يحرض مجموعات من الناس بكلام زي ده

مطلوب القبض فقط وعاوزه صاحي

-طنطاوي يترك منزله ويختبئ لدي أقاربه خلف مستشفي المعادي ويستعين بقناصه أفارقة وبلدياته من السودان

الأستعداد للقبض علي طنطاوي بمنطقة المعادي حيث يختبئ ويستخدم سيارات هيئة دبلوماسية حاليا وليست سيارات القوات المسلحه للتمويه وحرسه حاليا لا يتجاوز 25 حارس من ألأفارقه وسنقوم بمحاصرته والكتره تغلب الحراسه

المفروض الناس تسمع كلامه و تنزل تروح وزارة الدفاع تقبض علي المشير؟
و مفيش مانع اللي يقف قصادهم يتم التعامل معاه بأي وسيلة حتي لو القتل (اصلهم مرتزقة افارقة)
و يا تري لما يقبضوا علي المشير هايسلموه لمين؟ للداخلية ولا للجيش و لا هايخدوه علي ميدان التحرير ليتم محاكمته بمعرفة الثوار؟

لو الناس مشيت ورا الكلام ده هايحصل مجزرة بين الشعب و الجيش و مصر هاتحصل سوريا و ليبيا...هو ده اللي العقيد عمر عفيفي عايزه؟
هي دي اخرة الثورة المصرية؟

**wael17** · 23-07-2011 07:37 AM

المشاركة الأصلية كتبت بواسطة skybird

حاسس انه بيهيس المرة دي وياريت اكون غلطان
عموما المجلس العسكري رد عليه بالبيان 70

طيب و لما شخص يكون بيهيس بالمنظر ده...المفروض بعد كده لما يقول كلام نصدقه و يقول انزلوا ننزل اعملوا كذا نعمل؟
ازاي مصير بلد و استقرارها يكون في ايد واحد زي ده بيوجه مجموعات من الشباب كما يشاء بناء علي " تهييس"

المشاركة الأصلية كتبت بواسطة skybird

وانا شايفه اخطر بيان لان المجلس العسكري بدا يقسم الشعب الى متظاهرين وشعب يحجز بين المتظاهرين والجيش
الخطوة الجاية هو طلب مساندة الشعب للقضاء على المتظاهرين

والله السبب في التقسيم ده هو المتظاهرين انفسهم مش الجيش
يعني لو كان المتظاهرين و المعتصمين بيعبروا عن غالبية الشعب المصري يبقي ازاي الجيش هايقدر يقلب الشعب علي المتظاهرين؟ هو الشعب ده غير عاقل مثلا و هايمشي ورا كلام الجيش و خلاص
لو الشعب فعلا شايف ان المتظاهرين بيعبروا عنه يبقي لا الجيش و لا اي قوة علي الارض هاتمنع الشعب من مساندتهم
لكن الحقيقة اللي كل المعتصمين و المتظاهرين عارفينها ان الشعب مش معاهم و بالتالي وصلنا للوضع اللي احنا فيه النهارده و بقي الجيش و الشعب ضد المتظاهرين
و راجع المشاراكات في المنتدي هتلاقي ان ناس كتير حذرت من انقلاب الشعب علي متظاهري التحرير لو استمرت الاعتصامات و المظاهرات و قطع الطرق و غلق الميادين

**askanas** · 23-07-2011 07:38 AM

المشاركة الأصلية كتبت بواسطة wael17

يا سيدي الفاضل ايه علاقة النقد بانه يحرض مجموعات من الناس بكلام زي ده

مطلوب القبض فقط وعاوزه صاحي

-طنطاوي يترك منزله ويختبئ لدي أقاربه خلف مستشفي المعادي ويستعين بقناصه أفارقة وبلدياته من السودان

الأستعداد للقبض علي طنطاوي بمنطقة المعادي حيث يختبئ ويستخدم سيارات هيئة دبلوماسية حاليا وليست سيارات القوات المسلحه للتمويه وحرسه حاليا لا يتجاوز 25 حارس من ألأفارقه وسنقوم بمحاصرته والكتره تغلب الحراسه

المفروض الناس تسمع كلامه و تنزل تروح وزارة الدفاع تقبض علي المشير؟
و مفيش مانع اللي يقف قصادهم يتم التعامل معاه بأي وسيلة حتي لو القتل (اصلهم مرتزقة افارقة)
و يا تري لما يقبضوا علي المشير هايسلموه لمين؟ للداخلية ولا للجيش و لا هايخدوه علي ميدان التحرير ليتم محاكمته بمعرفة الثوار؟

لو الناس مشيت ورا الكلام ده هايحصل مجزرة بين الشعب و الجيش و مصر هاتحصل سوريا و ليبيا...هو ده اللي العقيد عمر عفيفي عايزه؟
هي دي اخرة الثورة المصرية؟

ايوة تمام تحريض السنين

بس اظن ان فيه شئ شخصي واضح بين عمر عفيفي و المجلس

للأنه بعد الثورة هوا كان مساند المجلس
و لما مدولوش الامان عشان ينزل مصر تاني و رفضوا تسلميه التحقيقات في الاموال المنهوبة
فا انقلب ضدهم

وهوا شكلوا فيه حتة سايكو

وملحوظة : لو المشير مشي بالطريقة اللي بتقول عليها دي البلد مش هتخرب و مجرد تعيين روتيني للأقدم في المجلس العسكري بس زيادة عليها حكم عسكري للبلاد و احكام عرفية

**wael17** · 23-07-2011 07:46 AM

المشاركة الأصلية كتبت بواسطة askanas

بس اظن ان فيه شئ شخصي واضح بين عمر عفيفي و المجلس

للأنه بعد الثورة هوا كان مساند المجلس
و لما مدولوش الامان عشان ينزل مصر تاني و رفضوا تسلميه التحقيقات في الاموال المنهوبة
فا انقلب ضدهم

و هل من مصلحة البلد الزج بالاف الشباب في قتال مع الجيش من اجل تصفية حسابات شخصية؟

المشاركة الأصلية كتبت بواسطة askanas

وهوا شكلوا فيه حتة سايكو

حتة؟ قول حتتين تلاته

المشاركة الأصلية كتبت بواسطة askanas

وملحوظة : لو المشير مشي بالطريقة اللي بتقول عليها دي البلد مش هتخرب و مجرد تعيين روتيني للأقدم في المجلس العسكري بس زيادة عليها حكم عسكري للبلاد و احكام عرفية

لو السيناريو اللي بيقولوا ده اتنفذ هاتيجي قيادة تانية بس الجيش هاينزل يضرب نار في المليان لو شاف قطة معدية في ميدان التحرير و لا هايبقي في مظاهرات ولا اعتصامات و الجيش هايعمل اللي علي مزاجه مادام الحكاية عافية و ضرب يبقي خلاص دي شغلة الجيش و اسهل حاجة عنده يضرب