حركة 6 إبريل قالت امبارح انها ملهاش علاقة بالمسيرة لوزارة الدفاع
إيه الغباء ده؟؟
كلامكم على تويتر بيقول غير كده
والغريب انكم النهاردة دعيتم لمسيرة جديدة لوزارة الدفاع
يعني مش بس خونة وكمان كدابين؟؟؟؟؟؟؟؟؟؟
عرض للطباعة
حركة 6 إبريل قالت امبارح انها ملهاش علاقة بالمسيرة لوزارة الدفاع
إيه الغباء ده؟؟
كلامكم على تويتر بيقول غير كده
والغريب انكم النهاردة دعيتم لمسيرة جديدة لوزارة الدفاع
يعني مش بس خونة وكمان كدابين؟؟؟؟؟؟؟؟؟؟
هو مش لو كنا انتخبنا مجلس وحكومة ورئيس مش كنا خلصنا من الهم ده كله ؟
http://38.121.76.242/memoadmin/media...1_340_309_.jpg
عاشت حركة 6 إبريل ........ عاش شباب مصر الشرفاء.
مش كان احسن من الاستفتاء الغريب اللي اتعمل كنا عملنا انتخابات تشريعية وخلصنا الموضوع ويبقى في حد انتخبناه راميين عليه المسؤلية وكل واحد يشوف حاله بقه ولا نخون ولا نحارب بعض والاهم الجيش يعف نفسه عن حكم البلد ويشوف شغله الطبيعي
انما المشكلة في حزب المشمستعدين اللي ودونا في داهية ولسه مشمستعدين ولو قعدنا خمسين سنة من غير لا مجلس ولا رئيس حيفضلوا برضه مش مستعدين
منه لله اللي حاسب كل رجال الاعمال وسابلنا ساويرس يفتي في اللي مالهوش فيه
http://www.canvasopedia.org/legacy/i...tpor-img05.jpg
ما هم قالوا كده برضو في صربيا على شباب يوغوسلافيا الشرفاء لغاية لما اتقسمت 7 دول
أحلى من الشرف مفيش
عاش شباب 6 ابريل وباقية شباب مصر مش مهم
هههههههههه
بص شباب صربيا الشرفاء عملو ايه
http://images.nationmaster.com/image...yugoslavia.jpg
معلش موضوع صربيا ده مالوش علاقه هما اصلا كانوا متقسمين قبل الحرب العالميه الثانيه ورجعوا زى ما كانوا زى روسيا كده شوف بقت كام ولايه بعد سقوط الاتحاد السوفيتى , بالنسبه لمصر موضوع التقسيم ده شبه مستحيل شوف كام دوله وكام حضاره حاولوا معانا علشان يحتلونا او يقسمونا معرفوش ياخدوا معانا ولا حق ولا باطل , ان شاء الله ربنا يعدى الايام دى على خير
و الله يا هندسة انت بتحلم
انت فاكر اننا هنخلص بعد الانتخابات
صدقني لن يسكتو ابداااااااااااااااااااااا اااااااااااااااااااااا
كانو سكتو مثلا بعد الاستفتاء و صدمة ال 22%
انما اخدو منها ليحكمو علي الانتخابات القادمة و بأنها اعلان مسبق علي النصب علي الشعب الغلبان الامي الغير مثقف اللي بيتلعب بأرادته و هكذا حتي قسمو انفسهم فتارة تجد الشغل علي المجلس العسكري و انتقاده
و تارة تنتقد سرعة الانتخابات
و تارة تنتقد شرف نفسه الثوري
و تارة المطالبة بالمجلس الرئاسي
و تارة محاولة الاحتكاك المباشر بالجيش و هكذا
و اغلب الفاعلين في هذه المؤامرات للاسف لا يعلمون انهم داخل دائرة مغلقة هدفها كسر البلد
و كسر اخر شئ فيه و هو الجيش
و سيقف محركين هذه الجموع يمرحون مسافرون منسحبون مع اول يوم دموي بين المتظاهرين و بين الجيش
و ندخل حلبة الصراع المرسومة لنا مثل ليبيا و سوريا و اليمن و باقي الدول العربية
و عاوز اذكر الاحباب اللي هيندفعو اوي و سيهاجمون
هو ليه الناتو و المارينز و المخابرات الامريكية مش عاوزة تخلص و تدمر مقر القذافي اوعي حد يستغباني و يقولي انهم لا يستطيعون او انهم منتظرين اذن الامم المتحدة لمد الثوار الليبين بالاسلحة بل بالطيارين و الطائرات لتدمير طرابلس بأنفسهم
امال ايه بس يا منكاش اللي انت عاوز تقوله لينا بالضبط
اللي عاوز اقوله لكم يا حلوين يا طيبين هم يستطيعون كل ذلك لان ليبيا الان سداح مداح و الدليل عدم اطلاق القذافي بمبة حتي تجاه البوارج القاطنة امامه في البحر و الا حتي السفن اللي عمالة تدخل ميناء مصراته لامداد الثوار بما يلزمهم
انما هما عاوزينهم يخلصو علي بعض بالراحة كده و علي مهل ان شالله يفضلو علي الحال ده سنة قادمة
و الا نسينا لما سابو العراق و ايران يضربو في بعض 10 سنين لما كتعو بعض
و اول لما العراق كلت الكويت ذهبت امريكا و العالم كله طفحوهالهم و لم يكتفو بالانسحاب المخزي للعراقيين
بل شالو هالهم و قالو لهم الفيلم الاول في هليود عن حرب الخليج عاوزين نعمل له جزء تاني المرة دي مش هنستني عليكم تغلطو بقي الفيلم جاهز و الابطال في البيت عاوزين يقبضو العربون طيب يا حلوين احنا هنلبسكم قضية امتلاك اسلحة دمار شامل زي اللي بنمتلكها بس انتو ارهابيين مينفعش تملكوها
راحو هجمو عليهم بالليل و احتلوهم الصبح و دي العراق مش ليبيا
و اتعمل الجزء التاني اكيد من حرب الخليج الثانية و الابطال قبضو الفلوس و توتة توتة و صدام اتسحل بس وقت ما هما ارادو ان يظهروه
و تمشي الايام و تعدي السنين و اخونا اوباما عاوزين يجددو ليه طيب مين مين
مفيش غير كبش تخين يبقي بن لادن بقي هوه اللي نلعب بيه
يصبح الامريكان الصبح يجدو اوباما متصدر الترشيحات لمد فترة تانية بنسبة عالية جدا
بيب بيب و الله الامريكان دول شعب غلبان غلب دول طلعو اغلب منا بكتير
ادعي لينا دعوة الله يكرمك و انت مسافر كدة دعوة المسافر ان شاء الله تستجاب
م.حاتم السباعي
يا باشمهندس حاتم انت مشاركاتك مكانها مش منتدى على النت ، دي مكانها الاهرام صفحة اولى عدد الجمعة
للعلم , المسيرة اللي طلعت النهارده بيتحدف عليها زجاجات فارغة و حجارة و مولوتوف من فوق الأسطح و من خلف خطوط الشرطة العسكرية و من خلف المسيرة نفسها اللي كده اتحاصرت
رغم ان طول الطريق كان بيتحدف (لهم) زجاجات مياه
يا ريت يا جماعه لو حد من 6 إبريل يقولنا اية اللي بيحصل عند العتبة دلوقت ومين دول اللي بيكسروا العربيات !! ومين البلطجية اللي كانوا عند مسجد النور بالامس .
إرحمنا يارب من الاشكال دي.
بانو بانو على اصلكم بانو
اللى اعتدو على المسيره دى من الشعب ... ماهو ماتتكلموش بلسان الشعب
والله انا بفكر اخد العربيه دلوقتى و اطلع على العباسيه و ادوسهم كلهم
عرفت منين ... هل شفت بعينك ؟؟؟ عندك دليل
6 ابريل مش هاتعيش كتير و نهايتها قربت جدا
اسمع الجزيرة مباشر مصر...6 ابريل بدأت الخطة...بكاء و عويل و صراخ و الحقونا بلطجية تبع الجيش
بس المشكلة ان مفيش حد هايلحقهم لأن الشعب مستني اللحظة دي بفارغ الصبر و مستني يشوف نهاية 6ابريل
مش مستاهلة تتعب نفسك....اهالي العباسية هايقوموا بالواجب معاهم
6 ابريل وضعها حرج الان...مكروهة جدا من الشعب و في نفس الوقت المجلس العسكري كشفها ببيان رسمي بالاسم من بين كل التيارات السياسية و بالتالي ورقتهم الاخيرة هي التحرك الان و الاصطدام بالجيش و محاولة يائسة لحشد الجماهير...بس ما حدش هايعبرهم و اللي هاينزل الشارع هاينزل يضرب فيهم مش هاينزل يساندهم
هما اللي جابوه لنفسهم
يعني حضرتك بتقول ان شارع رمسيس اللي موقوف حالة بمحلاته بمكاتبه بسكانة القليلين جدا جدا من اول منزل الكوبري لحد مسجد الفتح بمستشفياته بسنتراله بوقف حاله عمال يهادي الناس اللي رايحين للمجلس العسكري بالمياة طول الطريق و صولا للكتدرائية اللي مفيهاش سكان مرورا بغمرة اللي ايضا بها محلات كثيرة الكل بيهادي
و اول لما راحو العباسية انضربو
طيب انا موافق جدا علي هذا النقل اللي حضرتك لم تشاهده بنفسك
انا بقي بطلب منك ان تجعلهم يتراجعو للناس اللي هادوهم بالمياه و يظلو معتصمين امامهم و شوف هيعملو ايه معاهم
حضرتك شفت اتعمل ايه مع سائقي القطارات النهاردة و الا لم تعرف
و بالمناسبة لم يكن هناك جيش بيضرب المعتصمين علي شريط القطار
نفسي بقي يرجعو للميدان بما انهم لم يزحفو له امس و الا دول بقي شوية عيال لما يزعلو من حد يعيطو و يتقمسو و ياخدو علي خاطرهم و مشحططين الناس معاهم
الا بالمناسبة يا هندسة هما رايحين ليه هناك
و افرض رجعو من هناك لقو الميدان فيه يجي 20 الف بني ادم مصري و قالو لهم احنا من هنا ورايح اصحاب الميدان ايه في نظرك العمل
و الا هما سايبين شنطهم هناك حجز يعني زي اللي بيعملوه في الجامعة
انا بجد بسأل و انتظر الرد و تحليلك انت
م.حاتم السباعي
انا عايز اشوف كام واحد من الاعضاء المؤسسين من حركة 6 ابريل اتصاب او اتجرح
نفسي نصحي بقي و نفوق بدل ما تخدنا النداهة
هوه تشغيل الفكر كمان بقي بيكلف للدرجة دي اصحابه
م.حاتم السباعي
أنا شايف انهم مش 6 أبريل بس
وبعدين لازلت عايز أعرف علاقتهم بعمر عفيفي
كلام مظبوط مليون في المية ..........
اه الجيش فيه فساد ........... بس لو قلبنا على الجيش دلوقتي ....... هتقلب بحرب اهلية بسبب انقسام وانقلاب داخل الجيش الى فرقتين فرقة الصالحين ومعهم جزء من الشعب وفرقة الطالحين ومعهم بقية الشعب
وكلا الفرقتين خاسرة والفائز الوحيد اسرائيل وكلبتها امريكا
يا عيني عليكي يا مصر
قابل ياعم
كتب: محسن سليم
بوابة الوفد الإلكترونية
السبت،23 يوليو 2011 16:49
صرح د.يسري أبو شادي عضو المجلس المصري للشئون الخارجية وكبير مفتشي الوكالة الدولية للطاقة الذرية لـ"بوابة الوفد" بأن ما حدث أمس في ميدان التحرير من ترديد دعوات للخروج بمسيرات إلى المجلس العسكري للمطالبة بإسقاطه ما هو إلا مخطط تقوم به حركة 6 إبريل بالتعاون مع د.محمد البرادعي مدير الوكالة الدولية للطاقة الذرية السابق من أجل اسقاط المجلس العسكري وإقامة مجلس مدني بقيادة البرادعي .
وأكد ابو شادي أن هناك اتصالا بين حركة 6 إبريل والبرادعي بالادارة الامريكية المتواجدة ببوارجها الحربية حاليا قرب قناة السويس في انتظار سقوط المجلس العسكري وتولي البرادعي قيادة المجلس المدني ودخول البلد في حرب اهلية لتبرر وجودها بحماية مجري قناة السويس .
واضاف أبو شادي: "اذا لم يتدخل المجلس العسكري لوقف هذه المؤامرات التي تهدف لاسقاط الدولة من المؤكد أنها ستصبح حرب اهلية الجمعة المقبلة بعد تردد انباء عن نزول الجماعات الاسلامية والسلفيين لميدان التحرير مطالبين بتطبيق الشريعة" .
وتابع ابو شادي: خروج المسيرات من ميدان التحرير إلى ميدان روكسي وحدوث اشتباكات بين مؤيدي المجلس العسكري ومعارضيه وحدوث اشتباكات امام مسجد النور شواهد تؤكد أن هناك مخططا يتم تنفيذه من قبل حركة 6 إبريل والبرادعي للاستيلاء علي الحكم.
طيب ما تجتهد معانا يا استاذ رزق
و تحلل المشهد حضرتك
و تحكي لنا كيف يريد الجيش سحل المعتصمين بالبلطجية
و كان عنده هذه الفرصة سانحة من كام يوم قبل جمعة امس
لما اعدادهم كانت تقل عن اعداد الباعة الجائلين بالميدان
و كل واحد في وادي
و كل منصة مشغولة بمؤيدها
و بشهادة تاريخية يشكر عليها الدكتور احمد فارما الثوري جدا
فيه ايه يا جماعة الخير
مازلت اكرر السؤال
لو 6 ابريل ملهاش دعوة باللي كان بيحصل امبارح طيب راحت ليه النهاردة
و الا هيا فسحة في الشوارع يا استاذ رزق
و استعراض قوة مثلا
انتظر تحليلك للموقف اخي الكريم
م.حاتم السباعي
للأسف عندنا ناس دماغها مقفولة بالضبة و المفتاح و متقفل عليها ابواب مصفحة
و مبني عليها كمان كام دور اسمنت مسلح
ناس حافظة مش فاهمة
ناس بتردد زي البغبغانات و مش فاهمين حاجة
يا ترى مش ملاحظين حاجة انا قريتها لتعليق لواحد في اليوم السابع
25 يناير مسيرة في عيد الشرطة
23 يوليو مسيرة في عيد ثورة يوليو انا بصراحة مش عارف المسيرات في الايام ديه مصادفة ولا قاصدين
يا أستاذ حاتم أنا مهما قلت ومهما عدت
الواحد اتعلم حاجة في المنتدى الإجتماعي هنا
إن عمر ماحد بيقتنع برأي غيره
في أي موضوع ديني سياسي اقتصادي
أي طرف اللي في دماغه في دماغه
فـخلاص بقى الواحد يدخل يقول رأيه
ولا يبذل مجهود في شرحه
لكن نقطة بره الحديث ده
6 ابريل مش من مصلحتها تعمل استعراض قوة
بالذات فالوقت الحالي عشان شعبيتها في الحضيض
شوف مين اللي عايز يكره الشعب فيهم من قبلهم السلفيين و قبلهم وائل غنيم وشباب الثورة إلخ...
شغل الجيش ده اشبه مايكون بشغل النظام السابق مع الإخوان
جماعة محظورة وقلة مندسة و شماعة ترمي عليها أي مشكلة عندك
:N_no[1]:
يا جماعة الله يكرمكم،
مش معنى ان الناس دي أخطئت في تحركاتها السياسية اننا نخونهم،
وعلى الرغم ان اسلوبهم حقيقة في غاية الإستفزاز والتصادم ويفتقر الى أقل حنكة سياسية أو تقدير للواقع، الا أنه برضه مينفعش نخونهم.
أنا شايف ان أغلبهم حسن النية لكن غضبه وعناده ممكن يودي البلد كلها في داهية، وده للأسف اللي بيحصل.
انا نفسي نخلص منهم بغباؤهم السياسي و ده شيئ متاكد منوا
كفايه اتهامهم ان البلطجيه تبع الجيش و انهم بيخرجوا من صفوف الجيش تجاهم
على اخر الزمن الجيش محتاج بلطجيه ده كفايه الكيماوي عندوا و يخلص
حرقتوا دمنا خليتوا واحد يطلع يقول ياريتني ما كنت نزلت التحرير يوم 25
و قناه مستفزه تقول اعداد احنا اسفين يا ريس في ازدياد علشان اكتشفوا ان المصريين ميستحقوش حريه
و كل ده بسبب @#$%%& ميستاهلوش حتى اخد مخالفه في المنتدى بسببهم
خليهم بقى يشربوا شويه من اهالي العباسيه الرجاله يا راجل دول خايفين يعدوا على الوايلي علشان ميضعوش يعني عارفين ان الاهالي و المصريين مش طايقنهم :s :s :s
لا يا استاذ يوسف،
مهما كان مينفعش نتهمهم ولا نخونهم، وناس كتير منهم كانوا موجودين من اول الثورة.
ومش معنى انهم بيتصرفوا تصرفات غلط يبقوا خاينين ابدا..
يا جماعه الله يكرمكم، هي دي اللعبة،
بلاش ننجر ونطحن في بعضنا، في اﻵخر كلنا هنخسر وكلنا في مركب واحده..
خلاصة القول
اي حد بيحب مصلحة مصر
وعنده ادنى حد من الذكاء السياسي
يهدي الجو او بمعنى اصح يهدي اللعب ويغلب مبدا الاستقرار في الوقت الحالي انتظارا لانتخابات مجلس الشعب والرياسة ومن يعمل على عرقلة هذا انا شخصيا اشك في نواياه
وشكرا
اعتقد ان فيه كتيير لازم كما قال السادات ع ما اتذكر
لازم يتحاكموا بتهمة الغباء السياسي
الأمن المركزى يلقى القنابل المسيلة للدموع على المتظاهرين بالعباسية
السبت، 23 يوليو 2011 - 21:25
ألقى الأمن المركزى المتواجد حاليا بامتداد شارع رمسيس من ناحية العباسية، القنابل المسيلة للدموع بشكل مكثف على متظاهرى مسيرة التحرير، وسبق ذلك هجوم مكثف من مجهولين بالملوتوف من حديقة وحدة الرقابة على سلامة البيئة والنظافة أسفر عن إصابة العشرات من المتظاهرين ورفع الحصيلة إلى نحو 70 مصابا.
ممر آمن لخروج المتظاهرين من العباسية
السبت، 23 يوليو 2011 - 22:38
علم "اليوم السابع" أن القوات المسلحة قررت توفير ممر آمن بالعباسية، لخروج المتظاهرين بعد الاعتداءات التى تعرضوا لها خلال مسيرتهم السلمية من ميدان التحرير إلى المجلس العسكرى.
قوات الأمن المركزى تصل العباسية وسط استمرار الهجوم على المتظاهرين
السبت، 23 يوليو 2011 - 21:00
ظهرت قوات الأمن المركزى التابعة لوزارة الداخلية فجأة فى منطقة العباسية، حيث الاشتباكات بين البلطجية والمتظاهرين القادمين من ميدان التحرير، ورغم وصول قوات الأمن، إلا أن هجمات المجهولين بالملوتوف استمرت على المتظاهرين وسط دوى لطلقات خرطوش تسمع بوضوح من جانب المجهولين.
هذا وتستمر الهتافات المطالبة بتحقيق مطالب ثورة 25 يناير، وعلى رأسها وقف محاكمات المدنين عسكريا والقصاص من قتلة الشهداء.
من جانب آخر ناشد أحد الشيوخ من داخل مسجد النور الجيش حماية المتظاهرين من المجهولين، قائلا "الشعب بيموت بعضه"، مطالبا الجيش بالسماح للمتظاهرين بالخروج والرحيل من العباسية، وفى المقابل طالب المتظاهرون بالانصراف حقناً للدماء.
انا شايف ان النتيجة واحدة...هيودوا البلد في داهية
مش مهم بقي ده نتيجة غباء و جهل و عناد ولا نتيجة عمالة لجهات أجنبية
اللي يهمني ان الحركة بتحاول تجر البلد لحرب أهلية
الجيش اتصرف صح...هما عايزين يشتبكوا مع الجيش بأي تمن لاظهار الجيش في صورة المعتدي علي الشعب و بالتالي فتح الباب للضغوط الخارجية و السماح ل 6 ابريل بالتدخل في في ادارة شئون البلاد
علي العموم الشعب افشل المخطط ده و انا منتظر في الايام القادمة القاء القبض علي قيادات 6 ابريل و التحقيق معهم بخصوص تلقي اموال من الخارج
للاسف في قطاعات كبيرة من الشعب المصري كرهت الثورة بسببهم
ده اللي مزعل الواحد
اهالي العباسية روقوهم و عملوا معاهم احلي واجب
بلاش الوايلي عشان ممكن تبقي فيه اصابات و وفيات...كفاية عليهم كده
و هما عارفين كويس قد ايه الشعب كارههم بس هما عاملين نفسهم مش واخدين بالهم و بيدعوا ان الشعب معاهم بس مكسوف يقول :grinder:
طريقة تفكيرهم ممكن تلخيصها في الصورة دي
http://a2.sphotos.ak.fbcdn.net/hphot..._2965162_n.jpg
الكبير كبير برده و كويس ان الجيش ما صغرش نفسه و اشتبك معاهم
الجيش لحقهم قبل ما الاهالي يخلصوا عليهم
أنا كنت فى الشارع من المطرية لمدينة نصر أخدتها فى ساعتين و نص تقريبا الناس فى الاميرية الى فى العربيات فاتحين الراديو فى العربيات و بيسمعو و عند قصر القبة العربيات نازلة من ناحية الحدائق الى السواح . و الدنيا واقفة نهائيا التعليقات عاوزين ميدان التحرير دة يتقفل و كرهو الشعب و كرهو الثورة و بيدعو دعا على الناس الى موقفة حال البلد و عاملين الفوضى دى و لا أى سبب حا يقنعهم بأى شيىء من أسباب الناس الى عمالة تبوظ فى البلد من غير ما تحس
"6 أبريل" تحمل المجلس العسكرى مسئولية الوقيعة بين الجيش والشعب.. وتنظم مسيرة سلمية لوزارة الدفاع لرفض البيان
السبت، 23 يوليو 2011 - 15:24
http://www.youm7.com/images/NewsPics...2008615176.jpg
"إذا كنت تشعر بالوقيعة، فأنت الوحيد المسئول عنها وليس أحد آخر"، كلمة وجهتها حركة شباب 6 أبريل للمجلس العسكرى محملة إياه مسئولية الوقيعة بين الشعب والجيش، وفقا لما أكده عمرو على، المسئول عن التنظيم الجماهيرى بالحركة.
وأعلنت الحركة تنظيم مسيرة سلمية باتجاه وزارة الدفاع رفضا لـ"لهجة البيان" والتأكيد على مطالب الثورة، وعلى رأسها رفض محاكمة المدنيين عسكرياً والمحاكمة العاجلة لرموز النظام السابق وقتلة الشهداء وتطهير القضاء وإقالة النائب العام.
ويرى على، أن ما حمله البيان محاولة للوقيعة بين القوى السياسية المدنية مقابل إبراز كيانات أخرى، إلا أن كافة القوى السياسية بميدان التحرير أعلنت جميعها تضامنها الكامل مع الحركة تأكيدا على وحدة القوى السياسية والشعب المصرى ولن تستجيب لشق الصف، مضيفا "إذا كان البعض يظن أن ضرب 6 أبريل ستحبط مطالب معتصمى التحرير فهو مخطئ لأن الشعب قادر على حماية مطالبه".
وقال على، تعليقا على ما حمله بيان المجلس العسكرى، بأن الأجندات التى حملتها 6 أبريل قبل الثورة كانت إسقاط النظام، أما حالياً فتنفيذ مطالب الثورة المتمثلة فى القصاص والتطهير والعدالة الاجتماعية، موضحا أن 6 أبريل لم تسع أبدا للوقيعة بين الشعب والجيش وتعامل مع الجيش باعتباره حامى الثورة، لكن الانتقادات التى وجهها للمجلس، فكانت باعتباره القائم على إدارة شئون البلاد.
من جانبه، قال محمد عادل المتحدث باسم حركة شباب 6 أبريل، حمل اللواء حسن الروينى مسئولية أى عنف يتخلل مسيرة الحركة باتجاه وزارة الدفاع رداً على ما ردده على إحدى القنوات الفضائية بأن من سيتجهون للوزارة هم من حاملى الملتوف، مشيراً إلى أن الألفاظ التى يستخدمها بعض من بالمجلس تحمل نفس لهجة مبارك.
وأعلن خالد على مدير المركز المصرى للحقوق الاقتصادية والاجتماعية تضامنه مع الحركة، محملا المجلس العسكرى النتائج المترتبة على البيان الصادر، موضحا أن "6 أبريل" من الحركات التى شاركت بفاعلية لإسقاط النظام السابق، وقادت مظاهرات 25 يناير، رافضا ما وصفها بمحاولات اسعتداء فصائل على أخرى.
كذلك أعربت الدكتورة كريمة الحفناوى تضامنها الكامل مع الحركة، متسائلة "ما موقف المجلس من التيارات الإسلامية التى تتهم المعتصمين بالتخريب وتحاول الوقيعة بين بعضهم البعض؟".
مفيش فيديوهات للي حصل في العباسية