مقارنه بين عربيتين كورولا 1.3 2006 وفيات لينيا 1.4تربو 2009

**yoko** · 24-07-2011 09:27 AM

المشاركة الأصلية كتبت بواسطة memo823000

اولا انا بحب مواضيعك جدا وبستمتع وانا بقراها فمتحرمناش من مواضيعك يايوكو بالله عليك لان كل موضوع بتعمله بستفيد منك فعلا
ابقى مؤ علينا كام مئه كدا بالفرق مابين العربيات
فئات الجراند بونتو
فئات اللينيا الجميله والمظلومه فى مصر بسبب التوكيل الله يسامحه
باقى المقارنات (كورلا 2011 - النترا 2012 - مازدا 3 - سيراتو - كروز - فلوانس - سيفيك - لانسر - rb ) لان فعلا الناس وانا منهم فى حيره رهيبه لو حبت تشترى عربيه
الهاتشباك والكوبيه الشبابى (بولو - كورسا - استرا - فيولستر - I30 - سيراتو هاتشباك - برافو - جولف - جراند بونتو - ايفو)
للأسف مسوقتش كل العربيات دي بس حاضر الي سوقتهم هعمل عنهم تقارير
فيه شاب روش طحن راكب جراند بونتو سوداااا فاميه اسود لابس نظاره شمس سودا كنا على المحور الساعه 9 صباحا خارجين من اكتوبر
المهم هو سخن وانا كنت لسه صاحى وعايز افوق شديت طبعا انا اخرى 160 بس بجبهم بسرعه هو التسارع بتاعو افضل وبصراحه قطعنى وثبات خافى واللى يغيظ انو كان قافل الزجاج ومشغل التكييف وانا لا وبرده غلبنى طبعا ربنا يباركله ويحميه
انا اللى عجبنى انى اخذت غرز غبيه جدا على المحور من الشمال لليمين على 150 وال 160 من غير اى مشكله بسم الله ماشاء الله احترمت العربيه وكنت عايز انزل ابوسها ونفسى بتوع الافيو السيدان يجربو العريه وانت منهم لان فعلا الفرق شاسع شاسع فى كل حاجه
بصراحة أنا مكرهتش في حياتي قد الأفيو
صحيح موتور الكرولا 1298 مش 1398
معلش غلطة مطبعيه
هو مقاس جنك اللينيا كام 195 / ؟؟ / ؟؟ للتكملة الموضوع
195/55/16

النترا 2012
195/65/15
205/55/16
215/45/17 هل المقاس ده ينفع 205/55/17 اكيد هيبقى افضل (الكلام ينطبق على اى جنط 17 ومن ضمنهم السيراتو لحل ازمة البلالين ونشوفية العفشه
مينفعش للأسف
والفيولستر 215/40/18 انا مشعارف نشوفية الفيولستر بالجنط ال 18 دى هتبقى ازاى ولا هتمشى ازاى فى الشوارع الناشفه دى
انا اعتقد برده المقاس الصح 205/55/18
برده مينفعش
ورمضان كريم على اهل واهليات نايل موتورز

المشاركة الأصلية كتبت بواسطة Moe86

إزيك يا يوكو, شكلك قاعد فاضى فى السعودية و عمال تعمل مواضيع جديدة, بس حلو الله ينور

فعلا قاعد فاضي وحصل مشكله هنا في الورق وقاعد شهريين كمان من النهارده ومسافر 140 كم عشان أغير الحجز

المشاركة الأصلية كتبت بواسطة ahmedhawas

الله ينور يا يوكو عالمقارنات الجامدة دي.
بس عندي استفسار:
هل لازم تستخدم بنزين 95 للينيا عشان التربو ) ولاإيه؟؟
وهل التربو بيأثر عالعمر الافتراضي للموتور؟؟
وبالنسبة للعفشة - الأكس الخلفي - قنطرة ولا تعلبق مستقل؟؟

اللينيا والكورولا الإتنين دونجل ورا
ولازم 95 عشان التربو
لكن ممكن 92 بس تخلي بالك في الrpm الواطي ميتكبسش بنزين عشان التسقييف

المشاركة الأصلية كتبت بواسطة al_manara

تسلم ايدك مقارنة جميلة . بالنسبالي لينيا افضل في كل حاجة ماعدا شكل الطابلوة . الكرولا احسن بكتير

أنا شايف اللينيا تبلوه أحلى خامات أقل

**yoko** · 24-07-2011 09:28 AM

فيه موضوع هيتعمل قريب في الفيات هو مجنون جدا بس هيفيد فيات جدا وإحتمال يفيد بقيت العربيات الي مفيهاش esp

**yoko** · 24-07-2011 02:30 PM

المشاركة الأصلية كتبت بواسطة memo823000

هيا اللينيا الاتوماتيك 1600 مفيش اخبار عنها؟؟
اللينيا اللى معاك نظام مانيوال عادى ( بنزين - دبرياج - فرامل ) ولا زى مانيوال البرافو وال 500 بنزين وفرامل زى الاتوماتيك والفتيس شفتات؟؟

لأ مفيش معلومات بس المفروض نازله خلال شهرين
اللينيا الي معايا مانيوال مانيوال مش ديول لوجيك

**Dino** · 31-07-2011 05:18 PM

المشاركة الأصلية كتبت بواسطة karimalaa

يوكو مع احترامي ليك و موضوع تحفة طبعا بس أنا الكورولا دي مش بتنزللي من زور ولا شكلا ولا شكل التابلوه ولا ثبات ولا اداء و اكتر حاجة بتخليني مش طايقها فعلا هي صوت الموتور!!!! مقرف بجد بحس اني راكب دبانة (أكيد مش قصدي الe36 ) لأ صوتها عامل زي الدبانة بجد مقرف....

معاك جدا فى كل كلمة, الا فى حته واحدة؟!
صوتها مش عامل زى الدبانة... هو صوتها زى الغسالة, وبستغرب جدا لما ألاقى واحد راكب كورولا وبيحرق عليها!!!
بقول فـ نفسى.. هو مش سامع صوت موتورها وشكمانها disgusting, وحششششششش جدا!

بالنسبة لموضوع اللينيا والكورولا:
هأتكلم من ناحية الأداء.. ولا حتى الكورولا الجديدة 1.6 dual-VVTi تتقارن باللينيا الـT-Jet

يكفى ان موتور التويوتا بيجيب عزمه عند 5200 rpm ؟؟؟!!! واللينيا عند 1750 rpm..!
بس باحترم فى تويوتا ان عمرها ما قالت على العربية دى Sport (يقولوا advanced أو premium)
لكن سبورت مالهمش فيه أصلا..

أما موضوع استهلاك البنزين.. مش عايزين ننسى يا جماعة ان اليابانى الـstrategy الأساسية عندهم فى توفير الوقود >>> خفف وزن العربية!!
لكن مواتير وTech .. لأ خالص بدليل ان العزوم المتأخرة دى تزود استهلاك الوقود (ده غير انعدام متعة السواقة, وضعف التسارع طبعا)

**yoko** · 31-07-2011 06:00 PM

صوتها مش عامل زى الدبانة... هو صوتها زى الغسالة, وبستغرب جدا لما ألاقى واحد راكب كورولا وبيحرق عليها!!!
بقول فـ نفسى.. هو مش سامع صوت موتورها وشكمانها disgusting, وحششششششش جدا!

عندك حق النهارده بقرص على العربيه صوتها بشع بجد نص الدواسه حاسيت إني قاعد جمب غساله كملت الدواسه قلبت على موتور ديزل مع تسقيف بغباء (ده كده وهي بتاخد على كلام الكتالوج أوكتان 87 وأنا حاطتلها 91)

**karimalaa** · 01-08-2011 02:39 AM

المشاركة الأصلية كتبت بواسطة dino

معاك جدا فى كل كلمة, الا فى حته واحدة؟!
صوتها مش عامل زى الدبانة... هو صوتها زى الغسالة, وبستغرب جدا لما ألاقى واحد راكب كورولا وبيحرق عليها!!!
بقول فـ نفسى.. هو مش سامع صوت موتورها وشكمانها disgusting, وحششششششش جدا!

والله كل ما الاقي حد بيحرق عليها بضحك ضححححححححححك!!!! والله مش بجرب حتى أشد معاه .... غلبت اللادا :d

-

-

-

الموضوع: مقارنه بين عربيتين كورولا 1.3 2006 وفيات لينيا 1.4تربو 2009

LinkBack

أدوات الموضوع

عرض

-

-

-

-

-

المواضيع المتشابهه

مقارنه بين اسعار قطع غيار الرينو وفيات

مقارنة بين اسعار قطع غيار هيونداي النترا وفيات لينيا

مقارنه شرسه بين التويوتا كورولا والانسر 2009

مقارنه مابين فورد فيستا وفيات اونو

عربيتين كورولا 2006 خليجي للبيع بحالة ممتازة

الكلمات الدلالية لهذا الموضوع

المفضلات

المفضلات

ضوابط المشاركة