مشكلة ريحة البنزين لازالت قائمة

**ehab_11_22** · 24-07-2011 02:43 AM

السلام عليكم ورحمة الله وبركاتة

يا جماعة أنا عندى مشكلة بجد فى ريحة البنزين اللى بشمها وانا سايق

انا كنت عملت موضوع قبل كدا وفى ناس قالتى أكشف على ال co فى أى بنزينة وفعلا عملت كدا وريحة البنزين بعد ماظبت فى البنزينة قلت جامد
بس الريحة لسة موجودة

الغريب ان الريحة دى بتبان فى الشمس يعنى ساعات بروح مشواير بالعربية بلليل مش بشمها خالص

فى الشمس بقى ربنا مايوريكووو حاجة صعبة

رحت ل 3 ميكانيكى كل واحد يبصلى على العربية يقولى مافيش أى تسريب وفعلا عمرى ماشفت أى تسريب تحت العربية وأستهلاك البنزين ماشاء الله طبيعى جدا

أنا دلوقتى شاكك فى الخراطيم الموصلة من الفلتر
لو حد قابلتو المشكلة دى قبل كدا وربنا كرمو وحلها ياريت يساعدنى

للعلم أنا لما الريحة دى بتظهر مرة فتحت الكبوت وفضلت أشم فى حوض الموتور ومشمتش أى حاجة

**dr.hazem** · 24-07-2011 10:22 AM

ربنا يعينك يا ايهاب باشا
طب بقولك
انت شحمت عصاية الفتيس عند حد من فترة قريبه؟؟
هل بتشيل معاك في العربية جركن بنزين ولو صغير؟؟
الفبرة الداخليه الخلفية اللي بتغطي زور التنك راكبه تمام التمام؟؟؟
هل بتمشي وانت سايب الهوايات على الوضع المفتوح من الشارع؟؟؟
انا بحاول افكر معاك وربنا يسهل

**exact** · 24-07-2011 02:21 PM

دي من الكاوتشة اللي على التانك...ومتتعبش نفسك عشان مش بيبان عليها...هي عماله تنفس وخلاص...سيب العربية فالشمس وشم الريحة من حوالين الكنبة اللي ورا...وهتبان قوي لو العربية متفولة عالاخر

**ehab_11_22** · 25-07-2011 12:03 PM

المشاركة الأصلية كتبت بواسطة hm414

ربنا يعينك يا ايهاب باشا
طب بقولك
انت شحمت عصاية الفتيس عند حد من فترة قريبه؟؟
هل بتشيل معاك في العربية جركن بنزين ولو صغير؟؟
الفبرة الداخليه الخلفية اللي بتغطي زور التنك راكبه تمام التمام؟؟؟
هل بتمشي وانت سايب الهوايات على الوضع المفتوح من الشارع؟؟؟
انا بحاول افكر معاك وربنا يسهل

الله يخليك منور المنتدى والله وربنا يجازيك خير دايما على مساعدة الناس وسرعة أستجابتك

كل الى حضرتك زكرتو فعلا تمام ماعدا حاجة واحدة

الهوايات عندى فعلا على طول مفتوحة والسبب مش عارف كل مارفعها لفوق عشان ققفلها بتفتح لوحدها

**ehab_11_22** · 25-07-2011 12:05 PM

المشاركة الأصلية كتبت بواسطة exact

دي من الكاوتشة اللي على التانك...ومتتعبش نفسك عشان مش بيبان عليها...هي عماله تنفس وخلاص...سيب العربية فالشمس وشم الريحة من حوالين الكنبة اللي ورا...وهتبان قوي لو العربية متفولة عالاخر

والله فعلا حضرتك الى بتقولو دا هو أقرب شىء للى بيحصلى بالظبط

أبوس أيدك قولى فين الكاوتشة دى

**ehab_11_22** · 25-07-2011 06:02 PM

أستاذ exact لو سمحت بس قولى فين الكاوتشة دى

**exact** · 25-07-2011 07:35 PM

المشاركة الأصلية كتبت بواسطة ehab_11_22

أستاذ exact لو سمحت بس قولى فين الكاوتشة دى

سعادتك لو التانك عندك تحت الكنبة...هتشيل الشلتة بتاع الكنبة الورانية...هتيجي عليها من قدام وتسيب 10 سنتي من طرفها وترفع لفوق مرة واحدة والناحية التانية كذلك...وتسحب الشلتة لقدام...غالبا هتلاقي فتحة داخل منها اسلاك ومسدودة بكاوتشة...هي دي المقصودة...دي تحتها عوامة البنزين والطرمبة...جوة التانك...غالبا والله اعلم عشان تغيرها محتاج تفك التانك بس ده مش متاكد منه الا اذا الفتحة اللي فالصاج تحت الكنبة واسعة بما يكفى...هي فالسويفت بتفك التانك اجباري لأن تقريبا مفيش فتحة...النصيحة الاساسية متفولش العربية قوي...حضرتك تخليه يملى لحد اول تكة من المسدس
دي الفتحة المسدودة بالابيض

وده المنظر اللي تحتها

**dr.hazem** · 25-07-2011 08:22 PM

اعتقد ان الكاوتشه في الماروتي مش تحت الكنبه
افتح الشنطه وفك الرف هتلاقي فيبرة يمين وفيبره شمال (اللي هما يمثلو الجدران الجانبية للشنطه)
الفبره الشمال وراها زور التانك والزور علية كاوتشة برضو وممكن تكون هيا السبب

بس برضو عندك سبب وجيه لوجود ريحة وهوا الهوايات المفتوحه
عموما اتأكد فعلا من موضوع لو الريحة جايه من جوا العربية ورا يبقى زي مالاخوة قالو الكاوتشه...

تحياتي

-

-

الموضوع: مشكلة ريحة البنزين لازالت قائمة

LinkBack

أدوات الموضوع

عرض

مشكلة ريحة البنزين لازالت قائمة - انشر الموضوع فى :

-

-

-

-

-

-

-

المواضيع المتشابهه

قائمة سوداء لمحطات البنزين (يغشون البنزين بماء أو أي غش آخر)

مشكلة ريحة البنزين

ريحة البنزين رجعت تااااانى !!

مشكلة ريحة البنزين فى الشنطه

أسباب ريحة البنزين الني

الكلمات الدلالية لهذا الموضوع

المفضلات

المفضلات

ضوابط المشاركة