ماليزيا بعين المقيم

**ahmed4000** · 25-07-2011 12:57 PM

ايه ده هو ابو رقية بقى عايش فى ماليزيا
انا حاسس انى بقالى زمن مدخلتش المنتدى
بالتوفيق ان شاء الله
بس ممكن اسال بتعمل ايه هناك؟ يعنى مسافر تشتغل فى شركة ولا بتعمل مشروع؟

**abou_ruqi** · 25-07-2011 01:03 PM

العمل في ماليزيا

اذا لم تكن متمكنا من عملك وخبرتك فيه طويلة وفي اعلى الهرم وظيفي
او
لو لم تمتلك رأس مال
فماليزيا ليست المكان المناسب لك

بالنسبة للثانية ده طبعا بالنسبة للاستثمار وبدء مشروع

اما الاولى
لانك بصفة عامة ستجد منافسة من ابناء البلد وبخاصة الاجيال الجديدة متعلمة تعليم جيد والخريج حديث محتاج الكثير من الحظ والتوفيق ليجد مكان
بينما صاحب الخبرة ستتلقفه الشركات هنا لان هناك فراغ في المناصب العليا من اهل البلد وهذه فرصتك

الجانب الاخر ان الله خلقنا شعوب وقبائل ونحن الشرق اوسطيين لا نصلح لان نكون موظفين تحت مديرين اسيويين فالاسويين ببساطة حمير شغل ولن تطيق ادارتهم بينما لو العكس حترتاح وحيريحوك مش حتلاقي احسن من موظفين اسيويين تحت ايديك لانهم عاشقون للعمل

وانا كل المصريين الناجحين هنا شاهدت مدير مستشفى وناظر مدرسة وكبير مهندسين وهكذا كلهم في قمة الهرم الوظيفي وليس اسفله

دي نصيحتي للي بيدور على وظيفة هنا فيا ريت اللي شايف انه شاطر في شغله وبتاع شغل يتوكل على الله

وبصفة عامة الجرايد هنا هي افضل مكان للبحث عن وظيفة ولكن هذا الموقع مش بطال ولكنه ليس غني بالشركات المالتي ناشيونال وهما دول الفرص الحقيقية

Jobs in Malaysia, Malaysia jobs | Kerja & jawatan kosong - JobStreet.com

اما عن الاستثمار فده موضوع يطول الكلام فيه وحنتكلم فيه كتير

**abdalah_hashem** · 25-07-2011 01:03 PM

الى ابو رقية :))

شوقتناااااااااااااااا وفى الاخر صدمتنا :(

بس ملحوقة طالما انت عارف الواقع ياريت تعرفنا الواقع شكلة اية ؟ يعنى كام مثال من واقع الحياة والخبرة العملية

**أحمد الجندى** · 25-07-2011 01:16 PM

طيب من اللى أنا فهمته علشان اشتغل هناك لازم اسافر مثلا شهر ادور واعمل مقابلات ؟ ولا فيه طريقة تانية ؟

**abou_ruqi** · 25-07-2011 01:17 PM

المشاركة الأصلية كتبت بواسطة المناور

عايز اعرف ايه الخطوات العملية للبحث فى موضوع العمل فى ماليزيا يعنى أنا كمثال شايف انى مش حاينفع معايا غير الطريقة الرابعة فالواحد يدور ازاى على وظائف يعنى لازم اسافر علشان اعرف اعمل مقابلات مع الشركات هناك وازاى اقدر ادور ؟ وهل الوظائف متاحة باستمرار والمناخ جاذب للشغل ومتوسط المرتبات كام فى تخصصى والحاجات دى . وهل فيه مواقع توظيف قوية زى "بيت" عندنا كده الواحد يشوف السوق بيحتاج ايه ومتطلباتهم فى الناس وكده ؟

وياريت طلب اخير لو ما فيهوش تدخل تحكيلنا انت انهى نوع فيهم وازاى مشيت فى الاجراءات وكده علشان الواحد يعرف هل الموضوع يمشى معاه ولا لأ .

تدور عن طريق الموقع ده
Jobs in Malaysia, Malaysia jobs | Kerja & jawatan kosong - JobStreet.com
حتيجي تعمل مقابلات طبعا

الوظائف زي مانت شايف على النت بالالاف انما مش كلهم مرتباتهم عالية و لاحظ ان في منافس قوي في مجال الهندسة وهو الباكستاني فأعمل سي في كويس و توكل على الله

انا عامل الطريقة السادسة

المشاركة الأصلية كتبت بواسطة mahmoudselim

موضوووووع رائع جدا يا ابو رقية خصوصا اني بحب البلد دي جدا وبحترم جدا شعبها وخصوصاااا مهاتير محمد هذا الرجل العظييييم بجد.

متعرفش اخبار sap consultant هناك اية؟ مرتباتهم اخبارها اية هناك؟

ادخل شوف على الموقع ده
Jobs in Malaysia, Malaysia jobs | Kerja & jawatan kosong - JobStreet.com

المشاركة الأصلية كتبت بواسطة ahmed4000

ايه ده هو ابو رقية بقى عايش فى ماليزيا
انا حاسس انى بقالى زمن مدخلتش المنتدى
بالتوفيق ان شاء الله
بس ممكن اسال بتعمل ايه هناك؟ يعنى مسافر تشتغل فى شركة ولا بتعمل مشروع؟

شوفت الزمن بقه؟ علشان تبقى تدخل المنتدى كتير

المشاركة الأصلية كتبت بواسطة abdalah_hashem

الى ابو رقية :))

شوقتناااااااااااااااا وفى الاخر صدمتنا :(

بس ملحوقة طالما انت عارف الواقع ياريت تعرفنا الواقع شكلة اية ؟ يعنى كام مثال من واقع الحياة والخبرة العملية

مفيش صدمة والا حاجة , شوف شروط الهجرة و مصاريفها لكندا واستراليا و امريكا حتلاقي ماليزيا ارخص بكتير واسرع بكتير جدا

**abou_ruqi** · 25-07-2011 01:19 PM

المشاركة الأصلية كتبت بواسطة المناور

طيب من اللى أنا فهمته علشان اشتغل هناك لازم اسافر مثلا شهر ادور واعمل مقابلات ؟ ولا فيه طريقة تانية ؟

جمع المقابلات كلها في وقت واحد , اكتب في السي في انك متواجد في ماليزيا من يوم كذا ليوم كذا

انا قعدت في ماليزيا اسبوعين السنة اللي فاتت قدمت سي في هات كتير , محدش عبرني

والله العظيم أول ما رجعت مصر تاني يوم بافتح الإيميل لقيتني مطلوب لوظيفتين , ومكنش ينفع ارجع تاني بقه

دي ارزاق بتاعة ربنا

**abou_ruqi** · 25-07-2011 01:36 PM

محمود سليم انا شايف في وظيف SAP CONSULTANT
هنا
EDSPL
ومرتبها من 4000 إلى 12 ألف رينجت يعني 24 الف مصري , والرينج ده حسب خبرتك و المقابلة معاك ,وشركة مالتي ناشيونال وكمان في كوالامبور
الاهم انهم مش شارطين لغة أسيوية ماليزي او صيني

انا شايف تدوس , وخليني معاك على الخط

**abou_ruqi** · 25-07-2011 01:48 PM

بصوا علشان اللي بيسألني انت بتعمل كده ليه ؟
انا مؤمن ان مفيش حد بياخد رزق حد ، بالعكس ده انا ممكن رزقي يزيد لان يد الله مع الجماعة
وانا اكيد حستفيد في البيزنس بتاعي لما ادخل شركة ليا جواها ضهر ، الا لو مش ناويين تخدموا ده موضوع تاني
ده غير ان ماليزيا فيها اكتر من 5 مليون وافد منهم بتاع 1000 مصري و750 الف ايراني ودي اكبر جالية اجنبية وعمالين يزيدوا وبيجيبوا بعض لغاية لما عملوا مجتمع كبير وعملين شغل جامد مع بعض ومحتكرين بعضالمجالات

انا عارف المصريين في الغربة ما بيوصلوش لكده ابدا انما انتوا مش اي حد وانا عارف بكلم انهي شريحة وعارف انكوا تقدروا

**w-m-a** · 25-07-2011 02:02 PM

موضوع رائع
موجز ودقيق جدا جدا
ومحايد
عقبالنا زيهم
وربنا يكرمك على نيتك

**alaa74** · 25-07-2011 02:43 PM

المشاركة الأصلية كتبت بواسطة abou_ruqi

بصوا علشان اللي بيسألني انت بتعمل كده ليه ؟
انا مؤمن ان مفيش حد بياخد رزق حد ، بالعكس ده انا ممكن رزقي يزيد لان يد الله مع الجماعة
وانا اكيد حستفيد في البيزنس بتاعي لما ادخل شركة ليا جواها ضهر ، الا لو مش ناويين تخدموا ده موضوع تاني
ده غير ان ماليزيا فيها اكتر من 5 مليون وافد منهم بتاع 1000 مصري و750 الف ايراني ودي اكبر جالية اجنبية وعمالين يزيدوا وبيجيبوا بعض لغاية لما عملوا مجتمع كبير وعملين شغل جامد مع بعض ومحتكرين بعضالمجالات

انا عارف المصريين في الغربة ما بيوصلوش لكده ابدا انما انتوا مش اي حد وانا عارف بكلم انهي شريحة وعارف انكوا تقدروا

خالد بيك ابو رقيه

أخبارك إيه يا باشا والله واحشنى جدا جدا ....
يا ةةة انا فعلا دخولى المنتدى بقى قليل جدا جدا الفترة اللى فاتت

لدرجه إنى معرفتش إنك خارج مصر غير من الموضوع دة .

موضوعك محترم جدا جدا وشدنى من بدايته لغايه اخر مشاركه .

ودة فعلا بيزود قدرك العالى والغالى عندى وعند ناس كتير قابلتك وعرفتك عن قرب .

جزاك الله خيرا على نيتك الطيبه فى خدمه أخوانك اعضاء المنتدى

وجعله الله فى ميزان حسناتك .

وبالمناسبه بارك لى علشان رزقت بإبنى ياسين من خمسه أيام

وبقى عندى عمر وياسين .