ماليزيا بعين المقيم

**misoalex** · 08-08-2011 06:46 AM

ده رابط كمان وفيه اسعار

Hostels in Kuala Lumpur - Book Online at Hostelworld.com

**abou_ruqi** · 08-08-2011 09:42 AM

المشاركة الأصلية كتبت بواسطة misoalex

ابو رقيه كل سنه وانت طيب وبصحه وسلامه
لقيت الرابط ده فيه بيوت الشباب فى العالم ولقيت فيه فى ماليزيا فى كولالامبور

http://www.hihostels.com/dba/list.php?lang=e

الكلام ده صح ؟؟؟؟؟ هل فيه بيوت شباب هناك هو لما مليت البيانات وعملت شيك جابلى خريطه

ومسمعتش حاجه عن الاقامه فيها ونظامها ؟؟؟؟

وعلى فكره الموضوع بتاع مكتوب متقفلش اتفتح تانى

صح يا خميس طبعا هو الموقع حيكذب !
في بيت شباب في حتة شعبية شويةكنت واخد شقة مفروشة جانبه يومين ان وجماعة صحابي وهو على شارع رئيسي اسمه سيدبوترا وعلشان المنطقة كنا مسمينه السيد بودرة

المهم خبرتي عن بيوت الشباب المسبقة
انها محددة المدة وبتقفل 11 بالليل وبتقعد في غرف مشتركة مع ناس تانية
بس بصراحة معرفش بيت ماليزيا اخباره ايه

**Karim_Monir** · 08-08-2011 11:44 AM

المشاركة الأصلية كتبت بواسطة abou_ruqi

انت فكرة اشحنلي وافتحلك الكاميرا مسيطرة على تفكيرك
المفروض في رمضان تحاول تتغير شوية

نيههههههههههههههههههههههه ههههههههه

**misoalex** · 08-08-2011 04:58 PM

المشاركة الأصلية كتبت بواسطة abou_ruqi

صح يا خميس طبعا هو الموقع حيكذب !
في بيت شباب في حتة شعبية شويةكنت واخد شقة مفروشة جانبه يومين ان وجماعة صحابي وهو على شارع رئيسي اسمه سيدبوترا وعلشان المنطقة كنا مسمينه السيد بودرة

المهم خبرتي عن بيوت الشباب المسبقة
انها محددة المدة وبتقفل 11 بالليل وبتقعد في غرف مشتركة مع ناس تانية
بس بصراحة معرفش بيت ماليزيا اخباره ايه

هههههههههههههههههههههههه حلو الموقع حيكذب دى هههههههههه

انا حبيت احط اللينك برضه عشان الناس اللى خايفه من الاسعار وميهمهاش تقعد فين وكده المشكله محلوله انا لقيت حاجات فى اللينك الاخير ده ب 40 جنيه فى الليله واقصى حاجه ب 100 جنيه فى الليله

وانا عارف ان اغلب بيوت الشباب بتبقى طبعا مليانه فى ايام الدراسه وانت وحظك فى انك تلاقى مكان

موضوع مشتركه د ممكن متفرقش مع شباب كتير لانه عاوز ينام وخلاص وفيه امانات بتحط حاجتك فيها
وموضوع الساعه 11 ده فيه بيوت شباب بتديك مفتاح وبيبقى فيه امن بس مش فى كل الاماكن انا برضه معرفش عن ماليزيا حاجه

**bayoumisoft** · 08-08-2011 07:41 PM

تقرير ممتاز

**kokowanted** · 08-08-2011 09:08 PM

ياااااااه ، انا قريت 26 صفححححححححة.

مجهود رائع جدا و موضوع مفيد جدا و فعلا اول مرة اقرأ موضوع عن بلد كدة.

مشكور على الموضوع و ربنا يجزيك عنا خير

**hussein** · 08-08-2011 11:04 PM

طب اخبار الاستثمار العقارى ايه؟
انا عارف انه نايم فى العالم كله بس ممكن ماليزيا تكون احسن شويه
وهل ممكن يحصل فيها زى مصر يعنى تبنى مبنى و تبيعه سواء شقق او على بعضه؟؟

**abou_ruqi** · 08-08-2011 11:12 PM

المشاركة الأصلية كتبت بواسطة hussein

طب اخبار الاستثمار العقارى ايه؟
انا عارف انه نايم فى العالم كله بس ممكن ماليزيا تكون احسن شويه
وهل ممكن يحصل فيها زى مصر يعنى تبنى مبنى و تبيعه سواء شقق او على بعضه؟؟

ده نشاط هايل بالذات ان الحكومة بتدي قروض تمويل عقاري طويلة الامد ، فالماليزي بيشتري شقة واتنين وتلاتة بسهولة وبيقسط على تلاتين سنة فالقسط بسيط ده غير ان قدرتهم المادية عالية اصلا

والاهم من كده انها بلد بتملك للاجانب علشان كده دبي العقارات فيها وقعت وكوالالمبور لا

**zago** · 08-08-2011 11:34 PM

طيب المختصر المفيد لكلام حضرتك ان ماليزيا تعتبر وجهه لرجال الاعمال والمستثمرين والناس السوبر في شغلهم
غير كده يبقى يروح الخليج احسنله
صح ؟
ولا انا فاهم غلط ؟