الموضوع: ماليزيا بعين المقيم

بعض الأداب في ماليزيا

أولا بالنسبة للطعام

الماليزيين بياكلوا بطريقتين :
أما باليد او بالثلاثة اصابع اتباعا للسنة
أو بالشوكة والملعقة والشوكة في اليمين و الملعقة في اليسار
ولا يستخدمون السكين , والمطاعم الماليزية غالبا لا ت قدم سكين إلا لو طلبت , والغرض من الملعقة اما التقطيع او لمساندة الشوكة من اسفل في حمل الطعام

ويفضل اذا جلست مع الماليزيين ياكلون بايديهم ان تاكل مثلهم , احتراما لهم واتباعا للسنة

ثانيا بالنسبة للإشارة

عندما تشير لشيئ لا يجب ابدا استخدام السبابة ( زي ما بنعمل كلنا في مصر) فهي حركة غير مهذبة
الماليزيين يشيرون إلى الشيئ بالإبهام
تضم كل اصابع يديك كقبضة , وتشير بالإبهام

إذا ما ارادت ان تستدعي شخص ( وخاصة لو كنت امرأة) لا يجب ابدا أن تشيري عن طريق السبابة المقلوبة بفردها و ثنيها , فهذه الحركة هي علامة عدم الادب

ثالثا السلام

السلام يكون باليد , بدون تقبيل و لا لمس و لا تربيت على الكتف و لا الامساك باليد بكلتا اليدين
التقبيل مقبول فقط بين افراد العائلة و ذوي القربة و ليس للغريب او للأصدقاء
وطبعا كثير من الرجال لا يصافحون النساء , ولا داعي للتذكير بذلك
والبنات يقبلن يد الكبيرات في السن عند السلام عليهن

رابعا اليد التي تعطي

عندما يعطيك الماليزي شيئ فليكن بائع يعطيك باقي الحساب , فهو يفعل واحدة من اثنين
1- اما ان يمسك الورقة المالية بكلتا يديه بيحث يكون كلا ابهامية عند طرفي الورقة , وعليك أن تأخذها بأن تضع ابهامك بين ابهامية وتمسكها
2- أو أن يقصر يديه عن طريق الإمساك بالبضاعة او المال بيمينه ام يساره فيمسك بها منتصف ذراعه
قد تكون الحركة غير مقبولة عندنا انما هي قمة الادب في ماليزيا

كلمة شكرا= تريما كاسيه
كلمة العفو = ساما ساما

لو افتكرت حاجة تانية حبقى اقولها

هي العروسه في الصوره اموره ولا اللبس المحترم عامل شغل ؟
:)
وقاعد تقول الماليزيين وحشين الماليزيين وحشين
حتخليني اموت نفسي يا جدع

المشاركة الأصلية كتبت بواسطة zago

هي العروسه في الصوره اموره ولا اللبس المحترم عامل شغل ؟
:)
وقاعد تقول الماليزيين وحشين الماليزيين وحشين
حتخليني اموت نفسي يا جدع

الغرض من الصورةاعرفكم لبس العريس والعروسة في الافراح ، مش افرجك ستاتهم !
خلقة ربنا كلها حلوة الحمد لله

المشاركة الأصلية كتبت بواسطة no comment

كويس انك سبقتنى وقولت الكلمتين دول ... وأخدت اللى فيه النصيب من أبو رقية بدل ما أخدهم أنا .
ـ ـ ـ
بس بجد موضوع ولا اروع يا أبو رقية ... لدرجة ان الواحد بقى نفسه يروح ماليزيا من كلامك عنها .
وإن شاء الله لو قررت تعمل شركة سياحية هناك أو حتى برنامج سياحى ليها ... هكون من المشاركين ان شاء الله .
وكل سنة وانت طيب وبخير .

يا عم زاجو ده حبيبي ، انا بهزر معاه بس انا نسيت السمايل
وبعدين برنامج سياحي ايه وبتاع ايه ، انوي تيجي وانا اعملك برنامج هنا

على فكرة انا ملاحظ ان البلد اتملت مصريين من ساعة العيد ، مش عارف ده بسبب العيد والا الموضوع ده ؟

المشاركة الأصلية كتبت بواسطة no comment

ده أكيد بسبب وجودك انت يا جميل هناك ... وبعدين انت ناسى ان موضوعك ده كان اتنشر بدون علمك فى مواقع آخرى .
ده غير ان الشركات السياحية ممكن تستغل موضوعك ده أحسن استغلال للدعاية لماليزيا ...!
بس يا رب يكون المصريين اللى بتشوفهم هناك يكونوا على قد المسئولية زى حضرتك كدة وميبوظوش السمعة المصرية الحلوة بسبب تصرفاتهم هناك ... على الأقل لحد ما الواحد يروح قبل ما يقفلوا الفيزا بسببهم .

ياباشا العفو كلك ذوق ، انا جزمة اي مصري برقبتي
وبالفعل المصريين اللي هنا كلهم نمرة واحد فرز اول تصدير ، وانا طبعا اقل منهم كلهم

هههههههه
طيب ان شاء الله انا و نو كومنت عايزين من الكواليتي العالي ده
يعني حناخد 8 ان شاء الله
:)