المشاركة الأصلية كتبت بواسطة م.احمد زكريا
هو انت شايف اني ضد الثورة والثوار ......... غريبة جدا
لعلمك انا لا استفدت ولا اضريت من النظام السابق يعني لا ابويا محافظ ولا حزب وطني ولا اخوان
وفي نفس الوقت مش شايف اني هاستفيد من الثورة على المستوى المادي وان كنت حاسس بإفادة ممتازة على المستوى المعنوي
واعتقد ان ان نفس الكلام بينطبق عليك لأنك شغال في شركة محترمة جدا ( بكتل عل ما اتذكر ؟؟) وهي شركة امريكية عالمية في مجالات البترول والغاز ومحطات الكهرباء
إذن الضرر من النظام السابق لحضرتك ما كانش جسيم او احساس بظلم على شخصك وانما احساس بمعاناه اخوانك في الوطن والأمل في مستقبل افضل وبيئه افضل لأولادك من بعدك والحاجة للإحساس انك بني ادم زي البتتعامل معاهم وتحتك بيهم من خلال عملك واقصد طبعا المواطنين في الدول المتقدمة زي اوروبا وامريكا
اما الفساد فهو مستشري في جسم مصر .... ما تفتكرش اني لما اقول من اول رئيس الشركة وحتى الادارة الوسطى لازم يتشالوا ودلوقتى حالا واعيط واعتصم واقول مش شغال الا لما يمشوا واوقف الشغل في المشاريع يبقى انا كدة ولد ثورجي بحب الشركة بالعكس الصح ان لو مش عاجبني انا الامشي لأني بطلبي انا باهدم شركتي.
وعلى فكرة المطالب الفئوية كانت كتير مع بداية الثورة في الشركة .... بس لانها كانت من ناس لا يستحقوا المطالب وناس زاطت معاهم في الظيطة .... الموضوع انتهى تماما و كل الناس حكمت العقل والمصلحة العامة على المصلحة الفردية وده ادى لعدم وجود لا مظاهرات ولا مطالب من فترة طويلة جدا ... والحمد لله
وقولي تعرف مين في الشمالي يمكن اعرف حد منهم لي حبايب كتير في اسكندرية ..... احنا والحمد لله اكتر من 2500 مهندس داخل وخارج مصر