المجلس شغال نفس الشغل القديم
زن فى الاعلام و قول اللى عايزه بعدين يبقى حقيقه يستشهد بها
المجلس شغال نفس الشغل القديم
زن فى الاعلام و قول اللى عايزه بعدين يبقى حقيقه يستشهد بها
بعد ما تأكد للجميع ان اهالي العباسية هم من قاموا برد اعتداءات المتظاهرين و طردهم من العباسية
عايز اعرف رأيكم في اللي بتقوله اسماء محفوظ للجزيرة
[youtube]http://www.youtube.com/watch?v=Gz30usqa_Vg[/youtube]
بتقول بلطجية طنطاوي بيضربونا بالسيوف!!!!!
طيب و فين القتلي؟؟؟؟ الاصابات كلها كانت من الطوب
مش عارف لحد امتي هيتم السكوت علي مثل هذه التجاوزات و محاولات اشعال الفتنة
فين المدعي العام؟ لماذا لا يتم القاء القبض علي قيادات 6 ابريل بعد ان ثبت دورهم التحريضي
انا اتوقع تكرار ما حدث اذا حاول المتظاهرين الخروج مرة اخري من ميدان التحرير لاي منطقة اخري
لله الأمر من قبل ومن بعد وحسبنا الله ونعم الوكيل في اللي كان السبب واللي عايز حرب اهليه بين شعب مصر من اجل تصفية حركات ثوريه ومن اجل اجهاض الثوره لعودة النظام الفاسد مره اخري ياساده ياكرام الموضوع كله فخ واتنصب بدهاء شديد من قبل عدة جهات امنيه وعسكريه ومدنيه وحزبيه ... الخ ووقع فيه واهالي العباسيه والمتظاهرين السلميين الحقيقيين مش المدسوسين بينهم من البلطجيه والذي بدأ بمسيره يوم الجمعه من هؤلاء البلطجيه الفعليين الذي تحدث عنهم المهندس عمرو شرف مشكورا الذين اتوا بالليل وقاموا بالفعل بحرق وتكسير السيارات والمحلات وضرب الأهالي ثم انصروفوا ثم جاء بيان المجلس الأعلي للقوات المسلحه واعتقد ان المسئول عن هذا البيان هو اللواء سيادة حسن الرويني والذي الصق التهمه بحركة 6 ابريل وشوه صورتهم امام الجميع والذي خرج متباهيا علي الفضائيات بأنه كان يلعب بعقول متظاهرين التحرير الذين وثقوا به وبالمجلس العسكري وينشر بينهم الشائعات والذي كان يعلم مسبقا بخروج المسيره للمجلس العسكري في وزارة الدفاع يوم السبت وتم اعداد هذه الخطه فتم ارسال ضباط وعساكر من الشرطه وامن الدوله ليرعبوا الأهالي ويقولوا ان البلطجيه راجعين مره اخري ومعهم اسلحه وقنابل ملوتوف فجهزوا انفسكم وتم ايضا استقطاب البلطجيه بالأموال وانه تم اعداد كمين لهم وسوف تقوم الشرطه العسكريه ووحدات من الجيش بغلق الطريق امامهم ليكونوا تحت يديهم وتم توزيعهم حتي يكونوا المتظاهرين متحاوطين لاحظوا (هذا التخطيط تخطيط عسكري يعمل علي تحديد الأماكن والشوارع الجانبيه الذي سيتم المهاجمه منها )واتي المتظاهرين ومن بينهم المندسين البلطجيه فطبيعي في المسيره لايتم تفتيش احد ولن يمنعوا احد فسهل ان البلطجيه يندسوا بينهم وبأعداد كبيره ويبدأ التصعيد بحدف اول طوبه وهذا ما كان معي مقطع سيوضح لكم اشياء كثيره ولكن ركزوا جيدا في الدقيقه 1:2في يد الشخص الذي يقف فوق المدرعه وماذا يمسك وبعد كده شوفوا تتابع الأحداث والشخص الذي يرتدي تي شرت اسود ماذا يقول ويحذر
[youtube]https://www.youtube.com/watch?v=6g1yYEEw-ek&feature=player_embedded[/youtube]
عاوز أقول حاجة مهمة للي مش واخد باله ... مصر أولاً قبلي وقبلك فلننحي خلافتنا جانباً ونتحد لتصل السفينة الى بر الأمان .
واضح من آرائك موقفك من الإسلاميين و الله أعلم برأيك في الأسلام
ولكن أُحب أعرفك أن كل الإسلاميين كما تسميهم رفضوا وأنكروا ما قيل وما نقلته فئات من الناس لها مصالح في إظهار صورتهم بهذا الشكل
بل وما سمعته من كل الفصائل والأحزاب الأسلاميه في كل المواقع وعلى كل الفضائيات أنهم رفضوا مصطلح التطهير الذي تدعيه وقالوا أن الذي يحتاج تطهير هي مؤسسات الدوله ونظامها وليس ميدان التحرير
ربنا يسامحك ياسيدي أنا هأنزل أصلي الفجر وأدعي ربنا يحفظ مصر من كل شر ويهدي المصريين اللي عاوزين يضربوا بعض وبيخونوا بعض ويشككوا في عقائد بعض.... عموماً توضيح بسيط أنا مش بحب مصطلح الأسلاميين دة كلنا مسلمين وكلنا أسلاميين أنا أنتقادي لحركات بعينها دعت الى النزول وتطهير الميدان ممن فيه ولو لقيت اللينك هأجيبهولك لناس بتدعو الى النزول وتطهير الميدان ممن فيه وفي ردود لأعضاء أفاضل معانا هنا في المنتدى بتدعو للنزول وتطهير الميدان أمتثالاً لأوامر من أطلق تلك التصريحات
.
اتفق معك استاذ AshTurbo و بالنسبة للرابط التي تتحدث عنه
عندي رابط احدث منه
اليوم السابع | الجماعة الإسلامية تتراجع عن تصريحات تطهير ميدان التحرير.. وطارق الزمر لـ "اليوم السابع": لم نعقد صفقة مع المجلس العسكرى.. ومجلس الشورى أصدر تعليمات للأعضاء بعدم الدخول فى مصادمات مع المعتصميناقتباس:
الجماعة الإسلامية تتراجع عن تصريحات تطهير ميدان التحرير.. وطارق الزمر لـ "اليوم السابع": لم نعقد صفقة مع المجلس العسكرى.. ومجلس الشورى أصدر تعليمات للأعضاء بعدم الدخول فى مصادمات مع المعتصمين
يد واحدة باذن الله ضد الفساد
لا الوم في هذا الموقف اي حد غير المتظاهرين من التحرير.....كل مره يخرجو من الميدان بيقعو فريسه سهله للصدام...وبيسقطو من حسابتهم ان الناس متوتره وعلي شعره واي كلمه سواء اشاعه او حقيقه حتنقلب بمصادمات عنيفه يخرج منها كافه المتواطئين ببساطه ويقع فيها الناس قدام بعض.........
هذا القرار مازلت مقتنعه انه حاجه من اتنين....ياقرار غبي جدا وده ناجم علي ان التحرير فعليا انفصل عن باقي الناس ومش عارف الحاله وصلت لايه
ياقرار ذكي جدا والغرض منه خلق مصادمات كثيره للوصول لهدف معين يخدم مصلحه بعض الافراد اللي غرضهم من زمان جزء كبير من التورته ويسعو اليه بشده
مع أحترامى لتحليلك , الكلام ده مش صح
أنا كنت مع الاهالى ( لو عايز تقول عليهم بلطجيه ) اللى صدوا المتظاهرين ( لو عايز تقول عليهم مش بلطجيه ) وعاصرت الاحداث كلها وأتضرب علينا طوب وزجاج ومولوتوف
يوم الجمعه محدش كان عارف حاجه والناس أتفاجأت بالمسيره ولما عرفنا أنها رايحه لوزارة الدفاع منعناهم
المناظر اللى شوفناها أقل ما توصف به أنهم بلطجيه وبنات أداب والضرب فيهم بدأ مش لما منعناهم لكن لما بدأوا يدخلوا العمارات
كل شويه نمسك واد وبنت فى مدخل بيت من البيوت
وتانى يوم السبت أتفقنا كلنا أن محدش يعدى من هنا لكن لما لقينا الجيش حاطط متاريس قلنا محدش هيدخل شوارعنا
كل اللى كانوا بيضربوا فينا ونضربهم كان علشان عايزين يدخلوا علينا شوارعنا
مجموعه منهم عايزه تدخل علشان تضربنا زى ما ضربناهم أمبارح
والمجموعه التانيه عايزه تدخل علشان تلف من الشوارع وتوصل لميدان العباسيه مع أنه مقفول برضه
لا الجيش قالنا نعمل حاجه ولا أحنا مستنيين حد يقولنا
لو شايفين أن أهالى العباسيه بلطجيه فده فخر لينا
وأى حد حييجى علشان يروح لوزارة الدفاع هنمنعه برضه
بلاش تخمينات أن الجيش سخنا وعملوا مؤامره والكلام ده
اللى بيعمل مؤامره معروف كويس
يا سيدى الفاضل
مفيش فايدة
لازم يكونوا بلطجية ( مش اهالى العباسية )
عشان يبقى المجلس اللى ماجرهم
و عشان يبقى فية مبرر للهجوم علية
امال هنجر البلد لحرب اهلية ازاى
انا حضرتك تقول اهالى العباسية يبقى انتا ضيعت عليهم الفرصة
على العموم تاكد انهم برضوا هيطلعوا بحجة تانية عشان يولوعوا فى البلد- اصل دم الشهداء و المحاكمات فرب يقدم و الناس تزهق منة
مثلا فوازير رمضان معجبتهمش يبقى لازم اعتصام و مسيرة للتلفزيون
او سعر كوكا زيزو غلى ربع جنية يبقى اعتصام امام وزارة التموين
او ان الوزارة متغبرتش بقالها شهرين - مع ان تعليمات 6 ابريل ان صلاحية الوزارة شهر و نص بس