الموضوع: العربية بتحك من الخلف

عشان نتكلم بلغه الأرقام تعالو نحسبها

المقاس الأصلى للكاوتش 175/70 R13
القطر الخارجى 575.05 mm

عشان نكبر لجنط 14 لازم نحافظ على القطر الخارجى و فى الحاله دى نركب كاوتش 185/60 R14
وكده هيكون القطر الخارجى 577.59 mm يعنى الفرق فى القطر بنسبه 0.44% وده رقم مقبول تماما لأنه أقل من 2.5%

طيب لو عايزين نعلى العربيه على الجنط ال14 يبقى نعلى ال 60 الى 65 ......... يعنى ايه؟
يعنى يبقى ارتفاع الكاوتش من الجنط للأرض 65% من 185mm
يعنى نركب كاوتش 185/65 R14 وكده هيبقى القطر الخارجى 595.88 mm يعنى أزيد من القطر الأصلى ب 3.5% (رقم مرفوض لأنه أعلى من 2.5%) يعنى 20مم يعنى 2 سم يبقى العربيه هتعلى عن الأرض 1 سم

الخلاصه: لو عايز تعلى العربيه 1 سم ركب مقاس 185/65 R14 بس ده هيكون على حساب الثبات