♥ساعدونى فى اختيار عربيتى♥
مساء الخير
اخباركم ايه اولا انا سعيدة بوجودى معاكم.. وكنت حباكم تساعدونى بأرائكم لانى محتارة جدا بقالى شهر بحاول اركز فى عربيه كويسه لان دى اول عربيه اشتريها ومش عايزة ادبس..
فى البدايه احب اعرفكم بتجربتى انا كنت ناويه اروح اشترى بيجو لانها كانت حلمى من زمان بس فوجأت بكتير بيحزرونى عن تجارب مش ان العربيه وحشة لا بالعكس لكن التوكيل وقطع الغيار بمصر نار وهتبهدل فيها
المهم قلت خلاص الف وكدا واشوف وانا ماشيه شفت الار بى 2012 عجبتنى اوى ولفتت نظرى مع انى مكنتش بفكر نهائى فى الهونداى.. فرحت اشوفها بالمعارض والتوكيلات وفوجات ان العربيه تحس انها فاضيه من جوا امكانيتها مش زى ماقرات عنها ولكنى فهمت ان غبور مش منزلها باوبشن بلدها وكدا وانا خارجة وقع نظرى على الالنترا الجديدة الحقيقه انا وقعت فى حبها من اول نظرة وبعد ماكنت حاطة رينج 100 بالكتير رفعت عشان خاطر عيونهابصراحة العربيه سحرتنى شكلها حلو اووووووووووى من برا ومن جوا وفخمة جدا جدا جدا وابشنها عجبنى اوى وسالت عن سعرها عرفت ان الوكيل فى دى 155 الف طبعا انا انصدمت لانها غاليه اوى وانا سمعت تفاوت مش طبيعى فى الاسعارولما بدأت افهم فهمت ان غبور منزل منها كزا فئه.. بصراحة انا اتغاظت جدا يعنى علشان اركب العربيه اللى انا شفتها ادفع كل المنبلغ دا اوكى بس لما تنبقى فول لودد على كلامه وناقصة يبقى دا كلام تانى.. هتقولولى ناقصة ازاى هقولكم .. غبور مش منزلها بشاشة ملاحة ولا لقيت فيها اوتو باركنج زى ماموجودة بمواصفتها بتاعه بلادها بس عمال يحط فى فئات وعلى كل حاجة يحطها يرفع بتاع 5 او 6 الاف ليه يعنى مش خير...
الناس قالولى خديها خليجى هتفرق معاكى وخلاص امرك لله مش مهم الفول لودد هاتيها وسط وركبلها اللى انتى عايزاه وبعد تفكير وكداقلت اوكى ورحت فعلا اجيبها اللى هى الفئه ام 135الف اللى هى اصلا فى الوكيل ب145
رحت لقيت الصدمة ان على مستوى مصر كلها مفيش خليجى النترا الا اللون الابيض 2012
طبعا زعلت مش عشان اللون وحش لا انا لما ركبتها على منظرها مع الابيض تحس ان العربيه كبيييرة اوى عليا وانا فيها زى الاطفال .. فالراجل قالى اصبرى الوانها هتنزل على شهر 8 وكدا قلت اوكى مش مشكله ننتظر
مش عايزة اقولكم انى بالصدفة حصلى موقف خلانى اركب الالنترا 2010 فى مشوار ع السريع كدا فوجات ان العربيه واطيه وبتحك اوى فى المطبات طبعا انصدمت قلت مصيبه لتبقى الجديدة 2012 واطية هى كمان
المهم طبعا ليا صحباتى عمالين يلعبو بدماغى وكل واحدة عماله تقولى انتى ىالعربيه دى مش بنوتاتى وشكلها عائلى عليكى.. وقاعدين يقولو فى اسامى كتير وانا تعبت بصراحة من اللف
فمن الاخر انا عايزة اجيب حاجة فى حدود 135 الف تكون شيك اوى شكلا وتحس انها مختلفه وبنفس الوقت الاوبشن بتاعها من جوا يكون حلو وتكون اوتوماتك طبعا
هل انتظر نزول الخليجى الوانها فى الالنترا..!!
ولا اجيب البيجو حلم حياتى ..!!؟
اه نسيت اقولكم ان عجبتنى اوى اوى الفولستر الجديدة بس للاسف نازله غاليه جدا ب160 الف وطبعا اغلى من امكانياتى 30 الف.. فياريت تنصحونى بعربيه تكون حلوة ويقع فى حبها كل من شافها..:_Alshmokh23[1]:
طبعا بعتزر عن الاطاله....