امبير الحرارة قلب

**sameh_se** · 25-07-2011 10:32 AM

يا شباب امبير الحرارة عندى قلب العكس و العربية واقفة عند الميكانيكى تقريبا حد لعب فى الكهرباء
ممكن حد يقولى دا من اية انا سايبهالو يظبطها بس انا معرفش دا من ايةمع العلم ان الموضوع دة و البطارية مفصولة و الكنترول مفصول و لما بيركبو برضو قالب على اخر اليمين بدل من مكانه على الشمال العربية ابيزا 94 راكب لها مكنه الباسات و الكنترول بتاعها و شكرا ..

**ehab_mansour** · 25-07-2011 03:20 PM

حساس الحرارة اللي راكب في الكوعة و اللي واصل فيه فيشة رباعية الأطراف دي يا راكبه عافية و مقلوبة يا أطرافها معكوسه في الضفيرة بس
وحلها بسيط جدا انك تتبعها من أول فيشة الحساس و انت ماشي لحد متوصل للكنترول و مرورا بالضفيرة و تتأكد من ألوان الأطرف و تظبطها هتلاقي الدنيا ظبطت ان شاء الله

وظيفة حساس الحرارة هو اظهار قراءة الحرارة علي العدادات قدامك و تعريف الكنترول بدرجة حرارة العربية
والله الموفق

**ehab_mansour** · 25-07-2011 04:15 PM

المشاركة الأصلية كتبت بواسطة sameh_se

يا باشمهندس ربنا يخليك لينا ديما كدا بتزودنا بخبرتك الموضوع دة مجننى بس المشكلة انى حاولت افصل كهربة العربية و الكنترول و برضو مقلوب ممكن تكون الفيشة معكوسة

سؤال لما بتفصل كهرباء العربية نهائيا ايه اللي بيحصل ؟
ولما بتركب الكهرباء و مش فاتح الكونتاكت ايه اللي بيحصل ؟
ولما بتفتح الكونتاكت ايه اللي بيحصل ؟
الرد في كل الحالات عن مؤشر الحرارة

**ehab_mansour** · 26-07-2011 12:37 PM

يبقي حضرتك تجرب عدادات تانية وشوف ايه اللي بيحصل لأن المتوقع ان العدادات هي اللي فيها المشكلة
لأن العدادات واخده اشارتها من الحساس مرورا بالفيوز بوكس و أخيرا الي العدادات
او ممكن يكون كابل الحساس ملمس أرضي من اي مكان خلال مروره مع الدفيره او في الفيوز بوكس او في اي مكان

لأن الحساس ده عبارة عن مقاومة متغيره تتغير قيمتها بتغير درجة الحرارة
و المقاومة المتغيره دي من ناحية واصلة بالأرضي و من الناحية الأخري بالعدادات
فلو حصل تلميس في اي مكان بين كابل الحساس وبين الأرضي هتلاقي المؤشر رافع لأقصي قيمة فيه لأن كده المقاومة بتاعت الحساس اتلغت

والله أعلي و اعلم

وبالتوفيق ان شاء الله

**sameh_se** · 22-08-2011 03:19 PM

المشاركة الأصلية كتبت بواسطة sameh_se

يا بشامهندس انا عاجز عن الشكر و لازم ابلغك التيجة أنشاء الله
اول ما اعرفها .

الامبير اتعدل يدوى بعد ما فكيت التابلوة بس اية الى قلبة معرفش

**ashoub** · 22-08-2011 06:01 PM

المشاركة الأصلية كتبت بواسطة ehab_mansour

يبقي حضرتك تجرب عدادات تانية وشوف ايه اللي بيحصل لأن المتوقع ان العدادات هي اللي فيها المشكلة
لأن العدادات واخده اشارتها من الحساس مرورا بالفيوز بوكس و أخيرا الي العدادات
او ممكن يكون كابل الحساس ملمس أرضي من اي مكان خلال مروره مع الدفيره او في الفيوز بوكس او في اي مكان

لأن الحساس ده عبارة عن مقاومة متغيره تتغير قيمتها بتغير درجة الحرارة
و المقاومة المتغيره دي من ناحية واصلة بالأرضي و من الناحية الأخري بالعدادات
فلو حصل تلميس في اي مكان بين كابل الحساس وبين الأرضي هتلاقي المؤشر رافع لأقصي قيمة فيه لأن كده المقاومة بتاعت الحساس اتلغت

والله أعلي و اعلم

وبالتوفيق ان شاء الله

الله ينور عليك يابشمهندس هو ده الكلام الصح