بعد الارتفاع الكبير دة في اسعار البنزين ,تتوقعو ارتفاع سعر السيارات ولا انخفاضها؟
عرض للطباعة
بعد الارتفاع الكبير دة في اسعار البنزين ,تتوقعو ارتفاع سعر السيارات ولا انخفاضها؟
بصراحه انا واحد من االناس عندى احباط شديد جداااااا ومش متوقع ان فى اى حاجة ترخص .
فى مصر مفيش غير حاجة واحدة بس هى اللى بترخص - البنى ادم
اتوقع غلو السيارات ذات السعات الليتريه الصغيره.. و ده جشع تجار!!
خصوصا ان أكيد فى ناس موسوسه زى دلوقتى انى أبيع و اجيب سبارك و لا حاجه.. عشان توفير البنزين :(
بص ياعم ..يمكن فى سيارات كتييير هاترخص وهى ال 2000 سي سي وده عشان زودوا مصاريف ترخصيها وكمان زيادة البنزين..والعكس هايعصل مع ال 1000 وال1300 هاتغلى يعنى.والله اعلم .وربنا يرحمنا ويرحم البلد ديه
العربيات اللى السعة اللترية بتاعتها عالية و موديلاتها حديثة مش حتتباع... تخبل انك راكب جراند شروكى 5700 سى سى موديل 2007... حتمون بكام و ترخص بكام؟؟؟؟؟
و العكس بالعكس... السبارك 1100 باين و على القد... حتتباع غالى... و المستعمل منها حيغلى برضة لانها حتترخص بسعر اقل كل سنة
بس مع الغلاء العام محدش حيلاقى فلوس لا يبيع ولا يشترى اى حاجة
MMamdouh
يا جماعه انا دمي اتحرق لما شوفت اللي ميتسماش امبارح في البيت بيتك شخصيه
ْXXXX
تم الحذف لمخالف قواعد المنتدى
الإدارة-3
قال يقول العلاوه دي لازم نعوضها طيب كنت ادتوها ليه ربنا ينتقم منكم بعدله.
لأ ويقولك واحد راكب عربيه مرسيدس بمليون ونص مش هتفرق معاه 30 ألف ترخيص
XXXX
تم الحذف لمخالف قواعد المنتدى
الإدارة-3
يعني واحد تعب في فلوسه تاخد منه كل سنه 30 ألف جنيه بس عجبني تامر أمين قاله المفروض ميركبهاش ويجي يديلك المفتاح :)
واضح ان الوزير ده اتفرج كتير علي غبي منه فيه "واحد ادامه طبق كشري مليان خدنا منه معلقه هيحس بحاجه ابسطهالك واحد جاب عربيه بمليون ونص خدنا منه 30 ألف جنيه في السنه حيحس بحاجه " :d
انا بردو اعتقد ان العربيات اللي سعتها اللتريه قليله يعني من 1000 سي سي الي 1300 سي سي هيكون الاقبال عليها اكتر من العربيات اللي سعتها اللتريه اعلي من كدا وبالتالي كالمعتاد اللي عليه اقبال كبير سعره بيغلي والعكس صحيح
وده مجرد توقع مش اكتر.
طبعا الى هيحصل ان العربيات من 1000 لحد 1500 هتغلى و دة تعويض على ان الضريبة زى ما هى
كلامكم منطقي جدا جدا ولكن العربيات القديمة الي ماتورها 1200 وكدة حتغلي برضة ؟
يعني لو مثلا لادا 2107 موديل 2005 انجيشكن1500cc ,العربية دي سعرها كان 34 الف من يومين
تتوقوع لها اية ؟
إحنا في مصر مافيش حاجة بترخص أقصى طموحاتنا إن سعر أى حاجة يثبت بس.
ربنا يستر علي الايام اللي جاية
حقيقى كلام الساده الاعضاء كله معقول ومقنع جداا
لان فعلا هيكون الاقبال كبيير جدا علي السيارات ذات السعة التريه الصغيره
اوعى حد يبيع يا جماعة لسه الدنيا هتولع
وشكرا لجميع الاعضاء
طبعا السيارات اللى السعة بتاعتها اقل من 1600 هتغلى من غير كلام زي مثلا شاهين 1400 - لانوس 1500 - فيرنا فيفا 1500 - سوزوكي التو 1300 - سوزوكي ماروتى 900 سى سى وهكذا كل السيارات دي سعرها هيغلى سواء مستعمل او جديد انما السيارات الكبيرة يعنى 1600 وانت طالع سعرها هيفضل ثابت لا هتغلى ولا هترخص
خلاص الحكومة دى قلبها بقى ميت و تتوقع منها أى حاجة!
أعتقد قانون إعدام السيارات القديمة فى الطريق و بعد كده نشوف إيه اللى هيحصل فى سوق السيارات!!
يا خوانا كلها هوجة بعد ما الكل ينفس عن غضبه .. بعد كام يوم كام اسبوع شهر شهرين .. كله هيرجع زى مكان لا حاجة هترخص ... اتمنى بس ان الحاجة متغلاش .. الايام بيننا
انا هجاوب على سؤال دة فى موضوع إن شاء الله
لو حد عندة اى اسئلة فيما يتعلق بارتفاع البنزين و علاقتة بالبيع و الشراء ممكن يطرحة
السوق في مصر غيرب جداً وله عوامل نفسية كثيرة، فمفيش حد يعرف هيحصل أية في الأيام القادمة وعلي رأي المثل "يا خبر بفلوس بكرة يبقي ببلاش".....
طب يعنى نستنى و ما نشتريش حاجة دلوقت و لا ايه ؟
الواحد فى البلد دى حاسس انه ماشى فى صحراء و عينه متغميه و بالليل كمان !!!
محدش عارف ليه و لا بكام و لا فين و لا ايه و لا اى حاجه , حاجه تقرف :-(
اعتقد ان العربيات لحد 1.6 حتغلى لان الطلب هيبقى عليها كتير علشان اسعار البنزين والترخيص فوق 1.6 بقى هيتخسف بيها الارض
الموضوع اكبر من كده ...
اللي حصل ان القيمة الشراءية للجنية انخفضت بشدة .....
يعني كل حاجة ح تغلى .... كل حاجة ...... بمعنى كل حاجة فعلا :eek:
ربنا يستر
لو موضوع ان التاكسى اللى مر على موديله 20 سنه لا يتم ترخيصه ويتم تحويله ملاكى لو الموضوع ده حصل كل العربيات القديمه ال 131 والريجاتا القديم وكل القديم هيرخص جدا لان المعروض منها هيبقى كتير قوى قوى
انظر الى الصورتين و هتعرف الأجابة
http://www.postimage.org/aV1AKgDr.jpg
http://www.postimage.org/aV1AKlCJ.jpg
مصر مصر مصر ( بزمتك مش بتحس بحسره )
يعني كل الناس بتقول الاعار حتغلي
ليه يا جماعة النظرة التشاؤمية دي
ميتسوبيشي بدأت النهارده 6-5-2008
تخفيض في أسعار جميع موديلات اللانسر 1300 و اللانسر 1600 واللانسر EXالشكل الجديد 1500
3000 جنيه
لمعرفة الاسعار الحالية انظر الموضوع المثبت في منتدى ميتسوبيشي عن خصم نايل موتورز
بصراحة تخفيض محترماقتباس:
ليه يا جماعة النظرة التشاؤمية دي
ميتسوبيشي بدأت النهارده 6-5-2008
تخفيض في أسعار جميع موديلات اللانسر 1300 و اللانسر 1600 واللانسر Exالشكل الجديد 1500
3000 جنيه
لمعرفة الاسعار الحالية انظر الموضوع المثبت في منتدى ميتسوبيشي عن خصم نايل موتورز
ترخص ولا تغلى ... مش فارق لان محدش هايكون معاه فلوس يقدر يشتري او يبيع ... ياضوب هايبقى على قد الاكل والشرب ... وكل سنة وانتوا طيبين
مجرد توضيحاقتباس:
طبعا السيارات اللى السعة بتاعتها اقل من 1600 هتغلى من غير كلام زي مثلا شاهين 1400 - لانوس 1500 - فيرنا فيفا 1500 - سوزوكي التو 1300 - سوزوكي ماروتى 900 سى سى وهكذا كل السيارات دي سعرها هيغلى سواء مستعمل او جديد انما السيارات الكبيرة يعنى 1600 وانت طالع سعرها هيفضل ثابت لا هتغلى ولا هترخص
-سوزوكي التو 800 سي سي و 1100 سي سي
-سوزوكي ماروتي 800 سي سي
طيب سعر عربيتي البيجو 2000 سي سي موديل 79 ممكن يرخص لان دي مصيبه في البنزين و الاقبال عليها يقل ولاا ايه
معتقدش سعرها يرخص لان سعر فرق الترخيص من القديم 120 جنيه الي السعر الجديد 200 جنيه فرق بسيط حوالي 80 جنيه ودي مش حتفرق علي اللي بيدور علي نوعيه البيجو 504 انما المشكله الحقيقيه في السيارات اللي اعلي من 2030 سي سي حدهم الادني الف جنيه. اما السيارات اللي اقل من 2030 سي سي برضه تظل نسب ترخيصه معقول بالنسبه لبعض فئات المجتمع .
أعتقد حركة التلات تلاف دية ملعوب باللإتفاق مع الكبار
عشان الناس تتفائل
كل أجهزة الدولة بتلعب مع الظالم
إفتكرت إذاعة القرآن الكريم إمبارح الساعة 4.30 بعد ما سمعت الخبر وخرجت عشان أروح من قهرتي عارفين أول حاجة سمعتها إيه
قال رسول الله صلى الله عليه وسلم (وهو برئ منهم) : من صـــمــت نجا
الزيادة في أسعار السيارات قليلة السعة اللترية هتعوض الإنخفاض في أسعار السيارات العالية وزيادة
طيب يا رجالة
مثلا
عربية لادا 2105 موديل 95 ماتورها 1200ccالعربية دي لو نضيفة تسوي 27000
دلوقت سعرها يبقي اية ؟
بعــــد السلام و الذي منة علي شعب المحروسة ( سابقـــا ً )
أعتقادي الشخصي ان هيبقي في ركود فى موديلات 1600 فيما فوق
و احتمال تلجاء الشركات اما لخفض فى الاسعار نسبي
او لخفض فى الاسعار مع أزالة بعض الكماليات و المميزات ( ايرباج / مثبت سرعه / فوانيس ضباب / ........... الخ )
----------------
و سلام خصوصي للباشمهندس / طارق .... بقي اسيب البلد يومين اجي الاقي الدنيا متلخبطة كدة يا باشمهندس
بالنسبة لخصم ميتسوبيشى : الصراحة يا باشمهندس انا شايف انة لا خصم و لا حاجة ، لان هي رفعت الاسعار حوالي 3.000 ج من شهر و شاليتهم تاني دلوقت يبقى الناتج النهائي = يبقي الوضع على ما هو علية و علي المتضرر اللجوء للقضــاء .
انا شايف ان الانتظـــــــــار هو الحل ، علي ما تتضح الرؤية و الدنيا ماشية ازاى