طيب ما حد يقول لنا على نوع كويس للكوندنسر والابلاتين والبوجيهات ؟
أعتقد إن فرق السعر حيكون طفيف لو نوع أنضف
عرض للطباعة
طيب ما حد يقول لنا على نوع كويس للكوندنسر والابلاتين والبوجيهات ؟
أعتقد إن فرق السعر حيكون طفيف لو نوع أنضف
انا عربيتي 2007 ولازلت ماشي بكوندنسر وابلاتين الفبريكا دون ادنى مشاكل
نصيحة
غير البوجيهات فقط
فلتر الهوا هتغيره على 20 ألف
فلتر البنزين على 40 ألف
لو غيرت البوجيهات وفلتر الهوا ولازالت النتشه المذكوره موجوده ساعتها مد ايدك على باقي طقم الكهربا
مع مراعاة ان العربية تكون مظبوطه 100% وتتأكد ان البوجيهات الجديده تظبطها على خلوص 0.8
عموما انا شفت في شارع دمشق ابلاتين وكوندنسر ياباني شكلهم نضيف
انما مضروب ولا لأ معرفش ومش عايز اعرف
هههههههههههههههههههههه
تحياتي
منور يا hm414 كل سنة وحضرتك طيب
اللى شفتهم حضرتك فى شارع دمشق دول علبتهم زرقا ؟
شكرا لمساهماتك
مش فاكر الحقيقه بس في الاخير قلت امد ايدي عليهم ليه طالما مش بشتكي من حاجه
وخد بالك من حاجه ان فعلا لو فيهم مشكله مش هيأثرو على حاجه
اللهم شوية استهلاك بنزين زياده وتنتيش
والكتالوج مكتوب ان لو في اي مشاكل من النوع ده راجع عالبوجيهات لو سليمه تماما ابتدي شوف بقية طقم الكهربا....
تحياتي
للأسف اسمح لي اختلف معاك
التشبيه مش صح...حضرتك البطاريه ماهي الا خزان يتم تصريف الطاقة الزائدة اليه وملوش علاقة
ال 70 وال 50 دي سعة البطارية...كلام حضرتك يبقى صح لو احنا بنتكلم في فولتيات مختلفة وهيبقى تشبيه منطبق مليون فالميه...انما ارقامنا هنا سعة فقط...كان حضرتك شلت من العربية تانك 40 لتر وحطيت تانك 50...المهم ان متقلش في الحجم الزيادة لن تضر اطلاقا
فانت لو ركبت 70 هتبقى احسن...المهم المكان في حوض الموتور يسعها وللا لأ...انا عندي سويفت والاصلي بتاعها 40...ركبت انا حالا 70 وهي نفس البطارية بقى لها معايا زمن والنور احسن والمكيف شغال على طول
الخلاف لا يفسد للود قضيه لكن احب اقولك ان اللي قالي الكلام ده مهندس ميكانيكي وانا راجل دكتور مفهمش الكلام ده واكيد هقتنع بكلام اهل الحاجه
وحضرتك اكدت اهو ان البطاريه خزان
وانت عندك دينمو مش بيملا الخزان ده يعني عمر الدينمو ده مهيرتاح لان البطاريات الجافه تحديدا مصممه انها لو مشحونه مبتخدش شحنه زياده وده بيخفف الحمل عن الدينمو بخلاف البطاريات السائله مفهاش التصميم ده ولو البطاريه اضعف من الدينمو هتبوظ من الاوفرتشارج
وبكرر الكلام مش من عندي انما من احد مهندسي الميكانيكا القديرين
وايا كان مش هنختلف ياباشا
لكن يبقى السؤال
انا لما اعلي امبير البطاريه هستفيد ايه؟؟؟
تحياتي
بص يا جميل...مفيش حاجة اسمها الدينامو يرتاح غير عندنا في مصرنا الحبيبة...الدينامو معمول انه طول ما هو شغال يديك تيار مستقر وبشدة تصل على سبيل المثال فالمتوسط ل 55 امبير (حسب موديل الدينامو)
حضرتك العربية فالمتوسط وهي شغالة بتسحب في حدود 10 امبير...يبقى عندنا 45 سيادتك بتضرب كلاكس... بتقيد نور... بتدوس فرامل... بتدي اشارات... مشغل راديو ....مروحة الردياتير ...مشغل المكيف... ايا ما يكون...الدينامو طبعا مصمم للعمل في كافة الظروف...طيب لو مش مشغل الحاجات دي...ايه المانع انك تخزن الكهربا دي...
الفائدة من تكبير البطارية... احنا في مصر من النادر انك تلاقي حد ماشي مركب نور 65/55 اللي بييجي مع العربية...فبنروح مركبين 140/100 وحاطين ريلاي (كتاوت) عشان الحمل ده ميعملش مع بقيت العربية اوفر لود عالدينامو...هيبدا يسحب من البطارية....حضرتك فضلت قايد النور ومشغل المكيف بالليل...ووصلت بيتك وركنت العربية...البطارية مكملتش شحن...لو البطارية نسبيا صغيره ممكن الصبح متقومش العربية...انما لو كبيره هيبقى باقي جزء من الشحن هيدورها وتشحن من جديد بالنهار
ضيف على كده البطارية اللي سعتها اكبر احتمالات التفريغ الكامل ليها اقل من البطاريات الاصغر....فنسبيا بيبقى عمرها اطول
وعموما الفرق ما بينهم فالسعر حوالي 30 او 40 جنيه فمش موضوع قصاد مزايا هتاخدها
كلامه صح لو فيه فرق فولتيات فقط...يعني مثلا دينامو 12 على بطارية مثلا مثلا 15...بس البطاريات فالملاكي كلها 12
الحمل ده ممكن يحصل لو فيه موقف وانت استنزفت الشحن كله...طبعا الكبيرة هتعوز وقت اطول عشان تكمل شحن انما مش هتعمل اوفرلود نهائيا على الدينامو والاوفرلود او الحمل الزائد هو اللي يهمنا...وكده كده انت لو بطارية عادية مش هتكون اسعفتك فالموقف بتاع الاستنزاف الكامل لأنها هتكون في سابع نومة من بدري
الدينامو له قدرات مختلفة من 45 امبير وحتى 65 فالملاكي البنزين
بخصوص موضوع الامبير ده الاصل فالسويفت 38 او 28 امبير (من الكتالوج) انا حالا مركب اي سي ديلكو 70 امبير....عشان انا فالصيف عامل زرار بيشغل مروحة الردياتير باستمرار لأن المكيف بيسخنها
عن جد مفيش منها مشكلة...بالظبط بقى لي سنتين وكام شهر...وما شاء الله زي الفل
وزي ما شرحت فالمشاركة اللي قبلها انها بيبقى صعب انها تفضى للآخر ونفسها فالدوارة طويل لو العربية قلت أدبها...فرق السعر بسيط...والبطارية الصغيرة برضه هتشتغل كويس وبشكل كافي...بس دي هتبقى اقوى... انا عرضت لك تجربة واقعية وانصحك بأمانة بيها....والقرار الاول والاخير ليك....بس لو انا جيت اغير هاجيب 90 امبير كمان
ملاحظة
هاقول لك دي برة بيسموها بطارية مصنع Stock Battery والمصنع بيحط اللي يادوب يشغل الحاجة...وهل تعلم ان فيه بطاريات ذات سعة تصل الى 1000 امبير...ودي حاجات بتتسمى Performance Part...
بالك بقى اللي غلط وكل الناس بتعمله...اللعب فالجنوط والكاوتش