الموضوع: أجيب بطارية دلوقتى ولا لسة؟

المشاركة الأصلية كتبت بواسطة hm414

هشرحلك الموضوع ببساطه
البطاريه ده خزان كهربي
هشبهالك بحاجه من واقع حياتنا
ماتور الميه
لو انت ساكن في الدور العاشر وعندك ماتور بيقدر يطلع الميه للدور ال15 هتبقى الحياه قشطه والماتور هيعيش ومش هتشتكي منه
انما لو الماتور اللي عندك اخره الدور الثامن وانت ساكن في العاشر فالماتور ده هيموت نص عمر

الماتور في حالتنا هنا هو الدينمو والدور اللي ساكنين فيه هو البطاريه

تحياتي

للأسف اسمح لي اختلف معاك
التشبيه مش صح...حضرتك البطاريه ماهي الا خزان يتم تصريف الطاقة الزائدة اليه وملوش علاقة
ال 70 وال 50 دي سعة البطارية...كلام حضرتك يبقى صح لو احنا بنتكلم في فولتيات مختلفة وهيبقى تشبيه منطبق مليون فالميه...انما ارقامنا هنا سعة فقط...كان حضرتك شلت من العربية تانك 40 لتر وحطيت تانك 50...المهم ان متقلش في الحجم الزيادة لن تضر اطلاقا

فانت لو ركبت 70 هتبقى احسن...المهم المكان في حوض الموتور يسعها وللا لأ...انا عندي سويفت والاصلي بتاعها 40...ركبت انا حالا 70 وهي نفس البطارية بقى لها معايا زمن والنور احسن والمكيف شغال على طول

المشاركة الأصلية كتبت بواسطة hm414

الخلاف لا يفسد للود قضيه لكن احب اقولك ان اللي قالي الكلام ده مهندس ميكانيكي وانا راجل دكتور مفهمش الكلام ده واكيد هقتنع بكلام اهل الحاجه

وحضرتك اكدت اهو ان البطاريه خزان
وانت عندك دينمو مش بيملا الخزان ده يعني عمر الدينمو ده مهيرتاح لان البطاريات الجافه تحديدا مصممه انها لو مشحونه مبتخدش شحنه زياده وده بيخفف الحمل عن الدينمو بخلاف البطاريات السائله مفهاش التصميم ده ولو البطاريه اضعف من الدينمو هتبوظ من الاوفرتشارج
وبكرر الكلام مش من عندي انما من احد مهندسي الميكانيكا القديرين
وايا كان مش هنختلف ياباشا
لكن يبقى السؤال
انا لما اعلي امبير البطاريه هستفيد ايه؟؟؟

تحياتي

بص يا جميل...مفيش حاجة اسمها الدينامو يرتاح غير عندنا في مصرنا الحبيبة...الدينامو معمول انه طول ما هو شغال يديك تيار مستقر وبشدة تصل على سبيل المثال فالمتوسط ل 55 امبير (حسب موديل الدينامو)

حضرتك العربية فالمتوسط وهي شغالة بتسحب في حدود 10 امبير...يبقى عندنا 45 سيادتك بتضرب كلاكس... بتقيد نور... بتدوس فرامل... بتدي اشارات... مشغل راديو ....مروحة الردياتير ...مشغل المكيف... ايا ما يكون...الدينامو طبعا مصمم للعمل في كافة الظروف...طيب لو مش مشغل الحاجات دي...ايه المانع انك تخزن الكهربا دي...

الفائدة من تكبير البطارية... احنا في مصر من النادر انك تلاقي حد ماشي مركب نور 65/55 اللي بييجي مع العربية...فبنروح مركبين 140/100 وحاطين ريلاي (كتاوت) عشان الحمل ده ميعملش مع بقيت العربية اوفر لود عالدينامو...هيبدا يسحب من البطارية....حضرتك فضلت قايد النور ومشغل المكيف بالليل...ووصلت بيتك وركنت العربية...البطارية مكملتش شحن...لو البطارية نسبيا صغيره ممكن الصبح متقومش العربية...انما لو كبيره هيبقى باقي جزء من الشحن هيدورها وتشحن من جديد بالنهار
ضيف على كده البطارية اللي سعتها اكبر احتمالات التفريغ الكامل ليها اقل من البطاريات الاصغر....فنسبيا بيبقى عمرها اطول
وعموما الفرق ما بينهم فالسعر حوالي 30 او 40 جنيه فمش موضوع قصاد مزايا هتاخدها

المشاركة الأصلية كتبت بواسطة Taiwo

بس أنا سمعت أن البطارية لو الأمبير بتاعها عالي علي العربية هتحرق الدينامو .... دا كلام أخر واحد أشتريت منه البطارية والله أعلم .....
هو الدينامو له سعات مختلفة من عربية لأخري ولاكلهم زي بعض ....
أصل لو مختلف يبقي غالبا الراجل ده كلامه صح ...

كلامه صح لو فيه فرق فولتيات فقط...يعني مثلا دينامو 12 على بطارية مثلا مثلا 15...بس البطاريات فالملاكي كلها 12

الحمل ده ممكن يحصل لو فيه موقف وانت استنزفت الشحن كله...طبعا الكبيرة هتعوز وقت اطول عشان تكمل شحن انما مش هتعمل اوفرلود نهائيا على الدينامو والاوفرلود او الحمل الزائد هو اللي يهمنا...وكده كده انت لو بطارية عادية مش هتكون اسعفتك فالموقف بتاع الاستنزاف الكامل لأنها هتكون في سابع نومة من بدري

الدينامو له قدرات مختلفة من 45 امبير وحتى 65 فالملاكي البنزين

بخصوص موضوع الامبير ده الاصل فالسويفت 38 او 28 امبير (من الكتالوج) انا حالا مركب اي سي ديلكو 70 امبير....عشان انا فالصيف عامل زرار بيشغل مروحة الردياتير باستمرار لأن المكيف بيسخنها

عن جد مفيش منها مشكلة...بالظبط بقى لي سنتين وكام شهر...وما شاء الله زي الفل

وزي ما شرحت فالمشاركة اللي قبلها انها بيبقى صعب انها تفضى للآخر ونفسها فالدوارة طويل لو العربية قلت أدبها...فرق السعر بسيط...والبطارية الصغيرة برضه هتشتغل كويس وبشكل كافي...بس دي هتبقى اقوى... انا عرضت لك تجربة واقعية وانصحك بأمانة بيها....والقرار الاول والاخير ليك....بس لو انا جيت اغير هاجيب 90 امبير كمان

ملاحظة
هاقول لك دي برة بيسموها بطارية مصنع Stock Battery والمصنع بيحط اللي يادوب يشغل الحاجة...وهل تعلم ان فيه بطاريات ذات سعة تصل الى 1000 امبير...ودي حاجات بتتسمى Performance Part...
بالك بقى اللي غلط وكل الناس بتعمله...اللعب فالجنوط والكاوتش

المشاركة الأصلية كتبت بواسطة hm414

هوا انا هقولك الكلام الجميل اللي انا فهمته
فهمت ان حضرتك تجربتك كانت كويسه وربنا سترها معاك وممكن كمان انت شاري العربية متغيرلها دينمو
لكن موضوع ان البطاريه الاكبر كتير ده افضل مش علمي اطلاقا ومش مقتنع لمجرد تجربة عمليه واحده تناقض الكلام العلمي

وفي الآخر الكل وضح وجهة نظره وعدم اقتناعي لا يعني مطلقا اني صح او ان حضرتك خطا
كل الفكره اني مش مقتنع
ههههههههههههههههه


تحياتي

اولا يعجبني الناس العاقلة الغير متعصبة
ثانيا العربية انا شاريها مش متغير فيها دينامو او اي حاجة
ثالثا انا ممكن اقول لك على اكتر من 20 عربية فالعيله بموديلات مختلفة من اول 132 الى مرسيدس من معارفي عاملين نفس الحوار بالظبط
رابعا لو تتكرم اديني مصدر لكلامك العلمي عشان انا حقيقي عاوز اقرا واعرف حاجة جديدة عن جد....وعلى فكرة كتالوج العربية عندي مكتوب فيه ان العربية بتنزل ببطارية اقصاها 38 امبير واللي جاية فالعربية 55 امبير وكانت الاصلية الياباني بتاع بلدها....

المشاركة الأصلية كتبت بواسطة hm414

هشرحلك الموضوع ببساطه
البطاريه ده خزان كهربي
هشبهالك بحاجه من واقع حياتنا
ماتور الميه
لو انت ساكن في الدور العاشر وعندك ماتور بيقدر يطلع الميه للدور ال15 هتبقى الحياه قشطه والماتور هيعيش ومش هتشتكي منه
انما لو الماتور اللي عندك اخره الدور الثامن وانت ساكن في العاشر فالماتور ده هيموت نص عمر

الماتور في حالتنا هنا هو الدينمو والدور اللي ساكنين فيه هو البطاريه
في الماروتي البطاريه 40 امبير
عادة مصنعي السيارات بيعملو ان الدينمو يستحمل يخزن الكهربا في بطارية اعلى بحوالي 10 امبير
وفي حالتنا هنا
الماروتي 40 امبير ولو هنقول الدينمو يستحمل يخزن كهربا بزياده 10 يبقى بطارية 50 امبير
وده اللي خلاني بقول متزودش عن 48
وعلى فكره
في الهند
الماروتي المكيفه بطاريتها 42 امبير...



تحياتي

كلام حضرتك ينطبق على الفولت وليس الأمبيـــــــــــــــــر
البطاريات الستوك اللي بتنزل مع العربية دي بتضمن انها يا دوب مشغلة العربية
حضرتك فالدوارة على سبيل المثال بتسحب 50 وات من البطارية...فالدينامو هيكون م\لوب منه تعويض ال 50 وات دول سواءا بقى كانت البطارية 20 او 100 امبير
انا بقى مجرب من سنيييييييييييين كتير في كذا عربية...وكله برفع فيه لبطاريات 70 امبير...ومحصلش اي مشكلة...بل بالعكس....البطارية الكبيرة فادتني جدا في مواقف زي نسيان نور الصالون والع طول الليل وتدور بعدها عادي...مرة كان فيه مشكلة في طرمبة البنزين والعربية محتاجة تدور كل شوية وكملت معايا عادي جدا....نسيان الكاسيت او انك تقف وقت طويل وسايبه شغال وانا عندي كاسيت سوني مصيبه فالصوت بتاعه وبالتاكيد فالكهربا لانه واخد على غير العادة مع الكاسيتات فيوز 20 امبير بينما العادي 10
عمرا بقى ال 70 احسن لأنها مش بتفضى للاخر وللعلم البطارية الاصلية للسويفت اللي معايا حالا 38 امبير وانا حاطط 70 من كام سنة وبتقعد فالمتوسط 3 سنين ولله الحمد الدينامو عندي بتاع بلدها
ومع ذلك البطارية ال 40 ما دامت جايه مع العربية تكفيك...بس انا باتكلم في حاجات Performance
وللعلم فيه بطاريات برة بتوصل سعتها الى 1000 امبير وبتركب فالملاكي ومن غير اي تعديل فالدينامو وبيركبوها الناس اللي عندهم اجهزة صوت من العالية اوي