قطع الغيار الاستيراد فى بور سعيد

**essamenen** · 25-07-2011 08:47 PM

سؤال
اين توجد اماكن بيع قطع غيار الاستيراد فى بور سعيد

**momo44** · 27-07-2011 12:10 AM

شارع بنك الاسكان

**REFAAT3600** · 27-07-2011 09:48 PM

فعلاً زى الأخ momo44 ما قال فى منطقة إسمها بنك الإسكان ودى ماكنها بالضبط وإنت داخل مدخل بورسعيد لو إنت جاى من القاهرة طريق المعاهدة (شارع محمد على) وبعد منطقة الإستثمار تلف من الملف وتأخد أول يمين ثم على طول حوالى كيلو ونصف ثم آخر الشارع تكسر يمين حوالى 500 متر تكسر شمال تلاقى بنك الإسكان

**prisoner** · 28-07-2011 09:44 AM

انت لو نازل بعربيتك يبقى شوف مكان امن واركن وبعد كده هتاخد تاكسى ب250 تقريبا ويوديك احسن ماتروح بالعربية وبورسعيد اصلا كلها مش كبيرة بس بقت زحمة جدا تحياتى

**essamenen** · 28-07-2011 10:36 AM

الف شكر للجميع انا نزلت امس علشان نشوف عربيه لجوز اختى ( معاقين ) وقلت اشوف قطع الغيار الاستيراد واجيب كارتيره للزيت من هناك فلقيت ان عزبه شلبى فى القاهره افصل من بور سعيد

**mrastra** · 29-07-2011 12:05 PM

ياااااااااااااة بجد والله
طب احكلنا عن تجربتك فى بور سعيد
لان انا من تعاملى مع عزبة شلبى بحس انهم غالى جدااااااااااا

**essamenen** · 29-07-2011 07:46 PM

المشاركة الأصلية كتبت بواسطة mrastra

ياااااااااااااة بجد والله
طب احكلنا عن تجربتك فى بور سعيد
لان انا من تعاملى مع عزبة شلبى بحس انهم غالى جدااااااااااا

انا كنت نازل اساسا علشان نجمع معلومات فقط عن عربيه المعاقين وقلت اجيب كارتيره الزيت كنت فاكر هلاقيها ببلاش ومترميه وممكن الراجل يدهالى وفوقيها بوسه للاسف ما لقيتهاش خالص وواحد او اثنين هما الى شغالين فى الفيات ولكن الانواع الثانيه معرفشى لاكن وجه نظرى ان الحرفيين وعزبه شلبى افضل لكن السعر مش هيفرق كتير لان بور سعيد مبقتشى منطقه حره

انا عملت مشاركه عن رحلتى الى بور سعيد
http://www.nilemotors.net/Nile/235627-a.html

**prisoner** · 30-07-2011 09:48 AM

فعلا بس كان فيه كذا عضو سافر الى بورسعيد وقال نفس الكلام ان هية مفيهاش حاجات كتيرة واكدلى المعلومة دى تاجر من الحرفيين قاللى الشغل بينزل من المراكب على القاهرة لانها مكسب بالنسبة للتجار بتوع بورسعيد نظرا لان القاهرة بستحب وتستهلك كميات كبيرة من قطع الغيار والحاجات المستعملة ولان فى بورسعيد العربيات رخيصة فصعب انهم يلعبوا فى سعر قطع الغيار يعنى مثل بسيط العربية ممكن تتباع سليمة برة فى حدود 1000 الى 2000 دولار تقريبا دى المستعملة وصحابنا دول يروحوا مقطعنها ويشتغلوا على كذا عربية ويتحملوا فى حاوية واحدة وتقريبا قيمة الكونتينر فى النقل الى مصر اى ميناء فى حدود 2500 دولار ده لو 40 قدم كبير وطبعا المبلغ ده لما يتقسم على عدد العربيات اللى بداخل الكونتينر بتبقى تقريبا العربية واقفة ببلاش تيجى هنا بسم الله ماشاء الله على تجار بلدنا الحاجة بتتقدر جزافيا على حسب العرض والطلب يعنى العربية اللى بتتباع برة ب5000 جنيه بتتفك هنا ب 15000 مثلا وكده انا فعلا كنت مسافر دولة افريقيا واتعرضت عليا عربية تويوتا rav4 ب 2000 دولار كانت ماشية 30000 كيلو بس وكانت زيرو وفيها امكانيات جبارة جدا بس كانت دريكسيون يمين واسف على الاطالة وتقبلوا مرورى تحياتى