سؤال مهم جدا جدا جدا ل128

**shawkyat** · 26-07-2011 12:29 PM

128 عندى شروخ فى صدر العربية والركبة مكسورة الميكانيكى قالى لازم تحل الموتور والفتيس وتفضى الحوض خالص علشان السمكرى يشتغل واحتمال يغير الرفارف علشان فى شروخ فى القوايم واصلا اصلا انا كنت رايح اغير كبالن.......... المهم بعد ماغيرت الكبالن روحت اظبط زواية بتاع الزواية قالى نفس الكلام لازم تشيل وتفضى الحوض ومظبطش الزواية وقالى مهما نظبط مش هتحس اننا عملنا حاجه............. والميكانيكى قالى شهر والكبالن الجديدة هتبوظ واحتمال الموتور والفتيس يقعو فى الارض وانتا ماشى.......ممكن حد يفيدنى اذا كان عمل الشغل ده قبل كده

**ahmedluvu_** · 14-08-2011 03:30 PM

بص يا معلم كلام الناس دول صح لان الموضوع دا حصل معايا و متظبطش الا لما السمكرى اشتغل فى الحوض بتاع العربية بس اهم حاجة تشوف سمكرى عنده ضمير لان الموضوع مش سهل و ربنا يوفقك يا باشا :)

**إبراهيم المصرى** · 14-08-2011 05:34 PM

المشاركة الأصلية كتبت بواسطة ahmedluvu_

بص يا معلم كلام الناس دول صح لان الموضوع دا حصل معايا و متظبطش الا لما السمكرى اشتغل فى الحوض بتاع العربية بس اهم حاجة تشوف سمكرى عنده ضمير لان الموضوع مش سهل و ربنا يوفقك يا باشا :)

اتفق تماما المهم يكون عنده
1- شبلونه بالمقاسات الصح ويركبها بعد تنزيل الموتور وقبل اللحام وتفضل ركبه وهو بيلحم وبتكون من تحت على شكل مربع من الحديد التقيل من قدام مكان الميزان فى القنطره تحت الصدر ومن ورا مكان المقصات.
2- الشداد اللى بيركب فوق بين المساعدين من عند البطاحات
لازم تتحكم كويس من فوق وتحت

**kimo_xXx** · 20-08-2011 03:12 AM

انا معاك تماما فعلا انا الشغل دة لسة انا عملة فى عربيتى كان فيها كسر فى العصب الى ماسك فى شداد المتور الى هو ورا سير الكاتينة انا عملتة ولحقت نفسى انت لازم تعملة بدل مابعد كدة فعلا المتور هيقع منك وانت ماشى وفى الحالة دى هاتلك عربية تانية احسن طبعا احنا مش عاوزين نوصل لدة خالص بس انا كان عندى سوال انا العربية عندى 128 لسة مشدودة من امبارح ونفسى افرح بيها واركب فيها تكيف بس فى ناس تقولك تسخن طب مفيش حاجة تتعمل علاشان متسخنش امنية حايتى انى اركب مكيف

**strongxx** · 11-09-2011 11:01 AM

لو كانت 1100 ولا 1300 صعب عليها.....علشان تركب تكييف مستريح لازم يكون الموتور مش أقل من 1500....وممكن تركبه في حالة لو كان الموتور 1300 بس حيبقي حمل عالي علي الموتور وحتحتاج تعديلات بس برضه الموتور ضعيف

**إبراهيم المصرى** · 11-09-2011 05:47 PM

المشاركة الأصلية كتبت بواسطة kimo_xxx

انا معاك تماما فعلا انا الشغل دة لسة انا عملة فى عربيتى كان فيها كسر فى العصب الى ماسك فى شداد المتور الى هو ورا سير الكاتينة انا عملتة ولحقت نفسى انت لازم تعملة بدل مابعد كدة فعلا المتور هيقع منك وانت ماشى وفى الحالة دى هاتلك عربية تانية احسن طبعا احنا مش عاوزين نوصل لدة خالص بس انا كان عندى سوال انا العربية عندى 128 لسة مشدودة من امبارح ونفسى افرح بيها واركب فيها تكيف بس فى ناس تقولك تسخن طب مفيش حاجة تتعمل علاشان متسخنش امنية حايتى انى اركب مكيف

كويس يا باشا انك لحقت نفسك وعملت الكسر اقبل ما يوسع ويأثر على حاجات تانيه
ال 128 عربيه كويسه بس هى كده عايزه اللى يلحقها وتبقى ايده فيها
وبالنسبه للسؤال بتاع التكيف اعتقد انه ينفع مفيش مشكله اذا كان الماروتى ركبولها تكيف طالما كده يبقى اكيد ال 28 ينفع شوف الموضوع هنا فى المنتدى وبالصور والاسعار وكل الخطوات وتقريبا اتكلف 2800 ج بكل حاجه والتركيب وبالاخص 1300 المهم تكون حالة الموتور كويسه علشان يستحمل وفى الطرق المفتوحه والسفر هيبقى زى الفل هو بس فى الزحمه اللى هيخنق العربيه شويه بس انت اقراء الموضوع بتاع الماروتى وشوف وربنا يوفقك وايانا الى ما فيه الخير