تقشير في الطبقة الشفافة فوق الدهان

**m7mda7md** · 29-07-2011 12:51 PM

طب حضرتك بتعمل ايه عشان تنضف العربيه بدل الفوطه الزفره يا استاذ نبيل

**MuhamedNabil** · 29-07-2011 06:50 PM

المشاركة الأصلية كتبت بواسطة m7mda7md

طب حضرتك بتعمل ايه عشان تنضف العربيه بدل الفوطه الزفره يا استاذ نبيل

هو اصلا انا مش عارف ايه مميزات الفوطة الزفرة هل معنها ان ريحتها وحشة و لا معناها انها معدية على عربيات كتير : )

على العموم لازم تنزل التراب الاول بالمية

تجيب فوطة تكون ناعمة و افضل حاجة معمولة من ميكرو فيبر بتكون ناعمة جدا

تغسل العربية من فوق لتحت مش العكس لان معظم التراب و الطينة بتكون فى الجزء التحت و لو بدأت بيه الطينة تخوش فى الفوطة و سعات مع المسح بتخربش اجزاء تانية فى العربية

متضغطش جامد ونتا بتمسح البوية سواء فى العسيل او التنشيف

و متخليش حد ابدا يمسحلك العربية من غير مياة ابدا

و انشاء الله تفضل البوية بحلتها اطول وقت ممكن.

**M_Abdallah** · 29-07-2011 10:18 PM

كنت سمعت قبل كده ان في استيكر شفاف بيتلزق علي العربية كلها محدش عنده فكره عنه

**hany_mohamed** · 29-07-2011 10:35 PM

المشاركة الأصلية كتبت بواسطة fmesiha

السلام عليكم
عربيتي لانوس فابريقه من بره بس الكبوت الطبقة الشفافة اللي بتلمع فوق الدهان بدات تقشر - غالبا من الشمس و مخليه شكل العربية وحش قوي.
ياريت لو حد عنده حل بس مش غير ما ارش العربية علشان لما اجي ابيع محدش يتلكك و يقولي دي راشة كبوت.
فلو في حلول تلميع او شمع او اي حاجه ياريت
و شكرا.

فيه احتمال ان الطبقة الشفافة لما اترشت اتحلت الاول فى تنر نترو وليس تنر أكريلك مما يسبب فى التقشير
والعلاج ممكن ببساطة برش الطبقة مرة اخرى عند مركز متخصص مثل ورشة نايل موتورز لدهان السيارات وتطلب رش ورنيش زجاجى بس تأكد على موضوع الثنر الاكريلك

**fmesiha** · 31-07-2011 02:26 PM

المشاركة الأصلية كتبت بواسطة hany_mohamed

فيه احتمال ان الطبقة الشفافة لما اترشت اتحلت الاول فى تنر نترو وليس تنر أكريلك مما يسبب فى التقشير
والعلاج ممكن ببساطة برش الطبقة مرة اخرى عند مركز متخصص مثل ورشة نايل موتورز لدهان السيارات وتطلب رش ورنيش زجاجى بس تأكد على موضوع الثنر الاكريلك

حضرتك انا مش عارف اللي بتتكلم عنه بس عموما انت كده بتتكلم عن المصنع نفسه لان العربية مرشتش خالص
و سؤال تاني لو انا رشيت ورنيش ده هيأثر عليا ساعة البيع ولا لا انت عارف الناس بتتلكك.

**MuhamedNabil** · 31-07-2011 02:52 PM

المشاركة الأصلية كتبت بواسطة m7mda7md

حضرتك الفوطه الزفره دي يعني فوطه صفرا بنت ناس و بيتحط عليها زيوت معينه كده معرفش هيه ايه بس اعتقد من ضمنها زيت موتور و طبعا بكميه بسيطه و بتتساب ف الشمس يوم مثلا و بعدين طوق بيها العربيه و عينك ما تشوف الا النور..هتلاقيها رجعت جديده ‏‏!‏!‏!‏!‏!‏!‏!‏

ده مش معناه ان الفوطه يتمسح بيها الدهان و عليها تراب رفيع و ده البيعمله معظم الناس فى البنزينة و السوياس
و الزيت ده بقى هو الخدعة , لانه بيحوش يملى الفرغات بتاعت الخرابيش الرفيعة مؤقتا لحد متغسل العربية تانى بالصابون او الفوم و اول متنشفها تشوف حالة الدهان الحقيقية , و نفس الموضوع الغسيل بالجاز بيعمله و نفس الموضوع علبة الشمع wax بتعمله بس لازم كل ده بتعمل بعد العسيل.
مجرد تغطية موقتة لعيوب او حالة الدهان و الشمع فيه منه انواع بقعد وقت كبير و يتقلل حدوث خربيش رفيعة جديدة

**hany_mohamed** · 31-07-2011 09:01 PM

المشاركة الأصلية كتبت بواسطة fmesiha

حضرتك انا مش عارف اللي بتتكلم عنه بس عموما انت كده بتتكلم عن المصنع نفسه لان العربية مرشتش خالص
و سؤال تاني لو انا رشيت ورنيش ده هيأثر عليا ساعة البيع ولا لا انت عارف الناس بتتلكك.

أيوه ممكن يكون الخطأ من المصنع ياباشا انا مثلا لون عربيتى المفروض انه رصاصى بس اللى استلمتها رصاصى مائل للبنى وفابريكه برضه
سؤالك الثانى لا أفتى فيه فلست تاجر سيارات

**ghost** · 05-08-2011 02:08 AM

انا ممكن اعرفك مكان ترش و تظبط العربيه من غير ما حد يعرف انك رشيت السيارات فى الجزاء الخاص فقط و السعر كويس كمان و يكون فى نفس اليوم او فى 4 سعات بس
ده رقمى 0105252921

-

-

الموضوع: تقشير في الطبقة الشفافة فوق الدهان

LinkBack

أدوات الموضوع

عرض

-

-

-

-

-

المواضيع المتشابهه

حكم الطبقة العلمانية - حكم النخبةةةةةةةةةةةةة - مقالة أعبجبتني

اهم سيارات الطبقة المتوسطة في مصر

تقشير في الأكصدام

الطبقة الحديثة العهد بالسيارات

مركز تنظيف دقيق ودهات الطبقة الشفافة

الكلمات الدلالية لهذا الموضوع

المفضلات

المفضلات

ضوابط المشاركة